حکام کا کہنا ہے کہ امریکی صدر ڈونلڈ ٹرمپ، نائب امریکی صدر جے ڈی وینس اور ایرانی پارلیمنٹ کے اسپیکر محمد باقر قالیباف نے اتوار کے روز مفاہمتی یادداشت (جو کہ تقریباً ڈیڑھ صفحے پر مشتمل ہے) پر الیکٹرونک دستخط کر دیے ہیں۔

ایک امریکی عہدے دار نے نام ظاہر نہ کرنے کی شرط پر بتایا کہ صدر ٹرمپ خود اس معاہدے پر ذاتی طور پر دستخط کرنا چاہتے تھے کیوں کہ وہ اس عمل سے اپنی مکمل وابستگی اور سنجیدگی کا اظہار کرنا چاہتے تھے۔

تاہم امریکی نائب صدر جے ڈی وینس کا کہنا ہے کہ فی الحال یہ ایک عمومی دستاویز ہے۔ جے ڈی وینس جمعے کو جینیوا میں دستخط کی باضابطہ تقریب میں شرکت کریں گے۔

ٹرمپ انتظامیہ کے ایک اعلیٰ عہدے دار نے کہا ہے کہ معاہدے میں جنگ سے متاثرہ ملک کی تعمیرِ نو کے لیے 300 ارب ڈالر کے ممکنہ فنڈ کا بھی ذکر ہے۔ لیکن ان کے بقول رقم کی فراہمی ایران کی کارکردگی اور معاہدے پر عمل درآمد سے مشروط ہوگی۔

اس معاہدے پر جمعے کو دستخط کے ساتھ ہی 60 روزہ مدت کا آغاز ہو جائے گا جس دوران ایران اور امریکہ ایک جامع اور مستقل امن معاہدے کو حتمی شکل دینے کے لیے تفصیلی مذاکرات کریں گے۔

ایک امریکی عہدے دار کا کہنا تھا کہ 'ہم پہلے جوہری معاملات پر بات کرنا چاہیں گے۔'

تاہم آبنائے ہرمز میں پیدا ہونے والی رکاوٹ فوری توجہ کا مرکز ہے کیوں کہ تیل کی قیمتوں میں اضافے کے باعث اس کے عالمی معیشت پر براہِ راست اثرات مرتب ہو رہے ہیں۔

آبنائے ہرمز کے انتظام کی عملی تفصیلات دونوں ممالک کے درمیان جاری تیکنیکی مذاکرات میں طے کی جائیں گی۔

ایک امریکی عہدے دار کے مطابق بحری جہازوں کی آمدورفت آئندہ چند ہفتوں میں جنگ سے پہلے کی سطح پر واپس آ جائے گی جبکہ ٹریفک میں پہلے ہی نمایاں اضافہ دیکھنے میں آ رہا ہے۔

انگولا سیاحت کے شعبے کو اقتصادی ترقی اور سرمایہ کاری کے ایک اہم محرک کے طور پر پیش کرنے کی اپنی حکمت عملی کو مزید آگے بڑھا رہا ہے۔ اسی سلسلے میں گلوبل ٹورازم فورم انویسٹمنٹ سمٹ انگولا 18 اور 19 جون 2026 کو دارالحکومت لوانڈا میں منعقد ہوگی۔

سرکاری خبر رساں ادارے انگوپ کے مطابق انگولا جون میں اس بین الاقوامی سیاحتی سرمایہ کاری کانفرنس کی میزبانی کرے گا۔ جبکہ انگولا کے روزنامہ اخبار ’ڈی انگولا‘ نے رپورٹ کیا ہے کہ ورلڈ ٹورازم فورم انسٹیٹیوٹ کے صدر بلوت باغجی نے صدر ژواؤ لورینسو سے صدارتی دفتر میں ملاقات کی۔ ان پیش رفتوں سے ظاہر ہوتا ہے کہ یہ سربراہی اجلاس نہ صرف سیاحت بلکہ حکومتی سطح پر بھی ایک اہم ترجیح بن چکا ہے۔

رپورٹ کے مطابق یہ اقدام محض ایک کانفرنس نہیں بلکہ اس وسیع تر حکمت عملی کا حصہ ہے جس کے تحت انگولا خود کو عالمی سطح پر ایک پرکشش سیاحتی اور سرمایہ کاری کے مقام کے طور پر متعارف کرا رہا ہے۔ حکومت سیاحت کو صرف تشہیری شعبہ نہیں بلکہ سرمایہ کاری، انفراسٹرکچر کی ترقی، روزگار کے مواقع، برانڈنگ اور پائیدار اقتصادی نمو کے ایک اہم ذریعہ کے طور پر دیکھ رہی ہے۔

انگولا کے صدر ژواؤ لورینسو اس حکمت عملی کی کھل کر حمایت کر چکے ہیں۔ مارچ 2026 میں سامنے آنے والی رپورٹس کے مطابق حکومت نے سیاحت کے ترجیحی علاقوں میں بنیادی ڈھانچے کی بہتری کے لیے تقریباً 500 ملین یورو مختص کیے ہیں۔ اس پیکیج میں سڑکوں، بجلی اور صفائی ستھرائی کے منصوبے شامل ہیں، جن کا مقصد کابو لیڈو، موسولو، کالاندولا اور اوکاوانگو کے انگولائی حصے سمیت اہم سیاحتی مقامات میں سرمایہ کاری کے مواقع کو فروغ دینا ہے۔

ان حالات میں متوقع ہے کہ یہ سربراہی اجلاس سیاحت میں سرمایہ کاری، اسٹریٹجک شراکت داریوں اور عالمی سرمایہ کاروں کے لیے انگولا کی بڑھتی ہوئی اہمیت پر اعلیٰ سطحی مکالمے کا پلیٹ فارم فراہم کرے گا۔

افریقی ممالک جہاں سیاحت کو معیشت میں تنوع اور طویل المدتی استحکام کے ایک اہم ذریعہ کے طور پر دیکھ رہے ہیں، وہیں انگولا بھی اس شعبے میں زیادہ واضح وژن اور بلند عزائم کے ساتھ اپنی پوزیشن مستحکم کرنے کی کوشش کر رہا ہے۔

انگولا کے صدر ژواؤ لورینسو نے ایک بار پھر اس عزم کا اظہار کیا ہے کہ ان کا ملک پیداواری سرمایہ کاری کے لیے کھلا ہے اور اصلاحات، مضبوط ادارہ جاتی تعاون اور طویل المدتی شراکت داری کے لیے سازگار ماحول فراہم کرنے کے لیے پرُعزم ہے۔

ان کا کہنا ہے کہ افریقی ملک انگولا سنجیدہ، دور اندیش اور شراکت داری کے لیے آنے والے سرمایہ کاروں کا خیرمقدم کرتا ہے۔ صدر لورینسو کے مطابق حکومت سرمایہ کاری کے فروغ کے لیے ضروری حالات پیدا کرنے، سرمایہ کاروں کا اعتماد بڑھانے اور بین الاقوامی شراکت داروں کو محفوظ اور کامیاب کاروباری مواقع فراہم کرنے کے لیے کام کر رہی ہے۔

صدر نے کہا کہ سیاحت ان شعبوں میں شامل ہے جن کے ذریعے انگولا اپنی قومی صلاحیتوں کو روزگار، اقتصادی ترقی اور عالمی مسابقت میں تبدیل کرنا چاہتا ہے۔

دوسری جانب انگولا کے وزیر سیاحت مارسیو ڈی جیسس لوپس ڈینیئل نے بھی ملک کی اقتصادی تنوع اور پائیدار ترقی میں سیاحت کے کردار کو کلیدی قرار دیا ہے۔

برلن میں منعقدہ ’آئی ٹی بی‘ برلن کے دوران ایک انٹرویو میں انہوں نے کہا کہ سیاحت کو تیل پر انحصار کم کرنے، روزگار کے نئے مواقع پیدا کرنے، مقامی آبادی کی معاونت اور نجی شعبے کی سرمایہ کاری کو فروغ دینے میں اہم کردار ادا کرنا چاہیے۔

وزیر سیاحت کے مطابق انگولا سیاحت کے شعبے میں ایک نئے دور میں داخل ہو رہا ہے۔ ان کا کہنا تھا کہ حکومت کا مقصد صرف ملک کے قدرتی اور ثقافتی اثاثوں کو فروغ دینا نہیں بلکہ انہیں پائیدار سرمایہ کاری، مضبوط بین الاقوامی شراکت داریوں اور طویل المدتی اقتصادی فوائد میں تبدیل کرنا ہے۔

انہوں نے کہا کہ گلوبل ٹورازم فورم انویسٹمنٹ سمٹ انگولا اس بات کا واضح ثبوت ہے کہ انگولا اعتماد، وژن اور واضح حکمت عملی کے ساتھ دنیا کے ساتھ شراکت داری کے لیے تیار ہے۔

