گلگت بلتستان میں پانچ پہاڑ ایسے ہیں جو دنیا کے 14 بلند ترین پہاڑوں میں شمار ہوتے ہیں جن میں کے ٹو، نانگا پربت، براڈ پیک، گاشر برم اول اور دوم شامل ہیں۔ الپائن کلب آف پاکستان کے مطابق گلگت بلتستان اس موسم گرما میں صرف 270 غیر ملکی کوہ پیما مہم پر آئے، جب کہ گزشتہ سال یہ تعداد 2000 سے زیادہ تھی۔

الپائن کلب کے نائب صدر کرار حیدری کہتے ہیں کہ سخت موسمی حالات یعنی برفانی تودے گرنا، پتھر گرنا اور بہت تیز ہوائیں چلنے کی وجہ سے بہت سی کوہ پیماؤں کی ٹیموں کو اپنی مہم ادھوری چھوڑنی پڑی اور وہ پہاڑ کی چوٹی تک پہنچے بغیر ہی واپس لوٹ آئے۔

پاکستان کو اس سال موسمیاتی آفات کے شدید بحران کا سامنا کرنا پڑا۔ حالیہ مون سون بارشوں کی وجہ سے اب تک ایک ہزار سے زیادہ لوگ جان سے گئے، ہزاروں دیہات بہہ گئے، زرعی زمین ڈوب گئی اور صرف پنجاب میں ہی 20 لاکھ سے زائد لوگ بے گھر ہوئے۔

تاہم کرار حیدری نے کہتے ہیں کہ کوہ پیمائی میں کمی کی وجہ صرف موسم نہیں ہے۔ بلکہ بارشوں اور سیلاب کے علاوہ، حالیہ (پاک انڈیا) جنگوں اور کوہ پیمائی کی فیس میں اضافے نے بھی غیر ملکی کوہ پیماؤں کی تعداد میں کمی پیدا کی ہے۔

یاد رہے کہ مئی میں پاکستان اور انڈیا کے درمیان چار روزہ تنازع ہوا تھا، اس دوران گولہ بارود، فائرنگ اور دھماکے بھی ہوئے تھے۔ جبکہ جون میں پاکستان کے ہمسایہ ملک ایران کی اسرائیل کے ساتھ بارہ روزہ جنگ ہوئی تھی۔

اس سیزن میں صرف 40 کوہ پیماؤں نے کے ٹو سر کیا، 25 نے نانگا پربت، جبکہ چند ایک نے گاشر برم اول کی چوٹی سر کی۔

مقامی سیاحت اور پورٹرز کی مشکلات

گلگت بلتستان طویل عرصے سے عالمی سیاحوں اور کوہ پیماؤں کے لیے جنت تصور کیا جاتا ہے، لیکن غیر ملکی سیاحوں کی آمد میں کمی نے مقامی معیشت پر بہت بُرا اثر ڈالا ہے۔ ہوٹل مالکان، دکاندار، ٹرانسپورٹرز حتیٰ کہ قراقرم ہائی وے پر چائے کے کھوکے لگانے والے بھی سب کاروبار کی کمی اور نقصان کا سامنا کر رہے ہیں۔

اشرف علی رضا سدپارہ، جو علاقے کے سب سے تجربہ کار پورٹرز میں سے ایک ہیں اور تین بار کے ٹو سر کر چکے ہیں، کہتے ہیں کہ ’ 2020 کے بعد یہ پہلا سیزن ہے جو بالکل خالی جا رہا ہے، اس سال میں کسی ایک مہم میں بھی شامل نہیں ہو سکا۔ عام طور پر یہ ہمارا سب سے مصروف وقت ہوتا تھا۔ ہمیں تو بہت زیادہ آفرز کی وجہ سے کئی مہم جوئیوں کو انکار کرنا پڑتا تھا۔ لیکن اس سال کا سیزن ایک ڈراؤنے خواب کی طرح ہو گیا ہے۔‘

پورٹرز (وہ مقامی لوگ جو کوہ پیماؤں کا سامان اُٹھاتے اور مہم کے دوران ان کی مدد کرتے ہیں) ہمالیہ میں شرپا کہلاتے ہیں۔ یہ لوگ مہم کی تیاری اور سامان ڈھونے میں ماہر ہوتے ہیں، لیکن اکثر ان کے ساتھ ناانصافی یا استحصال کیا جاتا ہے۔ اب چونکہ غیر ملکی سیاح نہیں آ رہے، اس لیے وہ روزگار سے محروم اور بیروزگار ہو گئے ہیں۔

الپائن کلب کے نائب صدر کے مطابق مقامی سیاحت بھی ماند پڑ گئی ہے۔ گزشتہ سال ایک ملین سے زائد مقامی سیاح اور 24 ہزار غیر ملکی وزیٹرز (بغیر پرمٹ کے) گلگت بلتستان آئے تھے، لیکن اس سال کمی ’انتہائی تشویشناک‘ ہے۔

’فیس میں اضافہ کے ٹو سمیت دیگر پہاڑوں کی حفاظت کے لیے ہے‘

انڈسٹری کے ماہرین کے مطابق حکومت کی طرف سے کوہ پیمائی کی فیسوں میں اضافہ بھی اس کی بڑی وجہ ہے۔ گلگت بلتستان انتظامیہ نے کے ٹو کا پرمٹ فیس ایک ہزار 750 ڈالرز سے بڑھا کر 3 ہزار 500 ڈالرز فی کوہ پیما کر دی، جبکہ دیگر 8 ہزار میٹر بلند پہاڑوں کے لیے فیس ایک ہزار ڈالر سے بڑھا کر 2 ہزار 500 ڈالر کر دی گئی۔

اسلام آباد کے ایک ایکسپڈیشن آپریٹر انور سید کہتے ہیں کہ ’کوہ پیما سالوں تک پیسہ بچاتے ہیں تاکہ اپنے خواب پورے کر سکیں۔ جب انہیں پتہ چلتا ہے کہ اخراجات دگنے یا تگنے ہو گئے ہیں، تو اکثر اپنی مہم جوئی منسوخ کر دیتے ہیں۔ اس پر علاقائی جنگوں نے مزید جلتی پر تیل کا کام کیا‘۔

تاہم گلگت بلتستان کے ڈائریکٹر جنرل برائے سیاحت اقبال حسین نے فیس میں اضافے کا دفاع کرتے ہوئے کہا کہ یہ 1999 کے بعد پہلی بار اضافہ کیا گیا ہے۔

وہ کہتے ہیں کہ ’یہ فیصلہ کئی عوامل کو مدنظر رکھ کر کیا گیا، بنیادی طور پر ماحولیات کے تحفظ کے لیے۔ اگر بڑھتی ہوئی کمرشل مہم جوئی کو محدود نہ کیا گیا تو یہ پہاڑوں کے لیے نقصان دہ ثابت ہو سکتی ہیں۔‘

انہوں نے وضاحت کی کہ یہ اضافہ کے ٹو پر بھیڑ کو کم کرنے کے لیے بھی ہے، جو دنیا کا دوسرا بلند ترین لیکن انتہائی خطرناک پہاڑ ہے، جہاں اب تک 86 کوہ پیما اپنی جان گنوا چکے ہیں۔

اقبال حسین نے پاکستان کی فیسوں کا موازنہ نیپال سے کیا، جو ایورسٹ پرمٹ کے لیے 15 ہزار ڈالر وصول کرتا ہے۔ ’ہم اپنی سیاحت کو فروغ دینے کی پوری کوشش کر رہے ہیں، لیکن پہاڑوں کی حفاظت بھی ضروری ہے۔‘

یہ بھی پڑھیں:

عید تعطیلات کے دوران خیبرپختونخوا میں 95 ہزار سے زائد سیاحوں کی آمد

پہاڑوں کا علاقہ گلگت بلتستان سی این این کی ٹریول لسٹ 2025 میں شامل

انڈیا سے جنگ کا خدشہ: پاکستان کی خوبصورت وادی سیاحوں سے خالی

مراد سدپارہ: ’میرے دل میں جو لگی ہے اس لگن سے پوچھیے میں کس لیے برباد ہوا کے-ٹو سے پوچھیے‘

سرباز خان: دنیا کی 8 ہزار میٹر بلند تمام 14 چوٹیاں سر کرنے والے پہلے پاکستانی

مراد سدپارہ: ’خطرناک چوٹیوں پر دوسروں کو ریسکیو کرنے والا خود مدد کا انتظار کرتے ہوئے چل بسا‘

پیرو کے بلند ترین پہاڑ سے لاپتہ کوہ پیما کی لاش 22 سال بعد برآمد

یہ انکشاف جمعرات کو اسلام آباد میں ہونے والی ایک میڈیکل کانفرنس کے دوران کیا گیا ہے۔ اس کانفرنس میں ملکی اور بین الاقوامی ماہرین شریک تھے۔

ماہرینِ صحت کا کہنا تھا کہ موٹاپا ذیابطیس، دل کے دورے، فالج، کینسر، بانجھ پن اور اوبسٹرکٹو سلیپ اپنیا (سوتے ہوئے سانس لینے میں دشواری کی بیماری) جیسے امراض میں خطرناک اضافہ کر رہا ہے۔ اگر فوری اقدامات نہ کیے گئے تو پاکستان کو صحت کے ایک ایسے بحران کا سامنا کرنا پڑے گا جو پہلے کبھی نہیں دیکھا گیا۔

یونیورسٹی آف برمنگھم سے منسلک پروفیسر ڈاکٹر وسیم حنیف نے کہا کہ دنیا بھر میں 18 سال سے زائد عمر کے تقریباً ڈھائی ارب افراد کا وزن زیادہ ہے جب کہ ایک ارب لوگ موٹاپے کا شکار ہیں۔ ان کا کہنا تھا کہ جنوبی ایشیا کے لوگ نسبتاً کم وزن پر بھی زیادہ خطرات سے دوچار ہو جاتے ہیں۔

ان کا مزید کہنا تھا کہ موٹاپا ایک دائمی بیماری ہے جو کم عمری میں موت کا باعث بنتی ہے۔ سلیپ ایپنیا کے ذریعے انسان کو معذور کر دیتی ہے اور معیارِ زندگی کو تباہ کر دیتی ہے۔ پاکستان میں 10 کروڑ سے زائد افراد موٹاپے کا شکار ہیں۔ لیکن ٹرزیپیٹائیڈ جیسا انقلابی نیا علاج تازہ ہوا کا جھونکا ہے جو وزن میں 25 فیصد تک کمی لا سکتا ہے۔ لیکن یہ متوازن غذا اور باقاعدہ ورزش کے ساتھ ہونا چاہیے۔

اسلام آباد میں کے آر ایل اسپتال کے ہیڈ آف میڈیسن پروفیسر سلیم قریشی نے کہا کہ اگر یہی ٹرینڈ جاری رہا تو 57 فیصد پاکستانی بچے 35 سال کی عمر کو پہنچنے تک موٹاپے کا شکار ہو جائیں گے۔

ماہرینِ صحت کا کہنا تھا کہ ڈاکٹروں کو مریضوں کی رہنمائی کرنی چاہیے کہ وہ ورزش، جسمانی سرگرمی اور متوازن غذا کی طرف آئیں۔ علاج کے ساتھ ساتھ لائف اسٹائل میں تبدیلی بھی ضروری ہے۔

دوسری جانب امریکہ کی میڈیکل ڈیوائس بنانے والی ایک بڑی انجینئرنگ فرم بوسٹن سائنٹیفک نے پاکستان میں موٹاپے کے علاج کے لیے جدید اور کم تکلیف دہ طریقہ علاج متعارف کرا دیا ہے جو کراچی کے ایک اسپتال میں دستیاب ہوگا۔ اینڈوسکوپک اسلیو گیسٹروپلاسٹی یا ای ایس جی میں سرجری کے بغیر معدے کے سائز کو کم کیا جاتا ہے۔

آلو پر ہونے والی ایک تحقیق میں معلوم ہوا ہے کہ اسے وجود میں لانے میں ٹماٹر کا بھی ہاتھ تھا۔

آلو ہزاروں سال پہلے جنوبی امریکہ کے اینڈیز نامی پہاڑی خطے میں اگایا گیا تھا اور یہ 16 ویں صدی میں وہیں سے پوری دنیا میں پھیلا۔ لیکن آلو کے ارتقا کی کہانی اب تک ایک راز بنی ہوئی ہے۔

لیکن ایک حالیہ تحقیق میں کچھ نئے حقائق سامنے آئے ہیں جن سے یہ سمجھنے میں مدد مل سکتی ہے کہ آلو کیسے دنیا میں آیا۔

سائنس دانوں نے آلوؤں کی 450 اگائی جانے والی اقسام اور 50 جنگلی اقسام کے آلوؤں کے ڈی این اے پر ایک تحقیق کی۔ اس میں انہیں معلوم ہوا کہ آلو تقریباً 90 لاکھ سال پہلے جنوبی امریکہ میں جنگلی ٹماٹر اور آلو سے ملتے جلتے ایک پودے کے قدرتی ملاپ سے پیدا ہوا تھا۔

محققین کے مطابق اس قدرتی ملاپ کے نتیجے میں آلو کی ابتدائی شکل وجود میں آئی اور زمین کے اندر ’ٹیوبر‘ یعنی گانٹھ پیدا ہوئی۔ سائنس دانوں نے تحقیق کے دوران گانٹھ بننے کی وجہ بننے والے دو اہم جینز بھی دریافت کیے ہیں۔

یہ تحقیق جمعے کو ایک سائنسی جریدے ’سیل‘ میں شائع ہوئی ہے۔ اس میں جینوم بایولوجسٹ اور چائنیز اکیڈمی آف اگریکلچرل سائنسز میں پودوں پر کام کرنے والے سان وین ہوانگ نے بھی حصہ لیا اور وہ اس تحقیق کے مصنف بھی ہیں۔

سان وین ہوانگ کا کہنا تھا کہ آلو واقعی ایک شاندار خوراک ہے۔ لوگ اسے صرف کاربوہائیڈریٹ سمجھتے ہیں، لیکن یہ وٹامن سی، پوٹیشیم، فائبر، اور اسٹارچ پر مشتمل ہوتا ہے۔ اور یہ قدرتی طور پر گلوٹن فری بھی ہوتا ہے۔ ان کے بقول یہ غذائت سے بھرپور کیلوری دینے والی خوراک ہے۔

آلو اور ٹماٹر کے پودے ملتے جلتے ہوتے ہیں۔ ٹماٹر کے پودے میں کھانے کے قابل حصہ اس کا پھل ہوتا ہے جو زمین کے اوپر پودے پر اگتا ہے لیکن آلو کے پودے میں کھانے کے قابل حصہ یہی گانٹھ یا ٹیوبر ہوتا ہے اور یہ زمین کے اندر اگتا ہے۔

آج جو آلو پایا جاتا ہے اس کا سائنسی نام سولانم ٹیوبروسم ہے۔ اور جن دو پودوں کے ملاپ سے آلو پیدا ہوا، ان میں آلو سے ملتی ملتی ایک پودے کی قسم جو پرو میں پائی گئی تھی، اس کا نام ہے ای ٹیوبروسم۔ یہ پودا آلو دکھنے میں آلو کے پودے جیسا ہوتا ہے لیکن اس میں ٹیوبر یا گانٹھ نہیں ہوتی۔ جب کہ دوسرا پودا ٹماٹر کا تھا۔

یہ دونوں پودے جن کے ملاپ سے آلو بنا تھا، سائنس دانوں کا کہنا ہے کہ یہ خود بھی ایک ہی پودے سے پیدا ہوئے تھے تقریباً ایک کروڑ چالیس سال پہلے۔ اور 50 لاکھ سال بعد ان میں قدرتی ملاپ ہوا۔

اس تحقیق کی شریک مصنفہ ساندرا ناپ کے مطابق جب ان پودوں کا ملاپ ہوا جسے ہائبرڈائزیشن بھی کہا جاتا ہے، تو اس سے ان کی جینز کی ترتیب میں تبدیلی آئی۔ جس کے نتیجے میں نئی نسل کے پودے گانٹھیں یعنی ٹیوبرز بنانے لگے۔ اس سے یہ پودے اینڈیز کے بلند ہوتے پہاڑی سلسلے میں پیدا ہونے والے نئے سرد اور خشک علاقوں میں پھیلنے کے قابل ہو گئے۔

یہ ہائبرڈائزیشن اس دور میں ہوئی جب اینڈیز میں پہاڑیاں بلند ہو رہی تھیں۔ گانٹھ کی موجودگی نے آلو کے پودے کو بدلتے ہوئے مقامی ماحول کے ساتھ مطابقت اختیار کرنے اور پہاڑوں کی سخت آب و ہوا میں نشوونما پانے کے قابل بنا دیا۔

ہوانگ کے مطابق یہ ٹیوبر غذائی اجزا کو محفوظ رکھ سکتے ہیں اور پودے کی بغیر بیج کے افزائش کو بھی ممکن بناتے ہیں تاکہ سرد علاقوں میں کم زرخیزی کے مسئلے کا حل نکل سکے۔ انہی خوبیوں نے آلو کے پودے کو زندہ رہنے اور تیزی سے پھیلنے کے قابل بنایا۔

ریسرچرز کا کہنا ہے کہ اس تحقیق کے نتائج آلوؤں کی مستقبل کی کاشت پر اثر انداز ہوں گے اور مستقبل میں زیادہ بہتر آلو کی اقسام بنائی جا سکتی ہیں جو ماحولیاتی چیلنجز کا بھی مقابلہ کر سکیں۔

چائنیز اکیڈمی آف ایگریکلچرل سائنسز کے ایک ریسرچر ژیانگ ژینگ کہتے ہیں کہ اس تحقیق کے نتیجے میں ایک ایسا نیا پودا اگانے پر کام کیا جا سکے گا جس میں اوپر ٹماٹر اور زمین کے نیچے آلو اگیں گے۔ یعنی ایک ہی پودا آلو اور ٹماٹر دونوں اگائے گا۔

پرو میں قائم انٹرنیشنل پوٹاٹو سینٹر ریسرچ آرگنائزیشن کے مطابق آج دنیا میں تقریباً پانچ ہزار اقسام کا آلو ملتا ہے۔ یہ چاول اور گندم کے بعد دنیا میں انسانوں کی خوراک کے لیے تیسری بڑی اگائی جانے والی فصل ہے۔ چائنہ دنیا میں سب سے زیادہ آلو اگانے والا ملک ہے۔

(یہ تفصیلات خبر رساں ادارے رائٹرز سے لی گئی ہیں)

ویڈیو: اقرا حسین

یہ انکشاف کراچی پولیس نے کیا ہے جنہوں نے کراچی کے علاقے ڈیفنس میں آٹھ جولائی کو 32 سالہ ماڈل حمیرا اصغر کی لاش برآمد کی۔

پولیس ان کے گھر اس وقت پہنچی جب وہ مالک مکان کی شکایت پر فلیٹ خالی کرانے پہنچے۔ پولیس کے مطابق انہوں نے دروازہ توڑا تو اندر سے خاتون کی لاش برآمد ہوئی۔

ڈیجیٹل اور فرانزک شواہد کے مطابق حمیرا اصغر علی کی موت پچھلے ستمبر یا اکتوبر میں ہوئی۔ اس سے پہلے پولیس سرجن ڈاکٹر سمیّہ سید نے بتایا تھا کہ لاش کی حالت دیکھ کر لگتا ہے کہ یہ ایک مہینے پرانی ہوسکتی ہے۔

لیکن پولیس کی جانب سے کی گئی تحقیقات، جن میں فون ریکارڈ، سوشل میڈیا سرگرمی اور پڑوسیوں سے انٹرویوز شامل تھے، سے ظاہر ہوا کہ اداکارہ اکتوبر 2024 کے بعد زندہ نہیں تھیں۔ ان کی آخری فیس بک پوسٹ 11 ستمبر 2024 اور انسٹاگرام پوسٹ 30 ستمبر 2024 کو کی گئی تھی۔ پولیس اور رپورٹرز سے گفتگو میں پڑوسیوں نے بھی بتایا کہ وہ انہیں ستمبر یا اکتوبر 2024 کے بعد سے نہیں دیکھ پائے۔

ڈی آئی جی پولیس سید اسد رضا نے تصدیق کی کہ اداکارہ کا موبائل فون آخری بار اکتوبر 2024 میں ایکٹو تھا اور آخری کال بھی اسی ماہ کی گئی تھی۔

انہوں نے بتایا کہ ’کال ڈیٹیل ریکارڈ کے مطابق آخری کال اکتوبر 2024 میں کی گئی۔‘

ایک اہلکار نےبتایا کہ ’حمیرا کی لاش تقریباً نو ماہ پرانی ہے۔ غالباً ان کی موت اس وقت ہوئی جب انہوں نے آخری بار یوٹیلیٹی بل ادا کیا اور اس کے بعد بل ادا نہ کرنے کی وجہ سے اکتوبر 2024 میں بجلی منقطع ہو گئی‘۔

انہوں نے بتایا کہ کچن میں خراب شدہ کھانے کی اشیاء اور زنگ آلود برتن اس ٹائم لائن کو ثابت کرتے ہیں۔

انہوں نے کہا کہ ’برتنوں میں زنگ لگ چکا تھا اور کھانے کی چیزیں چھ ماہ قبل ایکسپائر ہو چکی تھیں۔‘

تحقیقات کاروں کے مطابق اس منزل پر صرف ایک اور اپارٹمنٹ تھا، جو اس دوران خالی تھا، جس کی وجہ سے لاش کی بروقت دریافت ممکن نہ ہو سکی۔

دوسرے اہلکار نے بتایا کہ ’اس اپارٹمنٹ کے رہائشیوں نے بتایا کہ وہ فروری میں واپس آئے تھے، تب تک بدبو ختم ہو چکی تھی۔ دس سے پندرہ دن میں لاش کی بدبو کم ہو جاتی ہے۔ بالکونی کا دروازہ بھی کھلا ہوا تھا۔‘

گھر کی پانی کی لائنیں خشک اور زنگ آلود تھیں۔ انہوں نے مزید بتایا کہ ’گھر میں موم بتیاں بھی موجود نہیں تھیں۔‘ پولیس سرجن ڈاکٹر سمیّہ سید نے بتایا کہ ’ہم نے مختلف سطحوں سے نمونے حاصل کیے ہیں، جنہیں لیبارٹری بھجوا دیا گیا ہے۔‘

پولیس کے مطابق حمیرا کے خاندان نے لاش وصول کرنے سے انکار کر دیا ہے۔ یہ واضح نہیں ہو سکا کہ ان کا اپنے رشتہ داروں سے تعلق ختم ہوچکا تھا یا اس انکار کی وجہ کچھ اور ہے۔

حمیرا نے 2014 میں ویٹ مس سپر ماڈل کا ٹائٹل جیتا تھا اور 2022 کے رئیلٹی شو ’تماشا گھر‘ میں شرکت کے بعد شہرت حاصل کی۔

انہوں نے ’جسٹ میریڈ‘، ’احسان فراموش‘، ’گرو‘ اور ’چل دل میرے‘ جیسے ڈراموں میں اداکاری کی، جبکہ فلمی کیریئر میں 2015 کی ایکشن تھرلر فلم ’جلیبی‘ اور 2021 کی فلم ’لو ویکسین‘ میں جلوہ گر ہوئیں۔

