ارجنٹینا کے سٹار فٹبالر لیونل میسی کے آخری میچ کے جذباتی مناظر

اس میچ کے دوران سابق کھلاڑیوں سے لے کر مونومینٹل سٹیڈیم کے باہر موجود بڑی تعداد میں مداحوں میں جذباتی مناظر دکھائی دیے۔

لیونل میسی کے سابق بارسلونا اور پیرس سینٹ جرمین کے ساتھی اور دیرینہ دوست برازیل کے فٹبالر نیمار نے کہا کہ ’پوری دنیا کو میسی کی جانب سے فٹبال کے لیے دی جانے والی خدمات پر ان کی شکر گزار ہونا چاہیے۔‘

نیمار نے انسٹاگرام پر میسی کے 208ویں اور بینن کے خلاف ارجنٹینا کے آخری میچ سے چند گھنٹے قبل لکھا کہ ’صرف ارجنٹینا ہی نہیں بلکہ پوری دنیا فٹبال کے لیے میسی کی خدمات پر ان کی شکر گزار ہے۔‘

انہوں نے کہا کہ میسی نے انہیں فٹبال سے زیادہ محبت کرنا سکھایا اور ان کے خلاف کھیلنا ان کے لیے اعزاز تھا، جبکہ ان کے ساتھ تاریخ رقم کرنا اس سے بھی بڑا اعزاز تھا۔

میسی کے قریبی دوست اور ارجنٹائن کے ساتھی کھلاڑی روڈریگو ڈی پال نے کہا کہ ’میسی کا اثر فٹبال سے کہیں آگے ہے۔‘

روڈریگو ڈی پال نے منگل کو جاری اپنے الوداعی پیغام میں کہا کہ ’میسی نے انہیں صرف ایک فٹبالر کے طور پر ہی نہیں بلکہ ایک انسان کے طور پر بھی بہتر بننے میں مدد دی۔‘