’امریکی فوجی کو قتل کرنے والے کو 30 ہزار ڈالر کا انعام، خواتین کو دگنی رقم ملے گی‘

ایرانی کی سرکاری خبر ایجنسی مہر نیوز کے مطابق ایرانی فوج کے میجر جنرل حبیب اللہ حطامی نے یہ پیشکش صحافیوں سے بات کرتے ہوئے کی۔

انہوں نے اپنے بیان میں کہا کہ ’ایرانی سرزمین پر آنے والے امریکی فوجی کو قتل کرنے یا پکڑنے والے کو 30 ہزار ڈالر کا انعام دیا جائے گا جبکہ اگر کسی ایرانی خاتون نے کسی امریکی فوجی کو ایران میں گھُسنے پر قتل کیا یا پکڑا تو انہیں اس انعام کی دگنی رقم ملے گی۔

ایرانی فوجی کمانڈر کا یہ بیان ایسے وقت میں سامنے آیا ہے جب امریکہ اور ایران کے درمیان حالات کشیدہ ہو رہے ہیں اور 60 دن کا جنگ بندی معاہدہ بھی ختم ہونے کے قریب ہے۔ امریکی محکمہ دفاع کی جانب سے ایرانی فوجی جنرل کے بیان پر تاحال کوئی ردعمل سامنے نہیں آیا۔