گریمی ایوارڈز کی 67ویں تقریب امریکہ کے شہر لاس اینجلس میں اتوار کو ہوئی، جہاں موسیقی کی دنیا کی نامور شخصیات نے شرکت کی۔ 2025 کے گریمی ایوارڈز میں موسیقی کے ہٹ گانوں اور بہترین ٹیلنٹ کو سراہا گیا۔

اس سال 'البم آف دی ایئر' کا ایوارڈ امریکی گلوکارہ بیونسے کو ان کے البم 'کاؤبوائے کارٹر' کے لیے ملا۔ بیونسے نے اپنے کریئر میں اب تک 32 گریمی ایوارڈز جیتے ہیں، تاہم 'البم آف دی ایئر' کے لیے یہ ان کا پہلا ایوارڈ ہے۔

امریکی گلوکارہ چپل روآن نے بہترین نئی فنکارہ کا گریمی ایوارڈ جیتا۔

گلوکارہ ٹیلر سوئفٹ نے بیونسے کو ان کے نئے اور مشہور 'کاؤبوائے کارٹر' البم کے لیے بہترین کاؤنٹری البم کا ایوارڈ دیا۔

گریمی ایوارڈ کی فہرست:

سال کا بہترین گانا: امریکی ریپر کینڈرک لامر کو ’ناٹ لائیک اَس‘ کے لیے دیا گیا۔

ریکارڈ آف دی ایئر ایوارڈ: امریکی ریپر کینڈرک لامر کو ’ناٹ لائیک اَس‘ کے لیے ملا۔

بہترین پاپ ووکل البم کا ایوارڈ: امریکی گلوکارہ سبرینا کارپینٹر کو ’شارٹ این سویٹ‘ کے لیے دیا گیا۔

بہترین پاپ سولو پرفارمنس: امریکی گلوکارہ سبرینا کارپینٹر کو ’ایسپریسو‘ کے لیے دیا گیا۔

بہترین ڈانس/الیکٹرانک ریکارڈنگ کا ایوارڈ: فرانسیسی جوڑی جسٹس اور آسٹریلوی بینڈ ٹیم امپالا کو ’نیورینڈر‘ کے لیے دیا گیا۔

بیسٹ پاپ ڈانس ریکارڈنگ ایوارڈ: برطانوی گلوکارہ چارلی ایکس سی ایکس کو ’Von Dutch‘ کے لیے ملا۔

بیسٹ ریپ البم کا ایوارڈ: امریکی ریپر ڈوئیچی کو ’Alligator Bites Never Heal‘ کے لیے ملا۔

بیسٹ میوزک ویڈیو کا ایوارڈ: ’American Symphony‘ کو ملا۔

پروڈیوسر آف دی ایئر (نان کلاسیکل) کا ایوارڈ: ڈینیئل نائگرو کو ملا۔

پروڈیوسر آف دی ایئر (کلاسیکل) کا ایوارڈ: ایلین مارٹون کو ملا۔

بیسٹ کامیڈی ایلبم کا ایوارڈ: ڈیو چیپل کو ’Dreamer‘ کے لیے ملا۔

سونگ رائٹر آف دی ایئر (نان کلاسیکل) کا ایوارڈ: اییمی ایلن کو ملا

یہ بھی پڑھیں:

سریلی آواز اور بلوچ کلچر کو فروغ دینے کا جنون، 12 سالہ ابھرتی گلوکارہ سیمک بلوچ کون ہے؟

پہاڑوں کا علاقہ گلگت بلتستان سی این این کی ٹریول لسٹ 2025 میں شامل

’پیدا ہوا تو کان میں پہلی سرگوشی طبلے کی دھن تھی‘، انڈیا کے معروف استاد ذاکر حسین انتقال کرگئے

ادب کے شوقین ایک چھت تلے، اسلام آباد میں 10واں لٹریچر فیسٹیول

حماس نے آج (31 جنوری کو) اپنے ٹاپ ملٹری کمانڈر محمد الضیف کے ہلاک ہونے کی تصدیق کرتے ہوئے کہا ہے کہ ’محمد الضیف ہمارے لیے قابل فخر ہیں، جو 30 سالوں تک دشمن سے لڑتے رہے۔‘

حماس کے عسکری ونگ، القسام بریگیڈز کے ترجمان ابو عبیدہ نے اپنے بیان میں کہا کہ محمد الضیف کو اپنی مزاحمتی سرگرمیوں کی وجہ سے ہمیشہ یاد رکھا جائے گا۔

اس سے پہلے پچھلے سال اگست مین اسرائیلی فوج نے دعویٰ کیا تھا کہ حماس کے عسکری چیف محمد الضیف 13 جولائی کو غزہ میں اسرائیلی فضائی حملے میں مارے گئے ہیں۔ اسرائیل کا کہنا تھا کہ الضیف سات اکتوبر کو اسرائیل میں ہونے والے ان حملوں میں سے ایک تھے جس میں 1200 افراد ہلاک اور 251 کو یرغمال بنایا گیا تھا۔

اُس وقت حماس نے اپنے رہنما کی ہلاکت کی تصدیق نہیں کی تھی۔

محمد الضیف کون تھے؟

حماس کے عسکری چیف 58 سالہ محمد الضیف 1990 کی دہائی میں القسام بریگیڈ کے بانیوں میں سے ایک تھے اور انہوں نے بیس سال سے زیادہ عرصے تک اس کی قیادت کی۔ محمد الضیف خانس یونس کے پناہ گزین کیمپ میں 1965 میں پیدا ہوئے، اس وقت ان کا نام محمد مسری تھا لیکن 1987 میں حماس کا حصہ بننے کے بعد محمد الضیف کے نام سے مشہور ہوئے۔

محمد الضیف نے جلد ہی حماس کی اعلیٰ پوزیشن حاصل کرلی تھی انہوں نے اس دوران بم بنانے میں مہارت حاصل کی اور سرنگوں کا نیٹ ورک بھی بنایا۔ ان سرگرمیوں کی وجہ سے وہ کئی سالوں سے اسرائیل کو مطلوب ترین افراد میں سرفہرست تھے۔

ان کی بیوی، سات ماہ کا بیٹا اور تین سالہ بیٹی 2014 میں اسرائیلی فضائی حملے میں مارے گئے تھے۔

خیال کیا جاتا ہے کہ وہ اسرائیل کی 7 ​​قتل کی کوششوں میں زندہ بچ گئے تھے۔ سب سے حالیہ واقعہ 2021 میں ہوا تھا۔ جس میں انہوں نے فلسطین میں عزت اور شہرت حاصل کی۔

اسرائیلی فوج کو محمد الضیف اس لیے بھی مطلوب ہے کہ ان کا دعویٰ ہے کہ محمد الضیف 7 اکتوبر کو جنوبی اسرائیل پر حملوں کی منصوبہ بندی کرنے والوں میں سے ایک تھے جس میں اسرائیل کے 1,139 افراد ہلاک جبکہ 200 سے زیادہ کو یرغمال بنا لیا گیا تھا۔

نیتن یاہو نے تین رہنماؤں، یحییٰ سنوار، محمد الضیف اور مروان عیسیٰ کو قتل کرنے کا وعدہ کیا تھا۔

مئی میں بین الاقوامی فوجداری عدالت کے پراسیکیوٹر نے محمد الضیف، یحییٰ سنوار اور حماس کے سیاسی بیورو کے سربراہ اسماعیل ہنیہ کے گرفتاری کے وارنٹ کی درخواست کی تھی۔ انہوں نے غزہ میں جنگ کے دوران جنگی جرائم کے الزام پر نیتن یاہو اور گیلنٹ کے وارنٹ کی بھی درخواست کی تھی۔

غزہ کی وزارت صحت کے مطابق غزہ پر اسرائیل کی جنگ میں کم از کم 39 ہزار 480 افراد ہلاک اور 91 ہزار 128 زخمی ہو چکے ہیں۔

دیکھیے سید حمزہ علی کی یہ رپورٹ

بارہ سالہ سیمک بلوچ کا تعلق بلوچستان کے ضلع کچھی سے ہے اور سوشل میڈیا پر بلوچی اور برہوی زبان میں ان کے گانے کی ویڈیوز کو کافی پسند کیا جارہا ہے۔

سیمک کہتی ہیں کہ انہوں نے گانا گانے کا آغاز سات سال کی عمر میں کیا اور یہ شوق انہیں اسکول کے ماحول سے ملا۔

سیمک بلوچ نے بتایا کہ ’میں صبح سکول جاتی ہوں پھر دوپہر کو واپس آنے کے بعد میرے استاد مجھے ٹریننگ دیتے ہیں، اوہ مجھے آواز کے اتار چڑھاؤ اور گانے کی تکنیک سکھاتے ہیں، چھ سال کی عمر سے گانا گاتے ہوئے جتنا نکھار میری آواز میں آیا ہے، وہ میرے استاد کی محنت کا نتیجہ ہے۔‘

انہوں نے بتایا کہ ’پہلی بار جب میں نے سکول میں پرفارم کیا تب میرے سکول ٹیچر نے مجھے احساس دلایا کہ میں گا سکتی ہوں، وہ دن ہے اور آج کا دن، اپنے شوق کو کبھی نہیں چھوڑا۔‘

ان کا ماننا ہے کہ بلوچی اور براہوی زبانوں میں گانا گنگنانا صرف ان کا شوق ہی نہیں بلکہ ایک عبادت اور قومی ذمہ داری ہے۔

سیمک کا کہنا ہے کہ ’وہ قدیم شاعروں کے گیتوں کو زندہ رکھنا چاہتی ہیں۔ اس لیے ان کی شاعری اور لوک گیتوں کو ری کریٹ کرتی ہیں۔ میری ہر وقت کوشش ہوتی ہے کہ بلوچی برہوی کلچر اور زبان کو پروموٹ کروں اور دنیا کو دکھاوں، اس کے ساتھ میں صوفی اور انقلابی خیالات پر بھی فوکس کرنا چاہتی ہوں‘۔

اپنی پسندیدہ شاعر کا نام بتاتے ہوئے سیمک نے کہا کہ وہ استاد عظیم جان، استاد مراد پارکوئی اور استاد اختر چنال کو آئیڈیلائز کرتی ہیں۔

وہ کہتی ہیں کہ ان کے گاوٴں یا فیملی میں گانے کا رواج نہیں ہے۔ یہ صرف ان کا شوق ہے جس میں ان کے والدین اور استاد نے بہت سپورٹ کرتے ہیں۔

سیمک نے اپنے اس سفر میں کن مشکلات کا سامنا کیا، اس سوال پر وہ بتاتی ہیں کہ ’گانے سے پہلے میں بلوچ گانوں پر ڈانس کرتی تھی پھر لوگوں نے تنقید کرنا شروع کی کہ یہ ہمارا کلچر نہیں ہے، پھر جب گنگنانا شروع تو لوگوں نے دوبارہ تنقید کی کہ ’لڑکی ہوکر گانا گارہی ہو‘، ’یہ ہمارا مذہب ہمیں نہیں سکھاتا، یہ بلوچ کلچر نہیں ہے‘، وغیرہ وغیرہ لیکن میں نے لوگوں کی باتوں پر فوکس نہیں کیا کیونکہ میرے والدین میرے ساتھ تھے۔‘

وہ اپنی پہلی ویڈیو شوٹنگ کے حوالے سے بتاتی ہیں کہ ’پہلی بار میرے ویڈیو کی شوٹنگ میرے اپنے گاوٴں میں ہوئی تھی، وہاں کی خواتین خاص طور پر کم عمر بچیاں بہت خوش تھیں، بلوچستان میں بہت زیادہ ٹیلنٹ ہے لیکن صرف تھوڑی سی مدد، حوصلہ اور توجہ کی ضرورت ہے‘۔

’لوگ تنقید کرتے کہ بچی کو اسلامی تعلیمات سکھائیے، ناچ گانا بلوچ کلچر کا حصہ نہیں‘

سیمک کے والدین سے جب ہم نے رابطہ کیا تو ان کی والدہ نے بتایا ’بچپن میں سیمک جو گانا سنتی تھی، اسے بہت جلد یاد کر لیتی تھی اور پھر پورا دن گنگناتی رہتی تھی۔‘انہوں نے مزید کہا کہ ’جب سیمک کے والد فیس بک پر اس کی کوئی ویڈیو پوسٹ کرتے، تو اکثر لوگ کمنٹس میں اعتراض کرتے کہ بچی کے سر پر دوپٹہ نہیں ہے۔ کوئی کہتا کہ بچوں کو اسلامی تعلیمات سکھائیے، گانے گانے سے کچھ نہیں ہوتا۔ کچھ لوگوں نے یہ بھی کہا کہ بلوچ کلچر ایسے کاموں کی اجازت نہیں دیتا۔ ان سب باتوں کا سامنا کرنا پڑا لیکن ہم نے اپنی بیٹی کو سپورٹ کیا۔‘

سیمک کے والد، امداد بلوچ، بتاتے ہیں کہ انہوں نے اپنے تمام بچوں کو آزادی کے ماحول میں جینا سکھایا ہے۔ وہ کہتے ہیں کہ ’لوگوں کا کام باتیں بنانا ہے، لیکن میں نے ہمیشہ منفی باتوں کو نظرانداز کیا اور اپنے بچوں کو بھی یہی سبق دیا۔ بطور والد اور ایک سیاسی و ثقافتی کارکن، میری ہمیشہ یہی کوشش رہی ہے کہ اپنے بچوں کے خوابوں کو سپورٹ کروں۔‘امداد بلوچ مزید کہتے ہیں ’سیمک ابھی پروفیشنل سنگر نہیں ہے، وہ سیکھ رہی ہے اور اپنی ثقافت کو فروغ دینے کی کوشش کر رہی ہے۔ ہماری مادری زبانوں اور ثقافت کو محفوظ رکھنے اور ترقی دینے کے لیے حکومتی سطح پر خاص اقدامات نہیں کیے جاتے، جو کہ بہت ضروری ہیں۔‘

انہوں نے اپنی بیٹی کے بارے میں فخر کا اظہار کرتے ہوئے کہا ’میرے لیے سب سے زیادہ قابل فخر لمحہ وہ ہوتا ہے جب سیمک کسی چیز کی کوشش کرتی ہے اور اسے کامیابی سے انجام دیتی ہے۔ وہ بہت پراعتماد ہے اور دنیا کو جاننا اور ایکسپلور کرنا چاہتی ہے۔‘

انڈیا کی خبر رساں ادارے ایجنسی اے این آئی کے مطابق جمعرات کو رات گئے تقریباً 3 بجکر 30 منٹ پر ایک نامعلوم شخص سیف علی خان کی رہائش گاہ میں داخل ہوا اور اداکار پر چاقو سے متعدد بار حملہ کیے۔

جس کے بعد 54 سالہ سیف علی خان کو کو ممبئی کے ایک قریبی ہسپتال لے جایا گیا۔

سیف علی خان کو چاقو مارنے والے حملہ آور کے بارے میں ہم کیا جانتے ہیں؟

پولیس کا بیان

1. ممبئی پولیس اہلکار کے مطابق حملہ آور چوری کے ارادے سے سیف علی خان کے گھر میں گھسا تھا اور اس شخص کی شناخت کرلی گئی ہے۔ حملہ آور نے اداکار کے فلیٹ میں داخل ہونے کے لیے فائر اسکیپ (ایمرجنسی گیٹ) کا استعمال کیا۔

2. ایک پولیس اہلکار کے مطابق سیف علی خان کی گھریلو ملازمہ گھر میں موجود تھی اور اس نے پہلے ملزم کو فلیٹ میں داخل ہوتے دیکھا۔ ملازمہ نے حملہ آور کو روکنے کی کوشش کی اور اس کے ہاتھ میں چوٹیں آئیں۔

3. سیف علی خان نے جب اپنی ملازمہ کی چیخ سنی تو انہوں نے بھی حملہ آور سے مزاحمت کرنے کی کوشش کی جس کے نتیجے میں حملہ آور کے ساتھ ہاتھا پائی ہوئی اور ملزم نے سیف علی خان پر چاقو سے حملہ کردیا۔

4. حملہ آور کو سی سی ٹی وی فوٹیج میں دیکھا گیا۔ سیف علی خان پر حملہ کرنے کے بعد وہ سیڑھیوں سے عمارت سے فرار ہونے میں کامیاب ہو گیا۔

5. پولیس اہلکار نے بتایا کہ پولیس کی 10 ٹیمیں ملزم کو گرفتار کرنے کی کوشش کررہی ہیں۔

6. اداکار سیف علی خان کی ٹیم نے بیان جاری کرتے ہوئے کہا کہ ’سیف علی خان کے گھر پر چوری کی واردات کی کوشش کی گئی۔ اس وقت ہسپتال میں ان کی سرجری ہو رہی ہے۔‘

ڈاکٹرز کا بیان

لیلاوتی ہسپتال کے ڈاکٹر نتن ڈانگے نے ہندوستان ٹائمز کو بتایا کہ سیف علی خان کی ریڑھ کی ہڈی میں چھری پھنسنے سے شدید چوٹ آئی ہے۔

سیف علی خان کو ایک نامعلوم شخص کے حملے کے بعد رات 2 بجے ہسپتال لایا گیا تھا۔ چاقو ان کی ریڑھ کی ہڈی میں پھنس گیا تھا، جس کی وجہ سے زخم بہت گہرا ہے۔ ڈاکٹروں نے چاقو کو ہٹانے کے لیے سرجری کررہے ہیں۔ سیف کے بائیں ہاتھ اور گردن پر گہرے زخم تھے، جن کا علاج پلاسٹک سرجن نے کیا تھا، اب وہ صحت یاب ہو رہے ہیں اور اب ان کی صحت کو کوئی خطرہ نہیں ہے۔‘

ہسپتال کے سی او او ڈاکٹر نیرج اتمانی نے ہندوستان ٹائمز کو بتایا کہ ’سیف کا آپریشن صبح ساڑھے پانچ بجے شروع کیا گیا۔ انہیں 6 زخم آئے ہیں جن میں سے دو گہرے ہیں۔ ایک زخم ریڑھ کی ہڈی کے قریب ہے۔‘

پاکستان کے نائب وزیر اعظم اور وزیر خارجہ اسحاق ڈار نے کہا ہے کہ پی آئی اے اس اشتہار کے خلاف تحقیقات ہورہی ہیں۔

منگل کو سینیٹ میں خطاب کرتے ہوئے وزیر خارجہ اسحاق ڈار نے کہا کہ 'وزیر اعظم نے انکوائری آرڈر کر دی ہے کہ یہ اشتہار کس نے سوچا؟'

انہوں نے مزید کہا کہ 'یہ اشتہار احمقانہ ہے۔ آپ ایفل ٹاور دکھا رہے ہیں، جہاز اس کے اوپر بھی دکھا سکتے ہیں۔ پھر 'وی آر کمنگ' کا سلوگن۔۔۔ جہاز کا منہ ہی دوسری طرف کر دیں۔ جس نے بھی یہ کیا اس کی باقاعدہ انکوائری ہو رہی ہے۔'

پی آئی اے کا اشتہار اور سوشل میڈیا ٹوئٹس

اشتہار میں پی آئی اے کے طیارے کو ایفل ٹاور کی جانب پرواز کرتے ہوئے دکھایا گیا ہے، جس سے یہ تاثر ملتا ہے کہ طیارہ ایفل ٹاور سے ٹکرا جائے گا۔ پس منظر میں فرانس کے پرچم کے رنگ نمایاں ہیں، اور اشتہار پر انگریزی میں لکھا ہے: "Paris, we are coming today" (پیرس، ہم آج آ رہے ہیں)۔

اشتہار پر سوشل میڈیا صارفین نے پی آئی اے کے گرافک ڈیزائن کرنے والے پر سوال اٹھائے اور اشتہار کو نائن الیون واقعے سے جوڑتے ہوئے خدشات ظاہر کیے کہ ایسا لگتا ہے کہ پی آئی اے ایفل ٹاور سے ٹکرانے کی تیاری کررہا ہے۔

کامیڈین شہزاد غیاث شیخ نے تبصرہ کیا: ‘کیا یہ ایک دھمکی ہے؟‘۔ ایک اور صارف نے مشورہ دیا کہ ’ایئرلائن کو اپنی اشتہاری ایجنسی کو برطرف کر دینا چاہیے۔‘

نامور صحافی اور ٹی وی ہوسٹ ماریہ میمن نے لکھا کہ ’یہ جس نے بھی اشتہار ڈیزائن کیا ہے وہ یقیناً 2001 کے بعد پیدا ہوا ہوگا‘۔

ایک اور صارف نے سوال کیا: ’یہ گرافک کس نے بنایا اور کس نے اس کی منظوری دی؟‘ منیب قادر نے لکھا: ’یہ خوشی کے اعلان سے زیادہ ایک دھمکی محسوس ہو رہی ہے۔ اس اشتہار کو دیکھ کر ماضی کی ناخوشگوار یادیں تازہ ہو جاتی ہیں۔‘

سابق وفاقی وزیر مونس الٰہی نے پی آئی اے کے اشتہار پر تنقید کرتے ہوئے کہا کہ ’کون بے وقوف لوگ اس طرح کا فضول شو چلا رہے ہیں۔‘

سوشل میڈیا صارف عائشہ نے لکھا کہ 'کیا یہ پیرس واپس آنے کا پیغام ہے یا ایفل ٹاور کو گرانے کی وارننگ؟' ایکس کی صارف سحرش مان نے تبصرہ کیا کہ ’یہ نائن الیون ٹائپ آئیڈیا بے کمال لوگوں کا ہی ہو سکتا ہے۔‘

احمد نواز نامی صارف نے لکھا کہ ’اس اشتہار کی بدولت پی آئی اے پر دوبارہ پابندی عائد کر دی جائے گی۔‘

ایک اور صارف سعد نے پی آئی اے کا 1979 کا اشتہار پوسٹ کرتے ہوئے کہا کہ ’ایسا لگتا ہے کہ پی آئی اے پرانے ٹرینڈ کو دوبارہ لانا چاہتا ہے۔‘

ایک صارف نے حیرانی سے پوچھا کہ ’کیا یہ واقعی پی آئی اے کا آفیشل اکاوٴنٹ ہے؟‘

یاد رہے کہ اس سے پہلے بھی پی آئی اے کی جانب سے 1979 میں اخبارات میں ایک اشتہار شائع کروایا تھا جس میں طیارے کا سایہ نیویارک کے نیویارک کے ٹوئن ٹاورز پر دکھایا گیا تھا۔ جس کے کئی سال بعد امریکی جہاز اصل میں ٹوئن ٹاورز سے ٹکرا گئے تھے۔ اور پھر اس اشتہار کو کافی تنقید کا نشانہ بنایا گیا تھا۔

نائن الیون واقعہ کیا تھا؟

گیارہ ستمبر 2001 کو امریکی ایئرلائن کے 2 مسافر طیارے 18 منٹ کے وقفے سے ورلڈ ٹریڈ سینٹر کی دو عمارتوں سے ٹکرائے تھے، ان واقعات میں 3 ہزار کے قریب افراد جان سے گئے۔

