شمالی کوریا میں ویب سائٹس 24 گھنٹے تک بند رہنے کے بعد چل پڑیں، وجہ تاحال معلوم نہیں ہو سکی

ملک بھر میں اس کی بندش کی وجہ اب تک سامنے نہیں آئی ہے، لیکن یہ شمالی کوریا کے ایک نیٹ ورک ’ریوگیونگ ڈونگ‘ کے مسائل سے ملتی ہے، جو چائنہ کی ’یونیکوم‘ اور ہانگ کانگ کی ’سینبونگ‘ کے انٹرنیٹ پر انحصار کرتا ہے۔

شمالی کوریا کی سرکاری نیوز ایجنسی کوریا سینٹرل نیوز ایجنسی (کے سی این اے) نے منگل کو کہا کہ ملک میں کئی ویب سائٹس مسلسل بند رہیں۔ ان میں سرکاری اخبار ’روڈونگ سنمون‘، ’جیسون‘ اور ’وائس آف کوریا ریڈیو‘ بھی شامل تھے۔

اس کے علاوہ سرکاری پورٹل ’نینارہ‘، وزارت خارجہ، قومی ائیر لائن ’ائیر کوریو‘ اور ڈی پی آر کے پورٹل بند تھے۔ ڈی پی آرے سے مراد ’ڈیموکریٹک پیپلز ریپبلک آف کوریا‘ ہے۔

منگل کو کے سی این اے ’ کوریا سینٹرل نیوز ایجنسی‘ کی سروسز 19 گھنٹے تک رکی رہنے کے بعد دوبارہ شروع ہو گئیں،جبکہ باقی ویب سائٹس بھی بدھ کی صبح تک زیادہ دیر تک بند رہیں۔

پیونگ یانگ شہر کے سلی بینک (ایس ایم ٹی پی) کا ای میل سرور بھی منگل کی صبح سے بند تھا، لیکن بدھ کی صبح اسے صرف پانچ منٹ کے لیے چلایا گیا۔

روس کی ٹیلی کمیونیکیشن کمپنی ’ٹرانس ٹیلی کام‘ 2017 سے متبادل انٹرنیٹ بن کر کام کر رہی ہے۔

لیکن متبادل انٹرنیٹ ہونے کے باوجود انٹرنیٹ کی فراہمی میں خلل آ رہا ہے۔

‏