ورلڈ ٹورازم فورم انسٹیٹیوٹ کے صدر بلوت باغجی نے کہا ہے کہ انگولا سیاحت اور سرمایہ کاری کے میدان میں ایک نئے اور اہم دور میں داخل ہو رہا ہے، جہاں ملک خود کو صرف ایک سیاحتی منزل کے طور پر نہیں بلکہ ایک مضبوط سرمایہ کاری کی کہانی کے طور پر متعارف کرا رہا ہے۔

انہوں نے کہا کہ 18 اور 19 جون 2026 کو لوانڈا میں منعقد ہونے والا گلوبل ٹورازم فورم انویسٹمنٹ سمٹ انگولا عالمی سطح پر ملک کو مواقع، شراکت داری اور طویل المدتی وژن کے تناظر میں پیش کرنے کی ایک اہم پیش رفت ہوگی۔

بلوت باغجی کے مطابق ’انگولا صرف ایک ابھرتی ہوئی سیاحتی منزل نہیں بلکہ سیاحت میں سرمایہ کاری کے لیے ایک سنجیدہ اور پرکشش موقع بن کر سامنے آ رہا ہے۔ ہمیں یقین ہے کہ انگولا کے پاس وہ تمام عناصر موجود ہیں جو اسے افریقہ کے نمایاں سیاحتی سرمایہ کاری مراکز میں شامل کر سکتے ہیں۔‘

انہوں نے کہا کہ انگولا کی سیاحتی صلاحیت کو صرف سیاحوں کی آمد تک محدود نہیں دیکھا جانا چاہیے بلکہ اسے معیشت کے وسیع تناظر میں سمجھنے کی ضرورت ہے، جس میں ہوٹل انڈسٹری، بنیادی ڈھانچے کی ترقی، فضائی رابطے، سرمایہ کاروں کا اعتماد، بین الاقوامی تشہیر اور پائیدار اقتصادی ترقی شامل ہیں۔

بلوت باغجی کا کہنا تھا کہ آج کے دور میں سیاحت صرف سیاحوں کی تعداد کا نام نہیں بلکہ یہ سرمایہ کاری، روزگار، عالمی شناخت اور پائیدار اقتصادی قدر پیدا کرنے کا ایک مؤثر ذریعہ بن چکی ہے۔

انہوں نے مزید کہا کہ انگولا کے پاس یہ موقع موجود ہے کہ وہ ایسا نیا ماڈل تشکیل دے جس میں سیاحت اقتصادی تنوع کو فروغ دے، عالمی سطح پر ملک کی شناخت مضبوط کرے اور نجی شعبے کے ساتھ بامعنی شراکت داریوں کی بنیاد رکھے۔

ماہرین کے مطابق اس سربراہی اجلاس کا انعقاد ایسے وقت میں ہو رہا ہے جب افریقہ بھر میں سیاحت کو محض ایک موسمی یا تشہیری سرگرمی کے بجائے قومی ترقی، بین الاقوامی تشخص اور نجی شعبے کی شمولیت کے ایک مؤثر ذریعہ کے طور پر دیکھا جا رہا ہے۔

رپورٹس کے مطابق انگولا کی موجودہ حکومتی پالیسیوں، ادارہ جاتی حمایت اور بنیادی ڈھانچے کی ترقی کے منصوبوں سے ظاہر ہوتا ہے کہ ملک خود کو اس نئے اور مسابقتی منظرنامے میں ایک مضبوط مقام دلانے کی کوشش کر رہا ہے۔

تجزیہ کاروں کا کہنا ہے کہ گلوبل ٹورازم فورم انویسٹمنٹ سمٹ انگولا کی اصل اہمیت صرف بین الاقوامی سرمایہ کاروں اور شراکت داروں کو لوانڈا لانے تک محدود نہیں ہوگی، بلکہ اس سے پیدا ہونے والی نئی شراکت داریوں، ترقیاتی منصوبوں اور طویل المدتی سرمایہ کاری کے مواقع میں بھی مضمر ہے۔

ان پیش رفتوں کے تناظر میں انگولا بتدریج افریقہ کے ان ممالک میں شامل ہوتا دکھائی دے رہا ہے جنہیں سیاحت اور سرمایہ کاری کے شعبوں میں ابھرتے ہوئے اہم مراکز کے طور پر دیکھا جا رہا ہے۔

رئیل اسٹیٹ، کنسٹرکشن اور انٹیریئر ڈیزائن کے شعبوں میں دنیا کے نمایاں منصوبوں کا جائزہ لینے والے اس بین الاقوامی پروگرام میں استنبول فنانشل سینٹر کو کمرشل ہائی رائز، ’مکش یوز، آفس ڈیویلپمنٹ کیٹیگریز میں اعزازات سے نوازا گیا۔

بین الاقوامی مالیاتی منڈیوں سے مربوط ایک مضبوط ماحولیاتی نظام فراہم کرنے کے لیے قائم استنبول فنانشل سینٹر نے ان ایوارڈز کے ذریعے خود کو عالمی معیار کے رئیل اسٹیٹ، دفتری اور کثیر المقاصد ترقیاتی منصوبے کے طور پر مزید نمایاں مقام حاصل کیا ہے۔

گزشتہ پانچ برسوں میں مکمل ہونے والے منصوبوں کو تخلیقی صلاحیت، معیار اور وژن کی بنیاد پر جانچنے والے ’ٹائٹن پراپرٹی ایوارڈز‘ میں استنبول فنانشل سینٹر نے اپنے مربوط شہری منصوبہ بندی کے ماڈل کے باعث نمایاں مقام حاصل کیا۔

رہائشی، تجارتی، دفتری، تفریحی اور عوامی سہولیات کو ایک ہی جامع منصوبے کے تحت یکجا کرنے والے استنبول فنانشل سینٹر کو مکسڈ یوز ڈیویلپمنٹ اور کمرشل ہائی رائز کیٹیگریز میں اعلیٰ ترین اعزاز ’پلاٹینم ونر‘ دیا گیا۔

اسی طرح دفتری ڈیزائن، صارفین کے تجربے اور اعلیٰ معیار کے ورک اسپیسز کے اعتراف میں آفس ڈیویلپمنٹ کیٹیگری میں ’گولڈ ونر‘ ایوارڈ بھی حاصل ہوا۔

استنبول فنانشل سینٹر کیا ہے؟

بین الاقوامی مالیاتی منڈیوں کے ساتھ مربوط ایک مضبوط مالیاتی ماحولیاتی نظام قائم کرنے کے لیے تشکیل دیا گیا استنبول فنانشل سینٹر قلیل مدت میں علاقائی اور عالمی مالیاتی مرکز بننے کے وژن کے تحت کام کر رہا ہے۔

اس مرکز میں سرکاری و نجی بینکوں، اثاثہ جاتی انتظامی کمپنیوں، بروکریج اداروں، انشورنس کمپنیوں اور پیشہ ورانہ خدمات فراہم کرنے والے اداروں کو ایک ہی جگہ پر جمع کیا گیا ہے۔

ترکیہ کے مرکزی بینک (سی بی آر ٹی) اور بینکنگ ریگولیشن اینڈ سپرویژن ایجنسی (بی آر ایس اے) سمیت کئی اہم مالیاتی ادارے پہلے ہی یہاں منتقل ہو چکے ہیں، جبکہ کیپیٹل مارکیٹس بورڈ آف ترکیہ (سی بی ایم) اور بورسا استنبول کی بھی 2027 تک یہاں منتقلی متوقع ہے۔

1.3 ملین مربع میٹر دفتری رقبے، 100 ہزار مربع میٹر تجارتی و سماجی سرگرمیوں کے لیے مختص علاقے اور ایک کانگریس سینٹر پر مشتمل یہ منصوبہ کاروباری برادری کی تمام ضروریات پوری کرنے کے لیے ایک جامع ماحول فراہم کرتا ہے۔

سمارٹ سٹی تصور کے تحت تیار کیا گیا استنبول فنانشل سینٹر اعلیٰ آپریشنل استحکام کے ساتھ ترکیہ کی معیشت اور مالیاتی منڈیوں کی ترقی میں کلیدی کردار ادا کرنے والا ایک اسٹریٹجک مرکز بن چکا ہے۔

ٹرمپ کا مزید کہنا تھا کہ 'پروجیکٹ فریڈم' کا آغاز پیر کی صبح سے ہوگا۔ ساتھ ہی انہوں نے دھمکی بھی دی کہ اگر اس آپریشن کے دوران کوئی مداخلت ہوئی تو اس سے پوری قوت سے نمٹا جائے گا۔

انٹرنیشنل میری ٹائم آرگنائزیشن کے مطابق امریکہ و اسرائیل کے ایران پر حملے کے بعد سے خلیجِ فارس میں سینکڑوں جہاز پھنسے ہوئے ہیں جن پر موجود عملے کی تعداد 20 ہزار سے زیادہ ہے۔