اس حملے کے چند گھنٹوں بعد ہی اُس وقت کے امریکی صدر جارج بش نے دہشت گردی کے خلاف جنگ کا اشارہ دیا، جس کا آغاز 7 اکتوبر کو افغانستان میں 'آپریشن اینڈیورنگ فریڈم' کے نام سے کیا گیا۔

چار سالہ پابندی ختم، پی آئی اے کی پہلی پرواز آج اسلام آباد سے پیرس روانہ ہوگی

نائن الیون کے 23 برس: وہ 3 گھنٹے جس نے دنیا کا منظر نامہ بدل دیا

’دنیا کے 500 بااثر مسلم شخصیات‘ کے عنوان سے یہ فہرست ہر سال اردن میں قائم تحقیقی مرکز رائل اسلامک اسٹریٹجک اسٹڈیز سینٹر (آر آئی ایس ایس سی) کی جانب سے شائع کی جاتی ہے۔ یہ پہلی بار 2009 میں شائع ہوئی تھی اور دنیا بھر میں سب سے زیادہ بااثر مسلمانوں کی درجہ بندی کی جاتی ہے۔

اس فہرست میں ثقافت، نظریہ، فنانس، سیاست اور دیگر شعبوں سے اندازہ لگایا جاتا ہے کہ دنیا کی نامور مسلم شخصیات کتنی بااثر ہیں، اور وہ دنیا بھر کے مسلمانوں پر کس طرح اثر انداز ہوکر تبدیلیاں لا رہے ہیں۔

اس سال کئی پاکستانیوں کو اس فہرست میں شامل کیا گیا ہے، جن میں سیاسی اور عسکری رہنماؤں سے لے کر مخیر حضرات اور مختلف شعبوں میں نمایاں خدمات کے لیے پہچانے جاتے ہیں۔

اس فہرست میں وزیراعظم شہباز شریف کا نام بھی شامل ہے۔ جن کے بارے میں وضاحت دی گئی کہ وہ سابق وزیر اعظم عمران خان کے خلاف تحریک عدم اعتماد کے بعد پاکستان کے 24ویں وزیراعظم بنے۔ وہ اس سے قبل 2022 سے 2023 تک 23 ویں وزیر اعظم کے طور پر خدمات انجام دے چکے ہیں۔‘

اس فہرست میں پاکستان کے آرمی چیف جنرل عاصم منیر بھی شامل ہیں۔

ان کے بارے میں کہا گیا کہ ’عاصم منیر کا تعلق ایک مذہبی اور علمی گھرانے سے ہے۔ وہ پاکستان کی تاریخ کے پہلے آرمی چیف بھی ہیں جو حافظ قرآن ہیں‘۔ یہ بھی کہا گیا کہ ’وہ پاکستان کی ٹاپ ملٹری انٹیلی جنس ایجنسیوں کے سربراہ کے طور پر کام کر چکے ہیں۔‘

دنیا کی نااثر ترین مسلمانوں کی فہرست میں سابق وزیر اعظم عمران خان کا نام بھی شامل ہے، جو اگست 2023 سے کئی الزامات کے تحت جیل میں ہیں۔

ان کے بارے میں لکھا گیا کہ ’عمران خان 2018 میں پاکستان کے وزیر اعظم بنے اس امید کے ساتھ کہ وہ ملک میں گورننس، احتساب اور بدعنوانی کو بہتر کر سکیں گے۔ اپریل 2022 میں عدم اعتماد کے ووٹ کے ذریعے عہدے سے ہٹائے جانے سے قبل انہیں بہت سے چیلنجز کا سامنا کرنا پڑا۔‘

ان کے بارے میں مزید لکھا گیا کہ ’عمران خان کو اب بھی پاکستانی عوام اور بیرون ملک پاکستانی کمیونٹی کی بہت زیادہ حمایت حاصل ہے‘۔

فہرست میں مفتی تقی عثمانی، مولانا طارق جمیل جیسی پاکستانی مذہبی شخصیات بھی دنیا کے بااثر مسلمانوں میں شامل تھیں۔

فہرست میں شامل دیگر پاکستانیوں میں نوبیل انعام یافتہ ملالہ یوسفزئی، صحافی، فلمساز اور ایکٹوسٹ شرمین عبید چنائے اور ’صوفیانہ گائیکی کی ملکہ' عابدہ پروین، نعت خوان اویس رضا قادری، اور پروفیسر ڈاکٹر ادیب الحسن رضوی بھی شامل ہیں۔

چائنہ کے نشریاتی ادارے سی جی ٹی این کے مطابق رواں موسم سرما میں چائنہ کے نارتھ علاقوں کے ہسپتالوں میں مریضوں نے بخار، سانس لینے میں دشواری اور چکر آنے جیسی شکایت کیں۔ اس وائرس کی شناخت ’میٹا نیومو وائرس (ایچ ایم پی وی)‘ کے نام سے ہوئی ہے جس میں زیادہ تر بچے متاثر ہورہے ہیں۔

سوشل میڈیا پر افواہیں

سوشل میڈیا پر ایک طوفان برپا ہوگیا ہے کہ چائنہ میں نیا وائرس پھیل چکا ہے جس کی علامات کووڈ-19 سے ملتی جلتی ہیں۔ کئی صارفین نے دعویٰ کیا کہ بڑھتے کیسز کے باعث ملک میں ایمرجنسی نافذ کردی گئی ہے۔

کئی سوشل میڈیا صارفین نے سوال کیا کہ ’چائنہ نے اب کونسا وائرس بنایا ہے؟‘، ایک صارف نے لکھا کہ ’نیا سال 2025 شروع ہوتے ہی نیا وائرس بھی پھیلنے لگا؟‘

اس کےعلاوہ کئی سوشل میڈیا آوٴٹ لیٹس سنسنی خیز خبریں پوسٹ کرتے دکھائی دیے کہ چائنہ میں نیا وائرل پھیلنے کے ساتھ ملک میں ایمرجنسی نافذ کردی گئی ہے۔

کئی سوشل میڈیا اکاوٴںٹس نے ہسپتالوں میں مریضوں کے رش کی فوٹیجز بھی شئیر کیں۔ تاہم ان فوٹیجز کی تصدیق نہیں ہوسکی۔

چائنہ کے سینٹر فار ڈیزیز کنٹرول نے سانس کی بیماری پھیلنے کے بعد لوگوں کو احتیاطی تدابیر اختیار کرنے کا مشورہ دیا ہے۔

سوشل میڈیا پر پھیلنے والی خبروں میں کتنی سچائی ہے؟

چائنہ کے نشریاتی ادارے سی جی ٹی این کے مطابق چائنہ کے سینٹر فار ڈیزیز کنٹرول نے ہسپتالوں میں ہجوم اور کووڈ 19 جیسے ایک اور وائرس پھیلنے سے متعلق آن لائن افواہوں کو مسترد کردیا ہے۔

چائنہ کی وزارت خارجہ کے ترجمان ماؤ ننگ نے کہا کہ ’عام طور پر سردیوں کے موسم میں سانس کا انفیکشن بڑھ جاتا ہے جو عام بات ہے۔ اس بیماری کی علامات شدید نہیں ہے اور پچھلے سال کے مقابلے میں اس کے کیسز کم ہیں‘۔

کچھ ماہرین نے گارڈین کو بتایا کہ کیسز میں واضح طور پر اضافہ ممکنہ طور پر نئی ٹیکنالوجی کی وجہ سے ہے جو بہت آسانی سے میٹا نیومو وائرس (ایچ ایم پی وی) کا پتہ لگا سکتی ہے۔

آسٹریلیا کی فلنڈرز یونیورسٹی میں پبلک ہیلتھ کی ماہر ڈاکٹر جیکولین سٹیفنز نے کہا کہ ’ہم اب کسی بھی وبا کے بارے میں زیادہ محتاط ہوگئے ہیں۔ لوگ زیادہ چوکس رہتے ہیں اور جب لوگوں نے 'ہیومن میٹاپنیووائرس' کے بارے میں سنا، تو وہ ڈر گئے لیکن یہ کووڈ جتنی سنگین بیماری نہیں ہے۔‘

چائنہ کے صحت کے حکام اور ڈاکٹروں نے عوام کو یقین دلایا ہے کہ ہیومن میٹا نیومو وائرس (ایچ ایم پی وی) سانس کی بیماری ہے تاہم اس کا کووڈ سے کوئی تعلق نہیں ہے۔

اس کے علاوہ چینی ماہرین کا کہنا ہے کہ میٹا نیومو وائرس ایک عام وائرس ہے، اس کا کووڈ 19 سے کوئی تعلق نہیں۔ اس وائرس پچھلے 60 سال سے زیادہ عرصے سے موجود ہے۔ تاہم اس کی شناخت 2000 کی دہائی کے شروع میں سائنسدانوں نے کی تھی۔

شنگھائی کے سنہوا ہسپتال میں متعدی امراض کے شعبہ کے نائب سربراہ روآن ژینگ شانگ نے کہا کہ ایچ ایم پی وی کی علامات دیگر بیماریوں سے ملتی جلتی ہیں، جیسے کھانسی، ناک کا بہنا، تھکاوٹ، پیٹ میں درد اور تیز بخار ہے۔

ہیومن میٹا نیومو وائرس کیا ہے؟

ہیومن میٹا نیومو وائرس (ایچ ایم پی وی) سانس کا وائرس ہے۔ یہ معمولی بیماری ہے لیکن یہ احتیاطی تدابیر اختیار نہ کی جائیں تو یہ نمونیا کا بھی سبب بن سکتی ہے۔ اور اس کا زیادہ تر شکار نومولود بچے، بزرگ افراد ہوتے ہیں۔

ڈاکٹر جیکولین سٹیفنز نے دی گارڈین کو بتایا کہ ’اس طرح کے بہت سے وائرس پائے جاتے ہیں جن پر عام طور پر توجہ نہیں دی جاتی، چائنہ میں جو وائرس پھیل رہا ہے اس میں انسان کچھ دنوں کے لیے بیمار محسوس کرتا ہے لیکن آرام اور احتیاطی تدابیر کے بعد ٹھیک ہوجاتا ہے‘۔

علامات کیا ہیں؟

اس کی علامات میں کھانسی، بخار، ناک کا بند ہونا اور تھکن شامل ہیں۔ ایسی صورت میں انسان زیادہ سے زیادہ تین سے چھ دن بیمار رہ سکتا ہے۔

برسبین میں میٹر ہیلتھ سروسز میں متعدی امراض کے ڈائریکٹرپروفیسر پال گرفن کہتے ہیں کہ اس بیماری میں ایک چیلنج یہ بھی ہے کہ ’ہم لوگوں کو اس کی موجودگی کے بارے میں صرف آگاہی دے سکتے ہیں کیونکہ ابھی تک کوئی ویکسین دریافت نہیں ہوئی اور نہ کوئی اینٹی وائرل علاج سامنے آیا ہے۔‘

احتیاطی تدابیر کیا ہیں؟

پروفیسر پال گرفن نے کہا کہ وہ ’کووڈ 19 کی طرح سخت پابندیاں تجویز نہیں کریں گے لیکن سردوں کے موسم میں کوشش کریں کہ زیادہ سے زیادہ گھر کے اندر وقت گزاریں، کھانسی اور چھینک آنے پر رومال یا ماسک کا استعمال کریں اور باقاعدگی سے ہاتھ دھوئیں۔

انہوں زور دیا کہ لوگوں کو چاہیے کہ بخار ہونے کی صورت میں دفتر نہ جائیں اور رش والی جگہوں پر ماسک پہنیں، وائرس کو پھیلنے سے روکا جا سکے۔

کیا یہ وائرس دوسرے ملکوں میں بھی پھیل رہا ہے؟

انڈیا ٹوڈے کے مطابق انڈیا کی ریاست بنگلورو میں ایچ ایم پی وی کے دو اور ریاست احمد آباد میں ایک کیس رپورٹ ہوا ہے۔

حکام نے بتایا کہ احمد آباد میں دو ماہ کے بچے اور بنگلورو میں ایک آٹھ ماہ کے بچے اور تین ماہ کی بچی میں وائرس پایا۔ تمام بچے اس وقت نجی اسپتال میں زیر علاج ہے اور ان کی حالت مستحکم ہے۔

انڈیا کی وزارت صحت نے کہا کہ گھبرانے کی کوئی بات نہیں ہے، صورتحال کنٹرول میں ہے۔ یہ ایک معمولی وائرس ہے جو سردیوں میں بہت عام ہے تاہم کووڈ-19 جیسی صورتحال پیدا ہونے کا خدشہ نہیں ہے۔

اس کے علاوہ ہانگ کانگ میں بھی چند کیسز رپورٹ ہوئے ہیں۔ کمبوڈیا اور تائیوان کے کمیونیکیبل ڈیزیز کنٹرول ڈپارٹمنٹ نے نئے وائرس سے متعلق انتباہ جاری ہے۔

چینی وزارت خارجہ کے ترجمان نے کہا کہ ’میں آپ کو یقین دلاتا ہوں کہ چینی حکومت چینی شہریوں اور چین آنے والے غیر ملکیوں دونوں کی صحت کا خیال رکھنے کے لیے اقدامات کررہی ہے۔ صورتحال کنٹرول میں ہے اور چین میں سفر کرنا محفوظ ہے۔‘

گلگت بلتستان پاکستان کے شمال میں واقع ہے جس کی اپنی حکومت ہے۔ انتظامی طور پر گلگت بلتستان کو 3 ڈویژنز (گلگت، دیامر استور اور بلتستان) اور 10 اضلاع میں تقسیم کیا گیا ہے۔ اس کا دارالحکومت گلگت اور سب سے بڑا شہر سکردو ہے۔ شینا، بلتی اور بروشسکی یہاں کی مقامی زبانیں ہیں۔

ہر سال ہزاروں سیاح اور بین الاقوامی کوہ پیما مختلف چوٹیوں، پیرا گلائیڈنگ اور دیگر ایڈونچر کھیلوں کے لیے اس خطے کا رخ کرتے ہیں۔

سی این این ٹریول نے کہا کہ ’قراقرم کے پہاڑوں میں گلگت بلتستان تک پہنچنا آسان نہیں ہے، پروازیں ناقابل بھروسہ ہوسکتی ہیں اور بعض اوقات سڑکیں بند ہوسکتی ہیں لیکن یہاں لیمن میرنگو پائی سے زیادہ حیرت انگیز چوٹیاں ہیں‘۔

یہاں دنیا کی 14 بلند ترین چوٹیاں موجود ہیں جنہیں ’ایٹ تھاوٴزنڈرز‘ کے نام سے جانا جاتا ہے (یعنی آٹھ ہزار میٹر سے بلند چوٹیاں)، ان میں کے ٹو بھی شامل ہے جو دنیا کی دوسری بڑی چوٹی ہے لیکن اسے سر کرنا مشکل اور خطرناک ہے۔

سیاحت اور انفراسٹرکچر کے لحاظ سے اس خطے میں ہائیکنگ بہت مشکل ہے۔ اگر 2025 میں گلگت بلتستان آنے کا ارادہ ہے تو اکیلے آنے کے بجائے دوستوں کے گروپ کے ساتھ یہاں کا سفر کریں۔

الپائن کلب آف پاکستان کے مطابق 2024 میں گلگت بلتستان میں کوہ پیمائی میں اضافہ ہوا تھا، لیکن پاکستان میں چوٹیوں تک پہنچنے کی کوشش کے دوران 9 کوہ پیما موت کے منہ میں چلے گئے تھے۔ مرنے والے کوہ پیماؤں میں پانچ جاپان، ایک روس، ایک برازیل اور دو کا تعلق پاکستان سے تھا۔

سی این این کی ٹریول لسٹ میں دیگر سرفہرست مقامات میں قزاقستان میں الماتی، انڈیا میں انڈمان اور نکوبار جزائر، بولیویا، جرمنی میں کیمنیٹز، مراکش میں رباط، کینیڈا میں وینکوور جزیرہ اور ترکیہ میں کاکر پہاڑ شامل ہیں۔

حال ہی میں سندھ کے ضلع کشمور اور خیبرپخوتنخوا کے ضلع ٹانک سے ایک ایک پولیو کیس رپورٹ ہوا تھا۔ جس کے بعد سندھ میں پولیو کیسز کی تعداد 19 اور خیبرپخوتخوا میں 19 ہوگئی ہے۔

اس کےعلاوہ اس سال بلوچستان میں پولیو کیسز کی تعداد 27، اسلام آباد اور پنجاب میں ایک ایک کیس رپورٹ ہوا۔

کیا پاکستان میں پولیو وائرس کا خاتمہ ہوسکے گا؟

پاکستان اور افغانستان، دنیا کے ان دو ممالک میں سے ایک ہے جہاں پولیو اب تک ختم نہیں ہوا۔ پولیو کے کیسز کی تعداد میں ہر سال کمی واقع ہو رہی تھی تاہم اس سال کیسز میں اضافہ ہوا ہے۔

1990 کی دہائی کے شروع میں پاکستان میں سالانہ تقریباً 20 ہزار کیسز رپورٹ ہوئے لیکن 2018 میں یہ تعداد کم ہوکر آٹھ رہ گئی۔ 2023 میں 6 اور 2021 میں صرف ایک کیس رپورٹ ہوا تھا۔

پاکستان میں پولیو کے خلاف ویکسین متعدد بار مہم کا آغاز ہوا تھا، حالیہ مہم پچھلے ہفتے شروع ہوئی تھی، جس کا مقصد ملک بھر میں تقریباً 44 ملین بچوں کو پولیو کے قطرے پلانا ہے۔

پولیو کے خاتمے سے متعلق وزیر اعظم کی فوکل پرسن عائشہ رضا فاروق نے کہا تھا کہ اکستان کے 143 اضلاع میں تقریباً 4 لاکھ پولیو ورکرز پانچ سال سے کم عمر بچوں کو پولیو کے قطرے پلانے کے لیے ہر گھر کا رخ کریں گے۔

تاہم پولیو کے خاتمے کی کوششوں میں ملک کو کئی چیلنجز کا سامنا ہے، جن میں ویکسین سے متعلق غلط فہمیاں، ویکسین کو بیرونی سازش سمجھا جانا اور دور دراز کے علاقوں میں پولیو ٹیموں کا نہ پہنچ پانا وغیرہ شامل ہیں۔

پولیو ٹیموں پرہونے والے حملے بھی ایک بڑا مسئلہ ہے، جس کی وجہ سے سے ویکسینیشن مہم کو کئی خطرات کا سامنا ہے۔

خیبرپختونخوا کے ضلع کرک میں پولیو ٹیم پر فائرنگ، ایک پولیس اہلکار ہلاک

اُن کے اہل خانہ نے ایک بیان میں کہا کہ ذاکر حسین امریکی ریاست سان فرانسسکو کے ایک ہسپتال میں زیر علاج تھے۔ وہ پھیپھڑوں کی بیماری میں مبتلا تھے۔ انہوں نے اتوار کے روز اپنی آخری سانسیں اسی ہسپتال میں لیں۔

اہل خانہ نے یہ بھی کہا کہ ’ذاکر حسین نے بطور استاد، مینٹور اور معلم موسیقی کی دنیا میں لازوال کام کیا اور اپنے فن سے لاتعداد موسیقاروں کو بہت متاثر کیا ہے۔‘

ذاکر حسین انڈیا کے شہر ممبئی میں پیدا ہوئے تھے۔ ان کا تعلق طبلہ نوازی کے معروف پنجاب گھرانے سے تھا۔

ذاکر حسین کو 12 سال کی عمر میں ان کے والد استاد استاد اللہ نے طبلہ بجانے کی تربیت دی، ان کے والد بھی انڈیا کے مشہور طبلہ سازوں میں سے ایک تھے۔

انہوں نے ایک انٹرویو میں کہا تھا کہ ’پیدائش کے بعد مجھے جب گھر لایا گیا اور والد کی گود میں دیا گیا تو انہوں نے اپنا منہ میرے کان کے قریب کیا۔ عام رواج تو یہ ہے کہ اس موقعے پر بچے کے کان میں اذان کے الفاظ پکارے جاتے ہیں۔ لیکن میرے والد نے اس وقت جو سرگوشی کی وہ طبلے کے بول تھے۔‘

ذاکر حسین نے 12 سال کی عمر میں دنیا کے کئی ممالک کا سفر کیا اور اسٹیج پر پرفارم کیا، انہوں نے نوعمری میں ہی انڈیا کے لیجنڈز اور کلاسیکی موسیقاروں کے ساتھ پرفارم کیا۔

18 سال کی عمر میں ذاکر حسین نے اپنی حیرت انگیز سولو پرفارمنس کی بدولت بین الاقوامی سطح پر پہچان حاصل کرلی تھی۔

2024 میں ذاکر حسین ایک ہی سال میں تین گریمی ایوارڈ جیتنے والے انڈیا کے پہلے موسیقار بن گئے تھے۔ انہوں نے 2009 میں بھی گریمی ایوارڈ جیتا تھا۔

2023 میں ذاکر حسین کو انڈیا کا دوسرا بڑا سویلین ایوارڈ پدم وبھوشن سے بھی نوازا گیا۔

پاکستان کے 143 اضلاع میں پیر کو پولیو مہم کا آغاز ہوا تھا، جس کا مقصد 4 لاکھ سے زائد بچوں کو ویکسین فراہم کرنا ہے، یہ مہم 22 دسمبر تک جاری رہے گی۔

عرب نیوز کے مطابق خیبرپختونخوا کی پولیس نے بتایا ہے کہ پہلا حملہ پیر کو ضلع کرک کے علاقے ٹیری میں پولیو ٹیم پر نامعلوم موٹر سائیکل سواروں نے فائرنگ کر کے سکیورٹی اہلکار کو ہلاک کر دیا۔

پولیس کے مطابق ہلاک ہونے والے پولیس اہلکار محمد عرفان ویکسینیشن مہم کے اہلکاروں کی حفاظت کے لیے وہاں موجود تھے۔ زخمی پولیو ورکر کو فوری طور پر ہسپتال منتقل کردیا گیا اور اس واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کردیا۔

جب کہ دوسری طرف پولیو ٹیم پر دوسرا حملہ بنوں میں ہوا، جہاں پولیو ٹیم کے ایک اہلکار حیات اللہ خان پر نامعلوم حملہ آوروں نے اس وقت فائرنگ کی جب وہ گھر سے ڈیوٹی کے لیے نکل رہے تھے۔

پولیس کا کہنا ہے کہ ان کی ٹانگ میں گولی لگی ہے اور ان کی حالت خطرے سے باہر ہے۔ پولیس کے مطابق حملے کی تحقیقات ابھی جاری ہیں تاکہ یہ معلوم کیا جا سکے کہ یہ دہشت گردوں کی کارروائی ہے یا کسی ذاتی دشمنی کی وجہ سے یہ حملہ کیا گیا ہے۔

خیبر پختونخوا کے وزیراعلیٰ علی امین گنڈا پور نے ان حملوں کی شدید مذمت کرتے ہوئے پولیس کو ہدایت کی ہے کہ وہ ان حملوں کے ذمہ داروں کو ڈھونڈیں اور فوری گرفتار کریں۔

