آبنائے ہرمز میں ایرانی میزائل حملے میں آٹھ امریکی بحری اہلکار زخمی ہوئے:رپورٹ

رپورٹ میں کہا گیا ہے کہ بحری فوجی اہلکار کو آنے والے زخموں کی نوعیت شدید نہیں ہے ، تاہم انہیں دھوئیں سے سانس لینے ، ٹراما اور سر درد سمیت ‘دماغی جھٹکے’ جیسی علامات کا خدشہ ظاہر کیا گیا ہے۔

حکام کے مطابق زخمی ہونے والوں میں سات عام فوجی اہلکار اور ایک افسر شامل ہیں، یہ آٹھوں اہلکار 14 ستمبر کے حملے کے کچھ ہی عرصے بعد اپنی ڈیوٹی پر واپس آگئے تھے۔

انہوں نے بتایا کہ جب ایرانی میزائل نے جہاز کو نشانہ بنایا تو فوجی ایک ' بٹالین لینڈنگ ٹیم' کے طور پر کارروائی کر رہے تھے۔

حکام نے کہا کہ یہ جہاز امریکی بحریہ کا نہیں تھا، تاہم اس کی نوعیت بتانے سے گریز کرتے ہوئے اسے صرف ‘بحری جہاز ‘ قرار دیا۔

امریکہ ایران جنگ کے دوران مشرق وسطیٰ میں ہلاک اور زخمی ہونے والے فوجی اہلکاروں کے حوالے سے پیش کیے گئے عداد و شمار کی رپورٹنگ اور اس میں رد و بدل کے حوالے سے امریکی دفاعی ادارے پینٹاگون کو سوالات کا سامنا ہے۔

بدھ تک پینٹاگون کے ' ڈیفنس کیژولٹی اینالیسز سسٹم' میں تنازع میں 861 امریکی فوجیوں کے تنازعہ میں زخمی ہونے کا اندراج کیا گیا تھا، اور آٹھ میرینز کو 14 ستمبر کے حملے کے تقریباً 10 دن بعد ڈیٹا بیس میں شامل کیا گیا تھا، جب کہ ایک امریکی اہلکار نے رپورٹنگ میں تاخیر کی وجہ بعد میں ظاہر ہونے والی علامات اور سسٹم میں' ریئل ٹائم اپ ڈیٹس' کی کمی کو قرار دیا۔