امریکا میں گاڑیوں کی ہیڈلائٹس سے پیدا ہونے والی چمک پر شکایت، قوانین میں تبدیلی کا فیصلہ

نیشنل ہائی وے ٹریفک سیفٹی ایڈمنسٹریشن کے مطابق نئے قواعد میں ایل سی ڈی ہیڈلائٹس، شام کی روشنی محسوس کرنے والے سینسرز، خودکار ہائی بیم اور تبدیل کیے جاسکنے والے لائٹ سورسز سے متعلق قوانین کو بہتر بنایا جائے گا۔

ایجنسی ہیڈلائٹس کی روشنی، رخ اور ڈرائیور کی نظر پر ان کے اثرات کابھی جائزہ لے گی تاکہ ہیڈلائٹس کی چمک کے مسئلے کو کم کیا جا سکے۔

امریکا میں گاڑیوں کی ہیڈلائٹس سے پیدا ہونے والی چمک کی شکایت میں اضافہ ہوا ہے۔ خاص طور پر بڑی اور بلند قامت ٹرکوں اور ایس یو ویز کی بڑھتی تعداد کے باعث یہ مسئلہ زیادہ نمایاں ہوا ہے۔ نئی گاڑیوں میں ایل ای ڈی ہیڈلائٹس کے مقابلے میں زیادہ روشن ہوتی ہیں۔

نیشنل ہائی وے ٹریفک سیفٹی ایڈمنسٹریشن کے سربراہ جوناتھن موریسن نے کہا کہ موجودہ قوانین گاڑی ساز کمپنیوں کو جدید حفاظتی لائٹنگ ٹیکنالوجیز استعمال کرنے کی مکمل اجازت نہیں دیتے، اس لیے معیارات کو جدید بنانے اور ہیڈلائٹس کی چمک کی ممکنہ وجوہات دور کرنے کے لیے ماہرین اور متعلقہ اداروں کو ساتھ لایا جا رہا ہے۔

انشورنس انسٹی ٹیوٹ فار ہائی وے سیفٹی گزشتہ سال تحقیق کے مطابق رات کے وقت ہونے والے حادثات میں ہیڈلائٹس کی چمک کا کردار محدود ہے۔ 2015 سے 2023 کے دوران امریکا کی 11 ریاستوں میں ہر ایک ہزار حادثات میں صرف ایک یا دو حادثات میں ہیڈلائٹس کی چمک کو ایک وجہ قرار دیا گیا۔

رپورٹ کے مطابق 70 سال سے زائد عمر کے ڈرائیور ہیڈلائٹس کی تیز چمک سے زیادہ متاثر ہوتے ہیں۔

نیشنل ہائی وے ٹریفک سیفٹی ایڈمنسٹریشن نے 2022 میں نئی گاڑیوں میں ایڈاپٹیو ڈرائیونگ بیم ہیڈلائٹس نصب کرنے کی اجازت دی تھی۔ یہ نظام سامنے یا مخالف سمت سے آنے والی گاڑیوں کی جانب پڑنے والی روشنی کو خودکار طور پر کم کر دیتا ہے۔

امریکی وزیر ٹرانسپورٹ شان ڈفی گاڑیوں کی لائٹنگ بنانے والی کمپنیوں، موٹر وہیکل آلات کی تنظیموں، حفاظتی اداروں، تحقیقی مراکز اور انجینئرنگ تنظیموں سے زیادہ سے زیادہ 18 نمائندے اس عمل میں شامل کریں گے۔