امریکی سینٹرل کمانڈ کے بیان کے مطابق وہ 15 ہزار فوجی اہلکاروں اور 100 سے زیادہ ہوائی جہازوں کے علاوہ جنگی کشتیوں اور ڈرونز کی مدد سے آبنائے ہرمز سے نکلنے میں جہازوں کی مدد کریں گے۔

سینٹ کام کے کمانڈر ایڈمرل بریڈ کوپر نے اپنے بیان میں کہا کہ 'علاقائی سیکیورٹی اور عالمی معیشت کی خاطر اس دفاعی مشن کے لیے ہماری حمایت ضروری ہے جب کہ ہم ایران کی بحری ناکہ بندی بھی برقرار رکھیں گے۔'

ایران کا ردعمل

ایران کی فوج نے خبردار کیا ہے کہ امریکی فورسز آبنائے ہرمز میں داخل ہونے سے باز رہیں۔ ایرانی فوج کی مرکزی کمان کی جانب سے پیر کو جاری بیان میں کہا گیا ہے کہ ایرانی فورسز کسی بھی خطرے سے 'سختی سے نمٹیں گی۔

ایرانی فوج کی مرکزی کمانڈ کے سربراہ علی عبداللہی نے بیان میں کہا کہ 'ہم بارہا کہہ چکے ہیں کہ آبنائے ہرمز کی سیکیورٹی ہمارے ہاتھوں میں ہے اور جہازوں کو محفوظ راستے سے گزرنے کے لیے مسلح افواج سے تعاون کرنا ہوگا۔ آبنائے ہرمز کے قریب آنے یا اس میں داخل ہونے کی کوشش کرنے والی کسی بھی غیر ملکی مسلح فورس کو نشانہ بنایا جائے گا۔ خصوصاً امریکی فوج کو۔'

تاہم امریکی صدر ٹرمپ کی جانب سے اس اعلان کے بعد برطانیہ کی میری ٹائم ٹریڈ آپریشنز ایجنسی نے کہا ہے کہ آبنائے ہرمز میں ایک بحری جہاز پر نامعلوم پروجیکٹائل سے حملہ ہوا ہے۔

جہاز پر حملے کی اطلاعات

ایجنسی کے مطابق جہاز پر حملہ فجیرہ کی بندرگاہ سے کچھ فاصلے پر ہوا تاہم حملے میں عملہ محفوظ رہا۔

یاد رہے کہ امریکہ و اسرائیل کے ایران پر حملوں کے بعد تہران نے آبنائے ہرمز کو جہاز رانی کے لیے بند کیا تھا اور وہ اب تک مؤثر طریقے سے اس آبی گزرگاہ پر کنٹرول رکھنے میں کامیاب ہے۔ جب کہ جواب میں امریکہ نے بھی ایران کی بحری ناکہ بندی شروع کر رکھی ہے۔

ٹرمپ انتظامیہ کی جانب سے آبنائے ہرمز میں محفوظ جہاز رانی یقینی بنانے کے لیے ایک بین الاقوامی اتحاد کے قیام کی تجویز پیش کیے جانے اور دیگر ملکوں سے مدد مانگنے کی بھی اطلاعات ہیں۔ سینٹ کام نے کہا ہے کہ حالیہ کوششوں میں 'سفارتی اقدامات کے ساتھ فوجی تعاون بھی شامل ہوگا۔'

الیکٹرک گاڑیاں توجہ کا مرکز

نمائش میں خاص طور پر کادیمے کی الیکٹرک کمپیکٹ روڈ سویپر گاڑی نے نمائش میں آنے والوں کی بھرپور توجہ حاصل کی، کیونکہ دنیا بھر میں ماحول دوست اور پائیدار ٹیکنالوجی کی مانگ میں اضافہ ہو رہا ہے۔ یہ گاڑی بہتر آپریشن، آلودگی کے اخراج اور اعلیٰ کارکردگی کی بدولت مستقبل کے شہروں کے لیے ایک مؤثر حل کے طور پر سامنے آئی ہے۔

محمد فاتح البیراک نے مزید کہا ہے کہ ’ہماری الیکٹرک مصنوعات طویل مدتی تحقیق و ترقی کا نتیجہ ہیں۔ نمائش کے پہلے ہی دن ملنے والا مثبت ردعمل اس بات کا ثبوت ہے کہ ہم درست سمت میں سرمایہ کاری کر رہے ہیں۔ ہم صاف اور قابلِ رہائش شہروں کے لیے جدید حل فراہم کرتے رہیں گے۔‘

کادیمے کے عالمی اہداف

2011 میں قائم ہونے والی کادیمے مختصر عرصے میں اس شعبے کی تیزی سے ترقی کرنے والی کمپنیوں میں شامل ہو چکی ہے اور اس وقت 65 سے زائد ممالک کو برآمدات کر رہی ہے۔ افت (IFAT) 2026 اس کمپنی کے لیے موجودہ شراکت داریوں کو مضبوط بنانے اور نئی منڈیوں تک رسائی حاصل کرنے کا ایک اہم موقع ہے۔

محمد فاتح البیراک نے مزید کہا ہے کہ ’ہم اپنی مقامی پیداوار سے تیار کردہ ٹیکنالوجی کو عالمی منڈیوں تک پہنچاتے ہوئے اپنے ملک کے لیے قدر میں اضافہ کر رہے ہیں۔ ہمیں یقین ہے کہ یہ نمائش ہمارے عالمی ترقی کے اہداف کے لیے نئی شراکت داریوں کی راہ ہموار کرے گا۔‘

کادیمے IFAT 2026 کے دوران اپنی جدید مصنوعات اور پائیدار حل کے ساتھ بین الاقوامی ماہرین کا خیرمقدم جاری رکھے ہوئے ہے۔

امریکہ اور اسرائیل کی ایران کے ساتھ جاری جنگ کو دو ماہ ہو چکے ہیں اور اس عرصے کے دوران یہ اہم آبی گزرگاہ بند رہی ہے۔ آبنائے ہرمز سے دنیا کا 20 فیصد تیل و گیس گزرتا ہے۔ اس کی بندش سے دنیا بھر میں خام تیل اور پیٹرولیم مصنوعات کی قیمتیں آسمان سے باتیں کر رہی ہیں۔

محکمۂ خارجہ کے مراسلے میں کہا گیا ہے کہ امریکہ دیگر ملکوں کو ایک نئے بین الاقوامی اتحاد میں شمولیت کی دعوت دے رہا ہے۔ یہ اتحاد آبنائے ہرمز میں بحری جہازوں کی محفوظ آمد و رفت یقینی بنائے گا۔

مراسلے کے مطابق یہ مجوزہ اتحاد جسے 'میری ٹائم فریڈم کنسٹرکٹ' کا نام دیا گیا ہے، معلومات کے تبادلے، سفارتی رابطے برقرار رکھنے اور پابندیوں کے نفاذ میں مدد دے گا۔

فرانس، برطانیہ اور دیگر ملکوں نے بھی ایک ایسا ہی اتحاد قائم کرنے کی بات کی ہے لیکن انہوں نے واضح کیا ہے کہ وہ اتحاد جنگ کے خاتمے کے بعد آبنائے ہرمز کھلوانے کے لیے قائم کیا جا سکتا ہے۔

ایران واضح کر چکا ہے کہ جب تک اس کے لیے خطرہ موجود ہے اور حملے جاری ہیں، وہ آبنائے ہرمز بند رکھے گا جس سے خام تیل کی قیمتیں 200 ڈالر فی بیرل تک بھی پہنچ سکتی ہیں۔

سعودی عرب کو اوپیک میں شامل ملکوں اور تیل پیدا کرنے والے ملکوں میں نمایاں مقام اور لیڈر کی حیثیت حاصل ہے جب کہ متحدہ عرب امارات تیل پیدا کرنے والے بڑے ملکوں میں شامل ہے۔

اوپیک میں شامل ملکوں کا تیل کی پیداوار کے لیے ایک کوٹا مختص ہے تاہم اوپیک سے علیحدگی کے بعد اب امارات اس پابندی سے بھی آزاد ہوگا اور وہ آبنائے ہرمز کھلنے کے بعد اپنی پیداوار میں اضافہ کر سکتا ہے۔

متحدہ عرب امارات کے وزیرِ توانائی سہیل محمد المزروئی نے رائٹرز کو انٹرویو میں کہا ہے کہ اوپیک سے علیحدگی کا فیصلہ ملک کی توانائی کی حکمتِ عملی کا جائزہ لینے کے بعد کیا گیا ہے۔

