آسٹریلیا پیر کو سری لنکا سے بھی میچ ہارنے کے بعد سپر ایٹ میں پہنچنے کی ریس میں فی الحال تیسرے نمبر پر آ گیا ہے۔ آسٹریلیا کی ٹیم گروپ بی کا حصہ ہے اور سری لنکا سے قبل وہ زمبابوے سے بھی اپ سیٹ شکست کھا چکی ہے۔

اس وقت گروپ بی میں سری لنکا تین میچز کھیل کر اور تینوں جیت کر سپر ایٹ کے لیے کوالی فائی کر چکی ہے۔ دوسرے نمبر پر زمبابوے براجمان ہے جس نے دو میچ کھیلے اور دونوں میں کامیابی حاصل کر کے چار پوائنٹس حاصل کیے ہیں۔

آسٹریلیا تین میچز کھیل چکی ہے جس میں سے دو میں شکست کے بعد اس کے صرف دو پوائنٹس ہیں۔ اب آسٹریلیا کا صرف ایک میچ باقی ہے اور سپر ایٹ مرحلے میں پہنچنے کے امکانات کو زندہ رکھنے کے لیے اسے وہ میچ لازمی جیتنا ہوگا۔

اگر زمبابوے اپنے دونوں میچز ہار جائے اور آسٹریلیا اپنا آخری میچ اچھے مارجن سے جیتے تو رن ریٹ کی بنیاد پر فیصلہ ہوگا کہ دونوں میں سے کون سی ٹیم اگلے مرحلے میں پہنچے گی۔

اور اگر زمبابوے آج آئرلینڈ کو ہرانے میں کامیاب ہو جاتی ہے تو آسٹریلیا کی ٹیم 2009 کے بعد پہلی بار گروپ مرحلے میں ہی ایونٹ سے باہر ہو جائے گی۔

گروپ بی کے بعد اگر باقی گروپس کا جائزہ لیں تو گروپ اے میں پاکستان کی ٹیم بھی مشکلات سے دوچار ہے۔ گروپ اے میں انڈیا چھ پوائنٹس کے ساتھ پہلے نمبر پر جب کہ امریکہ کی ٹیم چار پوائنٹ حاصل کر کے دوسرے نمبر پر ہے۔

پاکستان کے بھی چار پوائنٹس ہیں لیکن رن ریٹ کم ہونے کی وجہ سے وہ تیسرے نمبر پر ہے۔ تاہم پاکستان کے سپر ایٹ میں پہنچنے کے امکانات اس لیے برقرار ہیں کہ اس نے اپنا ایک میچ نمیبیا کے خلاف کھیلنا ہے اور فتح کی صورت میں وہ اگلے مرحلے میں پہنچ جائے گی۔

گروپ سی سے ویسٹ انڈیز اور انگلینڈ دونوں سپر ایٹ کے لیے کوالی فائی کر چکے ہیں۔ جب کہ گروپ ڈی میں ساؤتھ افریقہ کی ٹیم تو اگلے مرحلے میں پہنچ چکی ہے جب کہ دوسری ٹیم کے لیے نیوزی لینڈ اور افغانستان میں مقابلہ ہے۔ دونوں میں سے کوئی ایک ٹیم سپر ایٹ میں پہنچے گی اور غالب امکان یہی ہے کہ وہ ٹیم کیویز کی ہوگی۔

جنوبی افریقہ نے پہلے بیٹنگ کرتے ہوئے افغانستان کو 188 رنز کا ہدف دیا تھا جس کے جواب میں افغان ٹیم 187 رنز بنا کر آؤٹ ہو گئی۔ اسکور برابر ہونے کے باعث میچ سپر اوور میں گیا۔

پہلے سپر اوور میں افغان کھلاڑیوں نے 17 رنز بنا کر 18 رنز کا ٹارگٹ دیا تاہم جنوبی افریقہ کی ٹیم بھی 17 رنز بنانے میں کامیاب ہو گئی جس کے باعث سپر اوور بھی ٹائی ہو گیا اور مقابلہ دوسرے سپر اوور پر چلا گیا۔

دوسرے سپر اوور میں جنوبی افریقہ نے شاندار بیٹنگ کرتے ہوئے 24 رنز کا ٹارگٹ دیا۔ افغانستان نے پہلی دو گیندیں گنوا دیں اور کوئی اسکور نہ کر سکا۔

تاہم پھر افغان بیٹر رحمان اللہ گرباز نے آخری چار گیندوں میں سے تین پر چھکے مارے۔ افغانستان کو آخری بال پر چھ رنز درکار تھے اور عین اس موقع پر بالر نے وائیڈ بال کرا دی۔

لیکن رحمان اللہ گرباز آخری بال پر چوک گئے اور وکٹ گنوا بیٹھے۔ یوں یہ سنسنی خیز میچ بالآخر چار رنز سے جنوبی افریقہ کے نام رہا۔

انٹرنیشنل کرکٹ کی تاریخ میں ایسا بہت کم ہی ہوا ہے جب میچ دو سپر اوورز میں گیا ہو۔ عمومی طور پر پہلے سپر اوور کے بعد فیصلہ ہو جاتا ہے۔ لیکن افغانستان کے لیے یہ دوسری بار ہے جب اس کا میچ دو سپر اوورز میں گیا ہے۔

اس سے قبل افغانستان اور انڈیا کے درمیان جنوری 2024 میں کھیلا گیا ایک ٹی 20 میچ بھی دو سپر اوورز میں گیا تھا اور انڈیا جیتنے میں کامیاب رہا تھا۔

منجور الاسلام، جو اس وقت چائنہ میں موجود ہیں، نے ان الزامات کو ’بے بنیاد‘ قرار دیا ہے۔

سال 2022 کے ورلڈ کپ کے دوران پیش آئے ایک واقعے کی تفصیل بتاتے ہوئے جہاں آرا نے الزام لگایا کہ منجور الاسلام نے ’نامناسب انداز میں چھوا‘ کیا اور وہ اکثر ’حوصلہ افزائی کے بہانے خواتین کھلاڑیوں کو گلے لگاتے یا انہیں اپنے سینے سے لگاتے‘۔

منجور الاسلام نے جواب میں کہا کہ ’آپ ٹیم کی دوسری لڑکیوں سے بھی پوچھ سکتے ہیں، یہ سب جھوٹ ہے۔‘

منجور الاسلام 46 سالہ سابق فاسٹ بولر ہیں، انہوں نے 1999 سے 2004 کے دوران بنگلہ دیش کے لیے 12 ٹیسٹ اور 34 ون ڈے میچ کھیلے۔ بعد ازاں انہوں نے مختلف کوچنگ اور مینجمنٹ کے عہدوں پر خدمات انجام دیں۔

جہان آرا عالم نے اپنے ملک کے لیے 135 وائٹ بال میچز میں مجموعی طور پر 48 ون ڈے اور 60 ٹی ٹوئنٹی وکٹیں حاصل کیں۔

انہوں نے دیگر بی سی بی (بنگلہ دیش کرکٹ بورڈ) حکام کے نام بھی لیے اور کہا کہ وہ پہلے بھی بورڈ کو اس بارے میں لکھ چکی ہیں، مگر کوئی کارروائی نہیں کی گئی۔

بی سی بی نے کہا ہے کہ ایک کمیٹی 15 ورکنگ دنوں کے اندر اپنی رپورٹ پیش کرے گی۔

بی سی بی کے نائب صدر شخاوت حسین نے کہا کہ ’یہ ایک سنگین معاملہ ہے، ہمیں اس کی تحقیقات کرنی ہوں گی۔‘

یہ میچ ایٹمی طاقت رکھنے والے دونوں ہمسایہ ممالک کے درمیان کھیلا گیا، جن کے درمیان مئی میں ایک مختصر فوجی جھڑپ ہوئی تھی جو تقریباً مکمل جنگ میں بدلنے ہی والی تھی۔

آٹھ ٹیموں پر مشتمل اس ٹورنامنٹ میں پاکستان اور انڈیا کے درمیان تین مرتبہ مقابلہ ہوا اور تینوں میں انڈیا نے کامیابی حاصل کی۔

دبئی انٹرنیشنل اسٹیڈیم میں اتوار کے روز انڈیا نے پاکستان کو پانچ وکٹوں سے شکست دینے کے بعد تقریب تقسیم انعامات میں ایک گھنٹے سے زائد کی تاخیر ہوئی اور جب فاتح ٹیم کو ٹرافی دینے کا وقت آیا تو تقریب مختصر کر دی گئی۔

تقریب کے میزبان سائمن ڈوول نے کہا کہ ’مجھے ایشین کرکٹ کونسل (اے سی سی) کی جانب سے بتایا گیا ہے کہ انڈین کرکٹ ٹیم آج رات اپنے ایوارڈز وصول نہیں کرے گی۔‘

انڈین کرکٹ بورڈ (بی سی سی آئی) کے سیکریٹری دیوجیت سائی کیا نے بھی تصدیق کی کہ انڈین کھلاڑیوں نے اے سی سی کے صدر اور پاکستان کرکٹ بورڈ کے چیئرمین محسن نقوی سے ٹرافی لینے سے انکار کر دیا ہے۔

سیکریٹری بی سی سی آئی دیوجیت سائی کیا نے خبر رساں ادارے اے این آئی کو بتایا کہ ’ہم نے فیصلہ کیا ہے کہ ہم اے سی سی چیئرمین سے ٹرافی نہیں لیں گے۔‘

انہوں نے مزید کہا کہ بی سی سی آئی آئندہ گورننگ باڈی آئی سی سی کے اجلاس میں محسن نقوی کے خلاف باضابطہ احتجاج ریکارڈ کرائے گی۔

البتہ انڈین کھلاڑی تلک ورما (پلیئر آف دی میچ)، ابھیشیک شرما (پلیئر آف دی ٹورنامنٹ) اور کلدیپ یادو (ایم وی پی) اپنے انفرادی ایوارڈز وصول کرنے کے لیے اسٹیج پر آئے۔ تاہم انہوں نے محسن نقوی سے ٹرافی نہیں لی۔

نو ہینڈ شیک

انڈین کھلاڑیوں نے پورے ٹورنامنٹ کے دوران نہ تو ٹاس پر اور نہ ہی میچ کے بعد پاکستانی کھلاڑیوں سے ہاتھ ملایا۔ انڈیا کے کپتان سوریہ کمار یادو نے مئی کی جھڑپوں کا حوالہ دیتے ہوئے 14 ستمبر کو پاکستان کے خلاف فتح کو انڈیا کی مسلح افواج کے نام کیا۔

ایشیا کپ فائنل جیتنے کے بعد انڈیا کے صدر دروپدی مرمو نے انڈین کھلاڑیوں کو مبارکباد دی، جبکہ وزیراعظم نریندر مودی نے سوشل میڈیا پر اپنے پیغام میں لکھا کہ ’آپریشن سندور کھیل کے میدان میں۔ نتیجہ وہی ہے: انڈیا جیت گیا! ہمارے کرکٹرز کو مبارکباد۔‘

جس کے جواب میں محسن نقوی نے لکھا کہ اگر آپ کو جنگ پر فخر ہے تو پاکستان کے ہاتھوں آپ کی ذلت آمیز شکست تاریخ کا حصہ ہے۔ کوئی کرکٹ میچ اس حقیقت کو دوبارہ نہیں لکھ سکتا۔ جنگ کو کرکٹ میں گھسیٹنا مایوسی کا اظہار اور سپرٹ آف گیم کی توہین ہے۔

1947 میں آزادی کے بعد انڈیا اور پاکستان کے درمیان تین میں سے دو جنگیں کشمیر کے تنازع پر ہوئیں اور اس کے علاوہ کئی محدود جھڑپیں بھی ہوئیں۔ مئی کی جھڑپوں سے پہلے ہی دونوں ممالک کے درمیان دو طرفہ کرکٹ معطل تھی اور ٹیمیں اب صرف ملٹی ٹیم ایونٹس میں یا نیوٹرل وینیوز پر آمنے سامنے آتی ہیں۔

انڈیا کے نائب کپتان شبمن گل نے کہا کہ ’پورا ٹورنامنٹ ناقابلِ شکست رہنا، یہ کمال ہے، اس پوزیشن میں ہونا شاندار ہے۔‘

پاکستانی کپتان سلمان آغا نے شکست پر افسوس کا اظہار کرتے ہوئے کہا کہ ’یہ ہمارے لیے بہت کڑا لمحہ ہے۔ ہماری بیٹنگ نے ٹیم کو مایوس کیا۔ ہماری بولنگ اچھی رہی، لیکن اگر بیٹنگ میں بہتر کرتے تو نتیجہ مختلف ہوتا۔ اسی وجہ سے ہم اچھا ہدف نہیں دے سکے‘۔

یاد رہے کہ ایشیا کپ اے سی سی کا فلیگ شپ ٹورنامنٹ ہے۔

بعدازاں انڈین کپتان سوریہ کمار یادو نے ایشیا کپ میں کھیلے گئے اپنے ساتوں میچوں کی فیس انڈین فوج کو عطیہ کرنے کا اعلان کیا۔

جبکہ پاکستان کرکٹ بورڈ نے بھی اعلان کیا کہ پاکستانی ٹیم نے یشیا کپ کے فائنل کی میچ فیس 7 مئی کو پاکستان پر انڈین فضائی حملے میں مارے گئے افراد کو دینے کا فیصلہ کیا ہے۔

یہ بھی پڑھیں:

جیولین تھرو فائنل: ارشد ندیم اور نیرج چوپڑا میڈل کی دوڑ سے باہر، سونے کا تمغہ کیشورن والکوٹ کے نام

ٹوکیو ورلڈ ایتھلیٹکس چیمپیئن شپ :ارشد ندیم نے 85.28 میٹر کی تھرو کے ساتھ جیولن کے فائنل کے لیے کوالیفائی کر لیا، مقابلہ کل ہوگا

ایشیا کپ: بنگلہ دیش نے افغانستان کو شکست دے دی، سپر فور میں جانے کے امکانات بڑھ گئے

انڈر 16 ایشین والی بال چیمپیئن شپ: انڈیا کو شکست دے کر پاکستان فائنل میں پہنچ گیا

آسٹریلین جونیئر اوپن میں پاکستان نے 4 گولڈ اور 1 کانسی کا تمغہ جیت لیا

افغانستان سپر فور میں جگہ بنانے اور بنگلہ دیش کو باہر کرنے کے قریب پہنچ گیا تھا، لیکن منگل کو 155 رنز کے ہدف کے تعاقب میں کامیاب نہ ہو سکا۔

ایشیا کپ کے میچ میں بنگلہ دیش نے افغانستان کو آٹھ رنز سے شکست دی۔ بنگلہ دیش کے باؤلرز نے شاندار کارکردگی دکھائی، خاص طور پر مستفیض الرحمٰن، نسیم احمد اور تسکین احمد نے اہم وکٹیں لے کر افغانستان کی اننگز روکنے میں کامیاب رہے۔

افغانستان کے لیے صرف رحمٰن اللہ گرباز اور عظمت اللہ عمرزئی نے کچھ بہتر کھیل پیش کیا، جبکہ آخر میں کپتان راشد خان نے تیز رنز بنا کر جیتنے کی امید پیدا کی، لیکن ان کے آؤٹ ہوتے ہی افغانستان میچ نہ جیت سکا۔

افغان ٹیم ہدف کے قریب پہنچی لیکن آخر میں 145 رنز بنا کر آل آؤٹ ہوگئی۔

بنگلہ دیش کی جانب سے تنزیل حسن سب سے نمایاں بیٹر رہے جنہوں نے نصف سنچری بنا کر ٹیم کو اچھا ہدف دینے میں مدد دی۔ اسپنر نور احمد کے چند چھکوں کے باوجود افغانستان کی ٹیم 20 اوورز میں 145 رنز بنا کر آؤٹ ہوگئی۔

اس سے قبل بنگلہ دیش کی جانب سے تنزیل حسن نے 31 گیندوں پر نصف سنچری (52 رنز) سکور کی اور ٹیم کو 20 اوورز میں 5 وکٹوں پر 154 رنز کے چیلنجنگ ہدف تک پہنچایا۔

راشد خان اور نور احمد نے افغانستان کی طرف سے دو، دو وکٹیں حاصل کیں۔

بنگلہ دیش اپنے تینوں گروپ میچ کھیل چکا ہے اور اب جمعرات کو افغانستان اور سری لنکا کے درمیان ہونے والے اہم میچ کے نتیجے کا انتظار کرے گا۔ سری لنکا چار پوائنٹس کے ساتھ سرفہرست ہے جبکہ بنگلہ دیش بھی چار پوائنٹس کے ساتھ دوسرے نمبر پر آگیا ہے۔ بنگلہ دیشی ٹیم کو امید ہے کہ سری لنکا افغانستان کو شکست دے گا تاکہ ان کے لیے سپر فور میں رسائی کا راستہ صاف ہو سکے۔ اگر افغانستان جیت گیا تو پھر فیصلہ نیٹ رن ریٹ پر ہوگا۔

پاکستان والی بال ایسوسی ایشن کے مطابق ’پاکستان انڈر-16 ٹیم کا شاندار سفر جاری ہے، سیمی فائنل میں روایتی حریف انڈیا کو شکست دے کر فائنل میں جگہ بنا لی ہے۔‘

پاکستان والی بال ایسوسی ایشن کے مطابق ’جونات، فیضان، عرفان اور طلحہ کی شاندار کارکردگی نے قومی ٹیم کو فائنل تک پہنچایا‘۔

انڈیا کو شکست دینے کے بعد پاکستان نے فائنل میں جگہ بنا لی ہے جہاں وہ 19 جولائی کو شام 3بجکر 30منٹ پر بجے ایران کے خلاف میدان میں اُترے گا۔

اس سے پہلے بدھ کے روز پاکستان نے انڈونیشیا کو کوارٹر فائنل میں سیدھے تین سیٹس سے شکست دے کر سیمی فائنل میں رسائی حاصل کی تھی اور ساتھ ہی اگلے سال ہونے والی ایف آئی وی بی انڈر-17 ورلڈ چیمپئن شپ کے لیے بھی کوالیفائی کر لیا۔

پاکستان کے ہیڈ کوچ کفایت اللہ نے کہا کہ ’یہ فتح صرف سیمی فائنل تک پہنچنے کی نہیں، بلکہ اس بات کا ثبوت ہے کہ پاکستان کے نوجوانوں میں عالمی سطح پر مقابلہ کرنے کی صلاحیت اور مہارت موجود ہے۔ ایف آئی وی بی انڈر-17 ورلڈ چیمپئن شپ کے لیے کوالیفائی کرنا قومی فخر کا لمحہ ہے۔‘

گروپ مرحلے میں پاکستان نے ساوٴتھ کوریا، سعودی عرب اور چائنیز تائپے کو شکست دے کر ناک آؤٹ مرحلے میں جگہ بنائی تھی۔

انڈر 11 بوائز کیٹیگری میں پاکستان کے احمد علی ناز نے شاندار کارکردگی کا مظاہرہ کرتے ہوئے سیمی فائنل میں رسائی حاصل کی، جبکہ اُن کے ساتھی کھلاڑی احمد رضا ناز نے آسٹریلوی حریف مانَو کاگدا کو تین صفر سے با آسانی شکست دی۔

انڈر 17 کیٹیگری میں عزان علی خان نے آسٹریلوی کھلاڑی کو ہرا کر بوائز سیمی فائنل میں جگہ بنائی، جب کہ ماہ رخ علی نے آسٹریلیا کی میگن وانگ کو باآسانی شکست دے کر گرلز کیٹیگری کے سیمی فائنل میں قدم رکھا۔

کم عمر کھلاڑیوں کی کیٹیگریز میں بھی پاکستان کے لیے خوشی کی خبریں سامنے آئیں، جہاں ماہ رخ علی کی بہن، سحرش علی نے چیلسی پال کو شکست دے کر انڈر 15 سیمی فائنل میں جگہ بنائی۔

انڈر 13 ایونٹ میں محمد فیضان خان نے نیوزی لینڈ کے کھلاڑی کو ہرا کر کامیابی حاصل کی، جب کہ ماہ نور علی نے وکٹوریا کی مریم ابراہیم کو کوارٹر فائنل میں شکست دے کر سیمی فائنل میں جگہ حاصل کی۔

آسٹریلین جونیئر اسکواش اوپن 2025 اس وقت آسٹریلیا کے شہر میلبورن میں جاری ہے، جہاں دنیا بھر سے آئے ہوئے نمایاں کم عمر اسکواش کھلاڑی حصہ لے رہے ہیں۔ ٹورنامنٹ کے فائنلز 17 اپریل 2025 کو کھیلے جائیں گے۔

چھ ٹیموں پر مشتمل اس ٹورنامنٹ میں کل 34 میچز کھیلے جائیں گے، جو 11 اپریل سے 18 مئی تک جاری رہے گا۔ لاہور کا قذافی اسٹیڈیم 13 میچز کی میزبانی کرے گا، جن میں دو ایلیمینیٹرز اور فائنل بھی شامل ہیں۔

راولپنڈی کرکٹ اسٹیڈیم میں 11 میچز ہوں گے، جن میں پہلا کوالیفائر 13 مئی کو کھیلا جائے گا۔ کراچی کا نیشنل بینک اسٹیڈیم اور ملتان کرکٹ اسٹیڈیم پانچ، پانچ میچز کی میزبانی کریں گے۔

ایونٹ میں تین ڈبل ہیڈرز بھی شامل ہیں, یعنی ایک ہی دن میں دو میچز بھی ہوں گے۔

کیا آئی پی ایل کی وجہ سے پی ایس ایل متاثر ہوگا؟

پاکستان سپر لیگ (پی ایس ایل) ایسے وقت میں کھیلا جارہا ہے جب انڈین پریمیئر لیگ (آئی پی ایل) بھی جاری ہے۔ اس وجہ سے شائقین کی توجہ تقسیم ہو سکتی ہے۔ یاد رہے کہ دنیا بھر میں کرکٹ دیکھنے والوں کی بڑی تعداد آئی پی ایل کو بھی فالو کرتی ہے۔

اسی وجہ سے کچھ بین الاقوامی کھلاڑی پی ایس ایل میں نہیں آ سکے کیونکہ وہ پہلے ہی آئی پی ایل کے ساتھ معاہدے کر چکے تھے۔

اگرچہ پاکستان کرکٹ بورڈ کے سی ای او سلمان نصیر پرامید نظر آتے ہیں۔ تاہم پی ایس ایل دنیا بھر میں تیزی سے بڑھتی ہوئی فرنچائز لیگوں کے درمیان اپنی الگ پہچان بنانے کی کوشش میں مصروف ہے۔ کبھی اسے دنیا کی دوسری بہترین فرنچائز لیگ تصور کیا جاتا تھا، مگر اب یہ مقام برقرار رکھنا ایک چیلنج بن چکا ہے کیونکہ عالمی سطح پر کئی مضبوط اور مقبول لیگز ابھر کر سامنے آ چکی ہیں، جو پی ایس ایل کے اسٹیٹس کو براہ راست مقابلے میں لا رہی ہیں۔

کراچی کنگز:

کراچی کنگز ایک مضبوط ٹیم کے طور پر سامنے آئی ہے۔ ان کے پاس ڈیوڈ وارنر (کپتان) اور جیمز ونس جیسے بڑے نام ہیں۔

ٹیم میں بہترین فاسٹ بولنگ، اسپن بولنرز بھی شامل ہیں جبکہ کین ولیمسن جیسے سمارٹ اور تجربہ کار بیٹسمین ہیں۔

کراچی کنگز وہ ٹیم ہے جو نہ صرف دوسری ٹیموں کے لیے چیلنجنگ ثابت ہوسکتی ہے بلکہ اچھی، معیاری اور دلچسپ کرکٹ کھیل کر پی ایس ایل کی ساکھ کو بھی بہتر بنا سکتی ہے۔

پی ایس ایل 10 کے لیے کراچی کنگز کا اسکواڈ: ڈیوڈ وارنر (کپتان)، حسن علی (وائس کپتان)، عباس آفریدی اور ایڈم ملنے، جیمز ونس، خوشدل شاہ، شان مسعود، محمد عرفان خان اور عامر جمال، عرفات منہاس، ٹم سیفرٹ، میر زاہد، فواد علی اور ریاض اللہ، عمیر بن یوسف، کین ولیمسن، محمد نبی اور مرزا مامون

پشاور زلمی:

پشاور زلمی کے لیے اچھی خبر یہ ہے کہ صائم ایوب (جو جنوبی افریقہ میں انجری کا شکار ہو گئے تھے) مکمل طور پر فٹ ہو چکے ہیں۔ وہ اب بابراعظم (کپتان) کے ساتھ اوپننگ کریں گے۔

اس کےعلاوہ نسیم شاہ اور رائلے میریڈتھ جیسے تیز باوٴلرز کا اٹیک مخالف ٹیموں کے لیے چیلنج بن سکتا ہے۔ بیٹنگ میں، راسی وان ڈیر ڈسن اور کولن منرو جیسے تجربہ کار کھلاڑی ٹیم کے لیے مضبوط بنیاد فراہم کرتے ہیں۔ تاہم مڈل آرڈر ٹیم کی کمزوری بن سکتی ہے۔

پی ایس ایل 10 کے لیے پشاور زلمی کا اسکواڈ: بابر اعظم (کپتان)، صائم ایوب اور ٹام کوہلر-کیڈمور، محمد حارث، جارج لنڈے اور محمد علی، حسین طلعت، ناہید رانا اور عبدالصمد، عارف یعقوب، مہران ممتاز، سفیان رضوی اور ذوالقرنین، سلیمان اور ذوالقرنین، مچل اوون، احمد دانیال، الزاری جوزف اور احسان اللہ

