تازہ ترین

نیدرلینڈز میں فلسطین کے حامیوں کے مختلف شہروں میں احتجاجی مظاہرے

نیدرلینڈز کے مختلف شہروں میں فلسطین کے حامی مظاہرین نے غزہ میں اسرائیلی کارروائیوں کے خلاف اور فلسطینیوں سے اظہار یکجہتی کے لیے ریلوے اسٹیشنوں پر دھرنے دیے۔ اوتریخت میں مظاہرین نے ریلوے سٹیشن پر فلسطینی پرچم اٹھا کر احتجاج کیا اور غزہ میں اسرائیلی فوجی کارروائیاں روکنے کا مطالبہ کیا۔ مظاہرین نے فلسطین کے حوالے سے ڈچ حکومت کی پالیسی پر بھی تنقید کی۔ احتجاج سے خطاب کرنے والوں نے کہا کہ ’غزہ میں نسل کشی کا سلسلہ تین سال سے جاری ہے اور عالمی قانونی نظام کارروائی کرنے میں ناکام رہا ہے۔‘ مظاہرین نے ’نسل کشی بند کرو‘، ’اب انصاف دو‘، ’فلسطین آزاد کرو‘ اور ’اب غزہ کو بچاؤ، غزہ میں قتل عام بند کرو‘ جیسے نعروں پر مشتمل پلے کارڈز اٹھا رکھے تھے۔

تھائی لینڈ میں مسلسل بارشوں سے سیلاب میں 8 افراد ہلاک، 5 لاکھ 80 ہزار سے زائد گھر متاثر

تھائی لینڈ کے دارالحکومت بینکاک میں مسلسل بارشوں کے باعث سیلابی صورت حال پیدا ہونے پر ہزاروں شہری امدادی مراکز میں پناہ لینے پر مجبور ہوگئے۔ شہر کے بعض علاقے شدید بارش کے بعد اب بھی زیرِ آب ہیں۔ مشرقی صوبے میں پانی کی سطح میں اضافہ ہونے کے بعد مزید لوگوں کو گھروں سے نکلنے کے احکامات بھی جاری کر دیے گئے ہیں۔