ان کا کہنا تھا کہ امارات نے اس مسئلے پر کسی اور ملک سے مشاورت نہیں کی۔ وزیر توانائی کے بقول 'یہ پالیسی سے متعلق فیصلہ تھا جو پیداوار کی موجودہ اور مستقبل کی پالیسیوں اور صورت حال کے باریک بینی سے جائزے کے بعد لیا گیا ہے۔'

انہوں نے مزید کہا کہ دنیا کو مزید توانائی کی ضرورت ہو گی اور متحدہ عرب امارات اس ضرورت کو پورا کرنے کے لیے سامنے آ سکے گا۔

اماراتی وزیرِ توانائی کے بقول انہیں اس فیصلے کے تیل کی عالمی منڈی پر اثرات کی توقع نہیں ہے کیوں کہ آبنائے ہرمز بند ہے۔

کیا امارات کا یہ فیصلہ امریکی صدر ٹرمپ کی فتح ہے؟

امریکی صدر ڈونلڈ ٹرمپ نے 2018 میں اپنی پہلی مدت صدارت کے دوران اقوامِ متحدہ کی جنرل اسمبلی سے خطاب میں تیل پیدا کرنے والے ملکوں کی تنظیم پر الزام لگایا تھا کہ وہ تیل کی قیمتوں میں اضافے کے ذریعے 'باقی پوری دنیا کو لوٹ رہی ہے۔'

ٹرمپ کا یہ بھی کہنا تھا کہ امریکہ اوپیک کے ممبران کا دفاع کر رہا ہے جب کہ وہ 'تیل کی زیادہ قیمتیں لے کر اس کا فائدہ اٹھا رہے ہیں۔'

متحدہ عرب امارات کی اوپیک سے علیحدگی ایک طرح سے ٹرمپ کی فتح کو ظاہر کرتی ہے۔ بعض تجزیہ کاروں کا کہنا ہے کہ امارات کا یہ اقدام صارفین اور معیشتوں کے لیے بھی مثبت ثابت ہوگا۔

تجزیہ کاروں کا کہنا ہے کہ اس اقدام سے متحدہ عرب امارات کے لیے زیادہ مارکیٹ شیئر کے دروازے کھلیں گے اور جب مشرقِ وسطیٰ کی صورتِ حال معمول پر آئے گی تو امارات اس فیصلے سے فائدہ اٹھا سکتا ہے۔

بعض تجزیہ کاروں کے مطابق اوپیک سے علیحدہ رہ کر متحدہ عرب امارات زیادہ تیل پیدا کر سکتا ہے جو اسے فائدہ پہنچائے گا۔ اور اس سے سعودی عرب کے کردار کے برقرار رہنے پر بھی سوالات کھڑے ہوں گے۔

امارات اور سعودی عرب کے درمیان گہری ہوتی خلیج

متحدہ عرب امارات اور سعودی عرب، ماضی کے حلیف اب حریف میں بدل گئے ہیں اور دونوں ملکوں کے درمیان تیل کی پالیسی اور علاقائی جیوپالیٹیکس سمیت کئی معاملات پر کھلے اختلافات ہیں جس سے دونوں کے درمیان خلیج گہری ہو رہی ہے۔

متحدہ عرب امارات کو خطے میں ایک کاروباری مرکز اور معاشی حب کا مقام حاصل ہے اور وہ مشرق وسطیٰ میں امریکہ کے اہم ترین اتحادیوں میں بھی شامل ہے۔ امارات نے جارحانہ خارجہ پالیسی اپنائی ہے اور اپنے اثر و رسوخ کا دائرہ مشرقِ وسطیٰ اور افریقہ تک پھیلا دیا ہے۔

ایران جنگ کے دوران تہران کی جانب سے ہونے والے حملوں کے بعد امارات نے امریکہ اور اسرائیل سے تعلقات مزید مضبوط کیے ہیں۔ متحدہ عرب امارات ان اولین ملکوں میں شامل تھا جنہوں نے ابراہیمی معاہدوں کے ذریعے 2020 میں اسرائیل سے تعلقات قائم کیے تھے۔

متحدہ عرب امارات اور سعودی عرب کے درمیان اختلافات حال ہی میں یمن کے معاملے پر بھی عیاں ہوئے تھے۔ دونوں ماضی میں یمن میں ایک اتحادی کے طور پر جنگ میں شامل ہوئے تھے تاہم اب مخالف فریقین کی حمایت کرتے نظر آتے ہیں۔

انڈین میڈیا کے مطابق ایئرلائنز نے حکومت سے جہازوں کے فیول پر عائد 11 فیصد ایکسائز ڈیوٹی مؤخر کرنے کی بھی درخواست کی ہے۔

ایئر لائن چلانے کے اخراجات میں فیول کی لاگت تقریباً 40 فیصد ہوتی ہے۔ اپنے خط میں ایئرلائنز کی تنظیم نے کہا ہے کہ 'ایندھن کی قیمتوں میں اضافہ ایئرلائنز کو ناقابلِ تلافی نقصان پہنچائے گا جس سے طیارے گراؤنڈ کرنے پڑیں گے اور پروازیں منسوخ ہوں گی۔'

خط میں فضائی آپریشن جاری رکھنے کے لیے حکومت سے فوری مداخلت اور مدد کی درخواست بھی کی گئی ہے۔

واضح رہے کہ انڈین ایئرلائنز پہلے ہی پاکستانی فضائی حدود کی بندش کی وجہ سے نقصان کا سامنا کر رہی ہیں۔ اس دوران مشرقِ وسطیٰ کے حالات اور تیل کی بڑھتی قیمتوں نے ان کے کاروبار کو مزید چوٹ پہنچائی ہے۔

پاکستان نے گزشتہ سال اپریل میں انڈیا سے جھڑپوں کے بعد سے انڈین ایئرلائنز کے لیے اپنی فضائی حدود بند کر رکھی ہے جس کی وجہ سے ہر ہفتے انڈین ایئرلائنز کی تقریباً 800 پروازیں متاثر ہو رہی ہیں۔

ایئرانڈیا نے پاکستانی فضائی حدود کی بندش کی وجہ سے تقریباً 60 کروڑ ڈالر سالانہ نقصان کا تخمینہ لگایا ہے۔

اعلیٰ سطحی تقریب میں بندرگاہ کے انتظام کی منتقلی

آپریشن کی منتقلی کے حوالے سے تقریب دارالحکومت مالابو میں منعقد ہوئی۔ صدارتی محل میں سرکاری استقبال کے بعد وزیر اعظم آفس میں ایک خصوصی تقریب کا انعقاد کیا گیا جس میں حکومتی شخصیات، ترک سفارتی مشن اور البائراک گروپ کے نمائندے شریک ہوئے۔

شرکا میں استوائی گنی کے وزیر اعظم مانوئیل اوسا زوئے زوا کے علاوہ وزیرِ ٹرانسپورٹ ہونارتو اویتا اوما اور دیگر اعلیٰ حکام شامل تھے۔ ترکیہ کی نمائندگی سفیر احمت ارگن نے کی جب کہ نائب سفیر عائشے ایسی بجاکچی کے علاوہ سفارت خانے کے دیگر عہدے داران بھی موجود تھے۔

البائراک گروپ کی جانب سے نائب چیئرمین نوری البائراک، بورڈ ممبر فاروق البائراک، الپورٹ پورٹس کے جنرل کوآرڈینیٹر مصطفیٰ لیونت ادالی اور استوائی گنی کے کنٹری مینیجر علی فوات اور دیگر عہدے داران بھی تقریب میں موجود تھے۔

معاہدے کے تحت مالابو اور باتا بندرگاہوں کے 25 سال تک آپریشن، جدیدکاری اور ترقی کی ذمے داری الپورٹ کے سپرد کی گئی ہے۔

خلیجِ گنی میں اسٹریٹجک اہمیت

باتا اور مالابو بندرگاہیں خلیج گنی کے ساحل پر واقع ہیں اور وسطی افریقہ کے لیے اہم تجارتی راستہ سمجھی جاتی ہیں۔ الپورٹ کا ہدف ان بندرگاہوں کے ذریعے چاروں طرف سے زمین سے گھرے ممالک جیسے چاڈ اور وسطی افریقی جمہوریہ تک رسائی کو بہتر بنانا اور علاقائی تجارتی راہداریوں کو فروغ دینا ہے۔

عالمی سطح پر ترکیہ کی بندرگاہی موجودگی میں اضافہ

ماہرین کے مطابق یہ پیش رفت ترکیہ کے نجی شعبے کے ذریعے عالمی بندرگاہی نظام میں بڑھتے ہوئے کردار کی عکاسی کرتی ہے۔ البائراک گروپ نے اپنی بندرگاہی سرگرمیوں کا آغاز ترکیہ میں طرابزون بندرگاہ سے کیا تھا جس کے بعد اس نے عالمی سطح پر الپورٹ کے ذریعے وسعت حاصل کی۔

