افغان حکام اس حملے میں 400 سے زیادہ افراد کی ہلاکت اور 263 افراد کے زخمی ہونے کا دعویٰ کر رہے ہیں تاہم اقوامِ متحدہ کے ادارے کا کہنا ہے کہ سینکڑوں ہلاکتوں کا دعویٰ ابھی تصدیق شدہ نہیں ہے اور اموات کی تحقیقات کی جا رہی ہیں۔

جمعرات کو 60 افراد کی تدفین کی گئی اور یہ دوسری بار اجتماعی تدفین تھی۔ اس سے قبل 18 مارچ کو 50 افراد کی اجتماعی تدفین کی گئی تھی۔

مارچ میں شرکت کے لیے لوگ فجر کی نماز سے پہلے ہی مختلف مساجد کے باہر جمع ہونا شروع ہو گئے تھے۔ آیا صوفیہ جامع مسجد، سلطان احمت مسجد، فاتح اور سلیمانیہ مسجد کے باہر لوگوں کا رش نظر آیا۔ شرکا نے ترکیہ اور فلسطین کے پرچم تھامے ہوئے تھے۔

مارچ میں عالمی شہرت یافتہ فن کاروں اور موسیقاروں نے بھی شرکت کی جن میں لبنانی نژاد سویڈش گلوکار ماہر زین، ترک فن کار عصت قبقلی اور بینڈ گروپ یورویش شامل تھے۔

استنبول میں سرد موسم کے باوجود لوگوں کی بڑی تعداد مارچ میں شریک ہوئی۔ نمازِ فجر کے بعد شرکا تمام مساجد سے گلاٹا پل کی طرف روانہ ہوئے۔ مارچ میں وزرا، اعلیٰ حکام اور کئی اعلیٰ سرکاری شخصیات نے بھی شرکت کی۔

جمعرات کو میڈیا سے گفتگو کرتے ہوئے پنجاب کی وزیرِ اطلاعات عظمیٰ بخاری نے بتایا ہے کہ سیلاب متاثرہ اور دریا کے آس پاس کی آبادیوں سے تقریباً سوا دو لاکھ افراد کو محفوظ مقامات پر منتقل کیا گیا ہے جب کہ ایک لاکھ 70 ہزار مویشیوں کو بھی محفوظ مقامات پر پہنچایا گیا ہے۔ سیلاب کی کچھ تصویری جھلکیاں دیکھیے۔

یہ جھیل سینیگال کے دارالحکومت ڈکار کے قریب ہے۔ اس کا نام ریتبہ ہے۔ یہ دنیا کی نمکین ترین جھیلوں میں سے ایک ہے اور اس کا پانی ایک خاص قسم کی کائی کی وجہ سے گلابی نظر آتا ہے۔

مگر 2022 میں تیز بارشوں اور سیلاب کی وجہ سے اس جھیل کا پانی ہرا ہو گیا تھا جو اب تین سال بعد دوبارہ اپنے رنگ میں واپس آ گیا ہے۔

یہ جھیل نمک کی پیداوار کی وجہ سے بھی اہم ہے اور سینیگال کی معیشت کا اہم حصہ ہے۔ یہاں سے سالانہ 60 ہزار ٹن نمک نکالا جاتا ہے جس سے تین ہزار لوگوں کو روزگار ملتا ہے۔