علاقائی کشیدگی کے باعث ایئر انڈیا کی سعودی عرب کے لیے پروازیں 17 اکتوبر تک منسوخ

یہ فیصلہ یمن کے ایران نواز حوثی باغیوں کی جانب سے حملوں کی ذمہ داری قبول کیے جانے اور سعودی عرب میں سیکیورٹی خدشات بڑھنے کے بعد کیا گیا۔

سعودی عرب کے بڑے ایئرپورٹس پر پروازوں میں خلل کے باعث مسافروں کی حفاظت اور فضائی آپریشنز کے تسلسل سے متعلق خدشات بڑھ گئے ہیں۔ ایئر انڈیا نے منگل کو جاری بیان میں کہا کہ سعودی عرب کی بدلتی ہوئی صورتِ حال کے پیشِ نظر یہ فیصلہ کیا گیا۔

ایئرلائن ک مطابق وہ خطے میں ہونے والی پیش رفت پر مسلسل نظر رکھے ہوئے ہے اور متاثرہ روٹس پر پروازیں دوبارہ شروع کرنے سے پہلے صورتِ حال کا جائزہ لے رہی ہے۔

ایئر انڈیا نے تصدیق کی ہے کہ متاثرہ مسافر اپنی بکنگ منسوخ کرنے کی صورت میں مکمل رقم واپس لینے کے اہل ہوں گے۔ کمپنی نے واضع کیا کہ مسافروں اور عملے کی حفاظت اس کی اولین ترجیح ہے۔

حوثی حملوں کے بعد سیکیورٹی خدشات میں اضافہ:

حوثی حملوں کے بعد سیکیورٹی خدشات میں اضافہ پروازوں کی منسوخی سعودی عرب کو نشانہ بنانے والے حملوں کے سلسلے کے بعد سامنے آئی ہے، جن میں ریاض اور دمام کے ایئرپورٹس کے قریب ہونے والے حملے بھی شامل ہیں۔

ان واقعات کے باعث پروازوں کا نظام متاثر ہوا ہے اور حکام و فضائی کمپنیوں کو سعودی عرب میں فضائی سفر سے متعلق سیکیورٹی خطرات کا دوبارہ جائزہ لینا پڑ رہا ہے۔

ایران کے حمایت یافتہ حوثی باغیوں نے سعودی تنصیبات کو نشانہ بنانے کے لیے بیلسٹک میزائلوں اور دیگر ہتھیاروں کے استعمال سے کیے گئے حملوں کی ذمہ داری قبول کی ہے۔ ریاض کے کنگ خالد انٹرنیشنل ایئرپورٹ کے اطراف حالیہ واقعات، مہلک حملوں اور ایئرپورٹس کی اطلاعات کے بعد تشویش میں مزید اضافہ ہوا ہے۔

سعودی حکام نے حملوں اور روکے گئے میزائلوں کے نتیجے میں جانی نقصان اور املاک کو پہنچنے والے نقصان کی بھی اطلاعات دی ہیں۔ سیکیورٹی صورتِ حال کے باعث احتیاطی اقدامات کیے گئے ہیں۔ جن میں ریاض میں ایئرپورٹس کی سرگرمیاں معطل کرنا بھی شامل ہے۔ حکام جائزے لے رہے ہیں اور پروازوں کی بحالی کے لیے انتظامات کا جائزہ لے رہے ہیں۔

پروازوں پر عائد پابندیوں میں توسیع سے انڈیا اور سعودی عرب کے درمیان سفر کرنے والے مسافروں کے متاثر ہونے کا خدشہ ہے۔ خصوصاً وہ مسافر جو ریاض، دمام اور جدہ کو اپنی منزل یا دیگر پروازوں کے لیے ٹرانزٹ روٹ کے طور پر استعمال کرتے ہیں۔

بدلتی ہوئی سیکیورٹی صورتِ حال کے باعث مسافروں کو اپنے سفری منصوبوں میں تبدیلی کرنا پڑ سکتی ہے۔

انڈین شہریوں کے لیے ہدایات:

حالیہ صورتِ حال کے پیشِ نظر ریاض میں انڈین سفارت خانے نے سعودی عرب میں مقیم انڈین شہریوں کو پہلے ہی خبردار رہنے، احتیاط برتنے اور مقامی حکام کی جانب سے سرکاری ذرائع کے ذریعے جاری کردہ ہدایات پر عمل کرنے کی تاکید کی ہے۔

سفارت خانے نے شہریوں کو موجودہ صورتِ حال سے متعلق ویڈیوز اور خبروں کو پھیلانے یا شیئر کرنے سے بھی گریز کرنے کا مشورہ دیا ہے۔

ایئر انڈیا کا کہنا ہے کہ وہ خطے میں ہونے والی پیش رفت پر نظر رکھے گی اور معمول کی پروازیں بحال کرنے کے حوالے سے صورتِ حال کا جائزہ لینے کے بعد فیصلہ کرے گی۔

متاثرہ پروازوں کے ذریعے سفر کرنے والے مسافروں کو ہدایت کی گئی ہے کہ وہ پروازوں کی منسوخی، تازہ معلومات اور رقم کی واپسی سے متعلق تفصیلات کے لیے براہِ راست ایئر انڈیا سے رابطہ کریں۔