کمپنی نے 2014 میں موغادیشو بندرگاہ کے ساتھ افریقہ میں قدم رکھا، جس کے بعد گنی میں کوناکری، گیمبیا میں بنجول اور کانگو میں پوائنٹ نوائر بندرگاہوں کا انتظام سنبھالا۔

عالمی بینک کے مطابق کوناکری اور موغادیشو کی بندرگاہیں حالیہ برسوں میں اپنے ذیلی خطے کی بہترین کارکردگی دکھانے والی بندرگاہیں قرار دی گئی ہیں جو الپورٹ کی کامیابی کا ثبوت ہے۔

افریقہ سے باہر، الپورٹ باکو بندرگاہ بھی چلا رہا ہے جس سے یوریشین تجارتی راستوں میں اس کی موجودگی مضبوط ہو رہی ہے۔

کمپنی نے حال ہی میں ترکیہ ویلتھ فنڈ کے ساتھ السانکک پورٹ کے کنٹینر اور جنرل کارگو ٹرمینل کے آپریشن کے لیے بھی معاہدہ کیا ہے جس کا مقصد بندرگاہ کی جدیدکاری اور گنجائش میں اضافہ ہے۔

افریقہ میں کثیر شعبہ جاتی سرمایہ کاری

البائراک گروپ بندرگاہوں کے علاوہ افریقہ میں مختلف شعبوں میں بھی سرگرم ہے۔ جن میں صومالیہ میں تعمیرات، گنی میں زراعت و شہری خدمات، کانگو میں ویسٹ مینجمنٹ اور مراکش میں ٹیکسٹائل انڈسٹری شامل ہیں۔ اس کے علاوہ لیبیا، گیمبیا اور ڈیموکریٹک ریپبلک آف کانگو میں بھی سرمایہ کاری کی جا رہی ہے۔

ماہرین کے مطابق ترکیہ کی افریقہ میں بڑھتی ہوئی بندرگاہی سرمایہ کاری نہ صرف تجارتی بلکہ اسٹریٹجک لحاظ سے بھی اہم ہے جو نئے تجارتی راستوں اور لاجسٹک نیٹ ورکس کو فروغ دے رہی ہے۔

مالابو اور باتا بندرگاہوں کا الپورٹ کے حوالے کیا جانا ترکیہ کی افریقہ میں بڑھتی ہوئی بندرگاہی اور لاجسٹک حکمتِ عملی کا ایک اہم سنگِ میل قرار دیا جا رہا ہے۔

اس کم چوڑائی کی وجہ سے ہی ایران نے اسے مؤثر طریقے سے کنٹرول کر رکھا ہے اور وہ مطالبہ کر رہا ہے کہ یہاں سے گزرنے والے جہاز اسے ٹول ٹیکس ادا کریں۔

اس آبی گزرگاہ پر کون سے قوانین کا اطلاق ہوتا ہے؟

اقوامِ متحدہ کا 'لا آف سی' یعنی سمندروں سے متعلق قانون ہے جو 1982 میں بنایا گیا تھا اور 1994 سے اس کا اطلاق شروع ہوا۔

اس کا آرٹیکل 38 بحری جہازوں کو دنیا بھر میں 100 سے زیادہ آبناؤں سے بلا روک ٹوک گزرنے کا حق فراہم کرتا ہے۔ اس میں آبنائے ہرمز بھی شامل ہے۔

اس بین الاقوامی معاہدے کے تحت آبنائے سے متصل ملک اپنے 'علاقائی سمندر' میں، جو سرحد سے 12 ناٹیکل میل تک ہوتا ہے، آمد و رفت کو منظم کرنے کا حق رکھتا ہے۔ تاہم اسے 'بے ضرر گزرگاہ یا انوسنٹ پیسج کی اجازت دینا لازمی ہے۔

بے ضرر گزرگاہ سے مراد ایسی آمدورفت ہے جو اس ملک کے امن، نظم و ضبط اور سلامتی کے لیے خطرہ نہ ہو۔ اس گزرگاہ کے ذریعے فوجی کارروائیاں، سنگین آلودگی، جاسوسی اور ماہی گیری کی اجازت نہیں ہوتی۔

لا آف سی یا سمندوں کے بین الاقوامی قوانین کو تقریباً 170 ممالک اور یورپی یونین اس معاہدے کی توثیق کر چکے ہیں لیکن تاہم ایران اور امریکہ نے اسے اب تک باقاعدہ طور پر تسلیم نہیں کیا۔

اسی لیے یہ مسئلہ کھڑا ہوتا ہے کہ کیا یہ بین الاقوامی قوانین تمام ملکوں پر لاگو ہوں گے یا صرف ان پر جو انہیں مانتے ہیں۔

ماہرین کے مطابق یہ معاہدہ عمومی طور پر بین الاقوامی ہی تصور کیا جاتا ہے۔ لیکن وہ ملک جنہوں نے اس کی توثیق نہیں کی، یہ مؤقف اختیار کرتے ہیں کہ وہ اس کے پابند نہیں۔ کیونکہ وہ مستقل طور پر ان قوانین پر اعتراض اٹھاتے رہے ہیں۔

ایران کا بھی کہنا ہے کہ اس نے بھی کئی اعتراضات اٹھائے ہیں اور اس قانون کا اطلاق اس پر نہیں ہوتا۔ لیکن امریکہ ایران کے اس اختیار کو تسلیم نہیں کرتا کہ وہ آبناؤں سے گزرنے پر ٹیکس عائد کرے۔

ٹول ٹیکس کو کیسے چیلنج کیا جا سکتا ہے؟

لا آف سی کے نفاذ کے لیے کوئی باضابطہ طریقۂ کار موجود نہیں ہے۔ اس معاہدے کے تحت قائم جرمنی کے شہر ہیمبرگ میں واقع 'انٹرنیشنل ٹریبیونل فور لا آف سی' اور نیدرلینڈز کے شہر دی ہیگ میں قائم بین الاقوامی عدالتِ انصاف فیصلے تو دے سکتے ہیں لیکن انہیں نافذ کرنے کا اختیار نہیں رکھتے۔

البتہ ممالک اور کمپنیاں ٹول ٹیکس کے خلاف دیگر اقدامات کر سکتی ہیں۔

ماہرین کے مطابق کوئی ملک یا ممالک کا اتحاد اس معاہدے پر عمل درآمد کرانے کی کوشش کر سکتا ہے جب کہ اقوام متحدہ کی سلامتی کونسل ٹول کے خلاف قرارداد بھی منظور کر سکتی ہے۔

دوسری جانب کمپنیاں اپنی ترسیلات کو آبنائے ہرمز کے بجائے متبادل راستوں پر منتقل کر سکتی ہیں اور بعض نے ایسا کرنا شروع بھی کر دیا ہے۔

مزید یہ کہ کچھ ممالک ایران کی حکومت کو فائدہ پہنچانے والے مالی لین دین پر پابندیاں سخت کر سکتے ہیں، مثلاً اُن کمپنیوں پر پابندیاں عائد کی جا سکتی ہیں جو ٹول ٹیکس ادا کرنے پر آمادہ ہوں تاکہ ایران کو دباؤ میں لا کر ٹول ختم کرایا جا سکے۔

موغادیشو بندرگاہ پر ڈرل شپ "چاغری بے" کی آمد کے موقع پر منعقدہ تقریب سے خطاب کرتے ہوئے انہوں نے کہا کہ اس جہاز کی آمد صومالیہ کے پانیوں میں ترکیہ کی توانائی تلاش کی کوششوں کے ایک نئے مرحلے کی نشان دہی کرتی ہے۔

انہوں نے مزید کہا کہ کوراد-1 کنواں ترکیہ کی بیرونِ ملک توانائی سرگرمیوں کو وسعت دینے کی جانب ایک اہم قدم ہے۔ کیونکہ اب صومالیہ کے ساحل کے قریب گہرے سمندری علاقوں میں باضابطہ طور پر تلاش کا عمل شروع ہو رہا ہے۔

https://t.co/gg7FOMqVBl

اس سے قبل پاکستان کے وزیر اعظم شہباز شریف نے اپنے پیغام میں تمام فریقین سے دو ہفتوں کی جنگ بندی کی اپیل کی تھی۔

ٹرمپ کا بیان

ڈونلڈ ٹرمپ نے ٹروتھ سوشل پر اپنے پیغام میں کہا کہ پاکستان کے وزیر اعظم اور فیلڈ مارشل نے ان سے درخواست کی کہ وہ آج رات ایران پر حملے نہ کریں، اس شرط کے ساتھ کہ ایران آبنائے ہرمز کو فوری طور پر کھولنے کے لیے رضا مند ہو۔

