انتخابات کے دوران بدامنی کا خدشہ، اسرائیل میں 22 ہزار پولیس اہلکار تعینات

اسرائیل کے نجی نشریاتی ادارے ’آئی 24 نیوز‘ نے سینئر پولیس عہدیدار کے حوالے سے رپورٹ کیا ہے کہ ’2022 کے انتخابات کے دوران اس سال پانچ ہزار زیادہ عہدیداروں کو تعینات کیا گیا ہے۔‘

یہ تیاریاں اسرائیلی وزیر اعظم بنیامین نیتن یاہو کے بلاک اور اسرائیلی پوزیشن کے درمیان انتخابات کے تناظر میں سامنے آرہی ہیں اور خدشہ ظاہر کیا ہے کہ نتائج کے بعد بد امنی پھیل سکتی ہے۔

عہدیدار نے نشریاتی ادارے کو بتایا کہ ’الیکشن کے بعد کا دن الیکشن کے دن سے ذیادہ خطرناک ہے۔‘

عہدیدار نے بتایا کہ ’یہ تیاریاں تین مہینے سے عمل میں لائی جا رہی ہیں، جس میں انتخابی نتائج کے اعلان اور اس کے بعد کے دنوں میں ممکنہ واقعات سے نمٹنے کے لیے ہنگامی منصوبہ بندی بھی شامل تھی۔‘

اسرائیلی پولیس سیکیورٹی حملوں اور علاقے میں بد امنی کے لیے بھی تیاری کر رہے ہیں۔

عہدیدار نے بتایا کہ ’انتخابات کا دن حساس ہے لیکن اگلہ دن بھی بہت حساس ہے، جبکہ ووٹنگ کا دن پر سکون انداز میں ہونے کی توقع ہے۔‘

عہدیدار نے مزید بتایا کہ ’پولیس انتخابات کے نتائج کے بعد والے حالات سے نمٹنے کے لیے ممکنہ انتظامات کر رہی ہے جبکہ سیاسی پارٹیز کی جانب سے منعقد کیے جانے والے پروگراموں کے تحفظ کے لیے بھی منصوبے بنا رہے ہیں۔‘