پاکستانی وزیر خارجہ اسحاق ڈار کی ایرانی ہم منصب عباس عراقچی سے گفتگو، خطے میں پائیدار امن کے لیے سفارتکاری پر زور

پاکستان کی وزارت خارجہ کے جاری کردہ بیان کے مطابق 'وزیر خارجہ اسحاق ڈار نے مسائل کو حل کرنے کے لیے پائیدار مذاکرات اور سفارت کاری کی اہمیت پر زور دیا۔'

انہوں نے یہ بھی واضح کیا کہ 'تمام جماعتوں کے تعمیری انداز میں مصروف عمل رہنے کی ضرورت پر بھی زور دیا، اور اس بات کا اعادہ کیا کہ خطے میں پائیدار امن، سلامتی اور استحکام کے حصول کے لیے فعال اور مسلسل سفارتی کوششیں ناگزیر ہیں۔'

اسی روز پاکستانی وزیر خارجہ نے اومان کے وزیر خارجہ بدر البوسعیدی سے بھی ٹیلیفون پر بات چیت کی، جس میں دونوں رہنماؤں نے حالیہ علاقائی اور بین الاقوامی پیش رفت پر تبادلہ خیال کیا۔

اومان کے وزیر خارجہ بدر البوسعیدی نے جمعرات کو ایرانی ہم منصب عباس عراقچی سے بھی الگ سے ٹیلیفون پر بات کی۔

واضح رہے کہ امریکہ اور اسرائیل نے 28 فروری 2026 کو ایران کے خلاف فوجی حملے کیے تھے، جس کے بعد اپریل میں جنگ بندی ہوئی اور جون میں علاقائی ثالثی کے ذریعے مفاہمت کی ایک یادداشت پر دستخط ہوئے۔

تاہم بعد میں یہ مفاہمت ٹوٹ گئی اور جولائی میں لڑائی دوبارہ شروع ہو گئی، جبکہ تنازع کو پورے خطے میں پھیلنے سے روکنے کے لیے سفارتی کوششیں جاری ہیں۔