ہانک کانگ میں رہائشی عمارتوں میں لگنے والی آگ میں ہلاکتوں کی تعداد 44 ہو گئی، 270 سے زائد افراد لاپتا

ہانک کانگ میں رہائشی عمارتوں میں لگنے والی آگ میں ہلاکتوں کی تعداد 44 ہو گئی ہے، 45 کی حالت نازک، 270 سے زائد افراد لاپتا ہیں۔ حکام کے مطابق 7 میں سے 4 عمارتوں میں آگ پر قابو پا لیا گیا ہے جبکہ باقی عمارتوں میں شعلے اب بھی بھڑک رہے ہیں۔

آگ پچھلے 18 گھںٹوں سے جل رہی ہے اور 800 سے زیادہ فائر فائٹرز بجھانے کی کوششوں میں مصروف ہیں۔ اسے پانچویں درجے کی آگ قرار دیا گیا ہے جو کہ ہانگ کانگ میں آتشزدگی کا سب سے اونچا درجہ ہوتا ہے۔

حکام کے مطابق ایک تعمیراتی کمپنی کے تین افسران کو غفلت برتنے کے الزام میں گرفتار کر لیا گیا ہے۔ آگ کیسے لگی اس بارے میں تحقیقات جاری ہیں۔