افغانستان: کابل پر پاکستانی فضائی حملے میں ہلاک ہونے والوں کی اجتماعی تدفین

افغان طالبان کا الزام ہے کہ رواں ماہ پاکستان کے کابل پر حملے میں منشیات کے عادی افراد کے علاج کا ایک اسپتال تباہ ہوا تھا جس میں سینکڑوں افراد ہلاک ہوئے۔ پاکستان سویلینز کو نشانہ بنانے کے الزام کی تردید کرتے ہوئے کہہ چکا ہے کہ اس نے افغان طالبان کے اسلحہ ذخائر اور دہشت گردوں کے ٹھکانوں پر حملے کیے ہیں۔

افغان حکام اس حملے میں 400 سے زیادہ افراد کی ہلاکت اور 263 افراد کے زخمی ہونے کا دعویٰ کر رہے ہیں تاہم اقوامِ متحدہ کے ادارے کا کہنا ہے کہ سینکڑوں ہلاکتوں کا دعویٰ ابھی تصدیق شدہ نہیں ہے اور اموات کی تحقیقات کی جا رہی ہیں۔

جمعرات کو 60 افراد کی تدفین کی گئی اور یہ دوسری بار اجتماعی تدفین تھی۔ اس سے قبل 18 مارچ کو 50 افراد کی اجتماعی تدفین کی گئی تھی۔