امریکہ اور ایران کا 60 روزہ جنگ بندی معاہدہ 17 اگست کو ختم ہونے سے پہلے توسیع پر اتفاق

ترکیہ کے خبر رساں ادارے انادلو نے بدھ کے روز پاکستانی حکومتی ذرائع کا حوالہ دیتے ہوئے بتایا ہے کہ امریکہ اور ایران نے ثالثوں کو توسیع پر اپنی رضامندی سے آگاہ کر دیا ہے۔

ثالثوں کے قریبی ذرائع نے بتایا ہے کہ دونوں فریقین نے ثالثوں کو ڈیڈ لائن میں توسیع کے لیے اپنی رضامندی ظاہر کر دی ہے۔

ذرائع نے مزید بتایا ہے کہ دونوں فریقین توسیع کی مدت کا فیصلہ کرنے کے لیے پیغامات کا تبادلہ کر رہے ہیں۔

امریکہ اور ایران نے اپریل میں پاکستان کی ثالثی میں جنگ بندی پر اتفاق کیا تھا اور بعد میں 17 جون کو ایک مفاہمتی یادداشت پر دستخط کیےتھے، جس سے حتمی معاہدے کے لیے مذاکرات کا آغاز کیا گیا تھا ۔

تاہم بعد میں یہ مذاکرات سیکیورٹی ضمانتوں اور آبنائے ہرمز کے ذریعے بحری جہازوں کی نقل و حرکت پر اختلاف کی وجہ سے رک گئی تھی۔

8 جولائی اور 24 جولائی کے درمیان امریکہ اور ایران نے فوجی حملوں کا تبادلہ کیا تھا، جس کے بعد امریکہ نے ایران کے اندرمختلف اہداف پر حملے شروع کیےتھے اور تہران نےجوابی کاروائی میں اردن، بحرین اور کویت سمیت کئی عرب ممالک میں امریکی فوجی تنصیبات کو نشانہ بنایا تھا۔