لاہور قلندرز:

لاہور قلندرز نے پی ایس ایل میں ہمیشہ اتار چڑھاؤ دیکھا ہے۔ پانچ بار وہ پوائنٹس ٹیبل کے نیچے آ چکے ہیں، لیکن ٹیم نے 2022 اور 2023 میں مسلسل دو مرتبہ ٹائٹل جیتا ہے۔

پی ایس ایل کے ابتدائی سالوں میں قلندرز نے بڑے ناموں کو اپنی ٹیم میں شامل کیا تھا مگر تسلسل کے ساتھ کارکردگی دکھانے میں ناکام رہے۔ کرکٹ ایکسپرٹس کہتے ہیں کہ اس سال کی ٹیم میں وہ کھلاڑی نہیں ہیں جو انہیں چیمپئن بنا سکیں۔ ٹیم کے پلئیر رشاد حسین ایک دلچسپ کھلاڑی ثابت ہو سکتے ہیں۔ لاہور قلندرز کے فینز کو امید ہے کہ ڈیرل میچل بہترین کارکردگی دکھا کر ٹیم کی پوزیشن کو بہتر بنائیں گے۔ تاہم اس کے باوجود ایسا لگتا ہے کہ قلندرز کو مشکلات کا سامنا ہو گا۔

پی ایس ایل 10 کے لیے لاہور قلندرز کا اسکواڈ: شاہین شاہ آفریدی، فخر زمان اور ڈیرل مچل، حارث رؤف، سکندر رضا اور کوسل پریرا، عبداللہ شفیق، جہانداد خان اور زمان خان، ڈیوڈ ویس، آصف علی، آصف آفریدی، محمد اخلاص، رشاد حسین، محمد سلیمان ، محمد نعیم، سلمان علی مرزا اور ٹام کرن

ملتان سلطانز:

ملتان سلطانز کی ٹیم مضبوط ہے۔ ان کے پاس ایسے بیٹسمین ہیں جو سمجھداری کے ساتھ بہترین کرکٹ کھیل سکتے ہیں۔ آل راؤنڈر مائیکل بریسویل بہت اچھی فارم میں ہیں، جو بیٹنگ اور بولنگ دونوں میں مدد دے سکتے ہیں۔

نوجوان بولر عاکف پراعتماد باوٴلنگ کے لیے جانے جاتے ہیں۔ حسنین بھی نئی ٹیم کے ساتھ خود کو منوانے کے لیے پرجوش ہیں۔

ملتان سلطانز پچھلے تین سال سے فائنل تک پہنچتی رہی ہے اور 2021 میں چیمپئن بھی بنی تھی، اس لیے یہ ٹیم چیلنجنگ ثابت ہوسکتی ہے۔ ان کی اچھی پلاننگ اور مضبوط کھلاڑیوں کی وجہ سے وہ اس بار بھی کراچی کنگز جیسے حریفوں سے ٹائٹل کے لیے بھرپور مقابلہ کریں گے۔

پی ایس ایل 10 کے لیے ملتان سلطانز کا اسکواڈ: محمد رضوان، اسامہ میر، مائیکل بریسویل، ڈیوڈ ولی، افتخار احمد، عثمان خان، کرس جارڈن، کامران غلام، محمد حسنین، فیصل اکرم، عاکف جاوید، گُداکیش موتی، جوش لٹل، طیب طاہر، شاہد عزیز، عبید شاہ، محمد عامر برکی، جانسن چارلس، یاسر خان۔

کوئٹہ گلیڈی ایٹرز

کوئٹہ گلیڈی ایٹرز پچھلے پانچ سالوں سے پی ایس ایل میں اچھی کارکردگی نہیں دکھا سکی۔ اب سرفراز احمد کوچ بن گئے ہیں اور ٹیم کو نئی سمت دینے کی کوشش ہو رہی ہے، لیکن ٹیم نے پچھلے کچھ سالوں میں اچھے نوجوان کھلاڑیوں کو چھوڑ کر صرف پرانے سینئر کھلاڑیوں پر بھروسہ کیا، جو ایک بڑی غلطی رہی۔

شروع کے ٹورنامنٹس میں کوئٹہ کی ٹیم کامیاب اس لیے تھی کیونکہ ان کے زیادہ تر کھلاڑی آپس میں پہلے سے کھیلتے آئے تھے، اس لیے ٹیم میں اچھی سمجھ بوجھ تھی۔ لیکن جب باقی ٹیمیں وقت کے ساتھ بہتر ہو گئیں، نئے طریقے اپنائے، اور مضبوط ٹیم بنائیں، تو کوئٹہ میں کوئی نئی تبدیلی سامنے نہیں آئی۔ ٹیم نے خود کو وقت کے ساتھ بہتر نہیں کیا، جس کی وجہ سے وہ پیچھے رہ گئی۔

اس سیزن میں کوئٹہ گلیڈی ایٹرز کو امید ہے کہ نیوزی لینڈ کے مارک چیپ بیٹنگ میں جان ڈالیں گے اور شعیب ملک اپنے تجربے سے مڈل آرڈر کو سنبھالیں گے۔ بولنگ میں کیوی فاسٹ بولر کائل جیمی سن اپنی رفتار سے مخالف بیٹرز کو مشکل میں ڈال سکتے ہیں۔

پی ایس ایل 10 کے لیے کوئٹہ گلیڈی ایٹرز کا اسکواڈ: فِن ایلن، فہیم اشرف، مارک چیپمین، ابرار احمد، محمد عامر، رائلے روزو، اکیل حسین، محمد وسیم جونیئر، سعود شکیل، خواجہ نفای، عثمان طارق، حسیب اللہ خان، کرم شہزاد، کائل جیمی سن، حسن نواز، محمد ذیشان، دانش عزیز، کُسال مینڈِس، شاون ایبٹ۔

ون ڈے کرکٹ ٹورنامنٹ کی پانچ بڑی جھلکیوں پر نظر ڈالتے ہیں:

کوہلی کا شاندار کم بیک

ویرات کوہلی نے ٹیسٹ کرکٹ میں اپنی خراب فارم پر تنقید کرنے والوں کو پاکستان کے خلاف ناقابلِ شکست 100 رنز بنا کر ناقدین کو خاموش کر دیا۔

دبئی کی سست وکٹ پر وہ انڈیا کے اہم ترین کھلاڑی ثابت ہوئے اور اہم پارٹنر شپ کے ذریعے 242 رنز کے ہدف حاصل کیا۔

اسی طرح سیمی فائنل میں بھی انہوں نے آسٹریلیا کے خلاف 84 رنز کی میچ وننگ اننگز کھیلی، جس سے انڈیا کو ایک اور کامیابی ملی۔

آسٹریلوی کپتان اسٹیو اسمتھ نے 36 سالہ انڈین اسٹار کو کھیل کا سب سے بڑا چیس ماسٹر قرار دیا۔

تین دہائیوں بعد پاکستان میں بڑا کرکٹ ایونٹ، مگر ٹیم کی مایوس کن کارکردگی

پاکستان نے 30 سال بعد پہلی بار ایک بڑے کرکٹ ٹورنامنٹ کی میزبانی کی، انڈیا کے پاکستان آنے سے انکار اور اپنے تمام میچ دبئی میں کھیلنے کا کے فیصلے کے باوجود ملک بھر میں زبردست جوش و خروش دیکھا گیا۔

تاہم گراؤنڈ میں پاکستانی ٹیم کی ناقص کارکردگی نے شائقین کی امیدوں پر پانی پھیر دیا۔ پاکستان کو نیوزی لینڈ اور انڈیا کے خلاف لگاتار شکستوں کا سامنا کرنا پڑا، جس کے ساتھ ہی ٹائٹل کا دفاع کرنے کی امیدیں بھی ختم ہو گئیں۔

رہی سہی کسر اس وقت پوری ہو گئی جب پاکستان کا بنگلہ دیش کے خلاف آخری گروپ میچ بارش کی نذر ہو گیا، اور یوں ٹیم انتہائی مایوس کن انداز میں ٹورنامنٹ سے باہر ہو گئی۔

پاکستانی ٹیم کی مایوس کن کارکردگی پر ایک فین نے اس ٹورنامنٹ کو ایک ’ایسی شادی‘ قرار دیا ’جہاں دلہا دلہن کا ہی پتہ نہیں۔‘

گلین فلپس کی فیلڈنگ کا جادو

نیوزی لینڈ کے گلین فلپس نے اپنی شاندار فیلڈنگ، خاص طور پر گروپ مرحلے میں انڈیا کے خلاف ویرات کوہلی کی اہم وکٹ حاصل کر کے ایونٹ میں جان ڈالی۔

اپنے شاندار کیچ کی بدولت گلین فلپس نے کوہلی کو صرف 11 رنز پر پویلین بھیج دیا تھا۔ اس لمحے ویرات کوہلی کو بھی یقین نہیں نہ آیا کہ وہ آؤٹ ہو چکے ہیں! وہ چند سیکنڈز تک حیرانی سے کھڑے رہے، پھر مایوسی کے ساتھ پویلین لوٹ گئے۔ دبئی اسٹیڈیم میں موجود بھارتی شائقین بھی مکمل خاموش ہو گئے۔

ان کا یہ ناقابل یقین کیچ سوشل میڈیا پر بھی کافی وائرل ہوا۔ کرکٹ فینز نے انہیں ’ٹورنامنٹ کا سُپرمین‘ قرار دیا۔

انگلینڈ کی مایوس کن کارکردگی

جوس بٹلر کی قیادت میں انگلینڈ نے اس ٹورنامنٹ میں شرکت سے قبل انڈیا کے ہاتھوں 3-0 سے ون ڈے سیریز ہاری تھی، لیکن ٹورنامنٹ میں اپنے پہلے ہی میچ میں، انگلینڈ نے اپنی شاندار بیٹنگ کا مظاہرہ کرتے ہوئے روایتی حریف آسٹریلیا کے خلاف 351 رنز بنائے، جو کہ ایک بہت بڑا اسکور تھا۔

اس کے باوجود آسٹریلیا نے یہ بڑا ہدف حاصل کر کے انگلینڈ کو شکست دے دی، جس سے بٹلر کی ٹیم خطرے میں پڑ گئی۔

پھر افغانستان کے خلاف شکست نے انگلینڈ کو صرف دو میچوں کے بعد ہی ٹورنامنٹ سے باہر کر دیا۔

دو دن بعد جوس بٹلر نے انگلینڈ کی وائٹ بال کرکٹ کی کپتانی چھوڑنے کا فیصلہ کیا۔ یہ فیصلہ اس وقت آیا جب انگلینڈ مسلسل تین آئی سی سی ایونٹس میں ناکام رہا۔

اسٹیو اسمتھ کا ون ڈے کرکٹ کو الوداع

35 سالہ آسٹریلوی بیٹر اسٹیو اسمتھ نے بھی ون ڈے کرکٹ سے ریٹائرمنٹ کا اعلان کر دیا۔ ان کا فیصلہ آسٹریلیا کے سیمی فائنل میں انڈیا کے ہاتھوں شکست کے ایک دن بعد سامنے آیا۔

اسمتھ نے 73 رنز کی شاندار اننگز کھیلی، جو آسٹریلیا کی جانب سے سب سے زیادہ اسکور تھا، لیکن بھارت نے 264 رنز کا ہدف کامیابی سے حاصل کر لیا۔ یوں یہ ان کا آخری ون ڈے میچ ثابت ہوا۔

روہت شرما کی ممکنہ ریٹائرمنٹ؟

فائنل کے بعد ایک اور بڑی ریٹائرمنٹ کا امکان ہے، کیونکہ یہ افواہیں ہیں کہ اگر انڈیا کے چیمپئن بننے کے بعد کپتان روہت شرما ون ڈے کرکٹ کو خیرباد کہہ دیں گے۔

فائنل میں روہت شرما نے 76 رنز کی شاندار اننگز کھیل کر سب سے زیادہ اسکور بنایا۔ میچ کے بعد ریٹائرمنٹ کی افواہوں پر جب ان سے سوال پوچھا گیا تو انہوں نے واضح الفاظ میں کہا کہ وہ کہیں نہیں جا رہے!

چیمپیئنز ٹرافی کی اختتامی تقریب میں پی سی بی کا کوئی عہدیدار موجود نہیں

چیمپئنز ٹرافی فائنل کے بعد دبئی میں انعامات تقسیم کی تقریب میں پاکستان کرکٹ بورڈ کا شکریہ ادا کیا گیا لیکن اسٹیج پر پی سی بی کا کوئی عہدیدار دکھائی نہیں دیا۔ میزبان ملک کی اسٹیج پر نمائندگی دکھائی نہیں دی۔ آئی سی سی چیئرمین جے شاہ اور بھارتی بورڈ کے صدر راجر بنی اسٹیج پر موجود تھے۔

جس پر پاکستان کے سابق کرکٹر شعیب اختر نے اپنے ویڈیو پیغام میں کہا کہ ’ایک عجیب سی چیز دیکھی ہے کہ پاکستان کرکٹ بورڈ کا کوئی نمائندہ یہاں موجود نہیں تھا۔ پاکستان اس چیمپیئنز ٹرافی کا میزبان تھا اور پی سی بی کا کوئی نمائندہ یہاں نہیں کھڑا تھا۔ یہ بات میری سمجھ سے باہر ہے کہ کوئی یہاں ٹرافی دینے اور نمائندگی کرنے کیوں نہیں آیا۔ یہ ورلڈ سٹیج ہے، یہاں ہونا چاہیے تھا، اس سے بڑی ناامیدی ہوئی۔‘

18 دنوں میں کھیلے گئے 14 میچوں کے بعد آٹھ کرکٹ ٹیموں پر مشتمل ون ڈے انٹرنیشنل ٹورنامنٹ میں مقابلہ اب صرف دو مضبوط ترین ٹیموں کے درمیان رہ گیا ہے، جو فائنل میں چیمپئن بننے کے لیے آمنے سامنے ہوں گی۔

انڈیا اور نیوزی لینڈ اتوار کے روز دبئی میں آئی سی سی چیمپئنز ٹرافی 2025 کے فائنل میں آمنے سامنے ہوں گے۔

انڈیا کا فائنل تک کا سفر:

دبئی میں بنگلہ دیش کے خلاف 6 وکٹوں سے فتح

دبئی میں پاکستان کے خلاف 6 وکٹوں سے فتح

دبئی میں نیوزی لینڈ کے خلاف 44 رنز سے فتح

دبئی میں آسٹریلیا کے خلاف 4 وکٹوں سے فتح

نیوزی لینڈ کا فائنل تک کا سفر:

کراچی میں پاکستان کے خلاف 60 رنز سے فتح

راولپنڈی میں بنگلہ دیش کے خلاف 5 وکٹوں سے فتح

دبئی میں انڈیا کے خلاف 44 رنز سے شکست

لاہور میں ساوٴتھ افریقہ کے خلاف 50 رنز سے فتح

یہ آئی سی سی ٹورنامنٹ بھی متنازع رہا ہے۔ چونکہ اس ٹورنامنٹ کی میزبانی پاکستان کررہا ہے لیکن انڈیا کی ٹیم نے پاکستان آنے سے انکار کردیا جس کے بعد پی سی بی اور بی سی سی آئی کی رضامندی سے یہ ایونٹ ہائبرڈ ماڈل کے تحت کھیلا گیا۔ یعنی انڈیا نے اپنے تمام میچز دبئی میں کھیلے جبکہ دیگر ٹیموں کو دبئی اور پاکستان کے مختلف میدانوں میں کھیلنا پڑا۔

اسی وجہ سے انڈیا کو ایک ہی پچ پر تمام میچز کھیلنے کا فائدہ ہوا جبکہ نیوزی لینڈ کو مختلف قسم کی پچز پر کھیلنے کے حوالے سے مشکلات کا سامنا ہوسکتا ہے۔

چیمپئنز ٹرافی فائنل کی انعامی رقم کیا ہے؟

اس ٹورنامنٹ کی مجموعی انعامی رقم 69 لاکھ ڈالر ہے، جو 2017 کے آخری ایڈیشن کے مقابلے میں 53 فیصد زیادہ ہے۔

فاتح ٹیم 22 لاکھ 40 ہزار ڈالر کی انعامی رقم حاصل کرے گی، جبکہ رنر اپ ٹیم کو11 لاکھ 20 ہزار ڈالر دیے جائیں گے۔

انڈیا اور نیوزی لینڈ کے درمیان ون ڈے مقابلوں کا ریکارڈ

دونوں ٹیموں کے درمیان 1975 سے اب تک 119 ون ڈے میچز کھیلے جا چکے ہیں۔

انڈیا کی فتوحات: 61

نیوزی لینڈ کی فتوحات: 50

بے نتیجہ میچز: 7

ٹائی میچ: 1

انڈیا کو نیوزی لینڈ پر برتری حاصل ہے اور وہ جنوری 2023 سے نیوزی لینڈ کے خلاف مسلسل 6 ون ڈے میچز جیت چکا ہے۔

چیمپئنز ٹرافی میں انڈیا اور نیوزی لینڈ کا ریکارڈ

نیوزی لینڈ: سال 2000 میں چیمپئن بنا، جو اب تک اس کا واحد آئی سی سی ٹائٹل ہے۔

انڈیا: دو بار چیمپئن بنا – سال 2002 (مشترکہ طور پر سری لنکا کے ساتھ) اور دوسری بار 2013 میں

انڈیا اور نیوزی لینڈ کی ابتدائی ٹیم

انڈیا

انڈیا کی ٹیم الیون میں تبدیلی کا امکان کم ہے، کیونکہ یہی ٹیم نیوزی لینڈ کے خلاف 44 رنز اور سیمی فائنل میں آسٹریلیا کے خلاف 4 وکٹوں سے جیت چکی ہے۔

انڈین اسکواڈ:

روہت شرما (کپتان)، شبمن گل (نائب کپتان)، ویرات کوہلی، شریاس ایر، کے ایل راہل (وکٹ کیپر)، ہاردک پانڈیا، اکشر پٹیل، واشنگٹن سندر، کلدیپ یادو، جسپریت بمراہ، محمد شامی، ارشدیپ سنگھ، ہرشیت رانا، رشبھ پنت (وکٹ کیپر)، رویندرا جدیجا، ورون چکرورتی

نیوزی لینڈ

سیمی فائنل میں فیلڈنگ کے دوران میٹ ہنری کندھے کا شکار ہوئے تھے، لیکن کیوی مینجمنٹ پرامید ہے کہ وہ فائنل کے لیے فٹ قرار دیے جائیں گے۔

اگر ہنری کھیلنے کے لیے تیار ہوئے تو نیوزی لینڈ بھی اپنی ٹیم میں کوئی تبدیلی نہیں کرے گا۔

نیوزی لینڈ اسکواڈ:

مچل سینٹنر (کپتان)، مائیکل بریسویل، مارک چیپمین، ڈیون کونوے (وکٹ کیپر)، لوکی فرگوسن، میٹ ہنری، ٹام لیتھم (وکٹ کیپر)، ڈیرل مچل، وِل او رورک، گلین فلپس، راچن رویندرا، بین سیئرز، ناتھن اسمتھ، کین ولیمسن، وِل ینگ

یہ بھی پڑھیں:

پاکستان اور انڈیا کے درمیان چیمپئنز ٹرافی سمیت تمام ٹورنامنٹس کے میچز کے لیے 'ہائبرڈ ماڈل' کا اعلان

چیمپئنز ٹرافی 2025: پاکستان کی میزبانی اور انڈیا کے نہ آنے کے ’بہانے‘؟

لائیو چیمپئنز ٹرافی 2025: پاکستان کی ناقص فیلڈنگ، سست بیٹنگ اور بے اثر بولنگ کی بدولت انڈیا 6 وکٹوں سے جیت گیا

ہدف کا تعاقب کرنے کے لیے انڈیا کی جانب سے اوپنرز روہت شرما اور شبمن گل نے 29 گیندوں پر 31 رنز جوڑے۔ تاہم پاکستان کو پہلی کامیابی اس وقت ملی جب شاہین شاہ آفریدی نے روہت شرما کو 20 رنز پر بولڈ کر دیا۔

اس کے بعد ویرات کوہلی کریز پر آئے اور شبمن گل کے ساتھ 69 رنز کی مضبوط پارٹنرشپ قائم کی۔ شبمن گل نے 52 گیندوں پر 46 رنز بنائے، جس میں چھ چوکے شامل تھے، لیکن وہ ابرار احمد کی گیند پر آؤٹ ہو گئے۔

کوہلی کا ساتھ دینے شریاس آئر کریز پر آئے اور دونوں نے 114 رنز کی پارٹنرشپ قائم کرکے انڈیا کو جیت کے قریب پہنچا دیا۔ اس دوران دونوں بلے بازوں نے نصف سنچریاں اسکور کیں۔ آئر نے 67 گیندوں پر 56 رنز بنائے، جس میں پانچ چوکے اور ایک چھکا شامل تھا۔

پاکستان نے کچھ دیر کے لیے تیز گیند بازی کی اور لگاتار دو وکٹیں حاصل کیں۔ خوشدل شاہ نے شریاس آئر کو آؤٹ کیا، جبکہ اگلے اوور میں شاہین شاہ آفریدی نے ہاردک پانڈیا (8) کو کیچ آؤٹ کرایا۔ تاہم کوہلی نے اپنی شاندار بیٹنگ جاری رکھی اور 111 گیندوں پر 100 رنز کی ناقابلِ شکست اننگز کھیلی، جس میں سات چوکے شامل تھے۔

اور اس طرح انڈیا نے 242 کا ہدف حاصل کرلیا۔

پاکستان کی جانب سے شاہین آفریدی نے دو وکٹیں حاصل کیں، جبکہ ابرار احمد اور خوشدل شاہ نے ایک ایک وکٹ لی۔

اس سے قبل پاکستان کی ٹیم آخری اوور میں 242 رنز بنا کر آل آؤٹ ہوگئی تھی۔ سعود شکیل نے 76 گیندوں پر 62 رنز کی شاندار اننگز کھیلی، جبکہ محمد رضوان نے 77 گیندوں پر 46 رنز بنائے۔

پاکستان کی اوپننگ جوڑی، بابر اعظم اور امام الحق، نے 41 رنز کی اچھی پارٹنر شپ قائم کی، لیکن ہاردک پانڈیا نے بابر کو 23 رنز پر آؤٹ کر دیا۔ اس کے بعد امام الحق اکشر پٹیل کے ہاتھوں رن آؤٹ ہو گئے، جس سے پاکستان کا اسکور 47/2 ہو گیا۔

محمد رضوان اور سعود شکیل نے تیسری وکٹ کے لیے 104 رنز کی شاندار پارٹنرشپ قائم کی، لیکن اکشر پٹیل رضوان کو آؤٹ کرکے انڈیا کو دوبارہ میچ میں واپس لے آئے۔ کچھ ہی دیر بعد سعود شکیل بھی آؤٹ ہو گئے، اور پاکستان کا سکور 159/4 پر پہنچ گیا۔

اس کے بعد رویندرا جدیجا نے طیب طاہر کو صرف چار رنز پر پویلین بھیج دیا، جبکہ کلدیپ یادو نے دو وکٹیں لے کر پاکستان کی امیدوں کو مزید کمزور کر دیا۔ خوشدل شاہ نے 39 گیندوں پر 38 رنز بنائے، جس میں دو چھکے شامل تھے، لیکن وہ پاکستان کے اسکور کو زیادہ آگے نہ لے جا سکے اور پوری ٹیم 241 رنز پر آؤٹ ہو گئی۔

انڈیا کی جانب سے کلدیپ یادو سب سے کامیاب بولر رہے، جنہوں نے تین وکٹیں حاصل کیں، جبکہ پانڈیا نے دو کھلاڑیوں کو آؤٹ کیا۔ جدیجا، اکسر پٹیل اور ہرشت رانا نے ایک ایک وکٹ حاصل کی۔

انڈیا شاندار آل راؤنڈ کارکردگی کی بدولت باآسانی کامیاب ہوگئے اور وہ اس بڑے ٹورنامنٹ میں ٹائٹل کی دوڑ میں مضبوطی سے آگے بڑھ رہے ہیں۔

1. دونوں ٹیمیں چیمپئنز ٹرافی میں کتنی بار آمنے سامنے آچکی ہیں؟
2. دونوں ٹیمیں اس سے قبل چیمپئنز ٹرافی میں پانچ بار آمنے سامنے آ چکی ہیں، جہاں پاکستان کو انڈیا پر برتری حاصل ہے۔ پاکستان نے تین بار کامیابی حاصل کی ہے، جن میں 2017 میں ہونے والا آخری مقابلہ بھی شامل ہے، جہاں سرفراز احمد کی قیادت میں ٹیم نے پہلی بار ٹرافی اپنے نام کی تھی۔

ون ڈے میچز میں انڈیا اور پاکستان کا ریکارڈ

ون ڈے انٹرنیشنلز میں پاکستان کو انڈیا پر برتری حاصل رہی ہے۔

دونوں نے ٹوٹل 135 میچز کھیلے ہیں جس میں پاکستان کو 73 میچز میں جیت جبکہ انڈیا کو 57 میچز میں شکست کا سامنا کرنا پڑا جبکہ 5 میچز بغیر کسی نتیجے کے ختم ہوا۔

