سینیگال کی گلابی جھیل کے رنگ واپس آ گئے

سینیگال کی معروف گلابی جھیل تین سال بعد اپنے رنگ میں واپس آ گئی ہے۔

یہ جھیل سینیگال کے دارالحکومت ڈکار کے قریب ہے۔ اس کا نام ریتبہ ہے۔ یہ دنیا کی نمکین ترین جھیلوں میں سے ایک ہے اور اس کا پانی ایک خاص قسم کی کائی کی وجہ سے گلابی نظر آتا ہے۔

مگر 2022 میں تیز بارشوں اور سیلاب کی وجہ سے اس جھیل کا پانی ہرا ہو گیا تھا جو اب تین سال بعد دوبارہ اپنے رنگ میں واپس آ گیا ہے۔

یہ جھیل نمک کی پیداوار کی وجہ سے بھی اہم ہے اور سینیگال کی معیشت کا اہم حصہ ہے۔ یہاں سے سالانہ 60 ہزار ٹن نمک نکالا جاتا ہے جس سے تین ہزار لوگوں کو روزگار ملتا ہے۔