یورپ

نیدرلینڈز میں فلسطین کے حامیوں کے مختلف شہروں میں احتجاجی مظاہرے

نیدرلینڈز کے مختلف شہروں میں فلسطین کے حامی مظاہرین نے غزہ میں اسرائیلی کارروائیوں کے خلاف اور فلسطینیوں سے اظہار یکجہتی کے لیے ریلوے اسٹیشنوں پر دھرنے دیے۔ اوتریخت میں مظاہرین نے ریلوے سٹیشن پر فلسطینی پرچم اٹھا کر احتجاج کیا اور غزہ میں اسرائیلی فوجی کارروائیاں روکنے کا مطالبہ کیا۔ مظاہرین نے فلسطین کے حوالے سے ڈچ حکومت کی پالیسی پر بھی تنقید کی۔ احتجاج سے خطاب کرنے والوں نے کہا کہ ’غزہ میں نسل کشی کا سلسلہ تین سال سے جاری ہے اور عالمی قانونی نظام کارروائی کرنے میں ناکام رہا ہے۔‘ مظاہرین نے ’نسل کشی بند کرو‘، ’اب انصاف دو‘، ’فلسطین آزاد کرو‘ اور ’اب غزہ کو بچاؤ، غزہ میں قتل عام بند کرو‘ جیسے نعروں پر مشتمل پلے کارڈز اٹھا رکھے تھے۔

ڈچ حکومت کی سکولوں میں بچوں کے موبائل فون کے استعمال پر مکمل پابندی کی تجویز

نیدرلینڈز کے نشریاتی ادارے ‘ این او ایس’ نے پیر کو رپورٹ کیا ہے کہ' ڈچ کابینہ نے پرائمری اور سیکنڈری سکولوں سے کہا ہے کہ طلبہ کے سکول کے اوقات کے دوران موبائل فون کے استعمال پر پابندی عائد کی جائے۔'