تاہم پچھلے دس سالوں میں انڈیا نے اس مقابلے میں واضح برتری حاصل کی ہے۔ انڈیا نے پاکستان کے خلاف کھیلے گئے آٹھ مکمل ون ڈے میچوں میں سے سات میں کامیابی حاصل کی ہے۔ جبکہ پاکستان صرف ایک میں کامیاب ہوسکا۔

دوسری جانب روہت شرما کی قیادت میں انڈیا انٹرنیشنل کرکٹ کا ایک پاور ہاؤس سمجھا جاتا ہے۔ ویرات کوہلی اور روہت شرما جیسے بہترین اور تجربہ کار بیٹرز پاکستانی بولرز کے لیے خطرہ ثابت ہوسکتے ہیں۔

اسکواڈز:

پاکستان:

محمد رضوان (کپتان اور وکٹ کیپر)، امام الحق، بابر اعظم، کامران غلام، سلمان آغا، طیب طاہر، خوشدل شاہ، فہیم اشرف، شاہین آفریدی، نسیم شاہ، ابرار احمد، حارث رؤف، محمد حسنین، عثمان خان، سعود شکیل

انڈیا

روہت شرما (کپتان)، شبمن گل، ویرات کوہلی، شریاس آئیر، اکشر پٹیل، کے ایل راہول (وکٹ کیپر)، ہاردک پانڈیا، رویندر جڈیجا، ہرشت رانا، محمد شامی، کلدیپ یادو، رشبھ پنت، واشنگٹن سندر، ورون چکرورتی، ارشدیپ سنگھ

افغانستان کو 316 رنز کا ہدف ملا، لیکن پوری ٹیم 43.3 اوورز میں 208 رنز پر آؤٹ ہو گئی۔ رحمت شاہ نے شاندار بلے بازی کی اور 92 گیندوں پر 90 رنز بنائے، جس میں نو چوکے اور ایک چھکا شامل تھا۔ تاہم انہیں دوسرے بیٹسمینوں کا زیادہ ساتھ نہ ملا۔ راشد خان اور عظمت اللہ عمرزئی نے صرف 18، 18 رنز بنائے۔

ساوٴتھ افریقہ کے کگیسو ربادا نے شاندار باؤلنگ کا مظاہرہ کرتے ہوئے تین وکٹیں حاصل کیں۔ ویان ملڈر اور لنگی اینگیڈی نے بھی دو، دو وکٹیں حاصل کیں۔ کیشف مہاراج اور مارکو یانسن نے بھی ایک، ایک وکٹ لے کر ٹیم کو کامیابی دلوائی۔

ساوٴتھ افریقہ کے کپتان تیمبا باووما کا پہلے بیٹنگ کرنے کا فیصلہ درست ثابت ہوا، ان کی ٹیم نے مقررہ اوورز میں چھ وکٹوں کے نقصان پر 315 کا بڑا اسکور بنایا۔ پروٹیز کی بیٹنگ شروع لڑکھڑائی جب محمد نبی نے ٹونی ڈی زورزی کو صرف 11 رنز پر آؤٹ کر دیا۔

تاہم، باووما اور ریکلٹن نے ذمہ داری سے بیٹنگ کرتے ہوئے ٹیم کو سنبھالا۔ دونوں نے دوسری وکٹ کے لیے 129 رنز کی پارٹنر شپ قائم کی، اس کے بعد محمد نبی نے اپنی تیز گیند بازی سے باووما کو 58 رنز پر آؤٹ کر دیا۔ انہوں نے 76 گیندوں پر پانچ چوکوں کی مدد سے یہ اسکور بنایا۔

ریکلٹن نے اپنی اننگز جاری رکھی اور راسی وین ڈر ڈوسن کے ساتھ مزید 44 رنز جوڑے۔ انہوں نے شاندار بیٹنگ کا مظاہرہ کرتے ہوئے اپنی پہلی ون ڈے سنچری مکمل کی۔ انہوں نے 106 گیندوں پر 103 رنز بنائے، جس میں سات چوکے اور ایک چھکا شامل تھا، لیکن آخر میں راشد خان کی گیند پر رن آؤٹ ہو گئے۔

وین ڈر ڈوسن نے 46 گیندوں پر 52 رنز بنائے، جس میں تین چوکے اور دو چھکے شامل تھے، آخری اوورز میں ایڈن مارکرم نے شاندار بیٹنگ کرتے ہوئے ناقابل شکست 52 رنز بنائے۔ انہوں نے 36 گیندوں پر چھ چوکے اور ایک چھکا لگایا۔ اس کے علاوہ، انہوں نے ڈیوڈ ملر کے ساتھ 50 رنز کی اہم پارٹنرشپ قائم کی، جس نے 18 گیندوں پر 14 رنز کا اضافہ کیا۔

افغانستان کی جانب سے محمد نبی سب سے کامیاب باؤلر رہے، جنہوں نے 10 اوورز میں 51 رنز دے کر 2 وکٹیں حاصل کیں۔ عظمت اللہ عمرزئی، نور احمد اور فضل حق فاروقی نے بھی ایک، ایک وکٹ حاصل کی۔

اس شاندار کارکردگی کے ساتھ، جنوبی افریقہ نے ایک آسان فتح حاصل کی اور اپنی بیٹنگ اور باؤلنگ دونوں میں مضبوطی کا مظاہرہ کیا، جس سے وہ اس ٹورنامنٹ میں ایک خطرناک ٹیم کے طور پر سامنے آئے ہیں۔

یہ پہلا موقع تھا کہ دونوں ٹیمیں کسی آئی سی سی چیمپئنز ٹرافی ایونٹ میں ایک دوسرے کے مدمقابل آئی ہیں۔

حشمت اللہ شاہدی کی قیادت میں افغانستان شاندار فارم میں تھی، کیونکہ انہوں نے مسلسل تین ون ڈے سیریز میں ساوٴتھ افریقہ، بنگلہ دیش اور زمبابوے کو شکست دی ہے۔

پلئینگ الیون:

افغانستان:

رحمان اللہ گرباز، ابراہیم زدران، صدیق اللہ اتل، رحمت شاہ، حشمت اللہ شاہدی، عظمت اللہ عمرزئی، گلبدین نائب، محمد نبی، راشد خان، فضل الحق فاروقی، نور احمد۔

ساوٴتھ افریقہ:

ریان رکیلٹن، ٹونی ڈی زورزی، ٹیمبا باوما، راسی وین ڈیر ڈوسن، ایڈن مارکرم، ڈیوڈ ملر، ویان مولڈر، مارکو جانسن، کیشو مہاراج، کاگیسو ربادا، لونگی نگیڈی۔

یہ بھی پڑھیں:

چیمپئنز ٹرافی کے افتتاحی میچ میں نیوزی لینڈ نے پاکستان کو ہرا دیا

آئی سی سی چیمپئنز ٹرافی: انڈیا اور پاکستان نے سکواڈ کا اعلان کردیا

فخر زمان انجری کے باعث چیمپئنز ٹرافی سے آوٴٹ، امام الحق نے ٹیم میں جگہ بنا لی

انڈیا نے چار وکٹوں کے نقصان پر 229 رنز کا ہدف بغیر کسی مشکل کے حاصل کر لیا۔

کپتان روہت شرما اور شبمن گل نے اننگز نے شاندار آغاز کیا اور 69 رنز کی پارٹنر شپ قائم کی، مگر پاور پلے کی آخری گیند پر روہت شرما آؤٹ ہو گئے۔

روہت شرما نے 36 گیندوں پر 41 رنز بنائے، جس میں سات چوکے شامل تھے۔

اس کے بعد شبمن گل نے ویرات کوہلی کے ساتھ دوسری وکٹ کے لیے 43 رنز کی پارٹنر شپ قائم کی۔ کوہلی نے 38 گیندوں پر 22 رنز بنائے۔

انڈیا کی پھر دو وکٹیں گنوا دیں، جس کے نتیجے میں 30.1 اوورز میں اس کا اسکور 144/4 ہو گیا۔

مسلسل دو وکٹوں کے بعد وکٹ کیپر بلے باز کے ایل راہول کریز پر آئے اور شبمن گل کے ساتھ مل کر ہدف کا تعاقب سنبھالا۔

دونوں بلے بازوں نے ناقابلِ شکست 87 رنز کی پارٹنر شپ قائم کر کے اپنی ٹیم کو کامیابی دلائی۔

شبمن گل نے بھارت کے لیے سب سے زیادہ 101 رنز بنائے، وہ 129 گیندوں پر ناٹ آؤٹ رہے، جس میں نو چوکے اور دو چھکے شامل تھے، جبکہ کے ایل راہول نے 47 گیندوں پر 41 رنز اسکور کیے۔

بنگلہ دیش کے لیے ریشاد حسین بہترین بولر ثابت ہوئے، جنہوں نے دو وکٹیں حاصل کیں، جبکہ تسکین احمد اور مستفیض الرحمان نے ایک، ایک وکٹ لی۔

بنگلہ دیش کے کپتان نجم الحسن شنٹو کا پہلے بیٹنگ کرنے کا فیصلہ غلط ثابت ہوا، کیونکہ بھارتی بولرز نے ان کی ٹیم کی ابتدائی بیٹنگ لائن اپ کو لڑکھڑا دیا اور 8.3 اوورز میں 35/5 تک محدود کر دیا۔

مشکل صورتحال کے بعد، جاکر علی نے ہریدوئے کے ساتھ مل کر محتاط بیٹنگ کی اور ٹیم کو سنبھالا دیا۔

دونوں بلے بازوں نے ذمہ داری سے بیٹنگ کرتے ہوئے بنگلہ دیش کو میچ میں واپس لانے کی کوشش کی اور وقفے وقفے سے باؤنڈریز لگا کر بھارتی بولرز پر دباؤ ڈالنا شروع کیا۔

آخر کار محمد شامی نے 43ویں اوور میں جاکر کو آؤٹ کر کے 151 رنز کی پارٹنر شپ ختم کی۔

جاکر نے 114 گیندوں پر 68 رنز بنائے، جس میں چار چوکے شامل تھے۔

جاکر کے آؤٹ ہوتے ہی بنگلہ دیش کی بیٹنگ لائن لڑکھڑا گئی اور ٹیم نے جلد ہی مزید دو وکٹیں گنوا دیں۔ تاہم، توحید ہریدوئے نے ہمت نہیں ہاری اور کریمپس کے باوجود زبردست بیٹنگ کرتے ہوئے شاندار سنچری اسکور کی۔

وہ بنگلہ دیش کے لیے سب سے زیادہ رنز بنانے والے بلے باز رہے، جنہوں نے 118 گیندوں پر 100 رنز بنائے، جس میں چھ چوکے اور دو چھکے شامل تھے۔

انڈیا کے لیے محمد شامی سب سے سے وکٹیں لینے والے بولر رہے، جنہوں نے 10 اوورز میں 53 رنز دے کر شاندار 5 وکٹیں حاصل کیں۔ ان کے بعد ہرشیت رانا نے تین اور اکشر پٹیل نے دو وکٹیں حاصل کیں۔

پلیئنگ الیون:

انڈیا: روہت شرما (کپتان)، شبمن گل، ویرات کوہلی، شریاس ایر، کے ایل راہول (وکٹ کیپر)، ہاردک پانڈیا، اکسر پٹیل، رویندرا جدیجا، ہرشیت رانا، محمد شامی، کلدیپ یادو

بنگلہ دیش: تنزید حسن، سومیا سرکار، نجم الحسن شانتو (کپتان)، توحید ہردوئے، مشفق الرحیم (وکٹ کیپر)، مہدی حسن میراز، جیکر علی، رشاد حسین، تنظیم حسن ثاقب، تسکین احمد، مستفیض الرحمان

نیوزی لینڈ کے بلے باز ول ینگ نے شاندار سنچری اسکور کی اور ٹام لیتھم بھی سنچری کے ساتھ ناٹ آؤٹ رہے۔ بلیک کیپس کی مضبوط بلے بازی اور باؤلنگ کی وجہ سے پاکستان ٹیم مقررہ اوورز میں ہدف حاصل نہیں کرسکی۔

پاکستان نے ٹاس جیت پر پہلے بولنگ کا فیصلہ کیا تھا۔

نیوزی لینڈ کی بیٹنگ:

نیوزی لینڈ نے اپنے 50 اوورز میں پانچ وکٹوں کے نقصان پر 320 رنز بنائے۔ جس کے تعاقب میں پاکستان کو مشکلات کا سامنا کرنا پڑا اور وہ 48 اوورز میں 260 رنز پر آل آؤٹ ہو گئی۔

نیوزی لینڈ کے ڈیون کونوے 10 رنز بنا سکے اور ابرار احمد کا نشانہ بنے۔ اس کے فوراً بعد نسیم شاہ اور حارث رؤف نے کین ولیمسن (1) اور ڈیرل مچل (10) کی وکٹیں لے کر نیوزی لینڈ کو 16.2 اوورز میں 73/3 تک پہنچا دیا۔

جس کے بعد ٹام لیتھم اور وِل ینگ 118 رنز کی اہم پارٹنر شپ قائم کی۔ ول ینگ نے 113 گیندوں پر 12 چوکے اور ایک چھکے لگا کر 107 رنز بنائے لیکن نسیم شاہ نے انہیں 38 ویں اوور میں آؤٹ کیا۔ اس دوران ٹام لیتھم ثابت کریز پر جمے رہے اور 104 گیندوں پر 10 چوکوں اور تین چھکوں کی مدد سے 118 رنز بنا کر ناٹ آؤٹ رہے۔

ول ینگ کے آوٴٹ ہونے کے بعد گلین فلپس نے 39 گیندوں پر 61 رنز بنا کر نیوزی لینڈ کو 320 رنز تک پہنچایا۔

پاکستان کے بولر نسیم شاہ اور حارث روٴف نے دو دو وکٹیں جبکہ ابرار احمد نے ایک وکٹ حاصل کی۔

پاکستان کی بیٹنگ:

321 رنز کے تعاقب میں پاکستان کو مشکلات کا سامنا کرنا پڑا اور وہ 48 اوورز میں 260 رنز پر آل آؤٹ ہو گئی۔ بابر اعظم (64) اور خوشدل شاہ (69) نے عمدہ کھیل کا مظاہرہ کیا لیکن ٹیم نے ابتدائی وکٹیں گنوادیں جس سے تعاقب مشکل ہوگیا۔

پاکستان کی شروعات میں ہی پرفارمنس خراب رہی، پہلے 10 اوورز میں کپتان محمد رضوان (3) اور سعود شکیل (6) آؤٹ ہوگئے جس کے بعد پاکستانی ٹیم 22/2 تک پہنچ گئی۔ فخر زمان نے اس کے بعد بابر اعظم کے ساتھ پارٹنرشپ کی مدد سے 47 رنز کا اضافہ کیا لیکن فخر زمان 41 گیندوں پر 24 رنز بنانے کے بعد 21ویں اوور میں مائیکل بریسویل کی گیند پر آؤٹ ہوگئے۔

نائب کپتان سلمان علی آغا نے 42 رنز بنائے لیکن وہ 31ویں اوور میں نیتھن اسمتھ کی گیند پر آؤٹ ہوگئے۔ اس کے بعد پاکستان نے یکے بعد دیگر مزید دو وکٹیں گنوائیں، جن میں بابر اعظم کی اہم وکٹ بھی شامل تھی۔

بابر اعظم نے محتاط انداز میں کھیلتے ہوئے 90 گیندوں پر چھ چوکوں اور ایک چھکے کی مدد سے 64 رنز بنائے۔ ساتویں نمبر پر بیٹنگ کرتے ہوئے خوشدل شاہ نے جارحانہ کھیل پیش کیا، انہوں نے 10 چوکے اور ایک چھکے کی مدد سے 49 گیندوں پر 69 رنز بنائے۔ تاہم وہ 44ویں اوور میں ول اوورکے کی گیند پر آوٴٹ ہوگئے۔

آخری دو پلئیرز حارث رؤف (13) اور نسیم شاہ (19) کریز پر موجود تھے لیکن ان کی کوششیں پاکستان کو شکست سے بچانے کے لیے ناکافی تھیں اور دونوں جلد ہی آوٴٹ ہوگئے۔

نیوزی لینڈ کے بولر مچل سینٹنر اور ول روڑکے نے تین تین وکٹیں جبکہ میٹ ہنری نے 2 اور مچل بریسول نے ایک وکٹ حاصل کی۔

گروپ اے پوائنٹس ٹیبل

گروپ اے کے بقیہ میچز کا شیڈول:

20 فروری – بنگلہ دیش بمقابلہ انڈیا، دبئی انٹرنیشنل کرکٹ اسٹیڈیم

23 فروری – پاکستان بمقابلہ انڈیا، دبئی انٹرنیشنل کرکٹ اسٹیڈیم

24 فروری - بنگلہ دیش بمقابلہ نیوزی لینڈ، راولپنڈی کرکٹ اسٹیڈیم

27 فروری – پاکستان بمقابلہ بنگلہ دیش، راولپنڈی کرکٹ اسٹیڈیم

2 مارچ – نیوزی لینڈ بمقابلہ انڈیا، دبئی انٹرنیشنل کرکٹ اسٹیڈیم

اس سے قبل پاکستان کرکٹ بورڈ (پی سی بی) نے تصدیق کی تھی کہ فخر پاکستان سکواڈ کے ساتھ دبئی نہیں جائیں گے۔

فخر زمان گزشتہ روز کراچی کے نیشنل اسٹیڈیم میں نیوزی لینڈ کے خلاف پاکستان کے افتتاحی میچ کے دوران فیلڈنگ کرتے ہوئے زخمی ہوگئے تھے۔ آئی سی سی کے مطابق فخر زمان پاکستان اور انڈیا کے اہم میچ سے قبل ٹورنامنٹ سے باہر ہو گئے ہیں۔

پاکستان کا اگلا میچ اتوار کو دبئی میں انڈیا کے خلاف ہوگا، جو ایک اہم مقابلہ ہوگا۔ انڈیا نے پاکستان میں میچز کھیلنے سے انکار کر دیا تھا، جس کے بعد آئی سی سی نے پی سی بی اور بی سی سی آئی کی منظوری سے ہائبرڈ ماڈل اپنایا، جس کے تحت انڈیا کے تمام چیمپئنز ٹرافی میچز دبئی میں ہوں گے۔

پاکستان افتتاحی میچ میں نیوزی لینڈ کے دیے گئے 321 رنز کے ہدف کا تعاقب کرنے میں ناکام رہا تھا اور گرین 47.2 اوورز میں 260 رنز پر آل آوٴٹ ہوگئی تھی۔

یاد رہے کہ پاکستان میں 1996 کے بعد پہلا آئی سی سی ٹورنامنٹ ہورہا ہے۔

یہ بھی پڑھیں:

چیمپئنز ٹرافی کے افتتاحی میچ میں نیوزی لینڈ نے پاکستان کو ہرا دیا

آئی سی سی چیمپئنز ٹرافی 2025: آن لائن ٹکٹ کیسے خریدیں؟

آئی سی سی چیمپئنز ٹرافی: انڈیا اور پاکستان نے سکواڈ کا اعلان کردیا

دستخط کیے گئے حکم نامے کے تحت اُن تعلیمی اداروں کو حکومت فنڈنگ نہیں دے گی جو ٹرانس جینڈرز کو خواتین کے کھیلوں میں حصہ لینے اور خواتین کے لاکر روم استعمال کرنے کی اجازت دیں گے۔

اس حکم نامے کے تحت:

1. امریکی حکومت بین الاقوامی سطح پر خواتین کے کھیلوں کو صنفی بنیاد پر فروغ دینے کے لیے کام کرے گی۔
2. کھیلوں کی بڑی تنظیموں اور گورننگ باڈیز کے نمائندوں کو اکٹھا کیا جائے گا تاکہ ایسی پالیسیاں بنائی جائیں جو خواتین کھلاڑیوں کے لیے منصفانہ اور محفوظ ہوں۔
3. جو تعلیمی ادارے ٹرانس جینڈر خواتین (یعنی وہ افراد جو پیدائشی طور پر مرد تھے لیکن خود کو عورت تصور کرتے ہیں) کو لڑکیوں کے کھیلوں میں حصہ لینے اور خواتین کے لاکر روم استعمال کرنے دیں گے، انہیں وفاقی فنڈنگ نہیں دی جائے گی اور ان کے خلاف تحقیقات کی جا سکتی ہیں۔
4. ٹرمپ کا دعویٰ ہے کہ اگر ٹرانس جینڈر خواتین (جو پیدائشی طور پر مرد تھیں اور خود کو خاتون تصور کرتے ہیں) کو خواتین کے کھیلوں میں شامل ہونے کی اجازت دی جائے تو اس سے خواتین کھلاڑیوں کے ساتھ ناانصافی ہوگی۔ ان کی حکومت یہ برداشت نہیں کرے گی کہ ’مرد‘ (یعنی ٹرانس جینڈر خواتین) لڑکیوں کے کھیلوں میں حصہ لے کر ان پر ’غلبہ‘ حاصل کریں۔

ٹرمپ نے کہا ’ہم ایسا ہونے نہیں دیں گے، اور یہ معاملہ ابھی ختم ہوا۔‘ انہوں نے مزید کہا کہ وہ بین الاقوامی اولمپک کمیٹی پر دباؤ ڈالیں گے کہ وہ 2028 کے لاس اینجلس اولمپکس سے پہلے صنف کی بنیاد پر شرکت کے اصولوں کی واضح طور پر توثیق کرے۔ آئی او سی نے اس معاملے کو کھیلوں کی بین الاقوامی گورننگ باڈیز پر چھوڑ دیا ہے، لیکن ٹرمپ چاہتے ہیں کہ وہ اس حوالے سے واضح مؤقف اختیار کریں۔

امریکہ میں حالیہ برسوں میں ٹرانس خواتین کی کھیلوں میں شرکت ایک بڑا ثقافتی مسئلہ بن چکا ہے، حالانکہ ان کھلاڑیوں کی تعداد بہت کم ہے۔

نیشنل کولیجیئیٹ ایتھلیٹکس ایسوسی ایشن کے صدر چارلی بیکر نے دسمبر میں امریکی سینیٹ کے ایک پینل کو بتایا کہ وہ پورے ملک میں 5 لاکھ 20 ہزار کالج ایتھلیٹس میں سے 10 سے بھی کم ٹرانس کھلاڑیوں کے بارے میں جانتے ہیں۔

اس معاملے پر عوام کی جانب سے بھی مخالفت سامنے آئی ہے۔

2023 میں کیے گئے گیلپ سروے کے مطابق 69 فیصد امریکیوں نے کہا کہ ٹرانس کھلاڑیوں کو صرف اپنی پیدائشی جینڈر کے مطابق کھیلوں کی کیٹگری میں کھیلنے کی اجازت ہونی چاہیے، جو 2021 کے مقابلے میں 7 فیصد زیادہ ہے۔

یہ بھی پڑھیں:

ٹرمپ کے بھاری ٹیکس لگانے کے اعلان پر کینیڈا، چائنہ اور میکسیکو نے کیا ردعمل دیا؟

نئی تجارتی جنگ کے خطرات: ٹرمپ کا میکسیکو، کینیڈا اور چائنہ کی امپورٹس پر بھاری ٹیکس لگانے کا اعلان

غزہ پر قبضہ کرکے اسے دوبارہ تعمیر کرنا چاہتے ہیں، ڈونلڈ ٹرمپ

ٹرمپ انتظامیہ کا تمام غیر ملکی امداد روکنے کا فیصلہ، کیا اس سے پاک-امریکہ تعلقات مزید خراب ہونے کا خدشہ ہے؟

آئی سی سی چیمپئنز ٹرافی 2025 آٹھ سال بعد کھیلا جارہا ہے اور اس بار ٹورنامنٹ کی میزبانی دفاعی چیمپئن پاکستان ’ہائبرڈ ماڈل‘ کے تحت کرے گا۔

یہ ٹورنامنٹ 19 فروری سے کھیلا جائے گا، ٹورنامنٹ کے پہلے مرحلے کے لیے آٹھ ٹیموں کو دو گروپس میں تقسیم کیا گیا ہے۔ ہر ٹیم گروپ مرحلے میں تین میچ کھیلے گی اور ہر گروپ سے ٹاپ دو ٹیمیں سیمی فائنل میں جائیں گی۔

گروپ اے میں بنگلہ دیش، انڈیا پاکستان اور نیوزی لینڈ جبکہ گروپ بی میں افغانستان، انگلینڈ، آسٹریلیا اور ساوٴتھ افریقہ شامل ہیں۔

ٹورنامنٹ کا پہلا میچ پاکستان اور نیوزی لینڈ کے درمیان 19 فروری کو کراچی میں کھیلا جائے گا۔

(یاد رہے کہ انڈین ٹیم نے پاکستان آنے سے منع کردیا تھا جس کے بعد یہ ٹورنامنٹ ہائبرڈ ماڈل کے تحت کھیلا جائے گا یعنی انڈیا کے خلاف ہونے کے میچز متحدہ عرب امارات میں کھیلے جائیں گے۔)

اسکواڈ کا اعلان کرنے والی ٹیمیں:

گروپ اے:

بنگلہ دیش: نظم الحسین شانتو (کپتان)، سومیا سرکار، تنزید حسن، توحید ہردوئے، مشفق الرحیم، ایم ڈی محمود اللہ، جیکر علی انیک، مہدی حسن میراز، رشاد حسین، تسکین احمد، مستفیض الرحمان، پرویز حسین ایمن، نسیم احمد، تنزیم احمد حسن ثاقب، ناہید رانا