ان کا مزید کہنا تھا کہ جنگ معطل کرنے کی وجہ یہ بھی ہے کہ ہم پہلے ہی تمام فوجی اہداف حاصل کر چکے ہیں اور ایران کے ساتھ طویل المدتی امن اور مشرق وسطیٰ میں امن کے لیے ایک حتمی معاہدے پر کافی کام کر چکے ہیں۔

امریکی صدر نے کہا کہ انہیں ایران کی جانب سے 10 نکات پر مشتمل ایک تجویز موصول ہوئی ہے اور ان کا خیال ہے کہ یہ مذاکرات کے لیے ایک قابل عمل بنیاد فراہم کرتی ہے۔ ماضی کے تنازعات کے تقریباً تمام مختلف نکات پر امریکہ اور ایران میں اتفاق رائے ہو چکا ہے، تاہم دو ہفتوں کی یہ مدت معاہدے کو حتمی شکل دینے اور اسے عملی جامہ پہنانے میں مدد دے گی۔

ایران کا آبنائے ہرمز کھولنے کا اعلان

ٹرمپ کے اس بیان کے بعد ایران کی جانب سے بھی جنگ بندی پر اور آبنائے ہرمز کو کھولنے کا اعلان کیا گیا۔ ایرانی وزیر خارجہ عباس عراقچی نے ایکس پر سرکاری بیان جاری کیا گیا جسے ڈونلڈ ٹرمپ نے اپنے ٹروتھ سوشل پر بھی شیئر کیا۔

عباس عراقچی نے پاکستان کے وزیرِ اعظم شہباز شریف اور فیلڈ مارشل جنرل عاصم منیر کا شکریہ ادا کرتے ہوئے لکھا کہ انہوں نے خطے میں جنگ کے خاتمے کے لیے ان تھک کوششیں کیں۔

عباس عراقچی نے مزید کہا کہ وہ ایران کی سپریم نیشنل سیکیورٹی کونسل کی جانب سے باضابطہ طور پر اعلان کرتے ہیں کہ اگر ایران کے خلاف حملے روکے جاتے ہیں تو ہماری مسلح افواج اپنی دفاعی کارروائیاں بند کر دیں گی۔ دو ہفتوں کے لیے آبنائے ہرمز کھول دی جائے گی تاہم اس سے گزرنے کے لیے ایرانی فوج سے رابطہ رکھنا ہو گا۔

تنازع میں شریک تیسرے ملک اسرائیل نے بھی امریکی صدر ٹرمپ کے جنگ بندی کے فیصلے کی حمایت تو کی ہے مگر یہ بھی کہا ہے کہ اس کا اطلاق لبنان پر نہیں ہو گا۔

پاکستان کی فریقین کو اسلام آباد آنے کی دعوت

دوسری جانب تمام فریقین کی جانب سے جنگ بندی کے اعلان پر پاکستان کے وزیرِ اعظم شہباز شریف نے خوشی کا اظہار کیا اور شکریہ ادا کرتے ہوئے کہا کہ میں امریکہ اور ایران کی مذاکراتی ٹیموں کو دعوت دیتا ہوں کہ وہ 10 اپریل 2026 کو اسلام آباد تشریف لائیں تاکہ تمام تنازعات کے حتمی حل کے لیے مزید بات چیت کی جا سکے۔

شہباز شریف نے امید ظاہر کی کہ 'اسلام آباد مذاکرات' کامیاب ہوں گے اور آنے والے دنوں میں مزید خوش خبریاں سننے کو ملیں گی۔

تیل کی قیمتوں میں بڑی کمی اور اسٹاک مارکیٹ میں اضافہ

امریکہ اور ایران کی جنگ بندی کا عالمی مالیاتی منڈیوں پر بھی مثبت اثر دیکھنے میں آیا ہے۔ ایک طرف عالمی منڈی میں تیل کی قیمتیں کچھ کم ہوئی ہیں تو دوسری جانب پاکستان کے اسٹاک ایکسچینج میں بدھ کو بڑا اضافہ ہوا ہے۔

پاکستان اسٹاک ایکسچینج کے 100 انڈیکس میں بدھ کی دوپہر 12 بجے تک 12 ہزار 600 سے زیادہ پوائنٹس کا اضافہ ہو چکا ہے جب کہ عالمی منڈی میں امریکی کروڈ آئل کی قیمت میں 16 ڈالر فی بیرل اور برینٹ کروڈ میں 14 ڈالر فی بیرل سے زیادہ کی کمی آ چکی ہے۔

امریکی کروڈ آئل کی فی بیرل قیمت اب 96.11 ڈالر اور برینڈ کروڈ 94.76 ڈالر فی بیرل پر آ چکا ہے جو خاصی بڑی کمی ہے۔ تاہم یہ قیمتیں اب بھی اس سطح سے کافی زیادہ ہیں جو 28 فروری کو جنگ شروع ہونے سے قبل تھیں۔

پاسدارانِ انقلاب کے بیان میں کہا گیا ہے کہ 'ہم امریکہ اور اس کے اتحادیوں کے انفراسٹرکچر کو نقصان پہنچائیں گے جس کے نتیجے میں امریکہ اور اس کے اتحادی خطے میں کئی سال تک تیل اور گیس سے محروم ہو جائیں گے۔'

پاسدارانِ انقلاب نے کہا کہ ایران نے اب تک اچھے ہمسائیگی کے اصولوں کو مدنظر رکھتے ہوئے تحمل کا مظاہرہ کیا ہے لیکن اب یہ تمام عوامل ختم بھی کیے جا سکتے ہیں۔

بیان میں مزید کہا گیا ہے کہ ایران نے اب تک شہری اہداف کو نشانہ نہیں بنایا۔ تاہم اگر اس کے شہری ڈھانچے پر حملہ کیا گیا تو وہ بھرپور جواب دے گا۔

یہ بیان اس وقت سامنے آیا ہے جب امریکی صدر ڈونلڈ ٹرمپ نے ایران کو دھمکی دی ہے کہ اگر اس نے منگل کی رات تک آبنائے ہرمز نہ کھولی اور معاہدہ نہ کیا تو ایران کے پاور پلانٹس اور پلوں پر بم باری کر کے انہیں تباہ کر دیا جائے گا۔

خطے میں کشیدگی 28 فروری سے جاری ہے جب اسرائیل اور امریکہ نے ایران کے خلاف حملے شروع کیے تھے۔

ایران نے جوابی کارروائی میں اسرائیل، امریکی اہداف اور ان خلیجی ممالک کو نشانہ بنایا جہاں امریکی فوجی اڈے موجود ہیں جس کے نتیجے میں تمام فریقین کا جانی و مالی نقصان ہوا ہے۔

تاہم پیٹرولیم مصنوعات کی قیمتوں میں اضافے کے اس حکومتی فیصلے پر عوامی حلقوں اور سوشل میڈیا پر سخت تنقید بھی ہو رہی ہے اور بعض حلقوں کا کہنا ہے اس سے ملک میں مہنگائی کا ایک نیا طوفان جنم لے گا اور تمام اشیا کی قیمتیں بڑھ جائیں گی۔

حذیفہ نامی صارف نے ایکس پر اسے قیمتوں میں تاریخ کا سب سے بڑا اضافہ قرار دیتے ہوئے کہا کہ حکومت نے عام آدمی کو کچل دیا ہے۔ ایک عام شہری کیسے اس اضافے کو برداشت کر پائے گا۔ ان کا کہنا تھا کہ یہ قیمتوں میں اضافہ نہیں بلکہ معاشی تباہی ہے۔

https://t.co/mqB48Kj3Z1

جماعت اسلامی کے امیر حافظ نعیم الرحمان نے بھی قیمتوں میں اضافے کو مسترد کرتے ہوئے اسے عوام پر پھینکا گیا پیٹرول بم قرار دیا اور حکومت کو سخت تنقید کا نشانہ بنایا ہے۔ انہوں نے ملک میں احتجاجی تحریک شروع کرنے کا بھی اعلان کیا۔

https://t.co/eSFixCNf3V

ایران جنگ شروع ہونے سے قبل پاکستان میں پیٹرول کی فی لیٹر قیمت ڈھائی سو روپے سے کچھ زیادہ تھی جس میں اب تقریباً دو سو روپے کا اضافہ ہو چکا ہے۔ اسی طرح ڈیزل، مٹی کے تیل اور ایل پی جی گیس کی قیمت میں بھی بڑا اضافہ کیا جا چکا ہے۔

پیٹرول کی موجودہ قیمت 458.40 روپے (1.65$) جب کہ ڈیزل کی قیمت 520.35 روپے (1.87$) ہو چکی ہے۔

حکومت کا کہنا ہے کہ وہ مستحق طبقوں کو پیٹرولیم مصنوعات کی قیمتوں میں اضافے سے بچانے کے لیے ٹارگٹڈ سبسڈی دے گی۔ موٹر سائیکل سواروں کو فی لیٹر 100 روپے کی رعایت دی جائے گی تاہم یہ صرف 20 لیٹر ماہانہ پیٹرول کے لیے ہوگی۔