پاکستان میں پولیو کیسز کی تعداد

یاد رہے کہ حال ہی میں پولیو کے 4 مزید کیسز رپورٹ ہونے کے بعد اس وقت پاکستان میں پولیو کے 63 مریض ہو گئے ہیں۔ جن میں سب سے زیادہ کیسز بلوچستان میں 26، خیبر پختونخوا 18، سندھ 17، پنجاب اور اسلام آباد میں ایک ایک کیس شامل ہیں۔

پاکستان اور افغانستان دنیا کے وہ دو ممالک ہیں جہاں پولیو وائرس اب بھی موجود ہے۔

1990 کی دہائی کے شروع میں پاکستان میں سالانہ تقریباً 20 ہزار کیسز رپورٹ ہوئے لیکن 2018 میں یہ تعداد کم ہوکر آٹھ رہ گئی۔ 2023 میں 6 اور 2021 میں صرف ایک کیس رپورٹ ہوا تھا۔

چیلنجز اور مسائل

پولیو کے خاتمے کی کوششوں میں حکومت کو کئی چیلنجز کا سامنا ہے، جن میں ویکسین سے متعلق غلط فہمیاں، مذہبی حلقوں کی مخالفت، ویکسین کو بیرونی سازش سمجھا جانا اور دور دراز کے علاقوں میں پولیو ٹیموں کا نہ پہنچ پانا وغیرہ شامل ہیں۔

پولیو ٹیموں پرہونے والے حملے بھی ایک بڑا مسئلہ ہے، جس کی وجہ سے سے ویکسینیشن مہم کو کئی خطرات کا سامنا ہے۔

پاکستان جیسے ملک میں کئی خاندان شادی سے پہلے بلڈ ٹیسٹ کو من گھڑت اور غیر ضروری سمجھتے ہیں تاہم ڈاکٹرز کا کہنا ہے کہ یہ ٹیسٹ کروانے سے آنے والے پریشانیوں سے بچ سکتے ہیں۔

طبی ماہرین کا کہنا ہے کہ بعض لوگ بظاہر تندرست نظر آتے ہیں لیکن وہ کچھ ایسی بیماریوں میں مبتلا ہوتے ہیں جن کی علامات دیر سے ظاہر ہوتی ہیں اور شادی کے بعد یہ لوگ صرف اپنے پارٹنر کو ہی نہیں بلکہ آئندہ آنے والے بچوں کو بھی وہ بیماری منتقل کرسکتے ہیں۔

کون سے بلڈ ٹیسٹ ضروری ہیں؟

شادی سے پہلے ضروری بلڈ ٹیسٹ کرنا عام طور پر دونوں پارٹنر کی صحت کے مسائل کو جانچنا ہے۔

اس حوالے سے ہم نے ڈاکٹر ثاقب انصاری سے بات کی تو انہوں نے ہمیں بتایا کہ ویسے تو کئی ٹیسٹ ہیں لیکن جینیاتی، موروثی اور بانچھ پن کے ٹیسٹ کروانا بہت ضروری ہیں۔

ڈاکٹر ثاقب انصاری کا کہنا ہے کہ بہت سے لوگوں کا خیال ہے کہ اگر خون کے ٹیسٹ میں کوئی مسئلہ ظاہر ہو تو شادی کینسل کردینی چاہیے، بلکہ ایسا نہیں ہے، اگر صحیح وقت پر بیماری کی تشخیص ہوجائے علاج کروانے سے بیماری سے چھٹکارا پا سکتے ہیں۔

1۔ بلڈ گروپ ٹیسٹ

یہ ویسے تو عام بلڈ ٹیسٹ لیکن مسئلہ تب ہوتا ہے جب ماں کا خون آر ایچ نیگیٹو ہو اور بچے کا خون آر ایچ پازیٹو ہو۔ ایسی صورت میں ماں کا جسم بچے کے آر ایچ پازیٹو خون ابنارمل سمجھ لیتا ہے، جس سے بچے کے خون کے سیلز ختم ہوسکتے ہیں۔

ڈاکٹر ثاقب انصاری کے مطابق ایسی صورت میں گھبرانے کی ضرورت نہیں ہے بلکہ ایسے بہت سے طریقے موجود ہیں جس کی مدد سے بچے کی نارمل ڈیلوری ہوسکتی ہے۔

2۔ ایچ آئی وی ٹیسٹ

اگر کسی میں ایچ آئی وی پازیٹو ہے تو زیادہ چانسز ہیں کہ آپ وہ بیماری اپنے پارٹنر یا بچے میں ٹرانسفر کرسکتے ہیں اور اس سے کینسر کے چانسز بھی بڑھ جاتے ہیں۔

لیکن وقت پر معلوم ہونے سے اس کا علاج ممکن ہے۔ یہ بیماری عام طور پر جنسی تعلق پھیلتی ہے جن کا اگر وقت پر علاج کرا لیا جائے تو بانجھ پن اور اسقاط حمل جیسے حالات سے محفوظ رہا جا سکتا ہے۔

3۔ ہیپاٹائٹس بی اینڈ سی ٹیسٹ

یہ بیماری بھی جنسی تعلق سے پھیلتی ہے اور آئندہ آنے والے بچے کو متاثر کرسکتی ہے۔ اس بیماری میں جگر فیل یا جگر کے کینسر کا خطرہ ہوتا ہے۔

تاہم ٹیسٹ پازیٹو آنے کے بعد علاج کی مدد سے اس بیماری سے بچا جاسکتا ہے۔

4۔ جینیٹک اور موروثی بیماریوں کا ٹیسٹ

یہ وہ بیماریاں ہیں جو انسانوں میں ایک نسل سے دوسری نسل تک چلی آرہی ہوتی ہیں، جن میں تھیلیسیمیا بہت زیادہ عام ہے اور پاکستان میں اس بیماری سے متاثر ہونے والے افراد کی تعداد بھی زیادہ ہے۔

تھیلیسمیا کی بیماری اصل میں خون کی کمی سے متعلق ہے جو زیادہ تر بچوں میں ہوتی ہے۔

اگر میاں بیوی میں تھیلیسیمیا مائنر ہے تو وہ بظاہر بہت تندرست ہوں گے لیکن جب دونوں کے بچے پیدا ہوں گے تو اسے یہ بیماری مکمل علامات کے ساتھ ہوسکتی ہے، یعنی پوری زندگی اس بچے کے جسم میں خون کی کمی ہوتی رہے گی اور لگاتار بلڈ ٹرانسیوژن کروانا پڑے گا جو بہت تکلیف دہ عمل ہے

بانچھ پن کا ٹیسٹ

یہ ٹیسٹ کئی ملکوں میں ضروری قرار دیا گیا ہے اس سے پتہ چلتا ہے کہ نئے جوڑے میں بچے پیدا کرنے کی صلاحیت کتنی ہے۔ پاکستان جیسے معاشرے میں جہاں جوڑے کے لیے بچے پیدا کرنا ضروری سمجھا جاتا ہے۔ اگر جوڑے کے ہاں بچہ پیدا نہیں ہوتا تو عام طور پر لڑکی کو ’قصوروار‘ ٹھہرایا جاتا ہے۔ لیکن ڈاکٹر ثاقب انصاری کے مطابق بانچھ پن کا مسئلہ مردوں میں بھی پایا جاسکتا ہے اس لیے مردوں کو بھی ٹیسٹ کروانا ضروری ہے۔

پاکستان جیسے ملک میں شادی سے پہلے بلڈ ٹیسٹ کروانے پر بہت کم بات کی جاتی ہے لیکن ڈاکٹرز کہتے ہیں کہ ایسے موضوعات پر آگاہی پھیلانے کی ضرورت ہے تاکہ آنے والی نسلوں کو خطرناک بیماریوں سے بچایا جاسکے۔

ایسا لگتا ہے کہ حکومت کی پولیو وائرس کو پھیلنے سے روکنے کی کوششیں ناکام ہوتی دکھائی دے رہی ہیں کیونکہ ہر گزرتے دن کے ساتھ بلوچستان اور خیبرپختونخوا سے مزید نئے کیسز رپورٹ ہورہے ہیں۔

یہ کیسز ایسے وقت میں سامنے آئے ہیں جب ایک دن پہلے پولیو کو ختم کرنے کی ٹیم نے وزیراعظم شہباز شریف اور حکومت کے حکام سے ملاقات کی اور پولیو وائرس کے پھیلاؤ کو روکنے اور اس کی وجہ سے ہونے والے چیلنجز سے نمٹنے کی لیے ایک اہم میٹینگ کی۔

پاکستان میں 2024 کے دوران اب تک پولیو وائرس کے 55 کیسز رپورٹ ہو چکے ہیں۔ کیسز کی بڑھتی ہوئی تعداد اور وائرس کی مختلف شہروں میں موجودگی کی وجہ سے بچوں میں ایمیونٹی کی کمی اور کم حکومتی اقدامات کو ظاہر کرتی ہے۔

نیشنل انسٹیٹیوٹ آف ہیلتھ کے ریجنل ریفرنس لیبارٹری پولیو نے 3 وائلڈ پولیو وائرس ٹائپ ون کے کیسز کی تصدیق کی ہے۔

لیبارٹری کے مطابق نئے کیسز خیبرپختونخوا کے ڈیرہ اسماعیل خان، ژوب اور بلوچستان کے ضلع جعفرآباد سے رپورٹ ہوئے ہیں۔ متاثرہ بچوں میں 8 ماہ اور 20 ماہ کی دو بچیاں اور 5 ماہ کا ایک بچہ شامل ہے۔ ان تینوں اضلاع میں اس سال پہلے بھی پولیو کے کیسز رپورٹ ہو چکے ہیں۔

ڈیرہ اسماعیل خان سے اب تک 6 کیسز رپورٹ ہو چکے ہیں، یہ ضلع خیبرپختونخوا کے ساوٴتھ حصے کے سات پولیو زدہ اضلاع میں سے ایک ہے جہاں پچھلے تین سالوں میں ویکسینیشن کی مہم کو بچوں تک پہنچانے میں شدید مشکلات کا سامنا رہتا ہے۔

اسی طرح بلوچستان میں بھی ویکسینیشن میں بہت مشکلات ہیں جہاں اس سال ژوب میں 3 اور جعفرآباد میں 2 کیسز رپورٹ ہوچکے ہیں۔

اب تک رپورٹ ہونے والے 55 کیسز میں سے 26 بلوچستان سے، 14 خیبرپختونخوا سے، 13 سندھ سے، اور پنجاب و اسلام آباد سے ایک کیس شامل ہے۔

سموگ کی وجہ سے دہلی کے وزیر اعلیٰ نے پرائمری اسکولوں کو بھی ہدایات جاری کی کہ وہ آن لائن کلاسز کا آغاز کریں۔ شہریوں پر زور دیا کہ وہ پبلک ٹرانسپورٹ استعمال کریں اور کوئلہ اور لکڑی جلانے سے گریز کریں۔

نئی دہلی سے 220 کلومیٹر دور تاج محل اور امرتسر میں گولڈن ٹیمپل جیسی مشہور عمارتیں زہریلے سموگ کی وجہ سے نظروں سے اوجھل ہوگئی ہیں۔ اے کیو آئی کے مطابق آج بھی نئی دہلی کی ہوا کا معیار 424 پر ہے۔

پنجاب ہیلتھ کیئر ڈیپارٹمنٹ کے اعداد و شمار کے مطابق فضائی آلودگی کی وجہ سے ایک مہینے میں صوبے بھر میں تقریبا 20 لاکھ لوگ سانس لینے میں دشواری اور سانس کی دیگر بیماریوں کے باعث ہسپتالوں کا رُخ کر رہے ہیں۔

رپورٹ کے مطابق صوبے بھر میں 19 لاکھ 34 ہزار 30 کیسز رپورٹ ہوئے ہیں جن میں لاہور سے ایک لاکھ 26 ہزار 230 کیسز ہیں۔ بدھ اور جمعرات کے درمیان پنجاب بھر میں سانس لینے میں دشواری اور سینے میں انفیکشن کے 68 ہزار 917 کیسز رپورٹ ہوئے ہیں۔ ان کیسز میں سے 6 ہزار 236 لاہور سے رپورٹ ہوئے ہیں۔ یاد رہے کہ چودہ نومبر کی رات 9 بجے تک لاہور کا ایئر کوالٹی انڈیکس (اے کیو آئی) 1100 تھا۔

گزشتہ چند ہفتوں سے فضائی آلودگی کی وجہ سے گہری سموگ پنجاب کے کئی شہروں کو اپنی لپیٹ میں لے چکی ہے۔ اس میں لاہور اور ملتان سب سے زیادہ متاثر ہوئے ہیں۔ ملتان میں اے کیو آئی ریڈنگ پہلے ہی دو بار 2000 کراس کر چکی ہے جس سے فضائی آلودگی کا نیا ریکارڈ قائم ہوگیا ہے۔

پاکستان ایئر کوالٹی انیشی ایٹو (پی اے کیو آئی) کے مطابق فضائی آلودگی پچھلے سال کے مقابلے میں اس سال 25 فیصد بڑھ گئی ہے۔

ماہرین کے مطابق فضائی آلودگی کی زیادہ مقدار کے سامنے آنے سے نہ صرف سانس کی بیماریاں ہوتی ہیں بلکہ ڈپریشن بھی جنم لیتا ہے اور بچوں کی نشوونما پر بھی گہرا اثر پڑتا ہے۔

ماہرین کے مطابق سموگ پھیپھڑوں کے ٹشوز کو نقصان پہنچاتی ہے اور خاص طور پر دمہ جیسی پہلے سے موجود سانس کی بیماریوں کے شکار افراد کے لیے بہت خطرناک ہے۔

دوسری طرف ایسے وقت میں کہ جب ملک میں مہنگائی پہلے ہی بلند سطح پر پہنچ چکی ہے، ایئر پیوری فایئر بھی مہنگا ہے۔ ان چیزوں کی قیمت 25 ہزار روپے سے لے کر ایک لاکھ 50 ہزار روپے سے زیادہ تک ہے۔

یونیسیف کے پاکستان میں نمائندے عبداللہ فاضل نے فضا میں آلودگی کے اثرات کو کم کرنے کے لیے حکومت سے فوری اور بڑی کوششوں کا مطالبہ کیا ہے۔

پچھلے مہینے لاہور کی فضا میں سموگ کے معیات کو ’آفت زدہ‘ قرار دیا تھا۔ فضائی آلودگی سے بچنے کے لیے پنجاب حکومت نے بڑے شہروں میں اسکول 17 نومبر تک بند کرنے کا اعلان کیا تھا۔

جب کہ دوسری طرف صوبائی حکومت نے عوام کے لیے پارکس ، چڑیا گھروں، کھیل کے میدانوں اور کھلے مقامات میں داخلے پر پابندی لگا دی ہے تاکہ عوام کو سموگ کے نقصانات سے بچایا جاسکے۔

پنجاب کے سات شہروں میں ایئر کوالٹی انڈیکس 400 سے زیادہ تھا، سیالکوٹ میں 774 تک پہنچ گیا۔ ائیر کولٹی انڈیکس جب 300 سے زیادہ ہو جائے تو اس کو صحت کے لیے ’خطرناک‘ قرار دیا جاتا ہے۔

اقوام متحدہ کے نمائندے کی جانب سے اسلام آباد میں جاری کردہ ایک بیان کے مطابق گزشتہ ہفتے لاہور اور ملتان میں فضائی آلودگی کی سطح پچھلے تمام ریکارڈ توڑ چکی ہے، جبکہ دوسری طرف پنجاب کے کئی ہسپتالوں میں بچوں، بوڑھوں سمیت کئی افراد کا رش لگ گیا ہے۔

ایک رپورٹ کا حوالہ دیتے ہوئے انہوں نے کہا کہ ’ہوا میں آلودگی اتنی شدید ہے کہ اب اسے آنکھوں سے بھی دیکھا جا سکتا ہے۔‘

ان کا مزید کہنا تھا کہ ’میں ان چھوٹے بچوں کی صحت کے بارے میں انتہائی فکر مند ہوں جن کو آلودہ اور زہریلی ہوا میں سانس لینے پر مجبور کیا جا رہا ہے۔ اس وقت 5 سال سے کم عمر کے 1 کروڑ 10 لاکھ سے زیادہ بچے سب سے زیادہ متاثرہ ضلعوں میں اس سموگ کا سامنا کر رہے ہیں۔‘

’فضائی آلودگی کی ان ریکارڈ توڑنے والی سطح کی وجہ سے پہلے ہی پاکستان میں پانچ سال سے کم عمر کے بچوں میں تقریباً 12 فیصد اموات فضائی آلودگی کی وجہ سے ہوئی ہیں۔‘

’ہوا کے آلودہ ذرات میں سانس لینے سے بچوں کے پھیپھڑوں اور دماغ پر انتہائی منفی اثر پڑ سکتا ہے۔’

انہوں نے مزید کہا کہ ’ہوا کی آلودگی میں سانس لینے سے دماغی ٹشوز کو بھی نقصان پہنچ سکتا ہے جس کی وجہ سے بچوں میں کمزوریاں اور ان کے لیے زندگی بھر میں مشکلات اور رکاوٹیں بھی بڑھ سکتی ہیں۔‘

انہوں نے خواتین پر سموگ کے پڑنے والے اثرات پر بات کرتے ہوئے کہا کہ ’جب حاملہ خواتین آلودہ ہوا میں سانس لیتی ہیں تو، ان کے بچے جنم لینے سے پہلے ہی بیماریوں کا شکار ہو سکتے ہیں۔ ان کو سانس کی بیماریوں کا سامنا کرنا پڑ سکتا ہے اور ان کے بچوں کا کم وزن ہونے کا امکان بھی زیادہ ہوجاتا ہے۔’

یاد رہے کہ پاکستان کے شہروں میں پنجاب کا دارالحکومت لاہور، جوکہ پاکستان کا دوسرا بڑا شہر ہے، وہ فضائی آلودگی کے انڈیکس میں سب سے آگے ہے جس کے پیش نظر حکومت شہریوں کو اس سے بچانے کے لیے مختلف اقدامات کررہی ہے۔ لیکن ہر گزرتے دن کے ساتھ پنجاب کئی شہروں میں سموگ کا تناسب بڑھتا جا رہا ہے اور اس کی روک تھام لیے حکومتی اقدامات پر ایک سوالیہ نشان ہیں۔

صوبائی حکومت اور سوئس گروپ ایئر کوالٹی انڈیکس کی جاری کردہ ریڈنگز کے مطابق لاہور اتوار کو دنیا کے آلودہ ترین شہروں میں پہلے نمبر پر رہا جہاں شہر کے بارڈر سے نزدیکی علاقوں میں 1900 کی آلودگی ریکارڈ کی گئی۔

اس سے پہلے لاہور کی ہوا میں آلودگی کی سطح اس حد تک کبھی نہیں بڑھی۔

ہوا میں پارٹیکیولیٹ میٹر (پی ایم 2.5) یعنی مٹی کے چھوٹے ذرات کی مقدار 376 ریکارڈ کی گئی جو عالمی ادارہ صحت کی طرف سے مقرر کیے گئے لیول سے 75 فیصد زیادہ ہے۔

سموگ سے نمٹنے کے لیے پنجاب حکومت مختلف اقدامات کر رہی ہے، پیر کو صوبائی محکمہ ماحولیات کی جانب سے ایک اور سموگ الرٹ جاری کیا گیا جس میں شہریوں سے احتیاتی تدابیر اختیار کرنے کو کہا گیا ہے۔ شہریوں کو بلا ضرورت گھروں سے نکلنے سے منع کیا گیا اور باہر نکلنے کی صورت میں ماسک استعمال کرنے کی ہدایت کی گئی۔ کسانوں کو فصلوں کی باقیات جلانے سے بھی منع کیا گیا ہے۔

سموگ کی صورتحال پر نظر رکھنے کے لیے محکمہ ماحولیات کے ہیڈکوارٹرز میں ایک ’سموگ وار روم‘ بھی بنایا گیا ہے، جہاں پنجاب انوائرمنٹل پروٹیکشن ایجنسی کے ڈائیریکٹر جنرل اور دیگر افسران کو سموگ سے نمٹنے کے اقدامات پر روزانہ بریف کیا جائے گا۔

پنجاب حکومت کی وزیر عظمٰی بخاری نے ایک نیوز کانفرنس میں پرائمری اسکول ایک ہفتے کے لیے بند کرنے کا اعلان کیا جب کہ ایک اور ہدایت نامے میں اسپیشل ایجوکیشن اداروں میں پڑھنے والے سانس، دل اور دیگر امراض میں مبتلا طلبہ کو 1 نومبر سے 31 جنوری تک 3 مہینے کی لازمی چھٹیوں پر بھیج دیا گیا ہے۔

شہر میں گرین لاک ڈاؤن نافذ کرتے ہوئے آفسز کے 50فیصد اسٹاف کو گھروں سے کام کرنے کی ہدایت کردی گئی ہے۔ شہریوں کو کھڑکیاں، دروازے بند رکھنے کی ہدایات بی دی گئی ہیں۔

14 ملین کی آبادی والے پاکستان کے دوسرے بڑے شہر میں مسلسل ایک مہینے سے چھائی سموگ نے شہریوں کو سانس، جلد، آنکھوں کے امراض اور دیگر بیماریوں میں مبتلا کردیا ہے۔ سموگ کے خاتمے کے لیے احتیاطی تدابیر کے ساتھ ساتھ لاہور میں مصنوئی بارش کروائے جانے کا امکان ہے۔

پنجاب حکومت کے مطابق سموگ کی دیگر وجوہات ہوسکتی ہیں لیکن لاہور میں سموگ کا ایک بڑا حصہ انڈیا کی طرف سے آ رہا ہے۔

گرین لاک ڈاوٴن کیا ہے؟

پنجاب حکومت کی جانب سے جاری نوٹی فیکشن کے مطابق لاہور کے کچھ علاقوں میں گرین لاک ڈاوٴن نافذ کیا گیا ہے جن میں ڈیوس روڈ، ایگٹن روڈ، دوراند روڈ، اور کشمیر روڈ اور ارد گرد کے علاقے شامل ہیں ان علاقوں کو ہائی الرٹ کی لسٹ میں شامل کیا گیا ہے۔

‎ ان علاقوں میں چنگ چی رکشے کا داخلہ مکمل طور پر بند کر دیا ہے.