نیوزی لینڈ: مچل سینٹنر (کپتان)، مائیکل بریسویل، مارک چیپ مین، ڈیون کونوے، لوکی فرگوسن، میٹ ہنری، ٹام لیتھم، ڈیرل مچل، ول اوورکے، گلین فلپس، راچن رویندرا، بین سیئرز، نیتھن اسمتھ، کین ولیمسن ول ینگ

پاکستان: محمد رضوان (کپتان)، بابر اعظم، فخر زمان، کامران غلام، سعود شکیل، طیب طاہر، فہیم اشرف، خوشدل شاہ، سلمان علی آغا، عثمان خان، ابرار احمد، حارث رؤف، محمد حسنین، نسیم شاہ، شاہین شاہ آفریدی

انڈیا: روہت شرما (کپتان)، شبمن گل، ویرات کوہلی، شریاس آئیر، کے ایل راہول، ہاردک پانڈیا، اکسر پٹیل، واشنگٹن سندر، کلدیپ یادیو، جسپریت بمراہ، محمد شامی، ارشدیپ سنگھ، یشسوی جیسوال، رشبھ پنت، رویندرا جدیجا

گروپ بی:

افغانستان: حشمت اللہ شاہدی (کپتان)، ابراہیم زدران، رحمان اللہ گرباز، صدیق اللہ اتل، رحمت شاہ، اکرام علی خیل، گلبدین نائب، عظمت اللہ عمرزئی، محمد نبی، راشد خان، اے ایم غضنفر، نور احمد، فضل الحق فاروقی، فرید ملک، نوید زدران

ریزور پلئیرز: درویش رسولی، ننگیال خروٹی، بلال سمیع

انگلینڈ: جوز بٹلر (کپتان)، جوفرا آرچر، گس اٹکنسن، جیکب بیتھل، ہیری بروک، برائیڈن کارس، بین ڈکٹ، جیمی اوورٹن، جیمی اسمتھ، لیام لیونگسٹون، عادل رشید، جو روٹ، ثاقب محمود، فل سالٹ، مارک ووڈ

آسٹریلیا: پیٹ کمنز (کپتان)، الیکس کیری، نیتھن ایلس، ایرون ہارڈی، جوش ہیزل ووڈ، ٹریوس ہیڈ، جوش انگلیس، مارنس لیبوشگن، مچل مارش، گلین میکسویل، میٹ شارٹ، اسٹیو اسمتھ، مچل اسٹارک، مارکس اسٹونیس، ایڈم زمپا

ساوٴتھ افریقہ: ٹیمبا باووما (کپتان)، ٹونی ڈی زورزی، مارکو جانسن، ہینرک کلاسن، کیشو مہاراج، ایڈن مارکرم، ڈیوڈ ملر، ویان مولڈر، لونگی نگیڈی، اینریچ نورٹجے، کاگیسو ربادا، ریان رکیلٹن، تبریز شمسی، ٹریسٹن اسٹبس، راس وین ڈیر ڈوسن

چیمپئنز ٹرافی کا شیڈول

چیمپئنز ٹرافی کے شیڈول کا اعلان، پہلا میچ 19 فروری کو کراچی میں ہوگا

پاکستان اور انڈیا کے درمیان چیمپئنز ٹرافی سمیت تمام ٹورنامنٹس کے میچز کے لیے 'ہائبرڈ ماڈل' کا اعلان

چیمپئنز ٹرافی 2025: پاکستان کی میزبانی اور انڈیا کے نہ آنے کے ’بہانے‘؟

انڈیا کے فاسٹ باؤلر جسپریت بمراہ کو 2024 کے لیے آئی سی سی مینز کرکٹر آف دی ایئر کے اعزاز سے نوازا گیا ہے، جبکہ نیوزی لینڈ کی آل راؤنڈر امیلیا کیر نے ویمن کرکٹر آف دی ایئر کا ایوارڈ اپنے نام کیا ہے۔

جسپریت بمراہ کو سر گارفیلڈ سوبرس ٹرافی جبکہ امیلیا کیر کو ریچل ہیہو فلنٹ ٹرافی سے نوازا گیا۔

انڈیا کے لیے جسپریت بمراہ یہ ایوارڈ جیتنے والے پانچویں کھلاڑی ہیں۔ ان سے پہلے راہل ڈریوڈ 2004، سچن تندولکر 2010، رویچندرن ایشون 2016 اور وراٹ کوہلی 2017 اور 2018 میں لگاتار دو بار یہ ایوارڈ جیت چکے ہیں۔

جسپریت بمراہ نے بہترین کرکٹر کے ساتھ آئی سی سی ٹیسٹ کرکٹر آف دی ایئر کا ایوارڈ بھی اپنے نام کیا۔ انہوں نے 2024 میں بہترین کارکردگی دکھائی تھی اور اپنی ٹیم کو ٹی ٹوئنٹی ورلڈکپ جتوانے میں اہم کردار ادا کیا۔

انڈین فاسٹ باوٴلر نے پچھلے سال 13 ٹیسٹ میچوں میں 71 وکٹیں حاصل کیں اور انٹرنیشنل ٹیسٹ کرکٹ میں سب سے زیادہ وکٹیں حاصل کرنے والے باؤلر بنے۔ بمراہ کا باؤلنگ اوسط 14.92 تھا اور ان کا اسٹرائیک ریٹ 30.1 تھا، یعنی انہوں نے کم وقت میں زیادہ وکٹیں حاصل کیں۔

انہوں نے ایوارڈ جیتنے پر کہا کہ یہ ایوارڈ ان کے لیے اعزاز کی بات ہے۔ انہوں نے کہا کہ ’میرا ہمیشہ یہی فوکس رہا ہے کہ میں ٹیم کے لیے کھیلوں اور اس کی کامیابی کے لیے اپنے حصے کی کوشش کروں تاکہ ہم اپنے مشترکہ اہداف کو حاصل کر سکیں۔‘

انہوں نے 2024 کے سال کو خاص قرار دیتے ہوئے کہا کہ آئی سی سی مینز ٹی ٹوئنٹی ورلڈ کپ جیتنا اور تینوں فارمیٹس میں بہترین کارکردگی دکھانا ایک یادگار تجربہ تھا۔

اس کےعلاوہ اسمرتی منڈھانا نے انڈیا کے لیے دوسری بار ویمنز ون ڈے انٹرنیشنل کرکٹر آف دی ایئر کا ایوارڈ جیتا۔ انہوں نے ایک سال کے دوران 747 رنز بنائے، جس کا اوسط 57.46 تھا۔ یہ 2018 کے بعد ان کا دوسرا آئی سی سی ون ڈے انٹرنیشنل ایوارڈ تھا۔

افغانستان کے آل راؤنڈر ازمت اللہ عمرزئی نے مینز ون ڈے انٹرنیشنل کرکٹر آف دی ایئر ایوارڈ جیتا، انہوں نے ایک سال کے دوران 417 رنز اسکور کیے اور 17 وکٹیں حاصل کیں۔

مینز ٹی 20 کرکٹر آف دی ایئر انڈین کھلاڑی ارشدپ سنگھ نے جیتا۔ جبکہ ویمنز ٹی 20 کرکٹر آف دی ایئر کا ایوارڈ بھی نیوزی لینڈ کی آل راؤنڈر امیلیا کیر نے جیتا۔

اس کے علاوہ سری لنکا کے بیٹر کامندو مینڈس کو مینز ایمرجنگ کرکٹر آف دی ایئر کا ایوارڈ ملا، جبکہ جنوبی افریقہ کی آل راؤنڈر اینری ڈرکسن نے ومنیز کیٹیگری میں ایمرجنگ کرکٹر آف دی ایئر کا ایوارڈ جیتا۔

سب سے زیادہ آئی سی سی ایوارڈ انڈیا کے ویرات کوہلی (10) نے اپنے نام کیے ہیں۔

فہرست: آئی سی سی ایوارڈز آف دی ایئر 2024

مینز کرکٹر آف دی ایئر: جسپریت بمراہ (انڈیا)

ویمنز کرکٹر آف دی ایئر: امیلیا کیر (نیوزی لینڈ)

مینز ٹیسٹ کرکٹر آف دی ایئر: جسپریت بمراہ (انڈیا)

مینز ون ڈے انٹرنیشنل کرکٹر آف دی ایئر: ازمت اللہ عمرزئی (افغانستان)

ویمنز ون ڈے انٹرنیشنل کرکٹر آف دی ایئر: اسمرتی منڈھانا (انڈیا)

مینز ٹی 20 کرکٹر آف دی ایئر: ارشدپ سنگھ (انڈیا)

ویمنز ٹی 20 کرکٹر آف دی ایئر: امیلیا کیر (نیوزی لینڈ)

مینز ایمرجنگ کرکٹر آف دی ایئر: کامندو مینڈس (سری لنکا)

ویمنز ایمرجنگ کرکٹر آف دی ایئر: اینری ڈرکسن (ساوٴتھ افریقہ)

امپائر آف دی ایئر: رچرڈ ایلنوروتھ (انگلینڈ)

ہائبرڈ ماڈل کے تحت پاکستان میں میچز تین مختلف شہروں (کراچی، لاہور، راولپنڈی) میں ہوں گے۔ انڈیا کے میچز متحدہ عرب امارات میں کھیلے جائیں گے۔

پاکستان میں گروپ مرحلے کے میچز اور دوسرے سیمی فائنل کے ٹکٹس عوام کے لیے آج دوپہر ایک بجے سے دستیاب ہوں گے۔

ٹکٹس خریدنے کے لیے فینز آئی سی سی چیمپئنز ٹرافی کی آفیشل ٹکٹنگ ویب سائٹ پر جا سکتے ہیں یا قریبی ٹی سی ایس ایکسپریس سینٹرز سے خرید سکتے ہیں۔

ٹکٹ کی قیمتیں

پاکستان میں جنرل اسٹینڈ کے ٹکٹس کی قیمت ایک ہزار روپے سے شروع ہے، جبکہ پریمیم سیٹنگ کے ٹکٹس کی قیمت 1500 روپے سے شروع ہے۔ کراچی، لاہور اور راولپنڈی میں میچز کے لیے وی وی آئی پی، پریمئم، فرسٹ کلاس اور جنرل کیٹگریز کے لیے بھی ٹکٹ دستیاب ہیں۔

اگر آپ آن لائن ٹکٹ بک نہیں کروانا چاہتے تو 3 فروری سے پاکستان بھر کے ٹی سی ایس ایکسپریس سینٹرز میں ٹکٹس دستیاب ہوں گے۔ اس کے متعلق مزید تفصیلات جلد جاری کی جائیں گی۔

انڈیا کے میچز متحدہ عرب امارات میں 20 فروری، 23 فروری اور 2 مارچ کو کھیلے جائیں گے، ان میچز کے لیے ٹکٹ کی تفصیلات جلد جاری کی جائیں گی۔

9 مارچ کو ہونے والے فائنل کے ٹکٹس دبئی میں پہلا سیمی فائنل کھیلے جانے کے بعد دستیاب ہوں گے۔

چیمپئنز ٹرافی کا شیڈول

یہ بھی پڑھیں:

آئی سی سی چیمپئنز ٹرافی کے لیے اسکواڈ کا اعلان کرنے والی ٹیمیں

چیمپئنز ٹرافی کے شیڈول کا اعلان، پہلا میچ 19 فروری کو کراچی میں ہوگا

افغان کرکٹر پر میچ میں تاخیر کیلئے ’فیک انجری‘ کا الزام، آئی سی سی قوانین کیا کہتے ہیں؟

ویسٹ انڈیز نے پاکستان کو 34 سال بعد ہوم گراؤنڈ پر شکست دی ہے، مہمان ٹیم آخری بار 1990 میں جیتی تھی۔

ویسٹ انڈیز نے پاکستان کو 254 رنز کا ہدف دیا تھا۔ لیکن ویسٹ انڈیز کے اسپنرز کے مسلسل دباؤ کی وجہ سے پاکستان کی بیٹنگ لائن لڑکھڑا گئی اور پوری ٹیم 133 رنز پر آل آؤٹ ہوگئی۔ دونوں اننگز میں ایک بھی پاکستانی بلے باز نصف سنچری بھی سکور نہیں کرسکا۔

آج کھیل کے تیسرے دن جب پاکستان کا اسکور 76/4 تھا اور چھ وکٹیں باقی تھیں، انہیں جیت کے لیے مزید 178 رنز درکار تھے۔ تاہم پاکستانی بلے باز پہلے 20 منٹ میں آوٴٹ ہوگئے۔

ویسٹ انڈیز کے اسپنر کیون سنکلیئر نے دن کے پہلے اوور میں سعود شکیل کو 13 رنز پر آؤٹ کیا۔ اس کے بعد جومیل ویرکین نے اگلے اوور میں کشف علی کو ایک رن پر آؤٹ کیا، جس کے بعد پاکستان کا اسکور 76/6 ہو گیا اور بلے باز مشکل میں پڑ گئے۔

پاکستانی بلے باز محمد رضوان اور سلمان علی آغا کے درمیان 39 رنز کی مختصر پارٹنرشپ نے بیٹنگ لائن میں تھوڑی امید پیدا کی۔ تاہم جومیل ویرکین نے ایک بار پھر کھیل کا پانسہ پلٹ دیا اور سلمان علی آغا کو 15 رنز پر آؤٹ کر دیا اور محمد رضوان 25 رنز پر پویلین لوٹ گئے۔

اس دوران پاکستان کا اسکور 122/8 تھا۔ ٹیم کے آخری کھلاڑی نعمان علی سات رنز بنا کر ویسٹ انڈیز اسپنر کا شکار بنے۔ جس کے بعد ویسٹ انڈیز نے پاکستان کے خلاف تاریخی فتح حاصل کرلی۔

ویسٹ انڈیز اسپنر جومیل ویرکین نے شاندار باؤلنگ کرتے ہوئے 27 رنز دے کر 5 وکٹیں حاصل کیں۔ کیون سنکلیئر اور گوڈیکیش موٹی نے بھی بہترین کارکردگی دکھاتے ہوئے بالترتیب تین اور دو وکٹیں لیں۔

ٹیسٹ سیریز کے دوسرے دن بھی پاکستانی بلے بازوں نے کوئی خاص کارکردگی نہیں دکھائی۔ دونوں اوپنرز شان مسعود اور محمد حُریرہ صرف دو دو رنز بنر کر آؤٹ ہو گئے۔ بابر اعظم اور کامران غلام کے درمیان 43 رنز کی پارٹنرشپ بنی، لیکن ویرکین نے کامران غلام کو 19 رنز پر آؤٹ کر دیا۔ پھر سنکلیئر نے بابر اعظم کو 31 رنز پر آؤٹ کر کے پاکستان کو مزید مشکلات میں ڈال دیا۔ اور قومی ٹیم کو 4 وکٹوں کے نقصان سے 76 رنز پر روک دیا۔

پاکستان پلائنگ الیون:

شان مسعود (کپتان)، محمد حُریرہ، بابر اعظم، کامران غلام، سعود شکیل، محمد رضوان (وکٹ کیپر)، سلمان علی آغا، ساجد خان، نومان علی، کشف علی اور ابرار احمد شامل ہیں۔

ویسٹ انڈیز پلائنگ الیون:

کراگ بریک ویٹ (کپتان)، مائیکائل لوئس، امیر جنگو، کیویم ہوڈج، ایلیک آتھنازے، جسٹن گریوز، ٹیون آئیملچ (وکٹ کیپر)، کیون سنکلیئر، گوڈیکیش موٹی، کیمر روچ اور جومیل ویرکین شامل ہیں۔ دونوں ٹیمیں اپنے بہترین کھلاڑیوں کے ساتھ میدان میں اترنے کے لیے تیار ہیں۔

آٹھ ٹیموں کے اس مقابلے میں 15 میچز ہوں گے جو پاکستان اور دبئی میں ہوں گے۔

پاکستان میں میچز راولپنڈی، لاہور اور کراچی اسٹیڈیم میں ہوں گے، ہر شہر میں تین گروپ مرحلے کے میچز ہوں گے۔ لاہور ٹورنامنٹ کے دوسرے سیمی فائنل کی میزبانی بھی کرے گا۔

لاہور 9 مارچ کو ٹورنامنٹ کے فائنل کی بھی میزبانی کرے گا لیکن اگر انڈیا کوالیفائی کرتا ہے تو اس صورت میں فائنل دبئی میں ہوگا۔ سیمی فائنل اور فائنل دونوں میں ریزرو دن بھی ہوں گے۔

ٹورنامنٹ کو دو گروپس میں تقسیم کیا گیا ہے:

گروپ اے: پاکستان، بھارت، نیوزی لینڈ اور بنگلا دیش

گروپ بی: آسٹریلیا، افغانستان، انگلینڈ اور جنوبی افریقہ

یاد رہے کہ انڈین حکومت نے سیکیورٹی خدشات کا حوالہ دیتے ہوئے اپنے کھلاڑیوں کو پاکستان جانے کی اجازت دینے سے انکار کردیا تھا جس کی وجہ سے چیمپئنز ٹرافی کے شیڈول میں تاخیر ہوئی۔

پاکستان اور انڈیا نے ہائبرڈ ماڈل پر اتفاق کیا ہے، جہاں انڈیا اپنے میچ پاکستان کے بجائے کسی نیوٹرل مقام یعنی متحدہ عرب امارات میں کھیلے گا۔

پاکستان کرکٹ بورڈ (پی سی بی) نے دو پہلے قبل متحدہ عرب امارات (یو اے ای) کو انڈیا کے میچوں کے لیے نیوٹرل مقام کے طور پر منتخب کیا تھا۔

معاہدے کے تحت پاکستان مستقبل میں انڈیا کی میزبانی میں ہونے والے آئی سی سی ٹورنامنٹس میں بھی اپنے میچز نیوٹرل مقامات پر کھیلے گا۔ یہ معاہدہ آئی سی سی ویمنز کرکٹ ورلڈ کپ 2025 اور آئی سی سی مینز ٹی 20 ورلڈ کپ 2026 پر بھی لاگو ہوگا، جس کی میزبانی بھارت اور سری لنکا کر رہے ہیں۔

چیمپئنز ٹرافی 2025 کا شیڈول

19 فروری: پاکستان بمقابلہ نیوزی لینڈ، مقام: کراچی

20 فروری: بنگلہ دیش بمقابلہ انڈیا، مقام: دبئی، یو اے ای

21 فروری: افغانستان بمقابلہ جنوبی افریقہ، مقام: کراچی

22 فروری: آسٹریلیا بمقابلہ انگلینڈ، مقام: لاہور

23 فروری: پاکستان بمقابلہ بھارت، مقام: دبئی

24 فروری: بنگلہ دیش بمقابلہ نیوزی لینڈ، مقام: راولپنڈی

25 فروری: آسٹریلیا بمقابلہ جنوبی افریقہ، مقام: راولپنڈی

26 فروری: افغانستان بمقابلہ انگلینڈ، مقام: لاہور

27 فروری: پاکستان بمقابلہ بنگلہ دیش، مقام: راولپنڈی

28 فروری: افغانستان بمقابلہ آسٹریلیا، مقام: لاہور

یکم مارچ: جنوبی افریقہ بمقابلہ انگلینڈ، مقام: کراچی

2 مارچ: نیوزی لینڈ بمقابلہ انڈیا، مقام: دبئی، یو اے ای

4 مارچ: سیمی فائنل ون، مقام: دبئی، یو اے ای

5 مارچ: سیمی فائنل ٹو، مقام: لاہور

9 مارچ: فائنل، مقام: لاہور (اگر انڈیا کوالیفائی کرتا ہے تو فائنل دبئی میں کھیلا جائے گا)

10 مارچ: ریزرو ڈے

انٹرنیشنل کرکٹ کونسل (آئی سی سی) کی جانب سے جاری اعلان کے مطابق 2024 سے2027 کے درمیان ہونے والے آئی سی سی ٹورنامنٹس میں دونوں ممالک کے میچز نیوٹرل وینیو پر کھیلے جائیں گے۔

بیان کے مطابق اس کا اطلاق اگلے سال فروری سے مارچ 2025 میں کھیلی جانے والی چیمپئنز ٹرافی پر بھی ہوگا۔ یعنی انڈیا کے خلاف ہونے کے میچز متحدہ عرب امارات میں کھیلے جائیں گے۔

بیان میں کہا گیا کہ ’اس معاہدے کا اطلاق آئی سی سی ویمنز کرکٹ ورلڈ کپ 2025 پر بھی ہوگا، جس کی میزبانی انڈیا کرے گا اور آئی سی سی مینز ٹی ٹوئنٹی ورلڈ کپ 2026 پر بھی ہوگا جس کی میزبانی بھارت اور سری لنکا کر رہے ہیں‘۔

پاکستان کرکٹ بورڈ (پی سی بی) نے ابھی تک کوئی باضابطہ بیان جاری نہیں کیا۔ تاہم پی سی بی حکام نے پہلے بی بی سی کو تصدیق کی کہ وہ چیمپئنز ٹرافی کے لیے ایک ہائبرڈ ماڈل پر رضا مند ہیں۔

انہوں نے بتایا کہ چیمپئنز ٹرافی کے لیے انڈیا کے خلاف میچز متحدہ عرب امارات میں منعقد ہوں گے اور اس کے تحت پاکستان مستقبل میں انڈیا کی میزبانی میں ہونے والے آئی سی سی ٹورنامنٹس میں بھی اپنے میچ نیوٹرل مقامات پر کھیلے گا۔

انڈین کرکٹ ٹیم نے 2008 سے پاکستان کا دورہ نہیں کیا ہے۔ انڈیا نے آخری بار 2006 کے شروع میں پاکستان کا دورہ کیا تھا۔

دونوں ٹیمون نے آخری بار دسمبر 2012 اور جنوری 2013 میں دو طرفہ سیریز کھیلی تھی جب پاکستان نے وائٹ بال سیریز کے لیےانڈیا کا دورہ کیا تھا۔

پاکستان کی کرکٹ ٹیم نے 2023 میں اکتوبرسے نومبر میں آئی سی سی کرکٹ ورلڈ کپ کے لیے انڈیا کا دورہ کیا تھا جہاں اس نے تمام میچز کھیلے۔

پاکستان نے گزشتہ سال ایشیا کپ کی میزبانی بھی کی تھی لیکن انڈیا نے سری لنکا میں اپنے تمام میچ ایک ’ہائبرڈ ماڈل‘ کے تحت کھیلے تھے۔

اُس وقت انڈیا نے کہا تھا کہ انہیں پاکستان کے دورے کی حکومت کی طرف سے اجازت نہیں ملی تھی۔

یہ بھی یاد رہے کہ آخری بار آئی سی سی چیمپئنز ٹرافی 2017 میں کھیلا گئا تھا اور سرفراز احمد کی قیادت میں پاکستان اس ٹورنامنٹ کا چیمپئن بنا تھا۔

اس ٹورنامنٹ میں آٹھ ٹیمیں حصہ لیں گی۔ جن میں افغانستان، آسٹریلیا، بنگلہ دیش، انگلینڈ، انڈیا، نیوزی لینڈ، پاکستان اور ساوٴتھ افریقہ شامل ہیں۔

لیکن صرف انڈین ٹیم کو پاکستان آنے میں مسئلہ ہے۔ انڈیا کی ٹیم پچھلے سولہ سال سے پاکستان نہیں آئی یعنی آخری بار انڈین ٹیم 2008 میں ایشیا کپ کھیلنے پاکستان آئی تھی۔

جبکہ پچھلے سولہ سال کے دوران پاکستان ٹیم چار بار انڈیا جاچکی ہے۔

اب چیمپیئنز ٹرافی کامیاب بنانے کے لیے پاکستان کے پاس 2 آپشن ہیں. پہلا آپشن مائنس انڈیا یعنی انڈیا کے بغیر ہی پورا ٹورنامنٹ کھیلا جائے۔ اور اگر ایسا ہوا تو سپانسرز، براڈکاسٹرز اور آئی سی سی کو کروڑوں کا نقصان ہوسکتا ہے۔

دوسرا آپشن ہائبرڈ ماڈل کا ہے یعنی ٹورنامنٹ کے سارے میچز تو پاکستان میں ہوں گے لیکن وہ میچز جس میں انڈیا کھیلے گا وہ دوسرے ملک یعنی متحدہ عرب امارات میں ہوں گے۔

پی سی بی کے چیئرمین محسن نقوی نے ہائبرڈ ماڈل کا آپشن پہلے ہی ریجکٹ کردیا ہے۔ اس کی وجہ یہ ہوسکتی ہے کہ چونکہ انڈیا کی ٹیم کافی مضبوط ہے توبہت چانسز ہیں کہ وہ فائنل میں پہنچ جائے اور اگر سیمی فائنل اور فائنل پاکستان سے باہر ہی کھیلنے ہیں تو پاکستان کو چیمئپئنز ٹرافی ہوسٹ کرنا کا کیا فائدہ ؟

اب بات یہ ہے کہ آئی سی سی نے بی سی سی آئی کو کہا ہے کہ وہ ٹھوس وجوہات لکھ کر بتائیں کہ وہ پاکستان کیوں نہیں آنا چاہتے۔ اب اگر انڈیا کی وجوہات ٹھوس نہ ہوئیں اور آئی سی سی کے کہنے کے باوجود بھی اگر انڈین ٹیم پاکستان نہ آئی تو کہا جارہا ہے کہ انڈیا کی جگہ کسی اور ٹیم کو شامل کیا جائے گا۔

