اے آئی ایجنٹس کی امریکی اور کینیڈین سرکاری ویب سائٹس ہیک کرنے کی کوشش: رپورٹ

رپورٹ کے مطابق محققین نے ہیکنگ کی دو ابتدائی اور ناکام کوششوں کا پتہ لگایا۔ ان میں سے ایک امریکی محکمہ تعلیم کے سول رائٹس ڈیٹا کلیکشن جبکہ دوسری کینیڈا کی وفاقی ایجنسی لائبریری اینڈ آرکائیوز کینیڈا کے خلاف کی گئی۔

محققین کا کہنا ہے کہ ان ناکام کوششوں کا تعلق ایسی دیگر سرگرمیوں سے بھی تھا جن میں اے آئی ایجنٹس نے ہیکنگ سے کم درجے کے مگر جارحانہ طریقوں سے امریکی سرکاری ویب سائٹس کو جانچنے کی کوشش کی۔ بعض مواقع پر ویب سائٹس کو ان طریقوں سے استعمال کیا گیا جن کے لیے وہ بنائی ہی نہیں گئی تھیں۔

جبکہ کچھ صورتوں میں واضع طور پر درج پالیسیوں کی بھی خلاف ورزی کی گئی۔

رپورٹ کے مطابق اس سرگرمی میں وائٹ ہاؤس، دفاعی محکمہ، محکمہ انصاف، محکمہ تجارت، ’ سینٹرزفار ڈیزیز کنڑول اینڈ پریوینشن‘ بھی شامل تھے۔ اس کے علاوہ ’ سیکیورٹیز اینڈ ایکسچینج کمیشن ‘ سمیت کیلیفورنیا، میری لینڈ، الینوائے، ٹیکساس اور نیو یارک کے ریاستی اداروں کی ویب سائٹ کو بھی نشانہ بنایا گیا۔

محققین نے کہا کہ اب تک دستیاب ڈیٹا میں اے آئی ایجنٹس نے ایسی کسی معلومات تک رسائی حاصل نہیں کی جو پہلے سے ہی عوامی طور پر دستیاب نہ ہو۔