اسی طرح چھوٹے کسانوں کو فی ایکڑ زمین پر 1500 روپے یکمشت دیے جائیں گے تاکہ وہ فصل کی کاشت کے دوران پیٹرولیم مصنوعات کی قیمتوں میں اضافےکے اثرات سے بچ سکیں۔

حکومت ٹرانسپورٹ کے شعبے کو بھی رعایت دے گی اور سامان بردار ٹرکوں کو ماہانہ 70 ہزار روپے تک دیے جائیں گے، بڑی ٹرانسپورٹ گاڑیوں کو 80 ہزار اور مسافر بسوں کو ایک لاکھ روپے ماہانہ تک دیے جائیں گے تاکہ دیگر اشیا کی قیمتوں میں ٹرانسپورٹ کی مد میں کم سے کم اضافہ ہو۔

وزیر خزانہ محمد اورنگزیب نے کہا ہے کہ سبسڈیز کا ماہانہ بنیادوں پر جائزہ لیا جائے گا جب کہ پاکستان ریلوے کو بھی کم آمدنی والے طبقوں کے لیے کرائے کم رکھنے میں حکومت مدد دے گی۔

جنگ کا خاتمہ؟ ابھی نہیں

جنگ سے تھکے ہوئے امریکی عوام اور گرتی ہوئی مقبولیت کے دباؤ کے باوجود ٹرمپ نے دعویٰ کیا کہ امریکہ نے ایران کی بحریہ اور فضائیہ کو تباہ کر دیا ہے اور اس کے بیلسٹک میزائل و جوہری پروگرام کو شدید نقصان پہنچایا ہے۔ انہوں نے کہا کہ آئندہ دو سے تین ہفتوں میں حملے 'انتہائی شدت' کے ساتھ جاری رہیں گے۔

تاہم اس کے باوجود انہوں نے جنگ کے خاتمے کے لیے کوئی واضح ٹائم لائن دینے سے گریز کیا اور عندیہ دیا کہ اگر ایران نے مذاکرات میں امریکی شرائط نہ مانیں تو جنگ مزید شدت اختیار کر سکتی ہے جس میں ایران کے توانائی کے بنیادی ڈھانچے کو نشانہ بنایا جا سکتا ہے۔

ٹرمپ کے ہر لمحہ بدلتے بیانات اس تنازع میں غیر یقینی برقرار رکھے ہوئے ہیں جس کی وجہ سے عالمی معاشی منڈیوں کو بھی نقصان پہنچ رہا ہے۔ کسی بیان میں وہ سفارتی حل کی طرف بڑھنے کی بات کرتے ہیں اور جنگ کے جلد خاتمے کا عندیہ دیتے ہیں تو اگلے ہی لمحے کسی اور بیان میں وہ ایران کو مزید شدت سے نشانہ بنانے کی دھمکی دیتے نظر آتے ہیں۔

ٹرمپ کی جانب سے ایک ہی خطاب میں دھمکیوں اور سفارتی حل دونوں کا ذکر کرنے سے مالیاتی منڈیوں اور امریکی عوام میں بے چینی کم ہونے کے بجائے مزید بڑھ سکتی ہے۔ تجزیہ کاروں کے مطابق ان کے متضاد بیانات نے صورتِ حال کو مزید الجھا دیا ہے۔

آبنائے ہرمز: فیصلہ کن مسئلہ

ٹرمپ نے اپنے خطاب میں یہ واضح نہیں کیا کہ آیا امریکی فوجی کارروائیاں آبنائے ہرمز کھلنے سے پہلے ختم ہو سکتی ہیں یا نہیں۔ یہ اہم آبی گزرگاہ عالمی توانائی کی ترسیل کے لیے نہایت اہم ہے اور اس پر ایران کا کنٹرول عالمی سطح پر توانائی کے بحران کا سبب بنا ہوا ہے۔

انہوں نے خلیجی ملکوں کے تیل پر انحصار کرنے والے ممالک سے کہا کہ وہ آبنائے ہرمز کو کھولنے کے لیے خود آگے بڑھیں اور یہ بوجھ اٹھائیں۔ انہوں نے کہا امریکہ کو اس خطے سے توانائی کی ضرورت نہیں۔

دوسری جانب امریکہ کے مغربی اتحادی اس جنگ میں شامل ہونے سے گریزاں ہیں۔ کیوں کہ ان کے مطابق یہ تنازع امریکہ اور اسرائیل نے ان سے مشورہ کیے بغیر شروع کیا۔

تجزیہ کاروں کا کہنا ہے کہ خدشہ یہ ہے کہ ایران کو آبنائے ہرمز پر کلیدی قوت حاصل ہو جائے گی جس سے خلیجی ریاستیں بھی خوش نہیں ہوں گی۔

کیا امریکہ کا مشن واقعی مکمل ہوا؟

ٹرمپ جنگ میں امریکی کامیابیوں کا ذکر کر رہے ہیں مگر یہ سوال اب بھی برقرار ہے کہ کیا وہ اپنا بنیادی ہدف، ایران کو جوہری ہتھیار حاصل کرنے سے روکنا، حاصل کر پائے ہیں یا نہیں۔

جنگ کو ایک ماہ سے زیادہ کا عرصہ گزرنے کے باوجود ایران کے پاس افزودہ یورینیم کا ذخیرہ موجود ہے جو ممکنہ طور پر زیرِ زمین محفوظ کیا گیا ہے۔ ٹرمپ نے اچانک اپنے پہلے مؤقف سے ہٹتے ہوئے کہا ہے کہ اب انہیں اس یورینیم کی فکر نہیں کیونکہ وہ 'بہت گہرائی میں' ہے اور امریکی سیٹلائٹس اس پر نظر رکھ سکتی ہیں۔

انہوں نے اس ذخیرے کو کہیں اور منتقل کرنے کی صورت میں ایران پر دوبارہ فضائی حملوں کی دھمکی بھی دی لیکن یہ ذکر نہیں کیا کہ وہ اسے قبضے میں لینے کے لیے کوئی اسپیشل فورس بھیجنے کا ارادہ رکھتے ہیں یا نہیں کیوں کہ امریکی حکام یہ کہہ چکے تھے کہ یہ تجویز بھی زیرِ غور ہے۔

ایران کی عسکری صلاحیت برقرار

اگرچہ ٹرمپ ایران کی فوجی طاقت کو تباہ کرنے کے دعوے مسلسل دہرا رہے ہیں۔ تاہم ایران نے دکھایا ہے کہ اس کے باقی ماندہ میزائل اور ڈرونز اب بھی اسرائیل، خلیجی اتحادیوں اور امریکی فوجی اڈوں کو نشانہ بنا سکتے ہیں۔

ایران کی حکومت کو گرانے کے حوالے سے بھی ٹرمپ کے ابتدائی بیانات حقیقت میں تبدیل نہیں ہو سکے۔ اگرچہ ایران کے کئی اعلیٰ عہدے دار مارے جا چکے ہیں مگر ان کی جگہ مزید سخت مؤقف رکھنے والے افراد نے لے لی ہے۔ یعنی صرف چہرے بدلے ہیں، رجیم اب بھی برقرار ہے۔

اندرونی سیاست اور عوامی ردعمل

یہ خطاب 28 فروری کو جنگ شروع ہونے کے بعد ٹرمپ کا پہلا اہم خطاب تھا جس کا مقصد امریکی عوام کے خدشات کم کرنا تھا۔ تاہم انہوں نے مہنگائی اور ایندھن کی بڑھتی قیمتوں پر عوامی تشویش کو عارضی قرار دیا۔

انہوں نے کہا 'بہت سے امریکی پیٹرول کی قیمتوں میں حالیہ اضافے پر پریشان ہیں۔ یہ عارضی اضافہ مکمل طور پر ایرانی حکومت کے غیر ذمے دارانہ حملوں کا نتیجہ ہے۔ وہ کمرشل آئل ٹینکروں اور پڑوسی ملکوں کو نشانہ بنا رہے ہیں جن کا اس تنازع سے کوئی لینا دینا نہیں۔'

اگرچہ ٹرمپ کے حامی اب تک ان کے ساتھ کھڑے ہیں، تاہم بڑھتی مہنگائی اور طویل جنگ ان کی مقبولیت کو مزید نقصان پہنچا سکتی ہے، خاص طور پر نومبر کے وسط مدتی انتخابات سے قبل۔ ایک سروے کے مطابق ٹرمپ کی مقبولیت 36 فیصد تک گر چکی ہے، جو ان کی دوسری ٹرم کی کم ترین سطح ہے۔