یہ بھی افواہیں چل رہی ہیں کہ اگر انڈیا اپنے فیصلے پر ڈٹا رہا تو پاکستان مستقبل میں ایسے تمام ٹورنامنٹس کا بائیکاٹ کردے گا جس میں انڈیا ہوگا۔

یہ جھگڑا اس وقت شدت اختیار کر گیا جب اسرائیلی فینز نے عمارتوں سے فلسطین کا جھنڈا اتار دیا، جس کے بعد عرب مخالف اور فلسطین مخالف نعرے بھی لگائے اور یہ بھی کہا کہ ’غزہ میں کوئی بچہ نہیں بچے گا‘۔

یہ نعرے سوشل میڈیا پر گردش کرنے والی ویڈیوز میں بھی سنے گئے جس کی تصدیق انٹرنیشننل میڈیا اداروں نے بھی کی۔

کب کیا ہوا؟

ایمسٹرڈیم میں کشیدگی چھ نومبر کے روز شروع ہوئی جب اسرائیلی حامی ایمسٹرڈیم پہنچے۔ ان کا میچ ڈَچ فٹ بال کلب ایجکس کے خلاف اگلے دن کے لیے طے تھا۔

برطانوی خبر رساں ایجنسی روئٹرز کی تصدیق شدہ ویڈیو میں مکابی کے فینز کو مشتعل ہوتے اور نعرے لگاتے دیکھا گیا۔ اس دوران اسرائیلی فینز نے فلسطینی جھنڈے لگائے ہوئے گھروں پر بھی حملہ کیا۔

اس کے اگلے روز جمعرات کی شام کو اسرائیلی حامی فٹ بال اسٹیڈیم کی طرف مارچ کرتے ہوئے عرب مخالف نعرے لگا رہے تھے۔ پولیس نے فینز کو اسٹیڈیم تک پہنچایا تاہم حکام نے فلسطین کے حامی مظاہرین کو اسٹیڈیم کے باہر جمع ہونے سے منع کر دیا تاکہ مظاہرین کے درمیان تصادم کو روکا جا سکے۔

ڈچ فٹ بال کلب ایجکس نے اسرائیلی فٹ بال کلب مکابی کے خلاف 5-0 سے میچ جیت لیا۔ میچ بغیر کسی ہنگامے کے ختم ہو گیا۔ میچ کے ختم ہونے کے بعد اسرائیلی حامیوں نے موٹرسائیکلز کو بھی نشانہ بنایا جب وہ شہر کے مرکزی حصے (ڈاون ٹاوٴن) کی طرف جا رہے تھے۔

کسی بھی ہنگامی صورت حال کے پیش نظر 600 پولیس اہلکار تعینات کیے گئے اس دوران ہنگامہ روکنے کی کوشش میں پولیس نے 62 افراد کو حراست میں لے لیا۔

جمعے کو شہر کے چیف پبلک پراسیکیوٹر نے ایک پریس کانفرنس میں بتایا کہ 10 افراد زیر حراست ہیں۔ ان کا کہنا تھا کہ ایمسٹرڈیم پولیس سیکیورٹی کیمروں کی فوٹیجز، سوشل میڈیا پوسٹس اور دیگر شواہد کی تحقیقات کی جارہی ہیں تاکہ ان ہنگاموں میں شامل لوگوں کی شناخت کی جا سکے اور ان کے خلاف ایکشن لیا جا سکے۔

کیا کسی کو نقصان پہنچا؟

ان جھڑپوں کے دوران 5 لوگ شدید زخمی ہوئے جنہیں ہسپتال منتقل کردیا گیا ہے۔ اس کے علاوہ 20 سے 30 افراد کو معمولی چوٹی بھی آئیں۔ اسرائیلی وزارت خارجہ نے تصدیق کی کہ 10 اسرائیلی زخمی ہوئے ہیں ایمسٹرڈیم پولیس کا کہنا ہے کہ تحقیقات جاری ہیں۔

کیا حکام نے کوئی اقدام اٹھایا؟

ایمسٹرڈیم کی میئر نے ان حملوں کو ’یہود مخالف‘ قرار دیا اور کسی بھی قسم کے اجتماعات اور مظاہروں پر تین دن کے لیے پابندی بھی لگا دی ہے۔

شہر بھر میں ایمرجنسی اقدامات کر لیے گئے ہیں اور لوگوں کے اکٹھے ہونے پر پابندی بھی عائد کی گئی ہے۔

دوسری طرف اسرائیلی وزیر اعظم بنیامین نیتن یاہو نے اپنے ملک کی جاسوس ایجنسی موساد کو بین الاقوامی ممالک میں ’یہود مخالف‘ پرتشدد واقعات کو روکنے کے لیے ایک پلان تیار کرنے کا حکم دیا ہے۔

جس کے بعد اسرائیلی حکومت نے اپنے شہریوں کو واپس لانے کے لیے دو طیارے بھیجنے کا حکم دیا۔

بین الاقوامی ردعمل کیا رہا ہے؟

اسرائیل کے قریبی اتحادی، امریکہ کے صدر بائیڈن نے ان حملوں کی مذمت کرتے ہوئے انہیں ’نفرت انگیز‘ قرار دیا اور کہا کہ یہ ’کہا کہ ان واقعات نے انہیں تاریخ کے وہ وقت یاد دلائے جب یہودیوں کو ظلم و ستم کا سامنا کرنا پڑا‘۔

اقوام متحدہ کے سیکرٹری جنرل انتونیو گوتریس نے ان واقعات پر صدمے کا اظہار کیا۔

آگے کیا ہوگا؟

پچھلے چند دنوں کے پرتشدد واقعات نے یورپ میں اسرائیلی ٹیموں کی سیکیورٹی کے بارے میں خدشات پیدا کر دیے ہیں۔

مکابی تل ابیب کا اگلا شیڈول میچ ترکی کے کلب کے خلاف ہے۔ جس پر ترکیہ کی انتظامیہ پہلے ہی فیصلہ کر چکی ہے کہ یہ میچ استنبول میں نہیں کھیلا جائے گا اور فی الحال کسی دوسرے ملک میں میچ کھیلنے پر بات چیت چل رہی ہے۔

پاکستان کے سرکاری نشریاتی ادارے ریڈیو پاکستان کے مطابق صوبہ پنجاب کے شہر لاہور میں 18 سے 22 اگست تک جاری رہنے والے اس ایونٹ میں انڈیا، عراق، ایران، بحرین، کویت، لبنان، عراق، ایران، انڈونیشیا، کرغزستان، نیپال، تاجکستان اور ازبکستان کے ٹاپ فائٹرز حصہ لیں گے۔

پاکستان اس بڑے ایونٹ کی میزبانی میں بحرین، کولمبیا اور سربیا جیسے ممالک میں شامل ہوگیا ہے۔

اتوار کو ریڈیو پاکستان کی ٹوئٹ میں بتایا گیا کہ ’پاکستان میں پہلی بار مکسڈ مارشل آرٹس ایشین چیمپئن شپ آج لاہور میں شروع ہوئی۔‘

مکس مارشل آرٹس میں باکسنگ، کک باکسنگ، جوجسٹو، ریسلنگ، تائیکوانڈو شامل ہیں۔ اس کھیل میں فائٹرز اپنے مخالف کھلاڑی کو ناک آؤٹ کرنے کی کوشش کرتے ہیں۔

ایک معروف بین الاقوامی کمپنی نیلسن اسپورٹس ڈی این اے کے مطابق حالیہ برسوں میں ایم ایم اے ایک ’خونی کھیل‘ کے طور پر مقبول گلوبل انٹرٹینمنٹ ​​بن گیا ہے۔ اگرچہ یہ ابھی تک اولمپک کا حصہ نہیں ہے لیکن یہ فٹ بال اور باسکٹ بال کے بعد دنیا کا تیسرا مقبول کھیل ہے۔

یہ بول مراد سدپارہ کے ہیں جو ویسے تو کوہ پیمائی کے لیے مشہور ہیں لیکن ان کے دوست انہیں ’سنگر‘ کہہ کر بلاتے تھے۔

پاکستان کی چوتھی بڑی چوٹی براڈ پیک پر زخمی ہونے والے اسکردو کے کوہ پیما مراد سدپارہ انتقال کرگئے۔ ان کی موت کی تصدیق الپائن کلب کے نائب صدر ایاز شگری نے کی۔

10 اگست کو لینڈ سلائیڈنگ کی وجہ سے مراد سدپارہ 8 ہزار 47 میٹر کی بلند چوٹی براڈ پیک سے اترتے ہوئے زخمی ہوئے۔ 11 اگست کو انہیں براڈ پیک سے نکالنے کے لیے ریسکیو مشن بھیجا گیا تھا لیکن مراد زخموں کے تاب نہ لاتے ہوئے جانبر نہ ہو سکے۔

ریسکیو آپریشن کے دوران دیگر چار کوہ پیماؤں کو بیس کیمپ تک پہنچایا گیا۔

پاکستان کی نامور کوہ پیما نائلہ کیانی نے بھی اس خبر کی تصدیق کرتے ہوئے کہا کہ ’مراد سدپارہ اب ہمارے درمیان نہیں رہے۔ براڈ پیک سے نیچے اترتے ہوئے ان کے سر پر پتھر لگ گیا اور وہ زخمی ہوگئے۔‘

https://www.facebook.com/plugins/post.php?href=https://www.facebook.co

انہوں نے ریسکیو آپریشن میں تاخیر کی شکایت کرتے ہوئے کہا کہ ’انتظامیہ کی تاخیر کی وجہ سے پچھلے دو دنوں میں قیمتی وقت ضائع ہوا۔ اگر ہم وقت پر آپریشن کا آغاز ہوجاتا تو شاید مراد سدپارہ کی جان بچ سکتی تھی اور آج ان کی موت کے بجائے کوئی اور خبر ہوتی۔‘

رپورٹس کے مطابق مراد سدپارہ گزشتہ ہفتے پرتگالی خاتون کوہ پیما کے ساتھ براڈ پیک ایڈونچر کے لیے روانہ ہوئے تھے جہاں سے واپسی پر کیمپ 1 پر سر پر پتھر لگنے سے وہ شدید زخمی ہو گئے۔ پرتگالی کوہ پیما کے مطابق انہیں سنگین چوٹیں آئی تھیں۔

ریسکیو ذرائع نے بتایا کہ سدپارہ کی لاش کو جاپانی کیمپ منتقل کر دیا گیا ہے اور آج دوپہر 2 بجے تک بیس کیمپ منتقل کر دیا جائے گا جہاں سے اسے آرمی ہیلی کاپٹر کے ذریعے اسکردو پہنچایا جائے گا۔

مراد سدپارہ کی عمر 35 برس تھی اور ان کے 4 بچے تھے۔ انہوں نے خطرناک پہاڑی چوٹیوں سے ماضی میں کئی کوہ پیماوٴں کی جانب بچائی جس میں کوہ پیما حسن شگری کی لاش بھی شامل ہے جو کے ٹو سے نیچے اترتے ہوئے لاپتا ہوگئے تھے۔

مراد سدپارہ کا شمار پاکستان کے نامور کوہ پیماؤں میں ہوتا ہے اور وہ اس سال کے ٹو صفائی مہم کی قیادت کر رہے تھے۔ وہ پانچ مرتبہ کے ٹو پر مہم کا حصہ بن چکے ہیں۔

انہوں نے گزشتہ سال انتقال کرجانے والے کوہ پیما حسن شگری کی لاش کے ٹو کے بیس کیمپ سے اہل خانہ کے حوالے کی۔ مراد سدپارہ نے گزشتہ سال کے ٹو کے کیمپ 3 سے ایک افغان کوہ پیما کی لاش نیچے لانے میں مدد کی تھی۔

35 سالہ کوہ پیما گرمیوں میں پہاڑ پر چڑھنے اور سردیوں میں ٹریکٹر چلا کر اپنا وقت گزارتے تھے۔

8047 میٹر بلند براڈ پیک قراقرم کے پہاڑی سلسلے میں واقع ہے جو نسبتاً آسان سمجھی جاتی ہیں۔ دنیا میں 8 ہزار میٹر سے بلند 14 پہاڑ ہیں جن میں سے 5 پاکستان میں واقع ہیں۔

’دوستوں کی محفل میں مراد کی سُریلی آواز یاد آئے گی‘

پاکستان کے نوجوان کوہ پیما شہروز کاشف نے ینی شفق سے بات کرتے ہوئے کہا کہ ’مراد اپنی گلوکاری کی وجہ سے مشہور تھا، ان کی قریبی ساتھی انہیں ’سنگر‘ کہہ کر بلاتے تھے، کلبھی دوستوں کی محفل لگتی تو ہم مراد سے گانے کی فرمائش کرتے تھے، وہ گانے کے بول بھی خود لکھتا تھا۔‘

’ان کے گانے کا یہ بول بہت مشہور تھا کہ ’میرے دل میں جو لگی ہے اس لگن سے پوچھیے میں کس لیے برباد ہوا ان پہاڑوں سے پوچھیے‘، وہ یہ گانا گنگناتے ہوئے ڈرم بھی بجایا کرتا تھا۔ دوستوں کی محفل میں مراد کی سریلی آواز بہت یاد آئے گی‘۔

سوشل میڈیا پر مراد سدپارہ کی یہ ویڈیو بھی وائرل ہورہی ہے جہاں انہیں اپنے ساتھیوں کے ساتھ پہاڑ پر چڑھتے ہوئے دیکھا جاسکتا ہے۔ اس دوران وہ گانا بھی گنگنا رہے ہیں۔

https://www.instagram.com/reel/C-jq26tiqdN/?utm_source=ig_embed&utm_ca

یاد رہے کہ ارشد ندیم نے اولمپکس کے جیولن تھرو مقابلے میں 92.97 میٹر جیولن تھرو کرکے اولمپک کا نیا ریکارڈ قائم کیا اور 40 سال کے طویل عرصے بعد پاکستان کے لیے گولڈ میڈل جیتا اور وہ اولمپک کے انفرادی مقابلے میں سونے کا تمغہ جیتنے والے پہلے پاکستانی بنے۔

دوسری جانب نیرج چوپڑا نے 89.45 میٹر کی تھرو کی اور وہ دوسرے نمبر پر رہے۔

اس موقع پر انڈین میڈیا سے بات کرتے ہوئے نیرج چوپڑا کی والدہ سروج دیوی نے کہا تھا کہ ’ہمارے لیے سلور بھی گولڈ جیسا ہے، جس نے (ارشد) گولڈ جیتا وہ بھی ہمارا بیٹا ہے‘۔

اولمپک میں سلور میڈل جیتنے کے بعد اپنے وطن انڈیا واپسی کے بعد میڈیا سے بات کرتے ہوئے نیرج چوپڑا نے کہا کہ ’میری ماں جو بھی کہتی ہیں، وہ دل سے کہتی ہیں۔ وہ بھی جانتی ہے جس طرح وہ ہمارے لیے دعا کر رہی تھی یا انڈیا کے لوگ میرے لیے دعا کر رہے تھے، تمام ممالک اپنے کھلاڑیوں کے لیے دعا کرتے ہیں۔‘

انڈین جیولن تھرو اسٹار نیرج نے پاکستان اور انڈیا کے لوگوں کے تعلقات کے بارے میں بھی گفتگو کی ۔

نیرج نے اس بات پر زور دیا کہ سرحدوں کے دونوں طرف سیاسی کشیدگی کے باوجود میدان میں ان کے اور ارشد کے درمیان عزت اور دوستی کا رشتہ ہوتا ہے۔

انہوں نے کہا کہ ’ہم ہمیشہ اپنا کھیل کھیلتے ہیں، سرحد پر مسائل بالکل مختلف ہوتے ہیں، کھیلوں کے ذریعے ہم لوگوں کو ایک دوسرے کا ساتھ دینا سکھانے کی کوشش کرتے ہیں، لیکن کچھ واقعات ایسے ہوتے ہیں کہ دوبارہ مسائل پیدا ہو جاتے ہیں۔ ہم چاہتے ہیں کہ ہمیشہ امن رہے لیکن یہ ہمارے ہاتھ میں نہیں ہے۔‘

نیرج نے نیوز ایجنسی اے این آئی سے گفتگو کرتے ہوئے کہا کہ ’ہر ایتھلیٹ کا ایک دن ہوتا ہے، ٹوکیو میں میرا دن تھا لیکن آج ارشد کا دن تھا۔ اور جس ایتھلیٹ کا دن ہوتا ہے اس دن اس کی ہر چیز پرفیکٹ ہوتی ہے جیسے آج ارشد کی تھی۔‘

یہ الفاظ ہیں پاکستان کے اسٹار ایتھلیٹ اور جیولن تھرور ارشد ندیم کے بھائی شاہد ندیم کے جہاں انہوں نے ایک نجی میڈیا سے فون پر گفتگو کرتے ہوئے اپنے جذبات کا اظہار کیا۔

پیرس گیمز میں جمعرات کو ارشد ندیم نے 92.97 میٹر جیولن تھرو کرکے اولمپک ریکارڈ قائم کیا اور 40 سال کے طویل عرصے بعد پاکستان کے لیے گولڈ میڈل جیتا اور وہ اولمپک کے انفرادی مقابلے میں سونے کا تمغہ جیتنے والے پہلے پاکستانی بنے۔

ارشد ندیم کو یہاں تک پہنچنے کے لیے کئی مشکلات کا سامنا کرنا پڑا، ایک غریب مزدور کے بیٹے، جن کے پاس جیولن تھرو خریدنے کے پیسے تک نہیں تھے، آج انہوں نے بغیر کسی حکومتی سپورٹ اور صرف اپنی محنت کے ذریعے پوری دنیا میں نام کمایا۔

پنجاب کے ایک چھوٹے کے گاوٴں سے تعلق رکھنے والے اسٹار کھلاڑی کے بھائی نے فون پر بتایا کہ ’ہمارے گاوٴں کے قریب ہسپتال، کھیل کے لیے گراوٴنڈ یا جم نہیں ہے۔ سہولیات نہ ہونے کے باوجود ارشد نے خود سے سونے کا تمغہ حاصل کیا۔ لاکھوں لوگوں میں خدا نے صرف اسے چنا‘۔

شاہد ندیم کہتے ہیں کہ ’خدا نے اسے صرف جسمانی طاقت دی تھی۔ اس لیے وہ آگے بڑھا۔ اس نے صرف اپنی اس طاقت کا استعمال کیا۔‘

انڈین ایتھلیٹ نیرج چوپڑا سے متعلق ایک سوال پر بات کرتے ہوئے وہ کہتے ہیں کہ ’نیرج چوپڑا بھی ہمارے بھائی ہیں۔ انہوں نے بہت اچھی تھرو کی لیکن اس وقت ارشد کا دن تھا۔ ہار جیت کھیل کا حصہ ہے۔ ہمیں خوشی ہے ایشیا کے دو کھلاڑیوں نے ٹاپ پوزیشن حاصل کی‘۔

لیکن کیا پاکستان میں اور کوئی ارشد ندیم جیسا بن سکتا ہے؟ اس حوالے سے پیرس گیمز سے پہلے ارشد ندیم کے والد نے ڈان سے گفتگو کرتے ہوئے کہا تھا کہ ’ہاں، اس کے گھر میں دو چھوٹے بچے مستقبل کے ارشد ندیم ہیں‘۔

اب یہاں یہ سوال پیدا ہوتا ہے کہ ارشد جیسے چیمپئن کے لیے پاکستان کو مزید 32 سال کا انتظار کرنا پڑے گا؟ کیا ارشد کی متاثر کن جدوجہد سے مستقبل کے کھلاڑی کوئی سبق سیکھے گے یا چند دنوں کے بعد اسے بھلا دیا جائے گا؟ کیا اب جو بڑے بڑے وعدے کیے جا رہے ہیں کیا وہ واقعی پورے ہوں گے؟ ان سوالوں کا تسلی بخش جواب دینے کے لیے اس سے بہتر کوئی وقت نہیں جب پوری دنیا کی نظریں اولمپکس پر مرکوز ہیں۔

’یہ خیال کہ حکومت نے ان کی مدد نہیں کی، یہ غلط ہے‘

پاکستان اسپورٹس بورڈ کے ڈپٹی ڈائریکٹر جنرل شاہد اسلام نے وی او اے کو بتایا کہ ارشد ندیم کی فتح کے بعد لوگ یہ کہہ رہے ہیں کہ حکومت نے ارشد ندیم مالی مدد نہیں کی۔ انہوں نے دعویٰ کیا کہ حکومت نے ارشد ندیم کو گھٹنے کے علاج اور انعام رقم کے لیے 2019 سے لے کر اب تک 80 ہزار ڈالرز سے زیادہ دیے ہیں۔

انہوں نے کہا کہ ’میں اس بات سے اتفاق کرتا ہوں کہ ارشد ایک عظیم کھلاڑی ہے، انہیں اس سے بھی زیادہ انعامی رقم ملنی چاہیے لیکن یہ خیال کہ حکومت نے ان کی مدد نہیں کی، یہ غلط ہے۔‘

انہوں نے دعویٰ کیا کہ حکومت نے ہی ارشد کی کِٹ اور اس کے غیر ملکی سفر اور رہائش کا بندوبست کیا تھا۔

ان کے والد محمد اشرف مزدوری کرتے ہیں اور گھر کے واحد کمانے والے ہیں۔

ارشد کا خاندان معاشی طور پر مضبوط نہیں ہے جس کی وجہ سے انہیں اپنے کریئر کے ابتدائی دنوں میں کافی مشکلات کا سامنا کرنا پڑا۔ ایک موقع پر ارشد ندیم کے والد نے کہا تھا کہ ’لوگوں کو نہیں معلوم کہ ارشد آج اس مقام پر کیسے پہنچا۔ کس طرح اس کے ساتھی گاؤں والے اور رشتہ دار پیسے دیتے تھے تاکہ وہ اپنی ایونٹ میں جانے اور ٹریننگ کے لیے دوسرے شہروں کا سفر کر سکے۔‘

کئی میڈیا رپورٹس میں یہ بھی بتایا گیا کہ ارشد ندیم کے ابتدائی دنوں میں ان کے پاس جیولن خریدنے کے بھی پیسے نہیں تھے۔ اس دوران انڈین ایتھلیٹ نیرج چوپڑا نے انہیں پروفیشنل جیولن خریدنے میں مدد کی تھی۔

ارشد کو اپنے اسکول کے دنوں سے ہی اسپورٹس میں بے حد دلچسپی تھی۔ وہ اپنے ابتدائی دنوں میں کرکٹ، بیڈمنٹن، فٹبال بھی کھیل چکے ہیں۔

بعدازاں جیولن تھرو میں ان کی دلچسپی دیکھ کر کوچ 66 سالہ سلمان اقبال بٹ نے ان کی ٹریننگ کی ذمہ داری لی۔ ان کے کوچ خود بھی قومی سطح پر بہترین تھرور مانے جاتے ہیں۔

1989 اور 1991 میں ساؤتھ ایشین گیمز میں دو بار چاندی کا تمغہ جیتنے والے کوچ سلمان اقبال بٹ نے کہا کہ انہوں نے خود جن دہائیوں میں مقابلہ کیا تب حالات بہتر تھے کیونکہ کھلاڑیوں کے لیے وسائل زیادہ تھے۔

انہوں نے الجزیرہ کو بتایا کہ 2000 کی دہائی کے شروع تک پاکستان اولمپکس میں حصہ لینے کے لیے تقریباً 30 کھلاڑی جاتے تھے اور اس سال پیرس میں صرف 7 گئے ہیں۔

انہوں نے مزید کہا کہ پچھلے ہفتے ارشد کو اپنے دائیں گھٹنے میں کچھ درد محسوس ہوا، اس لیے ہم اسے اگلے چند دنوں کے لیے ہلکی ٹریننگ دی، جہاں وہ صرف جسم کی حرکت اور وزن پر توجہ دے رہے تھے۔

انہوں نے کہا کہ ارشد کو کوئی انجری ہوتی ہے تو وہ اس سے بہت جلدی باہر نکل جاتا ہے لیکن اس دوران وہ بہت زیادہ پانی پیتا ہے وہ صبح کے تین گھنٹے اور شام کے تین گھنٹے تک ٹریننگ کرتے ہیں اور جب موسم شدید گرم ہو تو آرام کرتے ہیں۔

انہوں نے کہا کہ پریکٹس کے دوران اگر باہر جلتی ہوئی دھوپ بھی ہو تو ٹریننگ کے سوال کوئی چارہ نہیں ہوتا۔ ندیم ان حالات کے عادی تھے۔

’اگر کرکٹر ہوتا تو شعیب اختر کی طرح مشہور ہوتا‘

ارشد ندیم کے بڑے بھائی 32 سالہ شاہد عظیم نے بتایا کہ ان کی فیملی کو پورے سال میں صرف ایک بار گوشت کھانے کو ملتا ہے اور وہ بھی عید الاضحی کے موقع پر۔ انہوں نے الجزیرہ کو بتایا کہ ’جب ہمیں دال اور سبزیوں کے علاوہ کچھ اور کھانے کو ملتا ہے وہ دن ہمارے لیے خوش قسمت ہوتا ہے‘۔

انہوں نے بتایا کہ ’ارشد کے لیے کرکٹ اس کا پہلا پیار تھا، وہ بہت اچھی باوٴلنگ کرواتا اور کئی ٹورنامنٹس میں بھی کھیل چکا تھا۔ ارشد پورے گاوٴں میں اپنی باوٴلنگ کے لیے مشہور تھا۔ اگر وہ آج کرکٹ میں ہوتا تو مجھے یقین ہے کہ وہ شعیب اختر کی طرح مشہور ہوتا۔‘