‎ایسے کمرشل جنریٹرز جو ماحولیاتی معیار کے خلاف ہیں، ان علاقوں میں نہیں چلائے جا سکتے۔

‎رات 8 بجے کے بعد بار بی کیو پوائنٹس پر کھانا پکانے کی اجازت نہیں ہوگی

‎ان علاقوں میں ایسے ہوٹل یا پوائنٹس جو کوئلے یا لکڑی استعمال کرتے ہیں، انہیں لازمی طور پر اس کو کنٹرول کرنے کا سسٹم لگانا ہوگا

‎رات 10 بجے کے بعد شادی ہالز کے کھلے رہنے پر مکمل پابندی ہوگی

‎سرکاری اور پرائیویٹ دفتروں میں 50 فیصد لوگ گھر سے کام کریں گے

‎ ہیوی گاڑیوں کو چیک کیا جائے گا، ایسی گاڑیوں کا داخلہ منع ہوگا جو کالا دھواں چھوڑتی ہیں۔

‎ٹریفک کی روانی کو بہتر بنانے کے لیے انکروچمنٹ یعنی (غیر قانونی قبضوں) کوختم کیا جائے گا

‎ان علاقوں میں صرف گیلے جھاڑو یعنی گیلی صفائی کی اجازت ہوگی جسے لاہور ویسٹ مینجمنٹ کمپنی کرے گی۔

چونکہ روزانہ ہمارے دن کا زیادہ تر وقت کام کی جگہ پر گزرتا ہے اس لیے دفتر میں پرسکون ماحول نہ صرف ہمارا حق ہے بلکہ اس سے ترقی کے مواقع بھی زیادہ ہوتے ہیں۔ ایسے دفتر جہاں دماغی صحت کو اہمیت نہیں دی جاتی وہاں کے ملازمین کو انزائٹی، ڈپریشن، تھکاوٹ اور دیگر سنگین مسائل کا سامنا کرنا پڑسکتا ہے۔

دوسری جانب ایسے دفتر جہاں مینٹل ہیلتھ کو اہمیت دی جاتی ہے وہاں کے ملازمین نہ صرف اپنی ذاتی زندگی بلکہ دفتر میں بھی اچھی پرفارمنس دکھاتے ہیں۔

دنیا بھر میں کام کی جگہوں یا دفاتر میں دماغی صحت کے مسائل پر خاص اہمیت دی جاتی ہے لیکن پاکستان میں صورتحال خاصی تشویشناک ہے۔ ڈان اخبار کی ایک رپورٹ کے مطابق ملکی آبادی کا تقریباً 10 فیصد حصہ یا تقریباً 20 ملین افراد ذہنی صحت کے امراض میں مبتلا ہیں۔ ان خطرناک اعداد و شمار کے باوجود ذہنی صحت پر اب بھی لوگ بات کرنے سے کتراتے ہیں خاص طور پر کام کی جگہوں پر جہاں اس کے بارے میں بات کرنا اکثر کمزوری کی علامت کے طور پر دیکھا جاتا ہے۔ ملازمت کے مستقبل کے بارے میں فکرمند ہونا، کام کا بھاری بوجھ جیسے مسائل دماغی صحت مزید خراب کرسکتی ہے اور ایسی صورتحال میں ملازمین ان مسائل کا بغیر کسی مدد اور طبی امداد لیے، خاموشی سے مقابلہ کرتے رہتے ہیں۔

پاکستان میں دماغی صحت کے مسائل پر بات کرنے یا اس سے نکلنے کے لیے مدد کرنے والے ادارے بہت کم ہیں۔ اس کے برعکس بہت سے ترقی یافتہ ممالک میں ملازمین کی مدد کے لیے پروگرام منقد کیے جاتے ہیں، کام کے معیار کو بہتر بنانے کے لیے مختلف آپشز موجود ہوتے ہیں اور مینٹل ہیلتھ ٹریننگ پروگرامز کے ذریعے آگاہی بھی دی جاتی، اس طرح کی سہولیات پاکستان میں دکھائی نہیں دیتی۔

دفاتر میں ذہنی صحت کے مسائل سے کیسے نمٹا جائے؟

ملازمین کی ذہنی تندرستی کو بہتر بنانے کے لیے ورکرز کے پاس یہ آپشن ہونا چاہیے کہ وہ کب، کہاں اور کیسے کام کرتے ہیں۔ اس سے دماغی تناؤ کم ہو سکتا ہے۔

اے پی اے 2024 ورک اِن امریکہ سروے کے مطابق ملازمین کام پر زیادہ مطمئن اُس وقت محسوس کرتے ہیں جب ان کے پاس یہ فیصلہ کرنے کا اختیار ہوتا ہے کہ آیا وہ دفتر میں آکر یا گھر میں بیٹھ کر یا کسی اور جگہ بیٹھ کر کام کرنا چاہتے ہیں۔ تحقیق سے پتہ چلتا ہے کہ کام کرنے کے فیصلہ پر ملازمین کا اختیار ہونے سے وہ اچھی پرفارمنس دکھا سکتے ہیں۔

تحقیق سے یہ بھی معلوم ہوتا ہے کہ ملازمین اپنی جاب سے زیادہ مطمئن اور لمبے وقت کے لیے کام اس وقت کرتے ہیں جب انہیں کام کی جگہ پر آزادی اظہار رائے حاصل ہو۔ رائے دینے، مشورہ دینے یا آئیڈیاز شئیر کرنے کی آزادی سے نہ صرف تناوٴ میں کمی آتی ہے بلکہ مہارت بھی بہتر ہوتی ہے۔

84 سالہ محمد یونس نے جمعرات کو ڈھاکہ کے صدارتی محل میں ایک تقریب کے دوران حلف اٹھایا جس میں سیاسی رہنما، سول سوسائٹی کے رہنماؤں، جرنیلوں اور سفارت کاروں نے شرکت کی۔

تقریب میں حسینہ واجد کی عوامی لیگ کا کوئی نمائندہ موجود نہیں تھا۔

پیرس سے بنگلادیش آنے کے بعد ایک نیوز بریفنگ کے دوران محمد یونس نے کہا تھا کہ ’بہت کام کرنا باقی ہے۔ ان کی پہلی ترجیح ملک میں امن کی بحالی ہوگی۔ بنگلا دیش میرے لیے ایک فیملی کی طرح ہے۔ ہمیں اسے متحد کرنا ہوگا۔

محمد یونس نے ایسے وقت بنگلادیش کی حکومت سنبھالی ہے جب 2 اگست کو پرتشدد مظاہروں کے بعد شیخ حسینہ واجد اچانک استعفیٰ دے کر پڑوسی ملک انڈیا فرار ہوگئی تھیں۔

یہ مظاہرے پچھلے مہینے جولائی میں شروع ہوئے تھے جو بنیادی طور پر سرکاری نوکریوں کے کوٹہ سسٹم کے خلاف تھے لیکن دیکھتے ہی دیکھتے یہ احتجاج حکومت مخالف تحریک میں بدل گئے اور مظاہرین نے شیخ حسینہ نے استعفے کا مطالبہ کیا۔

محمد یونس کو ملک کو دوبارہ کھڑا کرنے کے لیے کئی چیلنجز درپیش ہوں گے۔

انہوں نے کہا کہ طلبا مظاہرین نے ملک کو بچایا تھا، ہمارے طلبا ہمیں جو بھی راستہ دکھائیں گے، ہم اس کے ساتھ آگے بڑھیں گے۔

شیخ حسینہ کے سخت ترین ناقد محمد یونس بات کرتے ہوئے جذباتی ہو گئے اور اپنے آنسو روکتے ہوئے کہا کہ مظاہروں کے دوران طلبا پر فائرنگ کی گئی گئی۔ ان کی قربانی کو فراموش نہیں کیا جا سکتا۔

نگراں وزیراعظم کا عہدہ سنبھالنے کے بعد انڈین وزیر اعظم نریندر مودی نے محمد یونس کو مبارک باد دی اور ’نیک خواہشات‘ کا اظہار کرتے ہوئے کہا کہ انڈیا ہمسایہ ملک بنگلادیش کے ساتھ کام کرنے کے لیے پرعزم ہے۔

امریکا نے بنگلا دیش میں نئی ​​عبوری حکومت کا بھی خیر مقدم کرتے ہوئے کہا کہ وہ جمہوریت کو آگے بڑھانے کے لیے مل کر کام کرنے کی امید رکھتے ہیں۔

امریکی محکمہ خارجہ کے ترجمان میتھیو ملر نے بتایا کہ ’ہم حالیہ تشدد کے خاتمے کے لیے ڈاکٹر محمد یونس کا خیرمقدم کرتے ہیں اور ہم عبوری حکومت کے ساتھ کام کرنے کے لیے تیار ہیں۔‘

یہ مظاہرے کب اور کیسے شروع ہوئے اور مسلمانوں کے خلاف انتہا پسندی کی کیا وجہ ہے۔ ذیشان نیاز کی اس رپورٹ میں دیکھیں۔

رپورٹ: ذیشان نیاز

ایڈیٹنگ: سید حمزہ علی

خبر رساں ادارے انادولو کے مطابق حماس نے کہا کہ 31 جولائی کو تہران میں اسماعیل ہنیہ کے قتل کے بعد کمانڈر یحییٰ سنوار کو حماس کے پولیٹیکل بیورو کا سربراہ مقرر کیا گیا ہے۔

اسرائیل 61 سالہ یحییٰ سنوار کو 7 اکتوبر کے حملے کا ماسٹر مائنڈ مانتا ہے۔

یاد رہے کہ سات اکتوبر کو حماس نے اسرائیل پر اچانک حملہ کیا تھا جس میں گیارہ سو اسرائیلی ہلاک اور دو سو کے قریب لوگوں کو یرغمال بنایا گیا تھا۔

اس حملے کے بعد سے اسرائیل غزہ پر مسلسل بمباری کررہا ہے جس میں اب تک تقریباً 40,000 فلسطینی ہلاک ہوچکے ہیں جن میں ہزاروں خواتین اور بچے ہیں۔ اور تقریباً 2.3 ملین آبادی بے گھر ہوگئی ہے اور بڑے پیمانے پر غذائی قلت اور صحت کی انتہائی خراب صورتحال پیدا ہوگئی ہے۔

اسرائیلی جیل میں 22 سال قید میں رہنے سے حماس کے سربراہ تک کا سفر

یحییٰ سنوار 2017 سے غزہ میں حماس کے سیاسی بیورو کے سربراہ کے طور پر کام کررہے ہیں۔ حماس کے ایک سینئر عہدیدار نے بی بی سی کو بتایا کہ ’حماس کی قیادت نے متفقہ طور پر یحییٰ سنوار کو منتخب کیا۔‘

انہوں نے کہا کہ ’اسرائیل نے ہنیہ کو قتل کیا اب انہیں سنوار اور ملٹری لیڈرشپ سے نمٹنا ہوگا‘۔

اسرائیل کے وزیر خارجہ اسرائیل کاٹز نے ایک بیان میں کہا کہ ’اسماعیل ہنیہ کی جگہ دہشت گرد یحییٰ سنوار کو حماس کا نیا لیڈر مقرر کرنا ایک اور اہم وجہ ہے کہ اس تنظیم کو تیزی سے صفحہ ہستی سے ختم کردیا جائے۔

اسرائیل ڈیفنس فورسز کے ترجمان ریئر ایڈم ڈینیئل ہاگری نے سعودی نیوز چینل العربیہ کو بتایا کہ ’یحییٰ سنوار ایک دہشت گرد ہے، انہیں جلد ہلاک کردیا جائے گا۔‘

اکتوبر میں ہونے والے حملوں کے بعد سے یحییٰ سنوار کو میڈیا میں نہیں دیکھا گیا۔ امریکی وزیر خارجہ انٹونی بلنکن نے کہا تھا کہ سنوار غزہ میں زیرِ زمین سرنگوں میں چھپے ہوئے ہیں اور اس ڈر سے وہ کسی سے رابطہ نہیں کر رہے کہ کہیں ان کی لوکیشن کے بارے میں اسرائیل کو معلوم نہ ہو جائے۔

یحییٰ سنوار 1962 میں غزہ کے شہر خان یونس کے پناہ گزین کیمپ میں پیدا ہوئے۔ انہیں ’ابو ابراہیم‘ کے نام سے جانا جاتا ہے۔

1980 کی دہائی کے آخر میں یحییٰ سنوار، جب ان کی عمر صرف پچیس سال تھی، نے حماس کی سیکیورٹی سروس کی بنیاد رکھی جسے مجد کہا جاتا ہے.

انہوں نے اپنی زندگی کا بڑا حصہ اسرائیلی جیل میں گزارا ہے۔ وہ سنہ 1988 سے 2011 تک 22 سال تک قید میں رہے۔ جیل میں رہتے ہوئے انہوں نے عبرانی زبان سیکھی اور اسرائیلی معاملات اور ملکی سیاست کے بارے میں معلومات حاصل کی۔

2011 میں سنوار کو اسرائیل نے ایک معاہدے کے بعد رہا کر دیا تھا جس میں 1028 فلسطینی اور اسرائیلی عرب قیدی رہا ہوئے تھے اور اس کے بدلے میں اکیلے اسرائیلی یرغمالی فوجی جیلاد شالیت کی رہائی ممکن ہوئی۔ جسے حماس نے پانچ سال سے زائد عرصے تک قید رکھا ہوا تھا۔

امریکا نے 61 سالہ یحییٰ سنوار کو ’انٹرنیشنل دہشت گردوں‘ کی بلیک لسٹ میں شامل کیا ہے۔

الجزیرہ کی رپورٹ کے مطابق یحییٰ سنوار نے اسرائیل پر فلسطینیوں کو قتل کرنے کا الزام عائد کیا۔ یحییٰ سنوار نے کہا کہ ’کیا دنیا ہم سے یہ توقع رکھتی ہے کہ ہمیں مارا جارہا ہو اور پھر بھی ہم اچھا سلوک کریں، ہمارے لوگوں کو ذبح کیا جارہا ہو اور ہم شور بھی نہ مچائیں؟‘

یاد رہے کہ بنگلادیش میں ہونے والے پرتشدد مظاہروں کی وجہ سے حسینہ واجد مستعفی ہوگئی تھیں۔ ملک میں مظاہرے بنیادی طور پر سرکاری نوکریوں کے کوٹہ سسٹم کے خلاف جولائی میں شروع ہوئے تھے جو دیکھتے ہی دیکھتے حکومت مخالف تحریک میں بدل گئے تھے۔

محمد یونس مظاہروں کے نتیجے میں وزیراعظم کے عہدے سے مستعفی ہونے والی حسینہ واجد کے سخت ناقدین اور سیاسی مخالفین میں سے ایک ہیں۔ انہوں نے حسینہ کے استعفے کے بعد کہا کہ ’ملک دوسری بار آزاد‘ ہوا ہے۔ ایک موقع پر حسینہ واجد نے محمد یونس کوغریبوں کا ’خون چوسنے والا‘ قرار دیا تھا اور وہ انہیں عوام دشمن بھی سمجھتی ہیں۔

محمد یونس پیشے کے لحاظ سے ماہر معاشیات اور بینکر ہیں۔ 84 سالہ محمد یونس نے 2006 میں امن کا نوبل انعام جیتا تھا۔ انہوں نے گرامین بینک کی بنیاد رکھی اور مائیکرو لونز پروگرام شروع کیا جس سے لاکھوں لوگوں کو غربت سے باہر نکلنے میں مدد ملی۔

نوبل انعام کی ویب سائٹ پر کے مطابق محمد یونس 1940 میں بنگلا دیش کے شہر چٹاگانگ میں پیدا ہوئے۔ انہوں نے ڈھاکہ یونیورسٹی میں تعلیم حاصل کی، جس کے بعد وہ فل برائیٹ اسکالر شپ پر معاشیات میں پی ایچ ڈی کرنے امریکا کی وینڈربلٹ یونیورسٹی چلے گئے۔

محمد یونس نے 1983 میں گرامین بینک کی بنیاد رکھی جو غریب لوگوں (خاص طور پرخواتین) کو کاروبار شروع کرنے کے لیے چھوٹے قرضے فراہم کرتا ہے ۔ لوگوں کو غربت سے نکالنے میں بینک نے اہم کردار ادا کیا تھا، جس کی وجہ سے دوسرے ممالک نے متاثر ہوکر اسی طرح کی مائیکرو لونز منصوبے شروع کرنے کی کوشش کی۔

وہ یونس سینٹر کے بانی بھی ہیں، جو ڈھاکہ میں قائم ایک تھنک ٹینک ہے جو نئے سماجی کاروبار کو فروغ دینے میں مدد کرتا ہے۔

انہیں 2008 میں اس وقت مشکلات کا سامنا کرنا پڑا جب حسینہ واجد کی انتظامیہ نے ان کے خلاف تحقیقات شروع کیں۔ لیکن 2007 میں (جب ملک میں فوج کی حمایت یافتہ حکومت تھی) محمد یونس نے ایک سیاسی جماعت بنانے کا اعلان کیا لیکن بعد میں انہوں نے یہ ارادہ ترک کر دیا تھا اور کہا کہ یہ ان کے بس کی بات نہیں۔

تحقیقات کے دوران شیخ حسینہ نے محمد یونس پر گرامین بینک کے سربراہ کے طور پر غریب دیہی خواتین سے قرض لینے کے لیے طاقت کا استعمال کرنے کا الزام لگایا۔ البتہ محمد یونس نے ان الزامات کی تردید کی۔

ان پر 2013 میں حکومت کی اجازت کے بغیر رقم وصول کرنے کے الزام میں مقدمہ چلایا گیا تھا، جس میں ان کے نوبل انعام اور کتاب کی رائلٹی سے حاصل کردہ رقم بھی شامل ہے۔ بعد ازاں انہیں مزید قانونی مسائل اور الزامات کا سامنا کرنا پڑا جس میں ان کی اپنی کمپنی گرامین ٹیلی کام بھی شامل ہے جو کہ ملک کی سب سے بڑی موبائل فون کمپنی گرامین فون کا حصہ ہے، جو ناروے کی ٹیلی کام کمپنی ٹیلی نار کی ذیلی کمپنی ہے۔

2023 میں گرامین ٹیلی کام کے کچھ سابق ورکرز نے محمد یونس کے خلاف ملازمت کے دوران فوائد سے محروم کرنے کا الزام لگاتے ہوئے مقدمہ دائر کیا۔ تاہم محمد یونس نے الزامات کی بھی تردید کی۔

انہوں جنوری 2024 میں لیبر قوانین کی خلاف ورزی پر 6 ماہ قید کی سزا سنائی گئی تھی اور جون میں بنگلا دیش کی ایک خصوصی عدالت کے جج نے محمد یونس اور دیگر 13 افراد پر 2 ملین ڈالرز کی کرپشن کے مقدمے میں فرد جرم عائد کی تھی۔ تاہم محمد یونس نے اپنے جرم کا اعتراف نہیں کیا اور وہ فی الحال ضمانت پر ملک سے باہر ہیں۔ ان کے ترجمان نے بتایا کہ وہ پیرس سے ڈھاکہ واپس آرہے ہیں جہاں ان کا معمولی طبی معائنہ کیا جائے گا۔

محمد یونس کے حامیوں کا کہنا ہے کہ حسینہ واجد کے ساتھ خراب تعلقات کی وجہ سے محمد یونس پر سیاسی الزامات اور مقدمات چلائے گئے۔

فروری میں امریکی نشریاتی ادارے سی این این سے بات کرتے ہوئے محمد یونس نے کہا کہ ان کے خلاف کرپشن کے الزامات بے بنیاد ہیں اور انہیں سیاسی مقاصد کے لیے ہراساں کیا جانا ہے۔

طلبا مظاہرین محمد یونس کا نام کیوں تجویز کیا تھا؟ جب طلبا نے نے حسینہ واجد کے خلاف احتجاج کیا تو وہ ایسے شخص کو سامنے لانا چاہتے تھے جو حسینہ واجد کے سخت ترین مخالفین میں سے ایک ہوں اور محمد یونس ان کے لیے ایک نمایاں نام تھا۔

یہ اعلان آج (بدھ) صبح صدر محمد شہاب الدین کے پریس سیکریٹری جوینال عابدین نے کیا۔ اعلان میں یہ بھی کہا گیا کہ محمد یونس کی زیرقیادت حکومت کے دیگر ارکان کا فیصلہ سیاسی جماعتوں اور دیگر اسٹیک ہولڈرز کے ساتھ بات چیت کے بعد کیا جائے گا۔

طلبا تحریک کے رہنماوٴں، ملک کی تینوں فوج کے سربراہاں، سول سوسائٹی کے اراکین اور کاروباری رہنماوٴں نے منگل کو صدر کے ساتھ پانچ گھنٹے سے زیادہ دیر تک میٹنگ کی تاکہ عبوری حکومت کا سربراہ مقرر کیا جاسکے۔

اس سے قبل طلبا تحریک کے رہنماوٴں نے 83 سالہ محمد یونس کو ہی عبوری حکومت کا سربراہ مقرر کرنے کے لیے تجویز دی تھی۔ مقامی میڈیا کے مطابق ممکنہ طور پر وہ پیرس سے جلد ہی وطن واپس آئیں گے۔

فیصلے کے بعد طلبا رہنما صدر کے سرکاری رہائش گاہ سے واپس چلے گئے۔ طلبا تحریک نے اس فیصلے کا خیرمقدم کیا۔

طلبا گروپ کی ایک رہنما ناہید اسلام نے مذاکرات کو ’نتیجہ خیز‘ قرار دیا اور کہا کہ صدر شہاب الدین نے اس بات پر اتفاق کیا ہے کہ کم سے کم وقت میں عبوری حکومت قائم کی جائے گی۔

صدر شہاب الدین نے پرتشدد مظاہروں کے بعد پولیس کے سربراہ کو بھی برطرف کر دیا۔ یہ یاد رہے کہ بنگلادیش میں ہونے والے پرتشدد مظاہروں کی وجہ سے حسینہ واجد مستعفی ہوگئی تھیں۔

ملک میں مظاہرے بنیادی طور پر سرکاری نوکریوں کے کوٹہ سسٹم کے خلاف جولائی میں شروع ہوئے تھے جو دیکھتے ہی دیکھتے حکومت مخالف تحریک میں بدل گئے تھے۔

بنگلادیش اسٹوڈنٹ مومنٹ کے ناہید اسلام نے ویڈیو میں کہا کہ ’ہماری تجویز کردہ حکومت کے علاوہ کسی بھی حکومت کو قبول نہیں کیا جائے گا، ملک میں نوبل انعام یافتہ بنگلا دیشی ماہر اقتصادیات پروفیسر محمد یونس کی نگرانی میں جلد از جلد عبوری حکومت تشکیل دی جائے۔‘

84 سالہ محمد یونس نے 2006 میں امن کا نوبل انعام جیتا تھا۔ انہوں نے گرامین بینک کی بنیاد رکھی اور ایک مائیکرو کریڈٹ پروگرام بنایا جس سے لاکھوں لوگوں کو غربت سے بچنے میں مدد ملی۔

جون میں بنگلا دیش کی ایک عدالت نے ان پر رقم کی چوری یا اس کے غلط استعمال کا الزام عائد کیا لیکن انہوں نے ان الزامات کی تردید کی۔ ان حامیوں نے کہا کہ محمد یونس پر سیاسی وجوہات کی بنا پر انہیں نقصان پہنچانے کے لیے الزام لگایا جارہا ہے۔

کئی مظاہرین نے حسینہ واجد کی سرکاری رہائش گاہ پر حملہ کیا اور جو ہاتھ لگا اسے اپنے ساتھ لے جاتے ہوئے دکھائی دیے۔

کئی لوگوں نے مٹھایاں بھی تقسیم کیں، اس موقع پر ایک نوجوان نے نام ظاہر نہ کرنے کی شرط پر بی بی سی بنگلا کو بتایا کہ ’یہ ہمارے لیے ایک فتح ہے، ہم بہت خوش ہیں کیونکہ حسینہ کی برسوں کی آمریت کے بعد ہمیں آزادی ملی، ہمیں اپنی اظہار رائے کی آزادی واپس مل گئی ہے۔‘

