عراق نے سات ماہ کی پابندی کے بعد ایرانی پروازیں بحال کر دی

عراق ایئرویز کے مطابق نجف انٹرنیشنل ائیرپورٹ سے تہران، مشہد اور اصفہان کے لیے روزانہ باقاعدہ پروازیں چلائی گئی۔

ایئرلائن نے بتایا کہ پروازوں کی بحالی عراق کے وزیراعظم علی الزیدی اور وزیرِ ٹرانسپورٹ وہاب الحسنی کی کوششوں کے بعد عمل میں آئی، جبکہ اس حوالے سے تمام ضروری قانونی ضابطہ جاتی اور تکنیکی تقاضے بھی مکمل کر لیے گئے ہیں۔

کمپنی کے مطابق ایران کے لیے فضائی رابطے بحال کرنے کا مقصد مسافروں کے سفر میں آسانی پیدا کرنا اور عراق کے فضائی روابط کو مزید وسعت دینا ہے۔

عراق ایئرویز نے ایران کے لیے پروازیں فروری کے آخر میں امریکا اور اسرائیل کی جانب سے ایران کے خلاف جنگ شروع ہونے کے بعد مارچ کے شروع میں حفاظتی اقدام کے طور پر معطل کردی تھیں۔

خطے میں فوجی کشیدگی بڑھنے کے باعث عراق نے اپنی فضائی حدود بھی بند کردی تھیں۔