اس موقع پر ارشد ندیم نے کہا کہ ’میرے والد اور دو بھائی مجھے کرکٹ میں کریئر بنانے سے منع کرتے تھے۔‘۔

انہوں نے کہا کہ ’میرے والد کو کرکٹ کبھی پسند نہیں تھی۔ وہ کہتے تھے کہ ’میچ جیتنے کے لیے تم پوری محنت کروگے لیکن تمہارے ساتھی کرکٹرز سارا بوچھ تم پر رکھ دیں گے لیکن وہ خود پرفارم نہیں کریں گے‘۔

یاد رہے کہ پچھلے روز 27 سالہ نوجوان ایتھلیٹ ارشد ندیم نے دفاعی چیمپئن انڈیا کے نیرج چوپڑا کو شکست دی اور جیولن تھرو کا اولمپک ریکارڈ توڑ دیا۔

جیولن تھرو کے فائنل مقابلے میں ارشد ندیم نے 92.97 میٹر کی تھرو کرکے 2008 میں قائم کیا گیا اولمپک ریکارڈ توڑ دیا جو ناروے کے اینڈریاس تھورکلڈسن نے بنایا تھا۔ یہ دنیا میں اب تک پھینکی جانے والی چھٹی سب سے طویل جیولن تھرو تھی۔

پیرس اولمپکس 2024 میں یہ پاکستان کا 32 سال بعد پہلا اولمپک میڈل اور 40 سال بعد پہلا گولڈ میڈل ہے اور ارشد ندیم پاکستان کو انفرادی مقابلوں میں گولڈ میڈل دلوانے والے پہلے ایتھلیٹ ہیں۔

یاد رہے کہ پاکستان نے اس سے قبل آخری بار 1984 کے لاس اینجلس اولمپک گیمز میں صرف ہاکی میں گولڈ میڈل جیتا تھا۔

انڈین میڈیا اے این آئی سے گفتگو کرتے ہوئے نیرج چوپڑا نے کہا کہ ’اس بار گولڈ میڈل پاکستان کے ارشد ندیم نے جیتا انہوں نے بہت محنت کی اور اتنا اسکور کیا کہ کوئی کھلاڑی اسے عبور نہیں کرسکا، ہمیں خوشی ہے کہ ہم چاندی کا تمغہ جیت سکے‘۔

دوسری جانب نیرج چوپڑا کی والدہ نے کہا کہ ’ہم سلور میڈل جیتنے پر خوش ہیں، ہمارے لیے سلور بھی گولڈ جیسا ہی ہے۔ جس نے (ارشد ندیم) نے گولڈ میڈل جیتا وہ بھی میرا بیٹا ہے وہاں تک پہنچنے کے لیے سب محنت کرتے ہیں۔‘

نیرج کی والدہ کی ویڈیو سوشل میڈیا پر وائرل ہونے کے بعد انڈین اور پاکستانی شائقین نے سراہ رہے ہیں۔

یاد رہے کہ پیرس اولمپکس 2024 میں یہ پاکستان کا 32 سال بعد پہلا اولمپک میڈل اور 40 سال بعد پہلا گولڈ میڈل ہے اور ارشد ندیم پاکستان کو انفرادی مقابلوں میں گولڈ میڈل دلوانے والے پہلے ایتھلیٹ ہیں۔

یاد رہے کہ پاکستان نے اس سے قبل آخری بار 1984 کے لاس اینجلس اولمپک گیمز میں صرف ہاکی میں گولڈ میڈل جیتا تھا۔

پچھلے روز 27 سالہ نوجوان ایتھلیٹ ارشد ندیم نے دفاعی چیمپئن انڈیا کے نیرج چوپڑا کو شکست دی اور جیولن تھرو کا اولمپک ریکارڈ توڑ دیا۔

جیولن تھرو کے فائنل مقابلے میں ارشد ندیم نے 92.97 میٹر کی تھرو کرکے 2008 میں قائم کیا گیا اولمپک ریکارڈ توڑ دیا جو ناروے کے اینڈریاس تھورکلڈسن نے بنایا تھا۔ یہ دنیا میں اب تک پھینکی جانے والی چھٹی سب سے طویل جیولن تھرو تھی۔

پاکستان کے صوبے پنجاب کے چھوٹے شہر میاں چنوں سے تعلق رکھنے والے ارشد ندیم نے پیرس اولمپکس میں گولڈ میڈل جیت کر تاریخ رقم کردی ہے۔

گزشتہ روز جیولن تھرو کے فائنل مقابلے ارشد نے 92.97 میٹر فاصلے پر تھرو کرکے 2008 میں قائم کیا گیا اولمپک ریکارڈ توڑ دیا جو ناروے کے اینڈریاس تھورکلڈسن نے بنایا تھا۔ یہ دنیا میں اب تک پھینکی جانے والی چھٹی سب سے طویل جیولن تھرو تھی۔

شاندار کارکردگی پر ارشد ندیم کی والدہ رضیہ پروین نے کہا کہ بیٹے نے ملک کا سر فخر سے بلند کردیا ہے۔

نجی نیوز چینل سے بات کرتے ہوئے رضیہ پروین نے کہا کہ ’جیسے ہی پتا چلا کہ ارشد نے میڈل جیت لیا ہے میں کیا بتاؤں کہ مجھے کتنی خوش ہوئی۔ مجھے اتنی خوشی ہوئی کہ میرا دل کیا میرا بیٹا میرے سامنے ہو اور میں اسے گلے لگاؤں۔میرے بیٹے نے پاکستان کا سر فخر سے بلند کیا ہے۔ اس نے پاکستان کے لیے تمغہ جیتا ہے اور پاکستان کا پرچم لہرایا ہے۔‘

انڈین ایتھلیٹ نیرج چوپڑا کے بارے میں بات کرتے ہوئے انہوں نے کہا کہ ’وہ (نیرج) میرے بیٹے ارشد ندیم کا دوست اور بھائی ہے، ہار جیت قسمت میں ہوتی ہے۔ وہ بھی میرا بیٹا ہے، اللہ انہیں بھی کامیاب کرے، میں اس کے لیے بھی دعائیں کرتی ہوں‘۔

ارشد نے اولمپک ایونٹ کے جیولن تھرو مقابلے میں دوسرے راؤنڈ میں 92.97 میٹر تھرو کرکے عالمی ریکارڈ توڑ دیا تھا جبکہ انڈیا کے نیرج چوپڑا نے چاندی کا تمغہ جیتا۔

جب ان سے پوچھا گیا کہ کیا وہ اپنے بیٹے کے استقبال کے لیے ایئرپورٹ پر جائیں گی تو انہوں نے کہا ’انشاء اللہ ہم جائیں گے اور اپنے بیٹے کو واپس لائیں گے۔ ہم جشن منائیں گے اور بیٹے کو پھولوں کا ہار پہناوٴں گی‘۔‘"

انہوں نے کہا کہ ارشد ندیم پاکستان کا ’ہیرو‘ ہے اور ’میرے دل کا ہیرو‘ بھی ہے۔اس نے میری خواہش پوری کی اور پاکستان کے لیے تمغہ جیتا۔

یہ پاکستان کا 32 سال بعد پہلا اولمپک میڈل اور 40 سال بعد پہلا گولڈ میڈل ہے اور ارشد ندیم پاکستان کو انفرادی مقابلوں میں گولڈ میڈل دلوانے والے پہلے ایتھلیٹ ہیں۔

یاد رہے کہ پاکستان نے اس سے قبل آخری بار 1984 کے لاس اینجلس اولمپک گیمز میں صرف ہاکی میں گولڈ میڈل جیتا تھا۔

پچھلے روز 27 سالہ نوجوان ایتھلیٹ ارشد ندیم نے دفاعی چیمپئن انڈیا کے نیرج چوپڑا کو شکست دی اور جیولن تھرو کا اولمپک ریکارڈ توڑ دیا۔

اس سے پہلے کوالیفیکیشن راؤنڈ میں انڈیا کے نیرج چوپڑا پہلے نمبر پر تھے جنہوں نے89.34 تھرو کی تھی جبکہ ارشد ندیم چوتھی پوزیشن پر تھے جنہوں نے 86.59 میٹر تھرو کی تھی۔

بعدازاں گزشتہ روز 8 اگست کو سٹیڈ ڈی فرانس میں ہونے والے فائنل میں پاکستانیوں کی نظریں ارشد ندیم پر تھیں۔ سبھی کو امید تھی کہ ارشد ندیم 32 سال کے طویل عرصے بعد پاکستان کو گولڈ میڈل جتوائیں گے۔

جیولن تھرو کے فائنل مقابلے میں ارشد ندیم نے 92.97 میٹر کی تھرو کرکے 2008 میں قائم کیا گیا ریکارڈ توڑ دیا جو ناروے کے اینڈریاس تھورکلڈسن نے بنایا تھا۔ یہ دنیا میں اب تک پھینکی جانے والی چھٹی سب سے طویل جیولن تھرو تھی۔

پاکستانی ایتھلیٹ نے اس کے بعد اپنی تیسری اور آخری تھرو بھی 90 میٹر سے زیادہ فاصلے پر پھینکی۔ فائنل جیتنے کے بعد ارشد ندیم نے آبدیدہ ہوگئے۔ ان کی ایک ویڈیو سوشل میڈیا پر بھی وائرل ہورہی ہے جس میں وہ پاکستان پرچم میں لپٹے ہوئے اور اپنے کوچ کو گلے لگا کر رو رہے ہیں۔

فائنل مقابلے میں سلور میڈل دفاعی چیمپئن انڈیا کے نیرج چوپڑا نے حاصل کیا۔ انہوں نے انے فائنل مقابلے میں 89.45 میٹر کی تھرو کی تھی۔ جبکہ برونز (کانسی) کا تمغہ گرینیڈا کے اینڈرسن پیٹرز نے جیتا۔

’اس مرتبہ ہم 14 اگست گولڈ میڈل کے ساتھ منائیں گے‘

گولڈ میڈل جیتنے کے بعد نجی نیوز چینل جیو نیوز سے گفتگو کرتے ہوئے ارشد ندیم نے کہا کہ ’آج میں اس سے بھی بہتر تھرو کر سکتا تھا مگر خدا نے جو قسمت میں لکھا تھا وہ اس نے دیا ہے۔‘

انہوں نے کہا کہ ’آج خدا نے ہمیں میڈل سے نوازا ہے اور پوری پاکستانی قوم کی دعائیں میرے ساتھ تھیں۔میں بہت خوش نصیب ہوں کہ پاکستانی قوم نے میرے لیے اتنی دعائیں کیں۔‘

ارشد نے کہا کہ ’میں اپنا گولڈ پاکستانی قوم کے نام کرنا چاہتا ہوں۔ یہ اگست کا مہینہ ہے اور ہم اس مرتبہ 14 اگست گولڈ میڈل کے ساتھ منائیں گے۔‘

پچھلے مقابلوں میں خدا میرے ساتھ تھا مگر آج وہ ارشد کے ساتھ تھا، نیرج چوپڑا

انڈیا پاکستان کی کرکٹ سمیت دیگر کھیلوں میں دشمنی کے متعلق سوال پر ارشد ندیم نے پریس کانفرنس کے دوران کہا کہ ’جس طرح کرکٹ میچ میں پاکستانی قوم ہر کام چھوڑ کر ٹی وی کے آگے بیٹھ جاتی ہے۔ اسی طرح جب میرا اور نیرج چوپڑا کا مقابلے ہوتا ہے تو پوری قوم دیکھتی ہے اور دعائیں کرتی ہے۔ خوشی ہوتی ہے۔ جو محنت کرتا ہے اللہ اسے پھل دیتا ہے۔ پورے ساوٴتھ ایشیا میں نیرج چوپڑا اور میں بہت اچھی کارکردگی دکھا رہے ہیں۔‘

اسی سوال پر نیرج چوپڑا نے کہا کہ ’انڈیا اور پاکستان میں جیولن کے بارے میں زیادہ لوگ نہیں جانتے تھے۔ میں اور ارشد 2016 سے مقابلہ کر رہے ہیں اور پچھلے مقابلوں میں خدا میرے ساتھ تھا مگر آج وہ ارشد کے ساتھ تھا اور میں بہت خوش ہوں کیونکہ ارشد بہت محنت کرتا ہے۔‘

انہوں نے کہا کہ ’اب دونوں ممالک میں جیولن مقبول ہوچکی ہے۔ امید ہے کہ نئے لوگ اس کی طرف آئیں گے۔‘

بی بی سی کے مطابق اولمپکس کی تاریخ میں پاکستان کے کل تمغوں کی تعداد 11 ہو گئی ہے جن میں گولڈ اور برونز(کانسی) کے 4، 4 جبکہ سلور (چاندی) کے 3 تمغے شامل ہیں۔ ان 11 میں سے 8 تمغے ہاکی جبکہ باقی 3 جیولن تھرو، ریسلنگ اور باکسنگ میں جیتے گئے ہیں۔

سوشل میڈیا پر ارشد ندیم ٹاپ ٹرینڈ

اولمپکس میں دو دہائیوں بعد پاکستان کے لیے گولڈ میڈل جیتنے پر سوشل میڈیا صارفین نے ارشد ندیم کو مبارک باد دی تو کئی صارفین نے ایتھلیٹ کو سہولت نہ دینے پر شکایت بھی کی۔

وزیراعظم شہباز شریف نے ارشد ندیم کو مبارک باد دیتے ہوئے کہا کہ ’پیرس اولمپکس میں گولڈ میڈل جیت پر پاکستان کا نام فخر سے بلند کیا ہے‘۔

پاکستان کی مسلح افواج، چیئرمین جوائنٹ چیفس آف aسٹاف کمیٹی نے ارشد ندیم کی شاندار کامیابی پر قوم کو مبارکباد دی۔

سندھ حکومت کی جانب سے کراچی کے میئر مرتضیٰ وہاب نے اولمپک میں نیا ریکارڈ بنانے پر ارشد ندیم کے لیے 5 کروڑ روپے انعام کا اعلان کیا۔

پاکستان کرکٹ بورڈ کے چیئرمین محسن نقوی نے بھی ارشد ندیم کو مبارکباد دیتے ہوئے کہا کہ ’تاریخی کامیابی پر پوری قوم کو آپ پر فخر ہے۔‘

محسن نقوی نے کہا کہ ’اولمپک گولڈ میڈل جیتنا اور نیا ریکارڈ قائم کرنا آپ کی محنت، لگن اور عزم کا نتیجہ ہے۔‘

صحافی سلیم خالق نے سوشل میڈیا پلیٹ فارم ایکس پر لکھا کہ ’طویل عرصے بعد پاکستان کو کھیلوں میں کوئی اچھی خبر ملی، ہم کرکٹرز کو ہیرو بنا کر کروڑوں روپے دے کر ان سے ٹائٹل جیتنے کی امیدیں لگائے بیٹھے رہے۔‘

انہوں نے کہا کہ ’ارشد ندیم سہولتوں سے عاری ایک ایسے ایتھلیٹ ہیں جس کا نام صرف ایونٹس کے دوران ہی ذہن میں آتا ہے‘۔

ارشد ندیم کون ہیں؟

ارشد ندیم کا تعلق پاکستان کے صوبہ پنجاب کے چھوٹے شہر میاں چنوں سے ہے جو لاہور سے 250 کلومیٹر دور ہے۔ ان کی تاریخ پیدائش 2 جنوری 1997 ہے۔ ارشد سات بہن بھائیوں میں تیسرے نمبر پر ہیں اور ان کے والد محمد اشرف مزدوری کرتے ہیں اور گھر کے واحد کمانے والے ہیں۔

ارشد کا خاندان معاشی طور پر مضبوط نہیں ہے جس کی وجہ سے انہیں اپنے کریئر کے ابتدائی دنوں میں کافی مشکلات کا سامنا کرنا پڑا۔ ایک موقع پر ارشد ندیم کے والد نے کہا تھا کہ ’لوگوں کو نہیں معلوم کہ ارشد آج اس مقام پر کیسے پہنچا۔ کس طرح اس کے ساتھی گاؤں والے اور رشتہ دار پیسے دیتے تھے تاکہ وہ اپنی ایونٹ میں جانے اور ٹریننگ کے لیے دوسرے شہروں کا سفر کر سکے۔‘

ارشد ندیم نے اولمپکس میں 86.59 میٹر تھرو کی اور فائنل راؤنڈ کے لیے کوالیفائی کر لیا۔ اس وقت وہ گروپ بی میں چوتھے نمبر پر ہیں جب کہ انڈیا کے نیرج چوپڑا 89.34 میٹر کے ساتھ پہلے نمبر پر ہیں۔

فائنل راؤنڈ میں جگہ بنانے کے لیے کھلاڑیوں کو کم از کم 84 میٹر تھرو کرنا تھا۔

ارشد ندیم نے اپنے انسٹاگرام اکاوٴنٹ پر ویڈیو پیغام کے ذریعے فائنل راوٴنڈ میں کامیابی کے لیے مداحوں سے دعاوٴں کی اپیل کی ہے۔

انہوں نے کہا کہ ’پلیز میرے لیے دعا کریں، فائنل راوٴنڈ 8 اگست کو رات 11 بجکر 25 منٹ پر ہے، دعا کریں تاکہ میں اچھی کارکردگی دکھا کر پاکستان کے لیے میڈل جیت سکوں‘۔

پاکستان نے آخری بار اولمپکس میں 1992 میں ہاکی میچ میں کانسی کا تمغہ جیتا تھا۔ ارشد ندیم بین الاقوامی سطح پر 9 بار میڈل جیت چکے ہیں اور 4 بار گولڈ میڈل جیت چکے ہیں۔

پاکستان نے پہلی بار سال 1992 کے بعد سے صرف ایک میڈل جیتا ہے جب تب پاکستان ہاکی ٹیم نے کانسی کا تمغہ جیتا تھا۔

ارشد ندیم پاکستان کے لیے کامن ویلتھ گیمز میں 4 سونے اور عالمی ایتھلیٹکس چیمپیئن شپ میں 9 چاندی کا تمغہ جیت چکے ہیں۔

پاکستانی اسٹار کھلاڑی نے پچھلے سال ورلڈ چیمپیئن شپ میں چاندی کا تمغہ جیتا تھا اور 2022 میں کامن ویلتھ گیمز میں 90.18 میٹر تھرو کے ساتھ سونے کا تمغہ جیتا تھا۔

کوالیفائنگ راؤنڈ میں گروپ اے میں جرمنی کے جولین ویبر 87.76 میٹر کے تھرو کے ساتھ سرفہرست رہے، کینیا کے جولیس یگو 85.97 میٹرتھرو کے ساتھ دوسرے اور چیک ایتھلیٹ جیکب وڈلیجچ 85.63 میٹر تھرو کے ساتھ تیسرے نمبر پر ہیں۔

گروپ بی میں انڈیا کے نیراج چوپڑا 89.34 میٹرتھرو کے ساتھ پہلے نمبر پر ہیں۔ ان کے بعد گریناڈین ایتھلیٹ اینڈرسن پیٹرز 88.63 میٹرتھرو کے ساتھ دوسرے نمبر پر ہیں۔

ارشد ندیم کا تعلق پاکستان کے صوبے پنجاب کے شہر خانیوال سے ہے۔

ارشد ندیم کے والد کہتے ہیں کہ ’لوگوں کو نہیں معلوم کہ ارشد آج اس مقام پر کیسے پہنچا۔ کس طرح اس کے ساتھی گاؤں والے اور رشتہ دار پیسے دیتے تھے تاکہ وہ اپنی ایونٹ میں جانے اور ٹریننگ کے لیے دوسرے شہروں کا سفر کر سکے۔‘

والد محمد اشرف کو امید ہے کہ ارشد ندیم سونے کا تمغہ جیت کر ملک میں ایک تاریخ رقم کریں گے۔ ’اگر میرا بیٹا پاکستان کے لیے اولمپک میڈل جیت لیتا ہے تو یہ ہمارے اور گاؤں کے لیے فخر کا لمحہ ہوگا۔‘

پیرس اولمپکس میں دس ہزار پانچ سو ایتھلیٹس حصہ لے رہے ہیں جن میں 88 اسرائیلی ایتھلیٹس بھی حصہ لے رہے ہیں

اس ایونٹ میں اسرائیلی ایتھلیٹس کو خصوصی طور پر فرانسیسی پولیس کی ایلیٹ یونٹ کی سیکیورٹی دی گئی ہے جو چوبیس گھنٹے ان کی حفاظت کے لیے تعینات ہے۔

سات اکتوبر سے اسرائیلی فوجی غزہ میں مسلسل بمباری کررہے ہیں جس میں 39 ہزار سے زائد لوگ ہلاک ہوچکے ہیں، اس کے باوجود اسرائیلی ٹیم اولمپکس میں شرکت کررہی ہے جس کی وجہ سے اولمپکس آرگنائزر کو تنقید کا سامنا ہے۔ اولمپکس آرگنائزر ماضی میں بھی کئی ممالک پر ایونٹ میں شرکت کرنے پر ہابندی عائد کرتی رہی ہے۔

اس سال اولمپکس میں دو ممالک حصہ نہیں رہے جن میں روس اور بیلاروس شامل ہیں جس کے بارے میں اولمپکس کمیٹی نے کہا کہ دونوں ممالک یوکرین میں جنگ میں ملوث ہیں۔

اسرائیل پر پابندی کا مطالبہ کرنے والے لوگوں کا کہنا ہے کہ اسرائیل کو نتائج کا سامنا کرنا پڑے گا۔

اس سے پہلے کن ممالک پر اولمپکس میں شرکت پر پابندی لگائی گئی؟

پہلی پابندی 1920 میں بیلجیئم میں منعقد ہونے والے اولمپکس میں لگائی گئی جب جرمنی، آسٹریا، ہنگری، بلغاریہ اور ترکیہ کو پہلی جنگ عظیم میں ملوث ہونے کی وجہ سے پابندی لگا دی گئی۔

جرمنی اور جاپان 1948 اولمپکس میں بھی شرکت نہیں کرسکا کیونکہ دوسری جنگ عظیم میں ملوث ہونے کی وجہ سے عائد کی گئی پابندی بڑھا دی گئی تھی۔

زمبابوے کی نسل پرستانہ پالیسیوں کے خلاف احتجاج اور بین الاقوامی دباوٴ کی وجہ سے 1972 میں اس پر پابندی کردی گئی تھی

2000 میں خواتین پر عائد کی گئی پابندیوں کی وجہ سے افغانستان پر پابندی عائد کی گئی۔

کویت کو اکتوبر 2015 میں ملک کی اولمپک کمیٹی میں حکومتی مداخلت کی وجہ سے اولمپکس سے باہر کردیا گیا تھا

2024 اولمپکس میں کون سے ممالک کی شرکت پر پابندی ہے؟

روس اور بیلاروس پر یوکرین میں جاری جنگ کی وجہ سے پیرس میں ہونے والے 2024 کے اولمپک گیمز پر پابندی عائد ہے۔

بین الاقوامی اولمپک کمیٹی کے جاری نمبروں کے مطابق 2024 کے اولمپکس میں روس سے صرف 15 اور بیلاروس کے 18 ایتھلیٹس اے آئی این کے تحت حصہ لے رہے ہیں۔

اے آئی این کیا ہے؟

اے آئی این کا مطلب انڈی ویژول نیوٹرل ایتھلٹس یعنی پیرس گیمز میں روسی اور بیلاروسی پرچم، قومی ترانے اور یونیفارم کی اجازت نہیں ہوگی۔

پیرس اولمپکس کے 33 ویں ایڈیشن میں 32 کھیلوں کھیلے جائیں گے جس میں 329 ایونٹس ہیں جو 26 جولائی سے 11 اگست تک جاری رہیں گے۔

ایتھلیٹس 32 کھیلوں میں 329 طلائی تمغوں کے لیے مقابلہ کریں گے۔ اس رپورٹ میں ہم آپ کو کچھ ایسی دلچسپ معلومات شئیر کررہے ہیں جو پیرس 2024 کے بارے میں جاننا ضروری ہیں:

کب اور کہاں تقریب ہو گی؟

اولمپکس کی افتتاحی تقریب جمعہ 26 جولائی کو مقامی وقت کے مطابق شام 7 بجکر 30 بجے (پاکستانی وقت کے مطابق رات ساڑھے دس بجے) ہے۔

سرفنگ

اولمپک گیمز کی میزبانی پیرس کررہا ہے تاہم ایونٹ کے متعدد کھیل فرانس کے دیگر 16 شہروں میں بھی ہوں گے۔ ایونٹ میں سرفنگ کا مقابلہ سب سے منفرد ہوگا، جو بحرالکاہل کے ایک فرانسیسی علاقے تاہیٹی پر منعقد ہوگا۔

پیرس سے 15 ہزار کلومیٹر دور واقع سمندر کی لہروں پر سرفنگ کا مقابلہ انتہائی دلچسپ ہوگا۔

بریکنگ: نیا اولمپک کھیل

بریکنگ: پیرس گیمز میں ایک نیا اولمپک کھیل متعارف کروایا جائے گا جسے بریکنگ ڈانس کہتے ہیں۔ اس مقابلے میں دو ایونٹس ہوں گے، ایک مردوں کا اور ایک خواتین کا۔ یہ 2018 کے بعد پہلی بار 9 اور 10 اگست کو پیرس میں منعقد ہوگا۔