تنویر نامی نوجوان نے بتایا کہ ’آج ہم نے تاریخ لکھی ہے۔ میں پچھلے مہینے سے اس احتجاج کا حصہ رہا ہوں۔ ان مظاہروں میں میرا بایاں ہاتھ مکمل جل چکا ہے اور کئی بار ربڑ کی گولیاں میرے قریب سے گزری ہیں۔‘

انہوں نے کہا کہ ’یہ ہماری پہلی فتح تھی لیکن ابھی بہت کچھ حاصل کرنا باقی ہے‘۔

انہوں نے کہا کہ ’وزیر اعظم کے مستعفی ہونے کے بعد بھی ان کا پورا گھر لوٹ لیا گیا۔ یہ وہ چیز نہیں ہے جس کی میں امید کر رہا تھا۔‘

تنویر نے کہا کہ ’مکمل فتح حاصل کرنے کے لیے ابھی مزید جدوجہدر کرنی ہے اور مزید لڑائیاں لڑنی ہے کیونکہ ہم مہذب اور تعلیم یافتہ قوم بننا چاہتے ہیں‘۔

فاطمہ نے بی بی سی کو بتایا کہ ’میں یہاں اپنی آزادی کا جشن منا رہی ہوں۔ میرا ملک دوبارہ آزاد ہوچکا ہے۔ میں، میرے بھائیوں اور بہنوں نے اس کے لیے جدوجہد کی ہے۔ اور آخر کار ہمیں آزادی مل گئی ہے۔ ہم وہ کریں گے جو ہمیں کرنا پسند ہے۔ وہ نہیں جو دوسرے ہمیں کہیں گے۔‘

تعلیمی ادارے کھل گئے لیکن کلاسز خالی

بنگلہ دیش فوج کے شعبہ تعلقات عامہ نے پیر کی رات اعلان کیا تھا کہ تمام تعلیمی ادارے منگل سے دوبارہ کھل جائیں گے۔

تاہم یہ واضح نہیں ہے کہ کلاسز کب دوبارہ شروع ہوں گی۔

ڈھاکہ یونیورسٹی کے ایک طالب علم افسر مُنا نے منگل کی صبح بی بی سی بنگالہ سروس کو بتایا کہ ’تعلیمی ادارے کھل چکے ہیں لیکن کلاسز خالی ہیں‘۔

جگناتھ یونیورسٹی کے ایک اور طالب علم نے بھی کہا کہ کیمپس کھلنے کے باوجود کلاسز شروع نہیں ہوئی تھیں۔

راجشاہی یونیورسٹی سے تعلق رکھنے والے ایک طالب علم نے کہا کہ ان کی یونیورسٹی ابھی تک نہیں کھلی۔ ’میں نے سنا ہے کہ آج طلبہ خود ہال کھولیں گے اور اندر جائیں گے‘۔

جہانگیر نگر یونیورسٹی کے ایک طالب علم تنویر حسیب نے کہا کہ بہت سے طلباء گھر جا چکے ہیں اور انہیں ڈھاکہ واپس آنے میں وقت لگے گا۔

خیال کیا جاتا ہے کہ بنگلہ دیش کے مختلف حصوں میں یونیورسٹی اساتذہ کی تنظیم یونیورسٹی ٹیچرز نیٹ ورک آج مقامی وقت کے مطابق 11 بجے میٹنگ کرے گی۔

حسینہ واجد نے پیر کے روز ایسے وقت میں استعفیٰ دیا جب کئی ہفتوں سے نوجوان طلبا پرتشدد مظاہرے کررہے تھے۔ کئی بار مارشل لا لگنے کے خطرات بھی منڈلاتے رہے۔ اب یہ سوال کیا جارہا ہے کہ ملک کا کنٹرول کون سنبھالے گا؟

قوم سے خطاب کرتے ہوئے بنگلادیش کے آرمی چیف جنرل وقار الزمان نے اعلان کیا کہ اب عبوری حکومت بنگلادیش کا کنٹرول سنبھالے گی، انہوں نے عوام سے پرامن رہنے کی اپیل بھی کی۔

دوسری جانب پیر کی شب قوم سے خطاب میں صدر محمد صحاب الدین نے کہا ہے کہ جلد ہی عبوری حکومت قائم ہو جائے گی جو قبل از وقت انتخابات کرائے گی۔

صدر نے کہا ہے کہ سابق وزیراعظم اور بنگلا دیش نیشنلسٹ پارٹی (بی این پی) کی سربراہ بیگم خالدہ ضیا کو رہا کرنے اور طلبہ تحریک سمیت دیگر مقدمات میں زیر حراست تمام قیدیوں کو بھی رہا کرنے کا فیصلہ کیا گیا ہے۔ ہلاک ہونے والے افراد کے لواحقین کو معاوضہ دیا جائے گا اور زخمیوں کا علاج کیا جائے گا۔

آئی ایس پی آر کے مطابق ملک میں 17 دن بعد منگل کی صبح سے کرفیو ختم کیا جا رہا ہے۔ منگل سے سرکاری و نجی دفاتر، عدالتیں، تعلیمی ادارے، کارخانے کھول دیے جائیں گے۔

شیخ حسینہ کے بیٹے نے بی بی سی کو بتایا ہے کہ ان کی والدہ سیاست میں واپسی کا کوئی ارادہ نہیں رکھتیں۔ ان کے مطابق شیخ حسینہ ’اپنی سخت محنت کے بعد بہت مایوس ہیں کہ ایک اقلیت ان کے خلاف کھڑی ہوئی۔‘

ناقدین کا کہنا ہے کہ حسینہ واجد کے دور میں جبری گمشدگیوں، ماورائے عدالت قتل اور اپوزیشن شخصیات اور حکومت پر تنقید کرنے والوں کو نشانہ بنانے کے واقعات میں اضافہ ہوا تھا۔

دو دہائیوں تک ملک پر حکمرانی کرنے والی حسینہ واجد پیر کو فوجی ہیلی کاپٹر کے ذریعے انڈیا روانہ ہوئیں جس کے بعد لوگوں نے ان کی رہائش گاہ پر دھاوا بول دیا۔

بھارتی میڈیا رپورٹس میں کہا گیا ہے کہ حسینہ واجد کو لے جانے والا ایک ہیلی کاپٹر نئی دہلی کے قریب ہندن ایئر بیس پر اترا۔

شیخ حسینہ واجد کا استعفیٰ اُس وقت آیا جب کئی ہفتوں سے جاری مظاہروں میں تقریباً 300 افراد ہلاک ہو گئے۔ اتوار کو پولیس اور مظاہرین کے درمیان دوبارہ ہونے والی جھڑپ میں 100 کے قریب لوگ ہلاک اور کرفیو کا اعلان کر دیا گیا تھا۔

بنگلادیش کا اقتدار کون سنبھال سکتا ہے؟

شیخ حسینہ کے اچانک استعفے کے بعد ملک کا اقتدار سنبھالنے کے لیے تین اہم شخصیات کے نام سامنے آئے ہیں جو ملک کا کنٹرول سنبھال سکتے ہیں۔

خالدہ ضیا

ان اہم شخصیات میں سے ایک خالدہ ضیا ہیں جو اپوزیشن جماعت بنگلا دیش نیشنلسٹ پارٹی (بی این پی) کی چیئرپرسن ہیں، وہ سابق وزیراعظم بھی وہ چکی ہیں۔ انہوں نے 1991 سے 1996 تک وزیر اعظم کے طور پر خدمات انجام دیں لیکن انہیں 2018 میں کرپشن کے الزام میں جیل بھیج دیا گیا، ان کا کہنا تھا کہ یہ الزامات سیاسی بنیاد پر لگائے گئے ہیں۔ 78 سالہ خالدہ ضیا کی رہائی کا حکم حسینہ واجد کے فرار ہونے کے چند گھنٹوں بعد دیا گیا۔

شفیق الرحمان

ملک کا اقتدار سنبھالنے کے لیے ایک اور اہم شخصیت شفیق الرحمان ہیں، جو بنگلا دیش کی سب سے بڑی اسلام پسند سیاسی جماعت، جماعت اسلامی کے سربراہ ہیں۔ کئی سالوں سے اقتدار سے دور رہنے کے باوجود جماعت اسلامی نے بنگلہ دیش میں اپنا اثر و رسوخ برقرار رکھا ہے۔ انہوں نے ماضی میں بی این پی کے ساتھ اتحاد کیا ہے اور کچھ تجزیہ کاروں کا خیال ہے کہ اس بات کا قوی امکان ہے کہ اگر آج الیکشن ہوتے ہیں تو یہ اتحاد جیت سکتا ہے۔

طلبہ تحریک کی عبوری حکومت

بنگلہ دیش طلبا کے احتجاج کے کوآرڈینیٹرز نے بھی ایک نئی عبوری حکومت کی تشکیل کا مطالبہ کیا ہے جس میں نوبل امن انعام یافتہ محمد یونس کو اس کا چیف ایڈوائزر بنایا گیا ہے۔

طلبہ تحریک کا کہا ہے کہ وہ ’کسی بھی فوج کی حمایت یافتہ یا فوج کی قیادت والی حکومت کو قبول نہیں کریں گے‘۔

خبر رساں ادارے رائٹرز اور اے ایف پی نے بتایا کہ مظاہرین نے وزیراعظم کی سرکاری رہائش گاہ پر حملہ کیا تاہم شیخ حسینہ وہاں موجود نہیں تھیں۔ ذرائع نے بتایا کہ وہ اپنی بہن کے ہمراہ ایک ہیلی کاپٹر میں انڈین شہر اگرتلا کے ’محفوظ مقام‘ روانہ ہوئی ہیں۔

اطلاعات کے مطابق ملک کے آرمی چیف وقار الزمان مختلف سیاسی شخصیات سے ملاقاتیں کر رہے ہیں۔ اور وہ جلد اس صورتحال پر خطاب کریں گے۔

شیخ حسینہ کے مستعفی ہونے کی خبروں پر مظاہرین کی طرف سے جشن منایا گیا۔ انہوں نے وزیر اعظم کی رہائش گاہ میں داخل ہو کر توڑ پھوڑ کی ہے۔

واضح رہے کہ ڈھاکہ سمیت ملک بھر میں فوج تعینات ہیں۔ ملک میں طلبا مظاہرین شیخ حسینہ سے مستعفی ہونے کا مطالبہ کررہے تھے۔ طلبا نے ڈھاکہ کی طرف لانگ مارچ کا ارادہ کیا تھا۔

پچھلے روز پولیس کی جانب سے آنسو گیس اور گرینڈ پھینکنے کے واقعات میں 100 لوگ ہلاک ہوگئے تھے جن میں 13 پولیس افسران بھی شامل ہیں۔ پورے ملک میں پُرتشدد واقعات روکنے کے لیے کرفیو نافذ کیا گیا ہے۔

یہ مظاہرے جولائی میں شروع ہوئے تھے جو بنیادی طور پر سرکاری نوکریوں میں کوٹا سسٹم کے خلاف تھا مگر یہ مظاہرے جلد ہی حکومت مخالف تحریک میں بدل گیا۔ حالیہ رپورٹس کے مطابق اب تک بنگلا دیش کے پُرتشدد واقعات میں تقریباً 300 افراد ہلاک ہوچکے ہیں۔

بنگلہ دیش کے بانی کی 76 سالہ بیٹی شیخ حسینہ 2009 سے وزیراعظم ہیں اور اس سے قبل 1996 سے 2001 تک اس عہدے پر فائز تھیں۔

خبر رساں ادارے انادولو اور اے ایف پی کے مطابق چار اگست کو بنگلا دیش میں حکومت مخالف مظاہرین نے دارالحکومت ڈھاکہ کی طرف مارچ کرنے کا منصوبہ بنایا جس میں تقریباً 100 افراد ہلاک ہو گئے۔ جن میں کم از کم 14 پولیس افسران بھی شامل ہیں۔

بنگلادیش کی فوج نے غیر معینہ مدت کے لیے کرفیو نافذ کر دیا تھا اور حکام نے موبائل اور انٹرنیٹ سروس بھی بند کردی ہے۔

مظاہرین اب اپوزیشن رہنماوٴں اور وزیراعظم شیخ حسینہ سے مستعفی ہونے کا مطالبہ کررہے ہیں۔ وزیراعظم شیخ حسینہ کہتی ہیں کہ ’یہ طالب علموں کا مظاہرہ نہیں رہا اب یہ لوگ کرمنلز بن چکے ہیں‘۔

بنگلادیش میں حالیہ ہفتوں میں کم از کم 11,000 افراد کو گرفتار کیا گیا ہے۔ بدامنی کے باعث ملک بھر میں اسکول اور یونیورسٹیاں بھی بند ہیں۔

اسٹوڈنٹ موومنٹ کے ایک کوآرڈینیٹر آصف محمود نے الجزیرہ کو بتایا کہ 'مارچ ٹو ڈھاکہ' احتجاج منگل کے بجائے آج (پیر) کو ہوگا۔ ’حکومت نے ہمارے طلبا کو قتل کیا ہے۔ جواب دینے کا وقت آگیا ہے۔ ہر کوئی ڈھاکہ کی طرف مارچ کریں‘۔

’مارچ ٹو ڈھاکہ‘ کے پیش نظر آرمی ٹینک اور پولیس کی گاڑیاں سڑکوں پر کھڑی کردی گئی ہیں۔ سیکیورٹی فورسز گشت کررہی ہے۔ چند موٹر سائیکلوں اور ٹیسکیوں کے علاوہ ڈھاکہ میں سڑکیں ویران ہیں

دوسری طرف بنگلادیش آرمی نے ترفیو قوانین پر سختی سے عمل کرنے پر زور دیا ہے۔

کوٹہ سسٹم کے خلاف مظاہرے حکومت مخالف کیسے تبدیل ہوئے؟

۔پچھلے مہینے بنگلا دیش میں یونیورسٹی کے طلبا سرکاری نوکریوں میں 1971 میں پاکستان کے خلاف لڑنے والوں کے اہلخانہ کے لیے مختص کوٹہ کے خلاف احتجاج شروع ہوا تھا۔

ان مظاہروں میں پچھلے مہینے 100 سے زائد لوگ ہلاک اور سیکڑوں زخمی ہوگئے تھے۔

یہ مظاہرے اس وقت شروع ہوئے تھے جب جون میں ہائی کورٹ نے 2018 کے حکم نامے کو غیر قانونی قرار دیتے ہوئے کوٹہ سسٹم دوبارہ بحال کردیا تھا۔ جس کے بعد حکومت نے ہائی کورٹ کا فیصلہ سپریم کورٹ میں چیلنج کیا تھا۔

اس حوالے سے سپریم کورٹ کی سماعت 7 اگست کو ہونا تھی لیکن پرتشدد مظاہروں کے بعد عدالت نے قبل از وقت فیصلہ سناتے ہوئے ہائی کورٹ کا فیصلہ واپس لے لیا تھا۔

سپریم کورٹ نے 1971 کی جنگ میں لڑنے والوں کے اہل خانہ کے لیے 5 فیصد کوٹہ مختص کرنے کا حکم دیا جبکہ 93 فیصد نوکریاں میرٹ پر دی جائیں گی، اس کے علاوہ باقی دو فیصد کوٹہ اقلیتوں اور ٹرانس جینڈرز اور معذور افراد کے لیے مختص کیا جائے گا۔

لیکن پچھلے مہینے ہونے والے مظاہروں کے دوران ہونے والی ہلاکتیں اور مظاہرین کی گرفتاریوں کی وجہ سے یہ مظاہرے پر تشدد اختیار کرگئے اور طالب علموں نے ملک کی وزیراعظم شیخ حسینہ سے استعفے کا مطالبہ کیا۔

موبائل، انٹرنیٹ سروس بند، عام تعطیل کا اعلان

اس دوران حکومت نے پیر سے بدھ تک عام تعطیل کا اعلان کیا ہے۔ عدالتیں غیر معینہ مدت تک بند رہیں گی۔ بنگلادیش کی فوج نے غیر معینہ مدت کے لیے کرفیو نافذ کر دیا تھا اور حکام نے موبائل اور انٹرنیٹ سروس بھی بند کردی ہے۔

اس کےعلاوہ ملک بھر میں ریلوے اور گارمنٹس انڈسٹری بند ہو گئی ہے۔ جب کہ موبائل ڈیٹا پر فیس بک اور واٹس ایپ تک رسائی ختم کردی ہے

واضح رہے کہ 31 جولائی کو اسماعیل ہنیہ ایران کے دارالحکومت تہران میں قتل کردیے گئے تھے، ابتدائی رپورٹس میں بتایا گیا کہ انہیں ایک میزائل حملے سے ان کی رہائش گاہ پر نشانہ بنایا گیا۔ہنیہ ایران کے نومنتخب مسعود پیزشکیان کی تقریب حلف برداری میں شرکت کے لیے تہران میں موجود تھے۔

حماس نے اس حملے کا الزام اسرائیل کو ٹھہرایا ہے جبکہ اسرائیل نے اب تک اس حملے کی تصدیق کی ہے نہ تردید۔

دوسری جانب امریکا اس حملے سے لاعلمی کا اظہار کرتے ہوئے کہا کہ اس بارے میں کچھ نہیں جانتے اور نہ امریکا اس حملے میں ملوث ہے۔

ایران کی اسلامی انقلابی گارڈ کی جانب سے قتل کی تحقیقاتی رپورٹ واقعے سے 4 روز بعد جاری کی گئی ہے۔

اسلامی انقلابی گارڈ کور نے اپنے بیان میں کہا کہ اب تک کی گئی تحقیقات کے مطابق ہنیہ پر حملہ کم فاصلے سے مارنے والے پروجیکٹائل سے نشانہ بنایا گیا جس میں تقریباً 7 کلو گرام دھماکہ خیز مواد تھا۔

اس میں مزید کہا گیا کہ اسماعیل ہنیہ پر حملے کا بدلہ شدید ہوگا، مناسب وقت، جگہ اور طریقے سے بدلہ لیں گے۔ اسرائیل کو اس حملے میں امریکا کی مدد شامل تھی۔

سیکیورٹی تجزیہ کار ایچ اے ہیلیر کے مطابق ایران اسماعیل ہنیہ کے قتل کے طریقہ کار کو بیان کرنے کے لیے جو بیانیہ اپنائے گا وہ اسرائیل کے خلاف اس کی شدت میں اضافہ کرے گا۔

یہ ابھی تک واضح نہیں ہے کہ ہنیہ کو کیسے قتل کیا گیا تھا اور اس سلسلے میں کوئی بھی پیشرفت تنازع میں اضافہ کرے گی

شہباز شریف نے یہ اعلان پچھلے روز ایک اجلاس میں کہا جہاں اسماعیل ہنیہ کی ہلاکت پر گہرے دکھ کا اظہار کیا گیا۔

شہباز شریف نے کہا کہ اسماعیل ہنیہ کے قتل پر پاکستان، ترکیہ، روس، ایران، چین، ملائیشیا سمیت دنیا کے کئی ممالک نے سخت ترین الفاظ میں مذمت کی انہوں نے مزید کہا کہ اسماعیل ہنیہ کے بچوں اور پوتوں کو بھی بے رحمی سے شہید کیا گیا تھا۔

شہباز شریف نے کہا کہ فلسطین میں گزشتہ 9 مہینے سے خونریزی جاری ہے جس میں روزانہ کئی بے گناہ فلسطینیوں کی جانیں جا رہی ہیں۔ اب تک ہزاروں بچوں سمیت 40 ہزار سے زائد فلسطینی شہید ہو چکے ہیں۔

انہوں نے کہا کہ دنیا اس بربریت پر خاموش ہے۔ اس طرح کی دہشت گردی اور انتہا پسندی قابل مذمت ہے۔

وزیراعظم نے کہا کہ نیتن یاہو فلسطین کو تباہ کرنے کے راستے پر ہیں۔ عالمی عدالت انصاف (آئی سی جے) کے واضح فیصلوں اور اقوام متحدہ کی قراردادوں کے باوجود اسرائیل اپنی وحشیانہ کارروائیوں سے باز نہیں آرہا۔

انہوں نے فلسطینیوں سے اظہار یکجہتی کرتے ہوئے دو اگست کو پاکستان میں یوم سوگ کا اعلان کیا اور ملک بھر میں نماز جمعہ کے بعد اسماعیل ہنیہ کی غائبانہ نماز جنازہ ادا کرنے فلسطینیوں سے اظہار یکجہتی کے لیے پارلیمنٹ کے خصوصی اجلاس میں قرار داد پیش کرنے کا بھی فیصلہ کیا۔

اسماعیل ہنیہ کی موت کیسے ہوئی؟

31 جولائی کو ایران کے شہر تہران میں حماس کے پولیٹیکل بیورو کے سربراہ اسماعیل ہنیہ کو ایک فضائی حملے میں قتل کر دیا گیا تھا تاہم اسرائیل نے ان کی موت کی نہ تصدیق کی اور نہ تردید کی ہے۔

حماس نے اس حملے کا الزام اسرائیل کو ٹھہرایا ہے۔

اسماعیل ہنیہ کی موت کی تحقیقات سے متعلق ایران کی جانب سے کوئی رپورٹ جاری نہیں ہوئی تاہم ابتدائی رپورٹس میں بتایا گیا ہے کہ ہنیہ کی موت میزائل حملے کی وجہ سے ہوئی جو ان کی رہائش گاہ پر گرا تھا۔

البتہ امریکی اخبار ’نیویارک ٹائمز‘ نے دعویٰ کیا ہے کہ اسماعیل ہنیہ ایران کی پاسدارانِ انقلاب کے گیسٹ ہاؤس کے اندر ہونے والے دھماکے سے ہلاک ہوئے ہیں اور ان کے کمرے میں دھماکہ خیز مواد لگ بھگ دو ماہ قبل نصب کیا گیا تھا۔⁣

رپورٹ میں دو ایرانی عہدے داروں سمیت مشرقِ وسطیٰ کے 7 حکام نے شناخت ظاہر نہ کرنے کی شرط پر نیویارک ٹائمز کوبتاتے ہوئے انکشاف کیا کہ اسماعیل ہنیہ تہران کے جس گیسٹ ہاؤس میں قیام پذیر تھے وہ جس کمپاؤنڈ میں واقع ہے اس کا کنٹرول ایران کی سپاہِ پاسداران انقلاب کے پاس تھا۔ یہ کمپاؤنڈ کئی سرکاری عمارات کے ایک سلسلے کا حصہ ہے جسے ’نشاط‘ کہا جاتا ہے۔⁣

خبر رساں ادارے انادولو کی رپورٹ کے مطابق اسماعیل ہنیہ کی نمازہ جنازہ ایران کے سپریم لیڈر آیت اللہ خامنہ ای نے پڑھائی تھی۔

نمازجنازہ میں لوگوں نے اسماعیل ہنیہ کی تصویر اور فلسطین کے جھنڈے اٹھائے ہوئے تھے۔ اسماعیل ہنیہ کو قطر کے دارالحکومت دوحہ میں دو اگست کو سپرد خاک کیا جائے گا۔

