ترکیہ سمیت دنیا کے مختلف ممالک سے ’ہنٹرز مون‘ کے مناظر، یہ کیا ہوتا ہے؟

اکتوبر کا مکمل چاند ہفتے کے اختتام پر دنیا کے کئی ممالک میں دیکھا گیا ہے۔ روایتی طور پر سال کے مختلف مہینوں کے مکمل چاند کو ایسے نام دیے جاتے ہیں جو قدرتی ماحول میں ہونے والی تبدیلیوں کی نشاندہی کرتے ہیں۔

اکتوبر کے اس مکمل چاند کو روایتی طور پر کئی نام دیے گئے جن میں ’ہنٹرز مون‘ یعنی شکاریوں کا چاند بھی شامل ہے۔

ہنٹرز مون آسمان پر عام دنوں سے نسبتاً زیادہ دیر تک دکھائی دیتا ہے۔ اس اضافی روشنی سے ماضی میں شکاریوں کو شکار کے لیے زیادہ وقت ملتا تھا۔