اس کے علاوہ اسپورٹس کلائمبنگ، اسکیٹ بورڈنگ اور سرفنگ بھی نئے کھیلوں میں شامل ہیں۔

دریائے سین میں تیراکی

اولمپکس گیمز کے دوران کھلے پانی میں تیراکی کے کئی مقابلوں کی دریائے سین کئی دہائیوں بعد پہلی بار میزبانی کرے گا، جن میں اولمپک گیمز میں میراتھن تیراکی اور اولمپک اور پیرا اولمپک ٹرائیتھلون کی تیراکی شامل ہیں۔ دریائے سین کو 1900 میں پہلی بار پیرس گیمز کے دوران کچھ ایونٹس کے لیے استعمال کیا گیا تھا۔

1923 سے لے کر ابھی تک دریائے سین کے پانی کے معیار کے مسائل کی وجہ سے یہاں تیراکی پر پابندی عائد تھی اور کئی دہائیوں تک یہ دریا مچھلیوں کے لیے بھی زہریلا پانی بن گیا تھا۔

پیرس کے منتظمین نے یقین دلایا ہے کہ اولمپکس کے دوران پانی تیرنے کے لیے صاف ہو گا۔

100 سال بعد پہلی بار میزبانی

2024 اولمپکس 1924 کے بعد پہلی بار پیرس میں کھیلے جائیں گے۔ پیرس نے اس سے قبل 1900 اور 1924 میں اولمپکس کی میزبانی کی تھی۔

لندن (جس نے 1908، 1948 اور 2012 میں میزبانی کی تھی) کے بعد پیرس تین بار اولمپکس کی میزبانی کرنے والا دوسرا شہر بن جائے گا۔

پہلی بار خواتین اور مردوں کی تعداد برابر

پیرس 2024 پہلا اولمپکس ہوگا جس میں مرد اور خواتین ایتھلیٹس کی برابر تعداد ہوگی۔ 10 ہزار 500 کھلاڑیوں میں سے 5 ہزار 250 مرد اور 5 ہزار 250 خواتین ہوں گی۔

پیرس میٹرو میں اے آئی ٹرانسلیشن کی ڈیوائسس

پیرس کے پبلک ٹرانسپورٹ سسٹم کی انتظامیہ نے اپنے 3 ہزار سے زائد عملے کے ارکان کو اے آئی ٹرانسلیشن کی ڈیوائسس دی ہیں تاکہ ہزاروں سیاحوں کو اولمپک کے دوران راستہ تلاش کرنے میں مدد مل سکے۔

یہ اے آئی ڈیوائسس فرانسیسی سمیت 16 مختلف زبانوں کا ترجمہ کر سکتا ہے۔

کھلاڑیوں کے کمروں میں ’اے سی‘ نہیں ہوگا

پیرس 2024 میں ایتھلیٹس کے کمروں میں ایئرکنڈیشن (اے سی) نہیں ہوگا، کیونکہ اس بار اولمپک گیمز کو ماحول دوست بنانے کی کوشش کی گئی ہے۔

ائر کنڈیشنگ استعمال کرنے کے بجائے جن عمارتوں میں کھلاڑی قیام کریں گے وہ عمارت یا کمرے جدید طریقوں سے ڈیزائن کیے گئے تاکہ وہ قدرتی طور پر ٹھنڈا رہیں۔

یعنی عمارتوں کو براہ راست سورج کی روشنی سے بچانے کے لیے ڈیزائن کیا گیا ہے جو انہیں ٹھنڈا رکھنے میں مدد کرتا ہے۔

18 رکنی ٹیم میں 11 آفیشلز بھی شامل ہیں جو 26 جولائی سے شروع ہونے والے اولمپک گیمز کے لیے پیرس جائیں گے۔

اولمپک گیمز کے لیے پاکستان کی نمائندگی کرنے والے سات ایتھلیٹس میں جیولین تھرو ارشد ندیم بھی شامل ہیں جنہیں اس بار گولڈ میڈل جیتنے کی امید ہے، ان کے علاوہ شوٹر غلام مصطفی بشیر (25 میٹر ریپڈ فائر پسٹل)، گلفام جوزف (10 میٹر ایئر پسٹل، 10 میٹر ایئر پسٹل مکسڈ ٹیم) اور کشمالہ طلعت (10 میٹر ایئر پسٹل، 25 میٹر پسٹل، 10 میٹر ایئر پسٹل مکسڈ ٹیم) بھی اولمپک اونٹس کے لیے کوالیفائی ہوگئے ہیں۔

یونیورسلٹی پلیس پروگرام کے تحت فائقہ ریاض (100 میٹر ریس)، محمد احمد درانی (200 میٹر فری اسٹائل) اور جہانارا نبی (200 میٹر فری اسٹائل) وائلڈ کارڈ انٹری کے تحت اولمپک کا حصہ ہوں گے۔

ارشد ندیم اور جہاں آرا کو گیمز کی افتتاحی تقریب میں قومی ٹیم کے فلیگ بیئررز کے لیے منتخب کیا گیا ہے۔

پاکستان ہاکی، ریسلنگ، باکسنگ، ویٹ لفٹنگ اور والی بال سمیت کسی بھی دوسرے کھیل میں کوالیفائی کرنے میں ناکام رہا۔

ٹیم 19 جولائی اور 24 جولائی کے درمیان پیرس کے لیے روانہ ہوگی۔

اولمپکس کے لیے 18 رکنی ٹیم:

ایتھلیٹکس:

ارشد ندیم

فائقہ ریاض

سلمان اقبال بٹ (سپورٹ اسٹاف)

ڈاکٹر علی شیر باجوہ (سپورٹ اسٹاف)

تیراکی:

محمد احمد درانی

جہاں آرا نبی

لیفٹیننٹ کرنل (ریٹائرڈ) احمد علی خان (سپورٹ اسٹاف)

شوٹنگ:

غلام مصطفیٰ بشیر

گلفام جوزف

کشمالہ طلعت

کرنل جنید علی (سپورٹ سٹاف)

دیگر سپورٹنگ اسٹاف

محمد شفیق (شیف ڈی مشن)

جاوید شمشاد لودھی (ڈپٹی شیف ڈی مشن)

زینب شوکت (ایڈمن آفیسر)

یاد رہے کہ امریکا اور ویسٹ انڈیز میں ہونے والے ورلڈکپ 2024 میں پاکستان امریکا کے خلاف ہونے والے پہلے میچ اور انڈیا کے خلاف دوسرے میچ میں بُری طرح ہار گیا تھا اور گروپ مرحلے تک بھی نہیں پہنچ سکا تھا جس کے بعد پاکستانی کھلاڑیوں کو سوشل میڈیا اور سینئر کھلاڑیوں کی جانب سے تنقید کا نشانہ بنایا۔

ورلڈکپ میں بُری پرفارمنس کے بعد پی سی بی کے چیئرمین محسن نقوی ٹیم کی کارکردگی بہتر بنانے اور ان مسائل کو حل کرنے کے لیے کوچز اور سابق پاکستانی کرکٹ کھلاڑیوں سے ملاقاتیں کررہے ہیں۔

ویسے تو وہاب ریاض اور عبدالرزاق کو سلیکشن کمیٹی سے ہٹانے سے متعلق پہلے ہی خبریں گردش کررہی تھیں لیکن آج پی سی بی نے اس کی باضابطہ تصدیق کردی ہے۔

پاکستان کرکٹ بورڈ نے آج اعلان کیا ہے کہ عبدالرزاق اور وہاب ریاض کی قومی سلیکشن کمیٹی میں مزید ضرورت نہیں ہے۔ عبدالرزاق ویمن اور مین کی سلیکشن کمیٹی کا حصہ تھے جب کہ وہاب ریاض مین کرکٹ ٹیم کی سلیکشن کمیٹی کا حصہ تھے۔

گزشتہ سال ایشیا کپ کے بعد سے پاکستان کرکٹ ٹیم کی کارکردگی مایوس کن رہی ہے۔ مقامی میڈیا رپورٹس کے مطابق ٹیم میں اندرونی تنازعات چل رہے تھے جس کی وجہ سے پی سی بی کو بھی تنقید کا سامنا رہا اس کے علاوہ پی سی بی کی قیادت کی تبدیلیوں اور ٹیم مینجمنٹ کے فیصلوں کو بھی زیربحث لایا گیا ہے۔

بارباڈوس کے برج ٹاؤن میں کینسنگٹن اوول میں ہونے والے سنسنی خیز میچ میں انڈیا نے جنوبی افریقہ کو 7 رنز سے شکست دے کر آئی سی سی ٹی 20 ٹرافی اپنے نام کرلی۔

انڈیا نے ٹاس جیت کر پہلے بیٹنگ کا فیصلہ کیا تھا اور جنوبی افریقہ کو 177 کا بڑا ٹارگٹ کیا تھا۔

ہدف کا تعاقب کرتے ہوئے جنوبی افریقہ کو جب 45 گیندوں پر 71 رنز کی ضرورت تھی، کوئنٹن ڈی کاک اور ہینرک کلاسن وکٹ پر تھے اور چھ وکٹیں باقی تھیں تو ایسا لگ رہا تھا کہ جنوبی افریقہ دوسری بار عالمی چیمپئن بننے کے قریب ہے۔

لیکن انڈین بولرز نے ان کے برسوں کو یہ خواب پورا نہ ہونے دیا۔ آل راؤنڈر ہاردک پانڈیا نے اپنے پہلے ہی اوور میں کلاسن کا شکار کیا اور پھر سوریہ کمار یادو کے شاندار کیچ کے ساتھ ڈیوڈ ملر کی اہم وکٹ بھی حاصل کی۔

جس کے بعد جسپریت ہمراہ کی سوئنگ گیند نے مارکو جانسن کو بولڈ کر کے انڈیا کے جیت کے امکانات واضح کردیے۔

انڈیا کی طرف سے پانڈیا نے تین، ارشدیپ سنگھ اور بمراہ نے دو دو جبکہ اکشر پٹیل نے ایک وکٹ حاصل کی۔

’کوہلی نے اپنی پرفارمنس فائنل کے لیے بچا کر رکھی تھی‘

لیکن میچ اپنے سنسنی خیز فائنل تک پہنچنے سے بہت پہلے، یہ ہندوستان کا محدود اوورز کا بیٹنگ ہیرو تھا جس نے جنوبی افریقہ کو ایک مشکل ہدف دینے میں اپنی ٹیم کی مدد کی۔

ورلڈکپ 2024 کی سات اننگز میں صرف 75 رنز بنانے والے ویرات کوہلی کی پرفارمنس سے سبھی شائقین مایوس تھے لیکن کپتان روہت شرما کو یقین تھا کہ وہ فائنل میں ضرور پرفارم کریں گے۔

1.4 اوورز میں جب روہت شرما صرف نو رنز بنا کر کیچ آوٴٹ ہوئے تو تو انڈیا کی بیٹنگ لڑکھڑا گئی، اننگز کے آغاز میں 23 رنز کے مجموعی اسکور پر انڈیا کی تین وکٹیں گر گئی تھیں۔

رشبھ پنت نے صرف دو گیندیں کھیل کر صفر پر آوٴٹ ہوئے اور سوریا کمار یادو بھی صرف تین رن بنا کر پویلین لوٹ گئے۔

اس کے بعد اوپنر ویرات کوہلی اور اکشر پٹیل نے بیٹنگ لائن کو سنبھالا اور اسکور 114 تک لے گئے۔

کوہلی کے چار چھکوں اور ایک چوکے کی مدد سے انڈیا کا رن ریٹ دوبارہ واپس آیا، اہم موقع پر وکٹ کیپر کوئنٹن ڈی کاک کی عمدہ بولنگ سے اکشر پٹیل گیندوں پر 47 رن بنا کر رن آؤٹ ہو گئے۔

جس کے بعد ویرات کوہلی نے شوم دوبے کی مدد سے ٹیم کو سہارا دیا اور کوہلی چھ چوکے اور دو چھکے کی مدد سے 76 رنز پر کیچ آوٴٹ ہوئے۔

یہ کوہلی کی ٹورنامنٹ کی پہلی نصف سنچری تھی۔

اس کے بعد جڈیجہ نے دو رنز اور پانڈیا نے پانچ رنز کا اضافہ کرکے جنوبی افریقہ کو 177 رنز کا بڑا ہدف دیا۔

یہ ٹی ٹوئنٹی ورلڈ کپ کی تاریخ میں کسی بھی فائنل میچ میں یہ اب تک کا سب سے بڑا ہدف تھا۔

جنوبی افریقہ کی طرف سے کیشو مہاراج اور ہینرک نورکیا نے دو دو وکٹیں حاصل کیں۔

کوہلی پلئیر آف دی میچ

ویرات کوہلی کو پلئیر آف دی میچ کا ایوارڈ دیا گیا، جس پر انہوں نے کہا کہ ’میں اپنی ٹیم کے لیے رنز بنانے پر فخر محسوس کررہا ہوں جب انڈیا کو سب سے زیادہ ضرورت تھی، ہم طویل عرصے سے اس ٹرافی کا اٹھانا چاہتے تھے‘۔

کپتان روہت شرما نے کہا کہ ’مجھے اپنے لڑکوں اور مینجمنٹ پر فخر ہے کہ انہوں نے ہم پر بھروسہ کیا‘۔

جنوبی افریقہ کے کپتان ایڈن مارکرم نے کہا کہ ’ہم نے پورے ٹورنامنٹ پر بہت اچھا کھیل پیش کیا لیکن آج فائنل نہ جیت کر بہت تکلیف ہورہی ہے‘۔

انہوں نے مزید کہا کہ ’میری ٹیم نے پورے ٹورنامنٹ میں بہترین مقابلہ کیا، مجھے اپنی ٹیم پر فخر ہے لیکن بدقسمتی سے میچ نہ جیت سکے امید ہے کہ ہم اس سے سبق سیکھیں گے، آج کا دن ہمارے لیے فخر کا دن ہے‘۔

ہفتے کے روز جنوبی افریقہ کے خلاف ہونے والے میچ میں کوہلی 76 رنز کے ساتھ ٹاپ اسکورر رہے اور مین آف دی میچ قرار پائے اور روہت شرما 2011 کے بعد ورلڈ کپ جیتنے والے پہلے انڈین کپتان بن گئے۔

37 سالہ روہت شرما اور 35 سالہ ویرات کوہلی ٹی 20 انٹرنیشنل کرکٹ میں سب سے زیادہ رنز بنانے والی فہرست میں پہلے اور دوسرے نمبر پر ہیں۔

روہت شرما نے 159 ٹی ٹوئنٹی انٹرنیشنل میچز میں 4 ہزار 231 رنز اسکور کیے، ان کے پاس ٹی ٹوئنٹی میچز میں سب سے زیادہ (5) سنچریاں بنانے کا ریکارڈ ہے، انہوں نے اپنے کریئر میں دو (سال 2007 اور2024) ٹی ٹوئنٹی ورلڈکپ ٹائٹل اپنے نام کیے۔

روہت اور کوہلی کا ٹی ٹوئنٹی فارمیٹ سے ریٹائرمنٹ کا اعلان غیر متوقع نہیں تھا۔ بطور کپتان روہت نے 62 میچز کھیلے جس میں سے انڈیا نے 49 میچز جیتے۔ جہاں انہوں ںے 149.76 کے اسٹرائیک ریٹ اور 34.01 کی اوسط سے 1905 رنز اسکور کیے۔

ریٹائرمنٹ کا اعلان کرتے روہت نے کہا کہ ’میں ہر ایک لمحہ یاد رکھوں گا، میں نے اپنے کیریئر کا آغاز اس فارمیٹ سے کیا تھا، میں ورلڈکپ جیت کر سارے فینز کو شکریہ کہنا چاہتا تھا۔‘

انہوں نے مزید کہا کہ ’کسی نے ابھی مجھے بتایا کہ میں نے 2007 میں شروعات کی تھی اور ہم نے ورلڈ کپ جیتا تھا۔ اب میں ورلڈ کپ جیتنے کے بعد الوداع کہہ رہا ہوں۔‘

اسی دوران ویرات کوہلی نے بھی ٹی ٹوئنٹی فارمیٹ سے ریٹائرمنٹ کا اعلان کیا، کوہلی کو شائقین کی جانب سے کرکٹ کے ’کنگ‘ اور ’گوٹ‘ یعنی گرئٹ آف آل ٹائم جیسے القابات دیے جاتے رہے ہیں۔

کوہلی نے ٹی ٹوئنٹی انٹرنیشنل کرکٹ کا آغاز 2010 میں کیا تھا، وہ اپنے دور میں ٹیم کے کپتان بھی رہ چکے ہیں اور ان کے لیے یہ بھی کہا جاتا رہا ہے کہ وہ ہر حال میں ٹیم کے لیے اسکور بناتے ہیں جب ٹیم کو ان کی ضرورت ہوتی ہے۔

سابق کپتان کوہلی کے بارے میں روہت نے کہا کہ ’اس میں کوئی شک نہیں کہ وہ ایک چیمپئن کھلاڑی رہے ہیں، ہم سب جانتے ہیں کہ اس نے ہمارے لیے کیا کیا ہے۔‘

روہت نے کہا کہ ’ایک وقت ایسا ضرور آتا ہے کہ ہر کھلاڑی کو الوداع کہنا پڑتا ہے اور اس بارے میں ویرات کو معلوم تھا کہ وہ کیا کرنا جا رہے ہیں‘۔

کوہلی نے ریٹائرمنٹ کا اعلان کرتے ہوئے کہا کہ ’یہ میرا آخری ورلڈکپ تھا، میں اپنا آخری میچ بالکل ایسا ہی چاہتا تھا، اپنے ہاتھ میں ٹرافی اٹھاتے ہوئے الوداع کہنا چاہتا تھا‘۔

انہوں نے کہا کہ ’اب نئی نسل کو موقع دینے کا وقت ہے، وہ اس فارمیٹ کو آگے لے کر چلے گیں‘۔

کوہلی نے کہا کہ ایک طویل انتظار کے بعد ہم نے آئی سی سی ٹائٹل اپنے نام کیا ہے، آپ روہت کو دیکھیں کہ انہوں نے 9 ٹی ٹوئنٹی ورلڈکپ کھیلے ہیں اور یہ میرا چھٹا ورلڈکپ تھا، ورلڈکپ جیتنے کے بعد کیا جذبات تھے اس کا اظہار الفاظ میں کرنا مشکل ہے‘۔

انڈیا نے ٹی 20 ورلڈ کپ کے فائنل کے لیے کوالیفائی کر لیا ہے جہاں وہ 29 جون کو جنوبی افریقہ کے خلاف کھیلے گا۔

172 رنز کے ہدف کے تعاقب میں انگلینڈ کی شروعات اچھی رہی، ٹیم نے پہلے تین اوورز میں اس نے بغیر کوئی وکٹ گنوائے 26 رنز بنائے تھے۔ جوس بٹلر نے ابتدائی طور پر جارحانہ پرفارم کیا لیکن وہ چوتھے اوور کی پہلی گیند پر انڈیا کے اکشر پٹیل کی گیند کا شکار ہوگئے۔

کپتان کے آوٴٹ ہونے کے بعد انگلینڈ فارم میں واپس نہیں آسکا، جسپریت بمراہ نے انگلینڈ کے فل سالٹ کو آوٴٹ کرکے انگلینڈ کی مشکلات میں مزید اضافہ کردیا۔

انڈیا کے اسپن بولرز دفاعی چیمپئنز پر حاوی رہے، جونی بیرسٹو 3 گیند پر صفر رنز، معین علی 10 گیندوں پر 8 رنز ، سیم کرن 4 گیندوں پر 2 رنز، ماور لیام لیونگ اسٹون 16 گیندوں پر 11 رنز بنا سکے، ان میں سے کوئی بھی بڑا اسکور کرنے میں ناکام رہا۔

ہیری بروک نے 19 گیندوں پر 25 رنز بنا کر بیٹنگ لائن سنبھالی لیکن وہ پھر کلدیپ یادیو کا شکار ہوگئے۔ انگلینڈ کی جانب سے جوفرا آرچر 14 گیندوں پر 21 رنز کے ساتھ تیسرے ٹاپ اسکورر رہے۔

انڈیا کی جانب سے اکچر پٹیل اور کلدیپ یادیو نے تین تین وکٹیں حاصل کیں جبکہ جسپریت بمراہ نے دو وکٹیں حاصل کیں کیونکہ پوری انگلش ٹیم 16.4 اوورز میں 103 رنز پر آؤٹ ہوگئی۔

پہلی اننگز میں انڈیا کی شروعات اچھی نہیں رہی، ویرات کوہلی، ایک بار پھر ٹورنامنٹ میں کارکردگی دکھانے میں ناکام رہے اور وہ صرف نو رنز بنانے کے بعد ریس ٹوپلی کے ہاتھوں بولڈ ہوگئے۔

کوہلی کے آؤٹ ہونے کے بعد رشبھ پنت بھی صرف چار رنز بنانے کے بعد پویلین لوٹ گئے

تاہم دو وکٹیں گنوانے کے بعد انڈیا نے کھیل میں واپس آگیا اور سوریہ کمار یادو اور روہت شرما نے 73 رنز کی شراکت قائم کی۔ رہت شرما نے اپنی نصف سنچری مکمل کی لیکن 57 رنز بنانے کے بعد عادل رشید کا شکار ہوگئے۔

سوریہ کمار یادو کے آوٴٹ ہونے کے بعد ہاردک پانڈیا (23)، شیوم دوبے صفر، رویندر جڈیجہ (17)، اکسر پٹیل (10) رنز بناسکے، انڈیا نے انگلینڈ کو سات وکٹوں کے نقصان پر 171 رنز کا ٹارگٹ دیا۔

انگلینڈ کی جانب سے کرس جارڈن نے تین جبکہ عادل رشید، سیم کرن، جوفرا آرچر اور ریس ٹوپلے نے ایک ایک وکٹ حاصل کی۔

سیمی فائنل جیتنے کے بعد انڈیا کے کپتان روہت شرما نے کہا کہ وہ اس میچ سے مطمئن ہیں، ’ہم نے ایک یونٹ کے طور پر سخت محنت کی۔ ہر ایک نے اپنی بھرپور کوشش کی‘۔

انگلینڈ کے کپتان جوس بٹلر نے کہا کہ ’انڈیا نے اچھا پرفارم کیا۔ وہ اس جیت کے مستحق ہیں۔ ہم نے پچ میں اچھی کرکٹ کھیلی لیکن بدقسمتی سے آج کے میچ میں زیادہ اچھا پرفارم نہیں کرسکے۔‘

برائن لارا اسٹیڈیم میں جمعرات کو ورلڈکپ کا سیمی فائنل کھیلا گیا جہاں جنوبی افریقہ نے افغانستان کو 9 وکٹوں سے شکست دی اور فائنل تک رسائی حاصل کرلی۔

یہ پہلا موقع ہے جب ٹورنامنٹ میں ناقابل شکست رہنے والی جنوبی افریقہ نے کسی ورلڈ کپ (ٹی20 اور ون ڈے) کے فائنل کے لیے کوالیفائی کیا ہے۔

پہلے افغانستان نے جنوبی افریقہ کے خلاف ٹاس جیت کر بیٹنگ کا فیصلہ کیا تھا۔

57 رنز کے معمولی ہدف کے تعاقب میں جنوبی افریقہ نے ایک وکٹ کے نقصان پر 8.5 اوورز میں میچ جیت لیا۔

ابتدائی اوورز میں جنوبی افریقہ کے کوئنٹن ڈی کاک کو افغان باؤلر فضل الحق فاروقی نے آؤٹ کیا تاہم بعد میں کپتان ایڈن مارکرم اور اوپنر رضا ہینڈرکس نے بیٹنگ لائن کو سنبھالا اور ہدف آسانی سے حاصل کر لیا۔

پہلے بیٹنگ کرتے ہوئے افغانستان کی پہلی وکٹ 0.6 اوورز پر گری جس کے بعد تبریز شمسی اور مارکو جیسن کی دھوان دھار باوٴلنگ کی وجہ سے ایک بھی افغان کھلاڑی وکٹ پر زیادہ دیر نہیں ٹھہر سکا۔

افغان ٹیم کی جانب سے عظمت اللہ عمرزئی 10 رنز کے ساتھ ٹاپ اسکورر رہے، رحمان اللہ گرباز، محمد نبی اور نور احمد صفر پر آؤٹ ہوئے۔

افغانستان کی پوری ٹیم 11.5 اوورز میں صرف 56 رنز پر ڈھیر ہوگئی جو ورلڈ کپ کی تاریخ میں سیمی فائنل کا سب سے کم اسکور ہے۔

جنوبی افریقہ مارکو جانسن اور تبریزی شمسی نے تین تین وکٹیں حاصل کیں جبکہ کاگیسو ربادا اور اینریچ نورٹجے نے دو دو وکٹیں حاصل کیں۔

کس نے کیا کہا؟

افغانستان کے کپتان راشد خان نے کہا کہ ’بطور ٹیم ہمارے لیے یہ ایک مشکل میچ تھا۔ ہم اس سے کچھ بہتر کر سکتے تھے، لیکن حالات نے ہمیں ایسا نہیں ہونے دیا۔ ٹی 20 میں آپ کو کسی بھی صورتحال کے لیے ہر وقت تیار ہونا چاہیے۔ جنوبی افریقا نے غیر معمولی طور پر اچھی بولنگ کی لیکن ہم اچھی بیٹنگ نہیں کر سکے۔‘

