ڈالر کو نقصان پہنچانے کے لیے ایران کا عراق کو اپنی کرنسییوں میں تجارت استعمال کرنے پر زور

ایرانی پالیمنٹ کے خبر رساں ادارے (آئی سی اے این اے) کے مطابق باقر قالیباف نے یہ بات جمعرات کو بغداد میں ایرانی سفارتخانے میں ایرانی اور عراقی تاجروں سے ملاقات کے دوران کہی۔

انہوں نے مزید کہا ے کہ ہم قومی کرنسیوں کا استعمال کر کے تجارت کر سکتے ہیں اور امریکی ڈالر کو دھچکا دے سکتے ہیں۔

قالیباف نے دعویٰ کیا کہ دنیا پر امریکہ کے اثرو رسوخ کا دور ختم ہو گیا ہے، لیکن ایران اور عراق اب تک ابھرتے ہوئے مواقع سے بھرپور فائدہ نہیں اٹھا سکے اور اب بھی 50 سال پرانے طریقوں سے تجارت کر رہے ہیں۔

عراق کے دورے پر موجود ایرانی پارلیمنٹ سپیکر نے کہا ہےکہ واشنگٹن اور اسرائیل نے محسوس کر لیا ہے کہ وہ ایران اور عراق کو روایتی فوجی جنگ سے شکست نہیں دے سکتے، اس لیے اب انہوں نے نفسیاتی اور اقتصادی جنگ کا رخ اختیار کر لیا ہے۔

جنگ کے حوالے سے دعووں کو مسترد کرتے ہوئے قالیباف نے کہا کہ جن لوگوں نے جنگ کا تجربہ کیا ہے وہ امن کی قدر ان لوگوں سے زیادہ سمجھتے ہیں جو صرف اس بارے میں باتیں کرتے ہیں۔

انہوں نے یہ بھی کہا کہ سفارتکاری تب ہی مؤثر ہوتی ہے جب اس کے پیچھے فوجی تیاری موجود ہو۔

قالیباف نے مزید کہا ہے کہ ہم سمجھتے ہیں کہ سفارتکاری کی قدر ہوتی ہے اور وہ اسی وقت آگے بڑھتی ہے جب ہم جنگ کے لیے تیار ہوں۔ لیکن اگر ہم جنگ کے لیے تیار نہیں ہیں تو جب ہم سفارتکاری کرتے ہیں تو کوئی بھی ہمیں جواب نہیں دے گا۔