نمازجنازہ کا آغاز ایرانی پارلیمنٹ کے اسپیکر محمد باقر غالب کے خطاب سے ہوا۔ انہوں نے کہا کہ شہید اسماعیل ہنیہ پوری دنیا کے فلسطینی عوام کی آواز تھے۔ وہ صرف ایک لیڈر ہی نہیں بلکہ ایک عقلمند شخص تھے۔

انہوں نے مزید کہا کہ ایران ہنیہ کے قتل کا جواب لازمی دے گا۔’ہمارا جواب صحیح وقت اور صحیح جگہ پر ہوگا۔ہہمارے لیے یہ قبول کرنا مشکل ہے کہ ہمارے مہمان کو ہماری ہی سرزمین پر نشانہ بنا کر قتل کیا جائے۔

واضح رہے کہ 31 اگست کو فلسطینی مزاحمتی گروپ حماس کے پولیوٹیکل بیورو کے سربراہ اسماعیل ہنیہ ایران میں قتل کردیے گئے تھے۔ وہ نئے ایرانی صدر مسعود پزشکیان کی تقریب حلف برداری میں شرکت کے لیے ایران کے شہر تہران میں موجود تھے۔

ان کی موت کی تحقیقات پر ایران کی جانب سے اب تک کوئی رپورٹ جاری نہیں ہوئی لیکن رائٹرز اور ایف کے مطابق ابتدائی رپورٹس میں بتایا گیا وہ 31 جولائی کو مقامی وقت کے مطابق رات دو بجے ایک فضائی حملے میں ہلاک ہوئے۔ حماس نے اس حملے کا ذمہ دار اسرائیل کو ٹھہرایا ہے لیکن اسرائیل نے واقعے کو ایک روز گزر جانے کے باوجود اب تک نہ اس تردید کی ہے اور نہ تصدیق کی ہے۔

ایران نے حماس رہنما کے قتل کو بدلہ لینے کا وعدہ کیا ہے، انہوں نے کہا تھا کہ ’ایران کا فرض ہے کہ وہ ہنیہ کے خون کا بدلہ لیں کیونکہ وہ ایران کی سرزمین میں شہید ہوئے‘۔

مسعود پیزشکیان نے کہا کہ ’اسرائیل جلد ہی اپنی بزدلانہ اور دہشت گردانہ کارروائی کے نتائج دیکھا گا‘۔ تاہم اسرائیل نے تہران حملے پر تبصرہ کرنے سے انکار کر دیا ہے۔

یہ قتل لبنان کے دارالحکومت بیروت میں اسرائیل کے حملے کے بعد ہوا جہاں حزب اللہ کے سینئر کمانڈر فواد شکر کو نشانہ بنانہ بنایا گیا تھا جس کے بعد خطے میں بڑی جنگ کے خدشات پھیل گئے تھے۔

اقوام متحدہ کے سکریٹری جنرل انتونیو گوٹیرس نے کہا کہ تہران اور بیروت میں ہونے والے حملے جنگ میں ’خطرناک اضافہ‘ کرسکتے ہیں۔

غزہ کی وزارت صحت کا کہنا ہے کہ غزہ پر اسرائیل کی جنگ میں کم از کم 39,445 افراد ہلاک اور 91,073 زخمی ہوئے ہیں۔

خبر رساں ادارے رائٹرز کے مطابق اسرائیلی فوج نے کہا کہ ’ہم تصدیق کر سکتے ہیں کہ محمد الضیف کو ہلاک کردیا گیا ہے‘۔

دوسری جانب فلسطینی مزاحمتی گروپ حماس نے اپنے عسکری چیف کی ہلاکت سے متعلق فوری طور پر کوئی ردعمل نہیں دیا۔

تاہم حماس کے ممبر عزت الرشق نے کہا کہ ’محمد الضیف کے قتل کی خبر غیر مصدقہ ہے۔‘

انہوں نے ٹیلی گرام پر حماس کے عسکری ونگ کا حوالہ دیتے ہوئے کہا کہ ’القسام بریگیڈ کے کسی رہنما کی شہادت کی تصدیق یا تردید کرنا ’القسام بریگیڈ کی قیادت کا معاملہ ہے۔‘

اسرائیل کا کہنا ہے کہ الضیف سات اکتوبر کو اسرائیل میں ہونے والے ان حملوں میں سے ایک تھے جس میں 1200 افراد ہلاک اور 251 کو یرغمال بنایا گیا تھا۔

اسرائیلی وزیر دفاع یوو گیلنٹ نے محمد الضیف کو ’غزہ کا اسامہ بن لادن‘ قرار دیا اور ان کی موت کو ’غزہ میں حماس کو ختم کرنے کی سرگرمیوں میں ایک اہم سنگ میل‘ قرار دیا۔

انتہائی دائیں بازو کے وزیر نے ایکس پر لکھا کہ ’جیت حاصل کرنے سے پہلے ہمیں قطعی نہیں رکیں گے۔

انہوں نے کہا کہ ’حماس کے دہشت گرد یا تو سرندڑ کریں یا ہم انہیں ختم کردیں گے، جب تک ہم اپنا مشن حاصل نہیں کرلیتے ہم آرام سے نہیں بیٹھیں گے‘۔

اسرائیلی فوج کی جانب سے محمد الضیف کی ہلاکت کی تصدیق کا اعلان ایسے وقت میں کیا گیا ہے جب پچھلے روز حماس کے پولیٹیکل بیورو کے سربراہ اسماعیل ہنیہ کو ایران میں قتل کر دیا گیا تھا تاہم اسرائیل نے ان کی موت کی نہ تصدیق کی اور نہ تردید کی ہے۔

اکتوبر میں اسرائیل پر ہونے والے حملوں کے بعد اسرائیلی فوج نے غزہ میں بڑے پیمانے پر فوجی آپریشن کیا جس میں اب تک کم از کم 39 ہزار 480 افراد ہلاک ہو چکے ہیں۔

القسام بریگیڈ کے قائد محمد الضیف کو جولائی میں غزہ کے شہر خانس یونس میں ایک حملے میں نشانہ بنایا گیا تھا جس میں 90 افراد ہلاک اور 300 زخمی ہوئے تھے جسے اسرائیل نے ’محفوظ زون‘ بھی قرار دیا تھا۔

اس حملے کے بعد اسرائیلی فوج نے ایک بیان میں دعویٰ کیا کہ اس نے ’انٹیلی جنس‘ کی بنیاد پر اس علاقے کو نشانہ ہے جہاں حماس کے ’دو سینئر دہشت گرد‘ اور دیگر جنگجووٴں شہریوں کے درمیان چھپے ہوئے تھے۔

بعد ازاں ایک نیوز کانفرنس میں اسرائیلی وزیر اعظم بنجمن نیتن یاہو نے کہا کہ حماس کے جن دو رہنماوٴں کو نشانہ بنایا گیا وہ محمد الضیف اور حماس کے سینئر کمانڈر رافع سلامہ تھے۔ انہوں نے کہا کہ فوری طور پر یہ واضح نہیں ہو سکا کہ دونوں میں کس کی ہلاکت ہوئی ہے۔

خبر رساں اداروں میں بتایا جارہا ہے کہ وہ 31 جولائی کو مقامی وقت کے مطابق رات دو بجے ایک فضائی حملے میں ہلاک ہوئے۔ حماس نے اس حملے کا ذمہ دار اسرائیل کو ٹھہرایا ہے لیکن اسرائیل نے واقعے کو ایک روز گزر جانے کے باوجود اب تک نہ اس تردید کی ہے اور نہ تصدیق کی ہے۔

ایک فلسطینی مزاحمتی گروپ حماس کے لیڈر ایران میں کیا کررہے تھے؟

اصل میں حماس axis of resistance نامی گروپ حصہ ہے، اس میں کئی گروپس ہیں جو اسرائیل اور امریکا کے خلاف لڑائی کررہے ہیں اور ایران خطے میں اپنا اثر بڑھانے کے لیے انہیں سپورٹ کرتا ہے۔

اس گروپ میں عراق اور شام میں ملیشیا، لبنان میں حزب اللہ، غزہ میں حماس اور یمن میں حوثی گروپ شامل ہیں۔

کیا اسماعیل ہنیہ کے قتل سے حماس کمزور ہوجائے گی؟

ویسے تو دیکھا جائے ماضی میں حماس کے کئی اہم لیڈرز قتل کیے جاچکے ہیں۔ جنوری 1996 میں اسرائیل نے غزہ میں حماس کے فوجی رہنما یحییٰ عیاش کو نشانہ بنایا۔

مارچ 2004 میں حماس کے بانی شیخ احمد یاسین غزہ میں اسرائیلی حملے میں ہلاک ہوئے جب کہ ایک ماہ بعد اپریل 2004 میں شیخ یاسین کے جانشین عبدالعزیزالرنتیسی بھی غزہ میں اسرائیلی میزائل حملے میں مارے گئے۔ اس کے باوجود حماس گروپ اپنے مطابق کام کرتا رہا۔

حال ہی میں جنوری 2024 میں حماس کے سینئر اہلکار صالح العروری بیروت میں اسرائیلی ڈرون حملے نشانہ بنایا گیا۔

اسرائیل حماس کو ختم کرنے کے لیے غزہ میں جنگ کررہا ہے۔ اسی دوران وہ غزہ کے علاوہ شام، لبنان اور ایران کی سرحدوں کی خلاف ورزی کرکے مڈل ایسٹ میں بے امنی بھی پھیلا رہا ہے۔ کئی اخبارات نے اپنے تجزیے میں لکھا کہ ہنیہ کی ہلاکت سے غزہ سیز فائز اور امن کی کوششوں کے مذاکرات پر بہت پڑا ہے۔

یہ بھی کہا جارہا ہے کہ اسماعیل ہنیہ کی ہلاکت کے واقعے نے غزہ میں فی الحال جنگ بندی کا امکان ختم کر دیا ہے۔

گزشتہ چند مہینوں کے دوران حماس اور اسرائیل کے درمیان جنگ بندی کی بات چیت ہوئی تھی جس کا مقصد غزہ میں عام شہریوں کے قتل عام کو روکنا اور ہزاروں فلسطینی قیدیوں کے بدلے اسرائیلی قیدیوں کو رہا کرنا ہے۔

لیکن بعض ناقدین اور ماہرین کے مطابق جنگ بندی مذاکرات کمزور کرنے کے پیچھے اسرائیل کے وزیر اعظم بنجمن نیتن یاہو کے فیصلے ہیں۔ ماہرین کا کہنا ہے کہ نیتن یاہو اس خوف سے جنگ ختم نہیں کرنا چاہتے کہ اِس سے ان کی انتہائی دائیں بازو کی حکومت گر سکتی ہے اور ملک میں قبل از وقت انتخابات ہو سکتے ہیں۔

لیکن بین الاقوامی کرائسس گروپ کے ایکسپرٹ مایراو زونزین کا خیال ہے کہ نیتن یاہو ہنیہ کے قتل کو اسرائیل کے لیے ’فتح‘ قرار دینے کی کوشش کر سکتے ہیں، جس سے غزہ جنگ بندی کو سیاسی طور پر پیش کیا جاسکتا ہے۔ کچھ اسرائیلی سیاستدان ہنیہ کے قتل کا جواز بنا کر کہہ سکتے ہیں کہ اس سے وہ غزہ جنگ بندی کے قریب آچکے ہیں۔

کیا امریکا جنگ ختم کرنے میں اپنا کردار ادا کرنے میں کامیاب رہا؟

اس تمام صورتحال میں امریکا کا بھی اہم کردار ہے۔ امریکہ اب بھی اسرائیل پر جنگ ختم کرنے کے لیے دباؤ ڈال سکتا ہے، لیکن کیونکہ وہاں نئے صدر کے لیے الیکشن کا موسم ہے تو ابھی ایسا ممکن نہیں ہے۔

چاہے اسرائیل اور حماس کے درمیان سیز فائر کا معاملہ ہو، دمشق میں ایرانی سفارت خانے پر اسرائیل کا حملہ یا اسرائیل کے قبضے والے علاقے گولائن ہائٹس کے فٹبال اسٹیڈیم میں میزائیل حملہ جس کا ذمہ دار حزب اللہ کو ٹھہرایا جارہا ہے۔ اس سب میں امریکا ہر بار اسرائیل کو سپورٹ کرتا آیا ہے۔

اس کے باوجود امریکا ہر بار یہی کہتا آیا ہے کہ وہ خطے میں کشیدگی نہیں چاہتا لیکن دوسری جانب اس نے غزہ جنگ میں اسرائیل کو ہتھیار دیے اور مشرقِ وسطیٰ میں اپنی فوج بھیجی۔

مشرقِ وسطیٰ کشیدگی کا حل کیا ہوسکتا ہے ؟

ماہرین کا خیال ہے کہ غزہ میں مکمل جنگ بندی اور اسرائیل کا وہاں سے مکمل انخلا ہی مشرقِ وسطیٰ میں جاری کشیدگی کو کم کرسکتا ہے کیونکہ شام، لبنان، عراق اور ایران میں بڑھتی کشیدگی غزہ سے جڑی ہوئی ہے۔

جماعت اسلامی کا دھرنا آج پانچویں روز بھی جاری ہے۔ امیر جماعت حافظ نعیم الرحمان کا کہنا تھا کہ اسماعیل ہنیہ کے شہادت کی بھرپور مذمت کرتی ہے، سابق وزیراعظم فلسطین اتھارٹی اسماعیل ہنیہ کو شہید کر دیا گیا ہے، ہمیں تاریخ کا سبق یاد ہے حماس کی یہ تحریک کبھی رکے گی نہیں، ہمیشہ شہید ایک نئے انقلاب کا عنوان بن جاتا ہے۔

راولپنڈی میں اسماعیل ہنیہ کی غائبانہ نمازجنازہ میں شہر بھر سے ہزاروں افراد نے شرکت کی۔ حافظ نعیم نے نماز جنازہ پڑھائی جس میں فلسطینی سفارت خانہ کے وفد اور جماعت اسلامی کے مرکزی و صوبائی قائدین نے شرکت کی۔

رپورٹ: رمنا سعید

ایڈیٹنگ: سید حمزہ علی

واضح رہے کہ امریکی سفارت کار سنگاپور کے دو روزہ دورے پر موجود ہیں۔ امریکا کا یہ بیان ایرانی دارالحکومت تہران میں اسماعیل ہنیہ کے قتل کے چند گھنٹے بعد سامنے آیا ہے۔ وہ سنگاپور کے براڈکاسٹر سی این اے کے سوال کا جواب دے رہے تھے کہ آیا اسماعیل ہنیہ کے قتل سے غزہ پر اسرائیل کی جنگ پر اثر پڑے گا۔

جس کے جواب میں انتونی بلنکن نے اسماعیل ہنیہ پر حملے اور قتل میں امریکہ کے ملوث ہونے کی تردید کرتے ہوئے جنگ بندی کی ضرورت پر زور دیا، انہوں نے کہا کہ اسماعیل ہنیہ کی موت میں امریکہ ملوث نہیں اور نہ ہی اس منصوبے کا ہمیں معلوم تھا۔ اس وقت جنگ بندی کے لیے دباوٴ جاری رکھنا اہم ہے

انتونی بلنکن نے مزید کہا کہ فلسطینیوں کا ہر ایک دن شدید اور خوفناک تکلیف میں گزر رہا ہے اور غزہ میں بچے، عورتیں، مرد حماس کی جانب سے کی جانے والی کراس فائر میں پھنس گئے ہیں۔

یاد رہے کہ آج صبح فلسطین کے سابق وزیر اعظم اور مزاحمتی گروپ حماس کے سیاسی بیورو کے سربراہ اسماعیل ہنیہ کو آج ایران کے دارلحکومت تہران میں ان کی رہائش گاہ پر ایک اسرائیلی حملے میں قتل کردیا گیا۔

حماس نے اسماعیل ہنیہ کی موت کی تصدیق کی ہے کہ جبکہ ایرانی میڈیا نے اسماعیل ہنیہ کے قتل سے متعلق تفصیلات شئیر نہیں کیں البتہ کہا ہے کہ وہ اس کی تحقیقات کررہے ہیں۔

اسرائیلی وزرا کی جانب سے بھی اس حوالے سے کوئی ردعمل نہیں آیا تاہم اسرائیلی میڈیا نے رپورٹ کیا کہ وزیر اعظم بنجمن نیتن یاہو کے دفتر نے کابینہ کے وزراء کو کسی بھی قسم کا تبصرہ نہ کرنے کی ہدایت کی ہے۔

اسرائیلی میڈیا کا کہنا ہےکہ اسرائیلی وقت کے مطابق رات تقریباً 2 بجے تہران کے قلب میں ایک میزائل فائرکیا گیا جہاں اسماعیل ہنیہ اپنے محافظ سمیت موجود تھے۔

خبر رساں ادارے کی رپورٹ کے مطابق منگل کی شام سے لے کر بدھ کی صبح تک مشرق وسطیٰ میں اسرائیل نے دو بڑے حملے کیے۔ آج صبح حماس نے ٹیلی گرام پر اعلاب کیا کہ اس کے سیاسی بیورو کے سربراہ اسماعیل ہنیہ کو ایران کے شہر تہران میں قتل کردیا گیا ہے، اس کا قتل کا ذمہ دار انہوں نے اسرائیل کو ٹھہرایا ہے۔

انہوں نے بتایا کہ اسماعیل ہنیہ کو تہران میں ان کی رہائش گاہ پر نشانہ بنایا گیا۔ تاہم اسرائیل کی جانب سے اس واقعے پر فوری طور پر کوئی بیان سامنے نہیں آیا۔

اس کےعلاوہ اسرائیلی فوج نے منگل کو یہ بھی دعویٰ کیا کہ اس نے ایک ڈرون حملے میں حزب اللہ کے اہم کمانڈر فواد شکر کو ہلاک کر دیا ہے۔ تاہم ابھی تک حزب اللہ کی جانب سے اس حملے پر کوئی تبصرہ نہیں کیا گیا ہے۔

حزب اللہ کے کمانڈر کی ہلاکت کی خبریں ایسے وقت میں سامنے آئیں جب یہ رپورٹس گردش کررہی تھیں کہ اسرائیل اور حزب اللہ کے درمیان ایک اور جنگ ہوسکتی ہے کیونکہ اس سے قبل اسرائیل کے زیر قبضہ علاقے گولائن ہائٹس ک فٹبال گراوٴند پر میزائل گرا تھا جس میں بچوں سمیت 12 لوگ ہلاک ہوئے تھے۔ اسرائیل اور حزب اللہ کے درمیان جاری لڑائی میں یہ سب سے جان لیوا واقعہ تھا۔ اور اس واقعے کا ذمہ دار اسرائیل نے حزب اللہ کو ٹھہرایا تھا جبکہ وہ اس کی تردید کرتا ہے۔

پاکستان کے دفتر خارجہ کی ترجمان ممتاز زہرا بلوچ نے بیان میں کہا کہ پاکستان آج تہران میں حماس کے سیاسی بیورو کے سربراہ اسماعیل ھنیہ کے قتل کی مذمت کرتا ہے، ہم ان کے اہل خانہ اور فلسطینی عوام کے ساتھ تعزیت کا اظہار کرتے ہیں۔

بیان میں مزید کہا گیا کہ ’پاکستان دہشت گردی کی تمام شکلوں کی مذمت کرتا ہے۔ اسماعیل ہنیہ کا قتل ماورائے عدالت قتل ہے۔ پاکستان خطے میں بڑھتی ہوئی اسرائیلی مہم جوئی پر گہری تشویش کا اظہار کرتا ہے۔‘

ممتاز زہرا بلوچ نے کہا کہ ’اس کی تازہ ترین کارروائیاں پہلے سے ہی عدم استحکام کا شکار خطے میں ایک خطرناک اضافہ ہے۔ اس سے امن کی کوششوں کو نقصان پہنچا ہے۔‘

اسماعیل ہنیہ کی موت کے بعد کئی ایران، ترکیہ اور روس سمیت دیگر ممالک کے مذمت کرتے ہوئے اسے مشرقی وسطیٰ کے لیے ’خطرناک پیش رفت‘ قرار دیا۔

ایران

ایرانی سپریم لیڈر آیت اللہ خامنہ ای نے اسماعیل ہنیہ کی ہلاکت پر کہا کہ ہنیہ کے قتل کا بدلہ لینا تہران کا فرض ہے۔ انہوں نے اپنے بیان میں کہا کہ اسرائیل نے اپنے لیے سخت سزا کی بنیاد فراہم کی ہے اور ایران اپنے ملک کے اندر ہونے والے اسماعیل ہنیہ کے قتل کا بدلہ لینا اپنا فرض سمجھتا ہے۔

ایرانی سپریم لیڈر نے کہا کہ ’مجرم اور دہشت گرد صیہونی حکومت نے ہمارے گھر میں ہمارے مہمان کو شہید کیا اور ہمیں سوگوار کیا۔ اسماعیل ہنیہ نے ایک قابل عزت راہ میں سالوں تک جان داؤ پر لگا کر جدوجہد کی اور شہادت کے لیے ہمیشہ تیار رہے جب کہ انہوں نے اپنے لوگ اور بچے بھی اس راہ پر قربان کیے۔‘

فلسطینی صدر محمود عباس عباس

سرکاری خبر رساں ایجنسی وفا کے ایک بیان کے مطابق فلسطینی صدر محمود عباس عباس نے اس قتل کی شدید مذمت کرتے ہوئے اسے ’بزدلانہ کارروائی اور غزہ جنگ میں خطرناک پیش رفت‘ قرار دیا۔ صدر نے فلسطینیوں پر بھی زور دیا کہ وہ متحد رہیں اور ’اسرائیلی قبضے کے سامنے ہار نہ مانیں‘۔

روس

روس کے نائب وزیر خارجہ میخائل بوگدانوف نے کہا کہ ’اسماعیل ہنیہ کا قتل ناقابل قبول ہے اور یہ کشیدگی میں مزید اضافے کا باعث بنے گا۔

حوثی سپریم انقلابی کمیٹی

یمن میں حوثیوں کے سپریم انقلابی کمیٹی کے سربراہ محمد علی الحوثی نے کہا کہ ’اسماعیل ہنیہ کو نشانہ بنانا ایک گھناؤنا دہشت گردانہ جرم اور قوانین کھلی خلاف ورزی ہے۔‘

ترکیہ

ترکیہ کی وزارت خارجہ نے ایک بیان میں کہا ہے کہ اسماعیل ہنیہ کا قتل یہ ظاہر کرتا ہے کہ اسرائیلی حکومت امن کے حصول کا کوئی ارادہ نہیں رکھتی ہے۔ اگر بین الاقوامی برادری نے اسرائیل کو روکنے کے لیے کارروائی نہیں کی تو خطے کو بہت بڑے تنازعات کا سامنا کرنا پڑے گا۔‘

چین

چین کی وزارت خارجہ کے ترجمان لن جیان نے کہا کہ انہیں اسماعیل ہنیہ کے قتل پر انتہائی تشویش ہے اور اس واقعے کی شدید مذمت کرتے ہیں۔ انہوں نے کہا کہ ’غزہ میں مستقل جنگ بندی جلد از جلد ہونی چاہیے‘۔