’اس ٹورنامنٹ میں ہمارے لیے سب سے خاص بات یہ تھی کہ ہم نے بڑی ٹیموں کو ہرایا، ہمارے لیے یہ صرف شروعات ہے۔ اب ہمیں یقین ہے کہ ہم کسی کو بھی شکست دے سکتے ہیں۔‘

انگلینڈ کے سابق باؤلر اسٹیون فن کہتے ہیں کہ ’مجھے افغانستان کے لیے افسوس ہے کہ وہ فائنل میں نہیں پہنچ سکے، ان کے ساتھ اچھا نہیں ہوا‘۔

جنوبی افریقہ کے کپتان ایڈن مارکرم کا کہنا تھا کہ ’مجھے بہت خوشی ہے کہ ہم فائنل میں پہنچ گئے، یہاں تک پہنچنے کے لیے صرف کپتان نہیں بلکہ پورے اسکواڈ کی محنت ہوتی ہے, ہمیں خوشی ہے کہ چیمپئن بننے کے لیے ہمیں ایک اور موقع ملا ہے‘۔

گلبدین پر کھیل کے دوران ’دھوکہ دہی‘ کا الزام عائد کیا جا رہا ہے اور ان کے بظاہر درد کی وجہ سے کرکٹ ماہرین اور سوشل میڈیا صارفین میں تاخیری حربوں کے استعمال پر ایک بحث چھڑ گئی ہے۔

دلچسپ بات یہ بھی ہے کہ اسی دوران پاکستان کے وکٹ کیپر اور بلے باز محمد رضوان کا نام بھی سوشل میڈیا پر ٹرینڈ کرنے لگا۔

اس پر بات بعد میں لیکن پہلے دیکھتے ہیں کہ افغانستان کے بنگلہ دیش کے خلاف میچ میں ہوا کیا تھا؟

افغانستان کے آل راوٴنڈر گلبدین نائب پر بنگلادیش کے خلاف میچ کے آخری سپر ایٹ میچ کے دوران ٹانگ میں درد کی شکایت پر ’فیک انجری‘ اور ’میچ تاخیر‘ کا الزام لگایا جارہا ہے جبکہ کئی سوشل میڈیا صارفین اس کا موازنہ پاکستان کے بیٹسمین محمد رضوان سے کررہے ہیں۔

آئی سی سی ٹی 20 ورلڈکپ کے سپر ایٹ راوٴنڈ کا آخری میچ منگل کے روز بنگلادیش اور افغانستان کے درمیان کھیلا گیا تھا، یہ میچ افغانستان نے جیت کر سیمی فائنل میں پہنچ گیا تھا لیکن میچ کے دوران افغان کھلاڑی گلبدین نائب کے درد سے متعلق گرما گرم بحث سوشل میڈیا پر جاری ہے۔

کئی سوشل میڈیا صارفین گلبدین نائب پر ’فیک انجری‘ اور ’وقت ضائع‘ یا ’میچ میں تاخیر‘ کا الزام لگا رہے ہیں، کئی لوگوں نے اس کا موازنہ پاکستان کے بلے باز محمد رضوان سے بھی کیا جب اکتوبر 2023 میں بھارت کے شہر حیدر آباد دکن پاکستان اور سری لنکا کے میچ کے دوران محمد رضوان نے بھی درد کی شکایت کی تھی۔

معاملہ کیا تھا؟

میچ میں بارش سے وقفے سے عین قبل 11 ویں اوور جب بنگلادیش سات وکٹوں پر 81 رنز پر تھا اور ڈی ایل ایس میتھڈ اسکور سے صرف 2 رنز پیچھے تھا۔

اُسی وقت بوندہ باندی شروع ہوتی ہے اور افغانستان کے کوچ جوناتھن ٹروٹ آسمان کی طرف اشارہ کرکے اپنے کھلاڑیوں کو میچ کو ’سلو ڈاوٴن‘ کرنے کا اشارہ دیتے ہیں۔

جس کے بعد اگلے ہی اوور میں جب بنگلادیشی باوٴلر گیند کروانے کے لیے آگے بڑھتے ہیں تو وکٹ کے قریب موجود افغان فیلڈر گلبدین نائب ٹانگ میں شدید تکلیف کا اشارہ کرتے ہوئے زمین پر لیٹ جاتے ہیں۔

اور پھر سپورٹنگ اسٹاف انہیں میدان سے باہر لے جاتے ہیں، اس سب کے دوران بارش تیز ہوجاتی ہے اور میچ کو روک کر پچ کو ڈھانپ دیا جاتا ہے۔

البتہ کچھ ہی دیر بعد میچ دوبارہ شروع ہوتا اور ڈی ایل ایس میتھڈ کے تحت ایک اوور کم کردیا گیا اور بنگلادیش کو ایک سو چودہ رنز کا ہدف ملا۔

کچھ ہی دیر بعد گلبدین دوبارہ میدان میں آتے ہیں اور 15ویں اوور کرواتے ہیں اس دوران انہوں نے ایک وکٹ بھی لی۔

اس کے نتیجے میں افغانستان یہ میچ آٹھ رنز سے جیت گیا اور سیمی فائنل میں پہنچ گیا۔

یاد رہے کہ جان بوجھ کر میچ میں تاخیر کرنا آئی سی سی قواعد کے تحت جرم ہے۔

کس نے کیا کہا؟

جب افغان کوچ آسمان کی طرف اشارہ کرتے ہیں تو میچ کی کمنٹری کرنے والے نیوزی لینڈ کے کرکٹر سائمن ڈول نے کہا کہ ’یہ ناقابل قبول ہے، میں اسے نہیں مانتا، یہ میچ میں تاخیر کرنے کے حربے ہیں، بارش کی وجہ سے میچ کسی بھی طرف جاسکتا تھا۔‘

زمبابوے کے کمنٹیٹر پومی موانگبا نے کہا کہ ’یہ مضحکہ خیز ہے۔ اس کے لیے انہیں آسکر ملنا چاہیے۔‘

انڈین کرکٹر آر ایشون نے لکھا کہ ’گلبدین کے لیے ریڈ کارڈ۔‘

(یہاں ریڈ کارڈ یعنی فٹبال یا ہاکی میں فاوٴل پر کھلاڑی کو ریڈ کارڈ دیا جاتا ہے)

ایشون کی ٹوئٹ پر گلبدین نے ردعمل دیتے ہوئے لکھا کہ ’کبھی خوشی، کبھی غم میں ہوتا ہے، ہیمسٹرنگ (پٹھوں میں درد)‘

آسٹریلین باوٴلر ایڈم زمپا نے اسکرین شاٹ پوسٹ کرتے ہوئے لکھا کہ ’اولڈ رین اسٹرنگ‘

اس کے علاوہ آسٹریلوی کپتان مچل مارش نے گلبدین نائب کی انجری کے معاملے کو مزاحیہ قرار دے دیا۔

انہوں نے کہا کہ میں نےکرکٹ کے میدان پر اس سے پہلے ایسی مزاحیہ چیز نہیں دیکھی، ہنسی سے میری آنکھوں میں آنسو آگئے تھے۔

نیوزی لینڈ کے کمنٹیٹر ایان اسمتھ نے کہا کہ ’میرا گھٹنے میں پچھلے چھ مہینوں سے درد ہے، میں گلبدین نائب کے ڈاکٹر سے ملنا چاہوں گا‘۔

اس کےعلاوہ افغان کپتان راشد خان نے کہا کہ ’گلبدین نائب کو کچھ درد تھا، مجھے نہیں معلوم اس کے ساتھ کیا ہوا اور سوشل میڈیا پر کیا چل رہا ہے لیکن اس سے کوئی فرق نہیں پڑتا، یہ کوئی ایسی چیز نہیں، جس سے میچ میں بڑا فرق آیا ہو‘۔

آئی سی سی قوانین کیا کہتے ہیں؟

اگر آئی سی سی اس واقعے کا جائزہ لے اور گلبدین نائب کو قصوروار پایا تو ان کے خلاف سخت کارروائی ہو سکتی ہے۔ آئی سی سی کے قوانین کے مطابق اگر کوئی فیلڈر میچ میں تاخیر کرتا ہے تو امپائر میچ کے دوران باوٴلر یا کپتان پر جرمانہ کرسکتا ہے۔

آئی سی سی کوڈ آف کنڈکٹ کے تحت مچ کے دوران گلبدین نائب اگرقصوروار پائے جاتے ہیں تو کھلاڑی کی میچ فیس کا 100 فیصد تک جرمانہ ہوسکتا ہے۔

جرمانے میں بیٹنگ کرنے والی ٹیم کو اضافی 5 رنز دینے پڑسکتے ہیں، میچ کے بعد امپائر واقعے کی تحقیقات کریں گے، اگر تحقیقات میں غلط کام کی تصدیق ہوئی تو باوٴلر، ٹیم یا کپتان کے خلاف کارروائی کی جا سکتی ہے۔

یاد رہے کہ آئی سی سی ٹی 20 کرکٹ ورلڈکپ کے سپر ایٹ راوٴنڈ کے سنسنی خیز میچ میں افغانستان نے بنگلادیش کو آٹھ رنز سے شکست دے کر پہلی بار سیمی فائنل میں جگہ بنا لی تھی۔

27 جون کو پہلا سیمی فائنل افغانستان اور ساوٴتھ افریقا کے درمیان کھیلا جائے گا جبکہ دوسرا سیمی فائنل انڈیا کا مقابلہ انگلینڈ سے گیانا میں ہوگا۔

بنگلادیش کے خلاف میچ جیتنے کے بعد پریس کانفرنس کرتے ہوئے راشد خان نے کہا کہ ’ہماری ٹیم بہت اچھا کھیل پیش کیا، ہمیں سیمی فائنل میں اپنا ذہن کلئیر رکھنا ہے اور فائنل میں پہنچنا ہے‘۔

راشد خان نے کہا کہ ’برائن لارا واحد شخص تھے جنہوں نے پیشگوئی کی تھی کہ افغانستان سیمی فائنل کے ٹاپ فور میں ہوگا اور ہم نے ان کی پیشگوئی درست ثابت کردی، ہم ویلکم پارٹی میں ان سے کہہ چکے تھے کہ ہم اسے درست ثابت کرکے دکھائیں گے۔ ‘

افغان کپتان نے سیمی فائنل تک کے سفر پر گفتگو کرتے ہوئے کہا کہ ’ہاں، کچھ مشکل وقت ضرور آئے لیکن ہم نے خود کو مایوس نہیں کیا اور ہم ہمیشہ کوشش کرتے رہے‘۔

انہوں نے یہ بھی کہا کہ افغانستان کا ٹی ٹوئنٹی ورلڈ کپ کے سیمی فائنل کے لیے کوالیفائی کرنا ’ایک خواب کی طرح‘ ہے۔

راشد خان نے کہا کہ انہیں یقین نہیں آرہا کہ ان کی ٹیم سیمی فائنل میں پہنچ چکی ہے’ ہمارے لیے سیمی فائنل میں جانا ایک خواب جیسا ہے۔‘

25 سالہ راشد کہتے ہیں کہ ’افغانستان میں اس وقت لوگ بہت پرجوش ہیں، جشن منا رہے ہیں، یہ ہمارے لیے بڑی کامیابی ہے‘۔

افغانستان نے پہلے ٹاس جیت کر فیصلہ کیا تو مقررہ 20 اوورز میں ٹیم نے پانچ وکٹوں کے نقصان پر 115 رنز اسکور کیے۔

رحمان اللہ نے تین چوکے اور ایک چھکے کی مدد سے 43 رنز بنا کر ٹاپ اسکورر رہے جبکہ راشد خان نے دس گیندوں پر تین چھکے مارے۔

بنگلادیش کی جانب سے رشاد حسین نے تین جبکہ تسکین احمد اور مستفزور حسین نے ایک ایک وکٹ لی۔

بنگلادیش کی بیٹنگ کا وقت آیا تو میچ بارش سے متاثر ہوا جس کی وجہ سے میچ 19 اوورز میں 114 رنز تک کم کر دیا گیا، لیکن پھر بھی بنگلادیش تعاقب کرنے میں کامیاب نہ ہوسکی اور پوری ٹیم 17.5 اوورز میں 105 رنز بنا کر آؤٹ ہو گیا۔

بنگلادیشی اوپنر اوپنر لٹن داس 49 گیندوں میں 54 رنز بنا کر ناٹ آؤٹ رہے جس کے بعد کوئی بیٹسمین زیادہ دیر نہ ٹِک سکا۔

افغانستان کے کپتان راشد خان اور فاسٹ باوٴلر نوین الحق نے سب کو پویلین بھیجا، دونوں نے چار چار وکٹیں لیں۔

اس سے پہلے انڈیا آسٹریلیا کو شکست دے دی تھی، افغانستان کی بنگلادیش کو شکست دینے کے بعد ’اگر مگر‘ کا شکار آسٹریلیا کے سیمی فائنل میں پہنچنے کے چانسز بھی ختم ہوگئے تھے، اب سیمی فائنل کی ٹیمیں بھی طے ہوگئی ہیں۔

پہلا سیمی فائنل افغانستان اور ساوٴتھ افریقا کے درمیان کھیلا جائے گا جبکہ دوسرا سیمی فائنل انڈیا کا مقابلہ انگلینڈ سے گیانا میں ہوگا، دونوں میچز مقامی وقت کے مطابق 27 جون کو کھیلا جائے گا۔

’سیمی فائنل میں جانا ایک خواب جیسا لگ رہا ہے‘

کپتان راشد خان نے کہا کہ افغانستان کا ٹی ٹوئنٹی ورلڈ کپ کے سیمی فائنل کے لیے کوالیفائی کرنا ’ایک خواب کی طرح‘ ہے۔

راشد خان نے کہا کہ انہیں یقین نہیں آرہا، افغانستان میں ہر کوئی ہمارے لیے بہت خوش ہے، ہمارے لیے سیمی فائنل میں جانا ایک خواب جیسا ہے۔

25 سالہ راشد کہتے ہیں کہ ’افغانستان میں اس وقت لوگ بہت پرجوش ہیں، جشن منا رہے ہیں، یہ ہمارے لیے بڑی کامیابی ہے‘۔

ویسے تو پاکستان کرکٹ ٹیم آئی سی سی ٹی 20 ورلڈکپ کے پہلے ہی راوٴنڈ میں ناکام ہوگئی تھی جس پر شائقین مایوس ہیں اور سوشل میڈیا پر کرکٹرز کی پرفارمنس پر تنقید بھی کی جارہی ہے۔

کرکٹرز ابھی امریکا میں ہی موجود ہیں اور اس دوران حارث روٴف کی ایک ویڈیو وائرل ہورہی ہے جس میں وہ ایک فین پر شدید غصہ ہیں۔

وائرل ویڈیو میں ایسا لگتا ہے کہ فین کی جانب سے کچھ ایسا کہا گیا جس پر حارث روٴف غصے میں آگئے لیکن غصے کی اصل وجہ کیا تھی یہ بات صاف ظاہر نہیں ہوئی تاہم حارث روٴف نے دوٹوک انداز میں پیغام دیا کہ ’جب بات میری فیملی پر آئے گی تو میں جواب دینے سے نہیں کتراؤں گا۔‘

دوسری جانب پاکستان کرکٹ بورڈ کے چیئرمین محسن نقوی نے بھی واقعے کی مذمت کرتے ہوئے خبردار کیا کہ حارث روٴف سے معافی مانگی جائے اور اگر ایسا نہ کیا تو قانونی کارروائی ہوگی۔

ویڈیو میں ایسا کیا تھا؟

ویڈیو کے شروع میں حارث روٴف کو فین کے ساتھ بات چیت کرتے ہوئے دیکھا جاسکتا ہے اور پھر کچھ ہی دیر بعد فاسٹ باوٴلر غصے میں فین کی جانب بڑھتے ہیں اور اس دوران ان کے جوتے بھی اتر جاتے ہیں۔

تاہم کچھ لوگ بیچ بچاوٴ کرنے کی کوشش کرتے ہیں، حارث روٴف کی اہلیہ بھی انہیں روکنے کی کوشش کرتی ہیں لیکن کرکٹر پودوں کے اوپر سے کود کر فین کی جانب بڑھتے ہیں۔

اس موقع پر فین کو یہ کہتے سنا جاسکتا ہے کہ ’ایک تصویر مانگی ہے بھائی، فینز ہیں آپ کے‘، جس پر حارث روٴف چیختے ہوئے سوال کرتے ہیں کہ ’گالی باپ کو دے رہا ہے‘۔

اس موقع پرحارث روٴف نے کہا کہ یہ شخص ضرور انڈین ہوگا جس پر فین نے خود بتایا کہ وہ پاکستان سے ہیں جس پر حارث روٴف کہتے ہیں کہ ’پاکستان سے ہوکر بھی تیری یہ حالت ہے، تیرے باپ نے تیری یہ تربیت کی ہے؟ یہاں پر آ کر یہ حرکت کرتا ہے؟

سوشل میڈیا پر اس ویڈیو کو تنقید کا نشانہ بنایا جا رہا ہے کیونکہ یہ واضح کرتا ہے کہ کس طرح آن لائن تنقید اب کھلاڑیوں اور ان کے اہل خانہ کے ساتھ حقیقی زندگی میں بدسلوکی میں تبدیل ہو رہی ہے۔

سوشل میڈیا صارفین کی جانب سے کہا جارہا ہے کہ کرکٹر کی پرفارمنس پر تنقید اپنی جگہ لیکن ان کے اہل خانہ پر تنقید کرنا غیر اخلاقی ہے۔

جب بات میری فیملی پر آئے گی تو میں جواب دینے میں نہیں کتراؤں گا، حارث روٴف

حارث روٴف نے سوشل میڈیا پلیٹ فارم ’ایکس‘ پر ویڈیو وائرل ہونے کے بعد ردعمل دیتے ہوئے لکھا کہ ’عوامی شخصیت ہونے کی وجہ سے ہمیں ہر طرح کے ردعمل کا سامنا کرنا پڑتا ہے لیکن جب بات میرے والدین اور میری فیملی پر آئے تو وہ جواب دینے سے نہیں کترائیں گے۔‘

حارث روٴ ف نے مزید کہا کہ ’لوگوں اور ان کے خاندانوں کا احترام ضروری ہے، اس بات سے قطع نظر کہ ان کا تعلق کس پیشے سے ہے۔‘

محسن نقوی کو فین سے معافی کا مطالبہ

پاکستان کرکٹ بورڈ کے چیئرمین محسن نقوی نے کہا کہ وہ اس واقعے کی مذمت کرتے ہیں ’ہمارے کھلاڑیوں کے ساتھ ایسا رویہ ناقابل قبول ہے جسے برداشت نہیں کیا جائے گا، اس واقعے میں ملوث افراد حارث روٴف سے معافی مانگیں ورنہ ان کے خلاف قانونی کارروائی کی جائے گی‘۔

ساتھی کرکٹرز کا حارث روٴف کی سپورٹ میں ٹوئٹ

ساتھی کرکٹرز نے حارث روٴف کے ساتھ ہونے والے واقعے پر افسوس کیا، فاسٹ باوٴلر حسن علی نے ایکس پر لکھا کہ کسی شخص کو ٹھیس پہنچائے بغیر بھی تنقید کی جاسکتی ہے۔

آل راوٴنڈر شاداب خان نے لکھا کہ ’پرفارمنس پر تنقید کرنا فینز کا حق ہے، ہم اسے تسلیم کرتے ہیں اور سیکھنے کی کوشش کرتے ہیں لیکن کسی پر ان کی فیملی کی موجودگی میں ذاتی حملے ناقابل قبول ہیں۔

انہوں نے مزید کہا کہ ’آپ کو کیسا لگے گا اگر فیملی کی موجودگی میں کوئی آپ پر حملہ کرے؟‘

فلوریڈا میں ہونے والا یہ اہم میچ بارش کی وجہ سے پہلے تاخیر کا شکار رہا لیکن گیلے گراونڈ اور بارش نہ رکنے کی وجہ سے ٹاس بھی نہیں ہوسکا۔

میچ مقامی وقت کے مطابق ساڑھے 10 بجے ( پاکستانی وقت کے مطابق ساڑھے 7 بجے) شروع ہونا تھا، اس اہم میچ سے قبل سب کی نظریں موسم کی صورتحال پر تھی لیکن گیلے گراونڈ اور بارش نے پاکستانی کھلاڑیوں کی امیدوں پر بھی پانی پھیر دیا۔

میچ نہ ہونے کی وجہ سے امریکا اور آئرلینڈ کو ایک ایک پوائنٹ دے دیا گیا، امریکا پانچ پوائنٹس کے ساتھ اگلے راونڈ میں پہنچ گئی جبکہ انڈیا پہلے ہی 6 پوائنٹس کے ساتھ سپر ایٹ راونڈ کے لیے کوالیفائی کرچکا ہے۔

پاکستان ورلڈکپ کے دوسرے راونڈ یعنی سپر ایٹ راونڈ میں کوالیفائی کرنے کے لیے ’اگر مگر‘ کی صورتحال کا شکار تھا اور امریکا اور آئرلینڈ کے درمیان میچ بابر الیون کے لیے اہم تھا۔

کیونکہ اگر امریکا کے خلاف آئرلینڈ جیت جاتا تو پاکستان کے سپر ایٹ میں کوالیفائی کرنے کے چانسز بڑھ جاتے لیکن امریکا کے سپر 8 مرحلے میں پہنچنے کے بعد اب 16 جون کو پاکستان اور آئرلینڈ کا میچ بے معنی ہوگیا۔

پاکستان کے ورلڈکپ سے باہر ہوتے ہی سوشل میڈیا پر میمز اور تبصرے بھی شروع ہوگئے ہیں، ایک سوشل میڈیا صارف نے لکھا کہ ’یہ بہترین مثال ہے کہ قدرت کا نثام صرف ان کی مدد کرے گا جو اپنی مدد خود کرتے ہیں، جب آپ 3 پر 12 رنز کا دفاع نہیں کرسکتے یا 48 گیندوں پر 48 رنز نہیں بنا سکتے تو آپ کسی چیز کے مستحق نہیں‘۔

ایک اور صارف نے لکھا کہ ’یہ قدرت کا نظام نہیں بلکہ قدرت کا انتقام ہے۔‘

پاکستان کرکٹ ٹیم آج فلوریڈا میں آئرلینڈ اور امریکا کے درمیان ہونے والے میچ میں بارش نہ ہونے اور اگر بادل نہ برسے تو امریکا کی شکست کی دعائیں کررہی ہے۔

فلوریڈا کے موسم کی اگر بات کریں تو وہاں پچھلے دنوں ریکارڈ بارشیں ہوئی تھیں اور امریکی ویدر سروس کے مطابق وہاں آج مزید بارشوں کی بھی پیشگوئی ہے۔

بارش کی وجہ سے 11 جون کو سری لنکا اور نیپال کے درمیان کھیلے جانے والا میچ بھی کینسل ہوگیا تھا۔

پاکستان کے سپر ایٹ میں پہنچنے کے کیا چانسز ہیں؟

پاکستان گروپ اے میں انڈیا، آئرلینڈ اور کینیڈا کے ساتھ شامل ہے اور پاکستان کرکٹ ٹیم اب تک تین میچز کھیل چکی ہے جن میں سے انہیں دو میچز میں (انڈیا اور امریکا کے خلاف) شکست اور ایک میچ یعنی کینیڈا کے خلاف پہلی کامیابی ہوئی تھی۔

اس وقت گروپ اے کے پوائنٹس ٹیبل میں انڈیا پہلے نمبر پر ہے اور وہ پہلے ہی سپر ایٹ کے لیے کوالیفائی کرچکا ہے۔

جبکہ امریکا کے سپر ایٹ میں پہنچنے کے اچھے امکانات ہیں کیونکہ اس نے تین میچز میں سے دو جیتے ہیں اور دو پوائنٹس کے ساتھ دوسرے نمبر پر ہے۔

فلوریڈا کے بروورڈ کاؤنٹی اسٹیڈیم میں آج امریکا اپنا چوتھا میچ آئرلینڈ کے خلاف پاکستانی وقت کے مطابق شام ساڑے 7 بجے کھیلے گا جس کا نتیجہ پوائنٹس ٹیبل پر اثر انداز ہوگا۔

تاہم اگر میچ بارش کی وجہ سے منسوخ ہوجاتا ہے تو دونوں ٹیموں کو ایک ایک پوائنٹس ملیں گے، اس صورت میں امریکا کے 5 پوائنٹس ہوجائیں گے اور وہ سپر ایٹ کے لیے کوالیفائی کرلے گا۔

دوسری صورت میں چونکہ آئرلینڈ نے ابھی تک ایک میچ بھی نہیں جیتا اور اگر وہ آج ہونے والا میچ جیت جاتا ہے تو پاکستان اور کینیڈا میں سے ایک ٹیم نیٹ رن ریٹ کے مطابق سپر ایٹ میں جاسکتی ہے۔

اور اگر آئرلینڈ کے خلاف امریکا میچ جیت جاتا ہے تو گروپ اے کے بقیہ میچز سے کوئی فرق نہیں پڑے گا اور امریکا سپر ایٹ کے لیے کوالیفائی کرلےگا۔

پاکستان اسکواڈ اپنا آخری گروپ میچ آئرلینڈ کے خلاف اتوار( 16 جون) کو سینٹرل بروورڈ ریجنل پارک اسٹیڈیم میں کھیلے گا۔