70 سے زیادہ ممالک تک ویسٹ مینجمنٹ کے لیے جدید ٹیکنالوجی فراہم کرنے والی ترک کمپنی کادیمے

اس کے علاوہ کمپوسٹ مشینوں، بجلئ سے چلنے والی صفائی گاڑیوں اور خصوصی مقاصد کے لیے استعمال ہونے والی مشینری سمیت مصنوعات کی وسیع رینج بھی تیار کر رہی ہے۔

ترک کمپنی کادیمے کی سرگرمیاں صرف گاڑیوں اور آلات کی تیاری تک محدود نہیں ہیں۔ کمپنی بلدیاتی اداروں اور خدمات فراہم کرنے والی تنظیموں کی ضروریات کا جائزہ لے کر انہیں مناسب مشینری کے انتخاب کے لیے مشاورت بھی فراہم کرتی ہے۔

اس مقصد کے لیے کام کی جگہ، موسمی حالات، آپریشنل ضروریات اور بجٹ جیسے عوامل کو مدنظر رکھا جاتا ہے۔ اس طرح ہر شہر کو اس کے اپنے حالات کے مطابق مؤثر اور پائیدار حل فراہم کرنے میں مدد ملتی ہے۔

مصنوعات کی تیاری اور ڈیزائن کے دوران مختلف ضروریات کو پورا کرنے کے لیے کادیمے انجن کے متعدد آپشنز پیش کرتی ہے۔ کمپنی مختلف معیار اور مارکیٹ کی ضروریات کے مطابق حل تیار کرتی ہے۔ اس کی مصنوعات میں چھوٹے سائز اور ٹرک پر نصب سڑکوں کی صفائی کرنے والی گاڑیاں، برقی صفائی گاڑیاں، کچرا جمع کرنے کے آلات، سیوریج لائنوں کی صفائی کرنے والی گاڑیاں اور دیگر خصوصی مشینیں شامل ہیں۔

ترکیہ میں اپنے پیداواری نظام کو عالمی منڈیوں تک وسعت دینے والی کادیمے اس وقت 70 سے زائد ممالک کو مصنوعات برآمد کر رہی ہے۔ یورپ، مشرقِ وسطیٰ، افریقہ، ایشیا اور جنوبی امریکا کی مختلف منڈیوں میں استعمال ہونے والی ان مصنوعات کے ساتھ مقامی ضروریات کے مطابق تیار کردہ حل بھی فراہم کیے جاتے ہیں۔

بین الاقوامی منڈیوں میں سرگرمیاں بڑھاتے ہوئے کمپنی دیکھ بھال، سروس اور پیداوار کے شعبوں میں مقامی کاروباری شراکت داروں کے ساتھ تعاون کے ذریعے متعلقہ ممالک کی آپریشنل ضروریات پوری کرنے کا ہدف رکھتی ہے۔

کمپنی ’کادیمے‘ کے طریقہ کار میں پیداوار، انجینئرنگ اور فروخت کے بعد فراہم کی جانے والی خدمات کو ایک دوسرے سے منسلک مراحل تصور کیا جاتا ہے، کیونکہ ہر شہر کی صفائی کی ضروریات، بنیادی ڈھانچے اور کام کرنے کے حالات مختلف ہوتے ہیں۔ ان حالات کو مدنظر رکھتے ہوئے حل تیار کرنا شہروں کو زیادہ مؤثر اور پائیدار خدمات فراہم کرنے میں مدد دے سکتا ہے۔