ملائیشیا

ملائیشیا کی وزارت خارجہ نے بیان میں کہا کہ ’ملائیشیا اس قتل کی فوری اور مکمل تحقیقات اور ذمہ داروں کو انصاف کے کٹہرے میں لانے کا مطالبہ کرتا ہے‘۔ ملائیشیا نے تمام فریقین سے تحمل کا مظاہرہ کرنے کا مشورہ دیا اور کہا کہ ’خطے میں جلد از جلد پرامن حل تلاش کیا جائے‘۔

آسٹریلیا

آسٹریلیا کے وزیر دفاع رچرڈ مارلس نے کہا کہ ’اسماعیل ہنیہ 7 اکتوبر کو ہونے والی کارروائیوں میں مرکزی شخص تھا، ہم مسلسل مشرقی وسطیٰ میں فوری جنگ بندی کا مطالبہ کررہے ہیں، مزید کشیدگی نہیں چاہتے۔ اگر مزید حالات خراب ہوئے تو نتائج بہت خطرناک ہوں گے‘۔

حماس نے اسماعیل ہنیہ کی موت کی تصدیق کی ہے کہ جبکہ ایرانی میڈیا نے اسماعیل ہنیہ کے قتل سے متعلق تفصیلات شئیر نہیں کیں البتہ کہا ہے کہ وہ اس کی تحقیقات کررہے ہیں۔

اسرائیلی وزرا کی جانب سے بھی اس حوالے سے کوئی ردعمل نہیں آیا تاہم اسرائیلی میڈیا نے رپورٹ کیا کہ وزیر اعظم بنجمن نیتن یاہو کے دفتر نے کابینہ کے وزراء کو کسی بھی قسم کا تبصرہ نہ کرنے کی ہدایت کی ہے۔

اسماعیل ہنیہ غزہ شہر کے ایک پناہ گزین کیمپ میں پیدا ہوئے اور 1987 میں حماس گروپ کا حصہ بنے، 1988 میں انہیں اسرائیل نے 6 ماہ قید میں رکھا۔ 1989 میں دوبارہ گرفتاری کے بعد 1992 میں اسماعیل ہانیہ کو لبنان ڈی پورٹ کیا گیا جس کے اگلے سال اوسلو معاہدے کے بعد اسماعیل ہانیہ واپس غزہ آگئے۔

1997 میں وہ حماس کے روحانی رہنما شیخ احمد یاسین کے پرسنل سیکرٹری بن گئے۔ اسماعیل ہانیہ حماس کے پولیٹیکل سربراہ اور پولیٹیکل بیورو کے چیئرمین تھے۔ 2006 میں فلسطین کے الیکشن میں حماس کی اکثریت کے بعد اسماعیل ہانیہ فلسطینی اتھارٹی کے دسویں وزیراعظم بنے، لیکن یہ حکومت زیادہ دیر نہ چل سکی البتہ غزہ میں حماس کی حکمرانی برقرار رہی اور اسماعیل ہانیہ ہی اس کے سربراہ ہیں۔

2017 میں انہیں خالد مشعال کی جگہ حماس کا سیاسی سربراہ مقرر کیا گیا جس کے بعد کئی بار قتل کی کوششوں اور ملک بدر کیے جانے بعد انہوں نے غزہ شہر چھوڑ دیا تھا اور 2023 سے قطر میں قیام پذیر تھے۔ ان کے والدین کو 1948 کی عرب اسرائیل جنگ کے دوران اسرائیل کے قصبے اشکلون کے قریب اپنا گھر چھوڑنا پڑا تھا۔

رواں سال 25 جون کو رفح میں اسرائیلی فضائی حملے میں اسماعیل ہنیہ کی بہن اور دیگر رشتے دار ہلاک ہوگئے تھے۔ غزہ میں جاری جنگ کے نتیجے میں حماس سربراہ کے 3 بیٹوں اور پوتے پوتیوں سمیت کئی رشتہ دار ہلاک ہوچکے ہیں۔

غزہ جنگ بندی مذاکرات

7 اکتوبر کو اسرائیل پر حماس کے اچانک حملے میں کم از کم 1200 افراد ہلاک اور 200 کے قریب لوگوں کو یرغمال بنا لیا تھا۔ جس کے بعد اسرائیل غزہ پر مسلسل بمباری کررہا ہے، ان کا دعویٰ ہے کہ وہ حماس اور اس کے رہنماوٴں کو ختم کرنا چاہتے ہیں۔ اسرائیل کی غزہ میں جنگ کے بعد سے اب تک وہاں 39 ہزار 400 فلسطینی ہلاک اور 90 ہزار 996 زخمی ہوچکے ہیں۔

اس کے بعد سے اسماعیل ہنیہ امریکا اور دیگر ممالک کی ثالثی میں اسرائیل کے ساتھ غزہ جنگ بندی پر مذاکرات کرنے والے اہم شخصیت تھے۔

غزہ جنگ بندی معاہدے پر رضامندی بھی ظاہر کی تھی۔ انہوں نے مئی میں کہا تھا کہ حماس ثالثوں کے ساتھ معاہدہ کرنے کے لیے ’اب بھی راضی‘ ہے۔ تاہم انہوں نے یہ شرط رکھی تھی کہ کسی بھی معاہدے کی صورت میں اسرائیل کو غزہ میں جنگ مکمل طور پر ختم کرنی ہوگی۔

جس کے جواب میں اسرائیل نے کہا کہ حماس کے مطالبات ’ناقابل قبول‘ ہیں۔ اسرائیلی وزیراعظم نیتن یاہو نے عزم کا اظہار کرتے ہوئے کہا کہ حماس کے خاتمے تک جنگ جاری رہے گی اور پھر یہ مذاکرات تعطل کا شکار ہوگئے تھے۔

حال ہی میں جولائی کے شروع میں اسماعیل ہنیہ قطر اور مصر کے ثالثوں کے ساتھ رابطے میں تھے تاکہ جنگ کے خاتمے کے بارے میں خیالات پر تبادلہ خیال کیا جا سکے، جس سے کچھ امید پیدا ہوئی کہ دونوں فریق ایک فریم ورک معاہدے کے دہانے پر پہنچ سکتے ہیں۔

سی این این کے سیاسی اور خارجہ پالیسی کے تجزیہ کار بارک راوید نے کہا کہ اسماعیل ہنیہ کی موت کا ان مذاکرات پر گہرا اثر پڑے گا۔

پچھلے سال سات اکتوبر سے غزہ پر ہونے والی جنگ کے دوران اسماعیل ہنیہ نے دیگر عالمی رہنماؤں اور حکام سے ملاقاتیں جاری رکھیں۔ اس جنگ کے دوران ان کے تین بیٹوں سمیت کئی رشتہ دار بھی ہلاک ہوچکے تھے۔ تاہم انہوں نے اصرار کیا کہ ان کے رشتہ داروں کو نشانہ بناکر جاری جنگ بندی مذاکرات پر کوئی اثر نہیں پڑے گا۔

انہوں نے کہا تھا کہ ’جو بھی یہ سمجھتا ہے کہ مذاکرات کے دوران میرے بچوں کو نشانہ بنا کر حماس اپنے مطالبات سے پیچھے ہٹنے پر مجبور کر دے گا تو ایسا نہیں ہوگا۔‘

حماس نے کہا کہ اسماعیل ہنیہ منگل کو ایران کے صدر مسعود پیزشکیان کی تقریب حلف برداری میں شرکت کے لیے تہران میں تھے۔ ’انہیں تہران میں اپنی رہائش گاہ میں اسرائیلی حملے میں شہید کیا گیا، ان کی موت فلسطینی عوام، اسلامی قوم کے لیے ایک بڑا نقصان ہے۔‘

ایران کے اسلامی انقلابی گارڈ کور نے بھی اسماعیل ہنیہ کی موت کی تصدیق کی ہے۔ بیان میں کہا کہ ’آج صبح تہران میں اسماعیل ہنیہ کی رہائش گاہ پر حملہ ہوا، جس کے نتیجے میں وہ اور ان کا ایک محافظ شہید ہو گئے۔‘

بیان میں اس بارے میں کوئی تفصیلات نہیں بتائیں کہ اسماعیل ہنیہ کو کیسے مارا گیا تاہم ایران کے اسلامی انقلابی گارڈ کور نے کہا کہ وہ حملے کی تحقیقات کررہے ہیں۔

اسرائیل نے اسماعیل ہنیہ کی موت پر خاموشی اختیار کی، اسرائیلی میڈیا نے رپورٹ کیا کہ وزیر اعظم بنجمن نیتن یاہو کے دفتر نے کابینہ کے وزراء کو کسی بھی قسم کا تبصرہ نہ کرنے کی ہدایت کی ہے۔ تاہم اسرائیلی فوج کا کہنا ہے کہ وہ غیر ملکی میڈیا کی خبروں پر کوئی تبصرہ نہیں کرنا چاہتی

اسماعیل ہنیہ نے 2019 میں غزہ چھوڑ کر قطر میں رہائش پذیر اختیار کرلی تھی۔ جبکہ غزہ میں حماس کے رہنما یحییٰ سنوار ہیں۔

مشرقی وسطیٰ کی صورتحال پر نظر رکھنے والے ماہرین کا خیال ہے کہ ’خدشہ ہے کہ اسماعیل ہنیہ کے قتل کے بعد تنازعے میں مزید اضافہ ہوسکتا ہے۔ اسرائیل کی جانب سے منگل کے روز بیروت میں حزب اللہ کے ایک سینئر کمانڈر کو نشانہ بنانے کے بعد کشیدگی پہلے سے ہی بڑھ چکی ہے‘۔

یاد رہے کہ سات اکتوبر کو حماس نے اسرائیل کے رہائشی علاقوں پر حملہ کیا تھا جس میں 1200 افراد ہلاک اور دو سو لوگوں کو یرغمال بنا لیا گیا تھا جس کے بعد اسرائیل غزہ پر مسلسل بمباری کررہا ہے، ان کا دعویٰ ہے کہ وہ حماس اور اس کے رہنماوٴں کو ختم کرنا چاہتے ہیں۔ اسرائیل کی غزہ میں جنگ کے بعد سے اب تک وہاں 39 ہزار 400 فلسطینی ہلاک اور 90 ہزار 996 زخمی ہوچکے ہیں۔

اسماعیل ہنیہ سے پہلے اسرائیل نے حماس کے کن اہم رہنماوٴں کو نشانہ بنایا؟

جنوری 1996 میں اسرائیل نے غزہ میں حماس کے فوجی رہنما یحییٰ عیاش کو ہلاک کیا۔ مارچ 2004 میں حماس کے بانی شیخ احمد یاسین غزہ میں اسرائیلی حملے میں ہلاک ہوئے جس کے ایک ماہ بعد اپریل 2004 میں شیخ یاسین کے جانشین عبدالعزیزالرنتیسی بھی غزہ میں اسرائیلی میزائل حملے میں مارے گئے۔

عرب میڈیا کے مطابق جنوری 2024 میں حماس کے سینئر اہلکار صالح العروری بیروت میں اسرائیلی ڈرون حملے میں ہلاک ہوئے۔

انڈین میڈیا رپورٹس کے مطابق پیر اور منگل کی درمیانی شب پہاڑی علاقوں سے مٹی کا تودہ گرا جس کے بعد دو ہیلی کاپٹر اور 200 سے زائد فوجیوں کو امدادی کاموں کے لیے بھیجا گیا۔

انڈین فوج نے بتایا کہ ’لینڈ سلائیڈنگ سے سیکڑوں افراد کے دبے ہونے اور مزید ہلاکتوں کا خدشہ ہے‘۔

انڈین ایکسپریس کے مطابق اب تک 93 افراد ہلاک ہوچکے ہیں جن میں دو بچے بھی شامل ہیں۔ جب کہ 123 کے قریب لوگ زخمی ہیں۔

ہندو اخبار نے نامعلوم عہدیداروں کا حوالہ دیتے ہوئے بتایا کہ لینڈ سلائیڈنگ سے کئی مکانات، گاڑیاں اور دکانیں کیچڑ اور پانی میں ڈوب گئی ہیں۔ انڈین ایکسپریس کے مطابق مرکزی پل بھی تباہ ہو گیا۔

ایک عہدیدار نے رائٹرز کو بتایا کہ ’صورتحال سنگین ہے، ریسکیو آپریشن کے لیے حکومت نے تمام ایجنسیوں کو اطلاع کردی ہے‘۔

مٹی کے تودے گرنے سے ضلع کے کم از کم چار دیہات سے رابطہ منقطع ہو گیا، مسلسل بارشوں اور سڑکیں بند ہونے کی وجہ سے ریسکیو آپریشن میں رکاوٹ کا سامنا کرنا پڑا۔ عہدیداروں نے بتایا کہ تقریباً 350 خاندان متاثر ہوئے ہیں اور اب تک 250 افراد کو بچایا جا چکا ہے۔

سوشل میڈیا پلیٹ فارم ایکس پر وزیر اعظم نریندر مودی نے کہا کہ انہیں کیرالہ میں ہونے والے واقعہ سے افسوس ہے اور انہوں نے ریاست کے وزیر اعلی پنارائی وجین سے’ہر ممکن مدد‘ کا یقین دلایا ہے۔

اس دوران اپوزیشن لیڈر راہول گاندھی نے واقعے پر افسوس کا اظہار کرتے ہوئے کہا کہ امید ہے کہ پھنسے ہوئے لوگوں کو ریسکیو کرلیا جائے گا۔

انڈیا کی موسمیاتی ایجنسی نے مزید بارش کی پیش گوئی کی ہے۔

پورے جنوبی ایشیا میں جون سے ستمبر تک ہونے والی مون سون کی بارشوں سے بڑے پیمانے پر موت اور تباہی کے واقعات رونما ہوتے ہیں۔

حالیہ برسوں میں سیلاب اور لینڈ سلائیڈنگ کی تعداد میں اضافہ ہوا ہے اور ماہرین کا کہنا ہے کہ موسمیاتی تبدیلیوں کی وجہ سے ایسے واقعات مزید ہونے کا خدشہ ہے۔

سن اسکرین یا سن بلاک کے بارے میں مزید اس رپورٹ میں جانیے۔

رپورٹ: اقرا حسین

ایڈیٹنگ: سید حمزہ علی

اسرائیل نے اس حملے کا الزام لبنان کی مزاحمتی تنظیم حزب اللہ پر عائد کیا ہے لیکن تنظیم نے اس حملے میں ملوث ہونے کی سختی سے تردید کردی ہے۔

اتوار کو اسرائیل نے لبنان میں حزب اللہ کے متعدد مقامات پر حملہ کرتے ہوئے کہا کہ گولان پہاڑیوں پر حملے کا سختی سے جواب دیا جائے گا، حزاب اللہ نے ’ریڈ لائن‘ عبور کی ہے جس کا اسے سنگین نتائج کا سامنا کرنا پڑے گا۔

اس واقعے کے بارے میں ہم اب تک کیا جانتے ہیں اور یہ خطے کی صورتحال کے لیے کیوں اہم ہے؟

حزب اللہ اور اسرائیل کیوں لڑ رہے ہیں؟

حزب اللہ نے 8 اکتوبر کو اسرائیل کے ساتھ فائرنگ کا تبادلہ شروع کیا، جس دن حماس نے جنوبی اسرائیل پر حملہ کیا اور پھر غزہ کا تنازع جنگ میں تبدیل ہوگیا۔

حماس کی اتحادی تنظیم حزب اللہ کا کہنا ہے کہ اسرائیل پر حملوں کا مقصد فلسطینیوں کی حمایت کرنا ہے، جہاں اسرائیل روزانہ غزہ میں بمباری کررہا ہے۔

غزہ تنازع نے پورے خطے سے ایران کی حمایت یافتہ جنگجوؤں کو اپنی طرف متوجہ کیا ہے۔ انہی میں سے ایک حزب اللہ، جسے ایران کے حمایت یافتہ نیٹ ورک کا سب سے اہم گروپ سمجھا جاتا ہے، مزاحمت کرنے کا ارادہ رکھتا ہے۔

حزب اللہ کا کہنا ہے کہ جب تک غزہ میں جنگ بندی نہیں ہوتی وہ اسرائیل پر اپنے حملے نہیں روکے گی۔

آٹھ اکتوبر سے شروع ہونے والے تنازع سے قبل اسرائیل اور حزب اللہ ماضی میں کئی تنازعات کا شکار رہے ہیں جن میں آخری تنازع 2006 میں ہوا تھا۔

اسرائیل طویل عرصے سے حزب اللہ کو اپنی سرحدوں پر سب سے بڑے خطرے کے طور پر دیکھتا رہا ہے۔ اسے حزب اللہ کے بڑھتے ہوئے ہتھیاروں اور شام میں اس کی موجودگی پر بہت تشویش ہے۔

یہ گروپ 1982 میں ایران کے پاسداران انقلاب نے لبنان پر حملہ کرنے والی اسرائیلی افواج کے خلاف لڑنے کے لیے بنایا تھا۔ حزب اللہ نے کئی سالوں گوریلا جنگ لڑی، جس کے نتیجے میں اسرائیل سال 2000 میں جنوبی لبنان سے نکل گیا۔

حزب اللہ اسرائیل کو فلسطینی سرزمین پر قائم ہونے والی ایک ناجائز ریاست سمجھتی ہے اور وہاں اس کا خاتمہ چاہتی ہے۔

حالیہ حملے کا ذمہ دار کون ہے؟

اسرائیلی فوج نے دعویٰ کیا کہ اسے جائے وقوعہ پر ایسے شواہد ملے ہیں جن سے ظاہر ہوتا ہے کہ ایرانی ساختہ فلق-ون راکٹ فٹبال کی پچ پر گرا تھا اور حزب اللہ کے ایک کمانڈر نے جنوبی لبنان کے علاقے شیبہ سے حملہ کرنے کی ہدایت کی۔

اس کے بعد حزب اللہ نے فوری ایک بیان جاری کرتے ہوئے کہا کہ وہ اس حملے میں ملوث ہونے کی تردید کرتے ہیں۔

حزب اللہ اس سے قبل اسرائیل پر کئی حملوں کی ذمہ داری قبول کر چکی ہے، آٹھ اکتوبر کو غزہ جنگ شروع ہونے کے بعد تنظیم نے اب تک کئی فلق اور کاتیوشا راکٹوں کا استعمال کرتے ہوئے سینکڑوں حملے کرنے کا دعویٰ کیا ہے جن میں گولان پر ملٹری ہیڈ کواٹر پر حملہ بھی شامل ہے۔

ایکسیوس نامی امریکی نیوز ویب سائٹ نے نامعلوم امریکی اہلکارکا حوالے دیتے ہوئے بتایا کہ حزب اللہ نے اقوام متحدہ کو بتایا کہ یہ اسرائیل کا اینٹی راکٹ انٹرسیپٹر پروجیکٹ تھا جس نے فٹبال گراؤنڈ کو نشانہ بنایا۔

امریکی وزیر خارجہ انتھونی بلنکن نے کہا کہ اس بات کا اشارہ ملتا ہے کہ حزب اللہ نے گولان کی پہاڑیوں پر راکٹ فائر کیے ہیں۔

کیا اسرائیل اور حزب اللہ کے درمیان جنگ ہوسکتی ہے؟

اسرائیلی فوج نے راتوں رات لبنان میں فضائی حملوں کا سلسلہ شروع کردیا ہے۔

تاہم گولان واقعے پر کیا ردعمل ہوگا اس کا فیصلہ اتوار کو اسرائیلی سکیورٹی کابینہ کے اجلاس کے بعد کیا جائے گا۔ اسرائیلی قانون کے مطابق فوجی کارروائی سے متعلق کوئی بھی فیصلہ جو جنگ کا باعث بن سکتا ہے، کابینہ ارکان کے اتفاق رائے پر مبنی ہونا چاہیے۔

مشرق وسطیٰ کے سیاسی تجزیہ کار عمر بدر نے الجزیرہ کو بتایا کہ ان کا خیال ہے کہ گولان حملہ یقینی طور پر ایک حادثہ تھا۔

انہوں نے بتایا کہ ’یہ بات بھی اہم ہے کہ حزب اللہ اور اسرائیل دونوں جنگ کی طرف نہیں جانا چاہتے۔ حقیقت جاننے کے لیے آزادانہ تحقیقات کی ضرورت ہے لیکن حزب اللہ کی طرف تردید ایک اشارہ ہے کہ اگر یہ حزب اللہ کے راکٹ ہی نکلے تو ان کا مقصد فٹبال کھیل کو نشانہ بنانا نہیں تھا۔‘

دوسری طرف ٹوکیو میں ایک پریس کانفرنس سے خطاب کرتے ہوئے انتونی بلنکن نے کہا کہ امریکا گولان واقعے کے بعد تنازع میں اضافہ نہیں چاہتا۔

یہ بات ایسے وقت میں سامنے آئی ہے جب غزہ میں جنگ بندی کے مذاکرات اٹلی میں متوقع ہیں۔

انتونی بلنکن نے کہا کہ ’ہم غزہ تنازعے کو ختم کرنا چاہتے ہیں۔ اس تنازع کو بہت لمبہ عرصہ ہوچکا ہے جہاں کئی لوگوں کی جانیں ضائع ہوئی ہیں۔ ہم اسرائیلیوں، فلسطینیوں، لبنانیوں کو تنازعات اور تشدد کے خطرے سے آزاد دیکھنا چاہتے ہیں۔‘

ایران کا ردعمل

تہران نے گولان واقعے کو ایک ’من گھڑت‘ قرار دیتے ہوئے اسرائیل کو کسی بھی ’نئی مہم جوئی‘ کے خلاف خبردار کیا ہے۔

ایرانی وزارت خارجہ کے ترجمان ناصر کنانی نے ایک بیان میں کہا کہ اسرائیلی فوج کی جوابی کارروائی سے خطے میں مزید عدم استحکام آئے گا اور جنگ میں اضافہ ہوگا۔

انہوں نے کہا کہ اگر ایسا ہوتا ہے تو صیہونی حکومت اس طرح کے احمقانہ رویے کے غیر متوقع نتائج اور رد عمل کے لیے ذمہ دار ہوگی۔

کیا اس سے غزہ جنگ بندی مذاکرات متاثر ہوں گے؟

جو غزہ پر جنگ بندی کے معاہدے تک پہنچنے کے لیے ہونے والے تمام مذاکرات میں امریکا کی نمائندگی کرنے والے سی آئی اے کے ڈائریکٹر بل برنز اس وقت یورپ میں ہیں۔ ان کے ساتھ روم میں قطر، مصر اور اسرائیل کے ہم منصب بھی شامل ہیں۔

یہ ابھی تک واضح نہیں ہے کہ آیا اسرائیل اور حزب اللہ کے درمیان حالیہ کشیدگی مذاکرات کو متاثر کرے گی، لیکن غزہ تنازع سے متعلق بھی اب تک کوئی بڑی پیش رفت سامنے نہیں آئی۔

غزہ جنگ پورے خطے میں بڑھتے ہوئے تنازعے کی بڑی وجہ کے طور پر دیکھا جارہا ہے۔ حزب اللہ سمیت ایران نے کہا ہے کہ اگر اسرائیل غزہ میں فلسطینیوں کا قتل عام بند کر دیتا ہے اور انسانی امداد کو داخلے کی اجازت دیتا ہے تو وہ بھی حملے کرنا بند کر دیں گے۔