ٹرمپ کے خطاب کے بعد ایک بار پھر اسٹاک مارکیٹس میں کمی، ڈالر میں مضبوطی اور تیل کی قیمتوں میں اضافہ دیکھا گیا۔ کیوں کہ انہوں نے جنگ کے خاتمے کے حوالے سے کوئی واضح لائحہ عمل پیش نہیں کیا۔

کمزور خطاب؟

اگرچہ یہ خطاب ٹرمپ کے لیے عوام سے دوبارہ جڑنے کا موقع تھا مگر انہوں نے زیادہ تر روایتی نکات ہی دہرائے اور جنگ میں جانے کی وجوہات کو واضح نہیں کیا۔ ان کا انداز بھی غیر معمولی طور پر سنجیدہ اور مدھم رہا جو ان کے عام جارحانہ انداز سے مختلف تھا۔

وفد نے بندرگاہ کے آپریٹر ادارے الپورٹ کوناکری ایس اے کا دورہ کیا اور ادارے کی سرگرمیوں کے بارے میں تفصیلی بریفنگ حاصل کی۔ اس موقع پر البیراک گروپ کا عمومی تعارف پیش کیا گیا جب کہ الپورٹ کوناکری کی سرمایہ کاری اور بندرگاہ میں جاری جدید اصلاحاتی اقدامات پر بھی پریزنٹیشن دی گئی۔

گنی کے قومی چیمبر آف کامرس کے صدر ایم بالدی نے اپنے بیان میں ترکیہ کی جانب سے البیراک گروپ کے ذریعے کی جانے والی سرمایہ کاری کو سراہتے ہوئے کہا کہ الپورٹ کوناکری کی جانب سے بندرگاہ پر کی گئی جدیدیت اور ترقیاتی اقدامات ملکی معیشت میں نمایاں کردار ادا کر رہے ہیں۔

یہ دورہ گنی کی جانب سے بین الاقوامی سرمایہ کاروں کے ساتھ تعاون کو مضبوط بنانے اور ملک کی معاشی صلاحیت کو مؤثر انداز میں بروئے کار لانے کی حکمت عملی کے تحت ایک اہم پیش رفت قرار دیا جا رہا ہے۔

فی الحال کسی بھی ملک نے ورک فرام ہوم کو نافذ تو نہیں کیا ہے لیکن اس پر غور ضرور ہو رہا ہے۔ پاکستان سمیت بعض ملکوں نے توانائی کی بچت کے لیے کچھ دیگر اقدامات کیے ہیں۔

بین الاقوامی توانائی ایجنسی، جس نے اپنے اسٹرٹیجک ذخائر سے 40 کروڑ بیرل تیل فراہم کیا ہے، نے اب تجویز دی ہے کہ تیل کی قیمتوں کے بحران سے بچنے کے لیے ورک فرام ہوم کی سہولت پر جانا چاہیے اور فضائی سفر سے اجتناب کرنا چاہیے۔

جنوبی کوریا کے وزیرِ توانائی نے اسے قابلِ عمل تجویز قرار دیتے ہوئے کہا ہے کہ 'یہ ایک اچھا آئیڈیا ہے۔'

بین الاقوامی توانائی ایجنسی کے سربراہ فاتح بیرول نے رواں ہفتے سڈنی میں ایک کانفرنس کے دوران توانائی میں بچت کے حوالے سے یہ تجاویز دیں۔ انہوں نے کہا کہ 'روس کے یوکرین پر حملے کے بعد یورپی ملکوں نے بھی ایسے ہی اقدامات کو اپنایا۔ ان اقدامات نے روسی توانائی کے بغیر اس مشکل وقت سے نکلنے میں مدد دی۔'

ممالک توانائی بچانے کے لیے کیا کر رہے ہیں؟

جنوبی کوریا نے منگل کو عوامی سطح پر توانائی کی بچت کے لیے ایک مہم شروع کی ہے جس میں لوگوں کو غسل کے وقت کا دورانیہ کم کرنے، دن کے وقت موبائل فون چارج کرنے اور ویکیوم کلینر صرف ہفتہ وار چھٹی کے روز چلانے کی ترغیب دی جا رہی ہے۔

جنوبی کوریا کے وزیرِ توانائی نے کہا ہے کہ 'ہم متعلقہ وزارتوں سے مشاورت کریں گے اور ورک فرام ہوم کی تجویز پر بھی سنجیدگی سے غور کریں گے۔'

فلپائن جس کا زیادہ تر انحصار مشرق وسطیٰ سے آنے والے تیل پر ہے، نے کچھ سرکاری دفاتر میں ہفتے کے کام کے دن کم کر دیے ہیں۔ فلپائنی صدر نے نیشنل انرجی ایمرجنسی بھی نافذ کی ہے۔

پاکستان میں دو ہفتوں کے لیے اسکول بند کیے گئے اور دفاتر کے ملازمین کے گھروں سے کام کو ترجیح دینے کا کہا گیا ہے۔

سری لنکا میں فیول کی بچت کے لیے ہر بدھ کو عام تعطیل کا اعلان کیا گیا ہے۔

سنگاپور اپنے شہریوں اور کاروباروں پر توانائی کی بچت کرنے والی مشینوں، الیکٹرک گاڑیوں کے استعمال اور اے سی کا درجہ حرارت زیادہ رکھنے پر زور دے رہا ہے۔

تھائی لینڈ کے وزیرِ اعظم نے سرکاری افسران کے بیرونِ ملک دورے معطل کر دیے ہیں۔ اس کے علاوہ ایئرکنڈیشنڈز کے درجہ حرارت کو 25 ڈگری سے اوپر رکھنے، سوٹ اور ٹائی پہننے سے گریز، ورک فرام ہوم اور لفٹ کے بجائے سیڑھیوں کے استعمال جیسے اقدامات بھی کیے ہیں۔

جاپان کی حکومت نے منگل کو کہا ہے کہ وہ فیول پر سبسڈی دینے پر غور کر رہی ہے۔ پانچ ارب ڈالر کی یہ سبسڈی ریزرو فنڈ سے دی جائے گی تاکہ پیٹرول کی قیمتوں کو اوسطاً 170 ین فی لیٹر پر برقرار رکھا جا سکے۔

نیوزی لینڈ نے کم آمدنی والے طبقوں کے لیے ہفتہ وار مالی مدد کا اعلان کیا ہے۔ تقریباً 29 ڈالر کے قریب رقم ہر ہفتے غریب گھرانوں کو دی جائے گی۔

آسٹریلیا میں سینکڑوں پیٹرول اسٹیشنوں پر معمول سے زیادہ خریداری کی وجہ سے پیٹرول کی قلت ہو گئی ہے۔ اسی طرح انڈیا میں بھی پیٹرول پمپس پر لوگوں کا رش لگا ہوا ہے۔

بعض ایشیائی ملکوں میں پیٹرول اور ڈیزل کا معیار بھی گرایا گیا ہے تاکہ سپلائی زیادہ ہو سکے۔ یعنی ملاوٹ کے ذریعے مقدار بڑھائی جا رہی ہے۔ کچھ ملکوں نے اپنی مقامی ذخائر سے پیٹرول اور ڈیزل مارکیٹ میں پہنچایا ہے۔

ڈونلڈ ٹرمپ نے پیر کو اپنے سوشل میڈیا پلیٹ فارم ٹروتھ سوشل پر کہا تھا کہ امریکہ اور ایران کے مابین 'مشرق وسطیٰ کے مسائل کے مکمل اور حتمی حل' کے لیے 'بہت اچھی اور تعمیری' بات چیت ہوئی ہے۔

ٹرمپ نے ہفتے کے روز ایران کو آبنائے ہرمز کھولنے کے لیے 48 گھنٹوں کا وقت دیا تھا۔ بصورتِ دیگر ایران کے بجلی گرڈ کو نشانہ بنانے کی دھمکی دی تھی۔ ایران نے بھی جواب میں امریکی اتحادیوں کے انفراسٹرکچر پر ایسی ہی کارروائیوں کی دھمکیاں دی تھیں۔ تاہم پیر کو ڈیڈ لائن ختم ہونے کے بعد ٹرمپ نے حملوں کو پانچ روز کے لیے مؤخر کرتے ہوئے کہا کہ ایران کے ساتھ مذاکرات ہو رہے ہیں۔

ان کا کہنا تھا کہ وہ نتیجتاً ایران کے پاور گرڈ پر حملوں کو پانچ روز کے لیے مؤخر کر رہے ہیں۔ ٹرمپ کے اس اعلان کے بعد تیل کی قیمتیں تیزی سے کم ہو کر 100 ڈالر سے نیچے گئیں۔

'کوئی مذاکرات نہیں ہوئے'

تاہم معاملہ منگل کو ایک بار پھر بگڑتا دکھائی دے رہا ہے اور تیل کی قیمتیں بھی دوبارہ بڑھ گئی ہیں جب ایران کی پارلیمنٹ کے اسپیکر محمد باقر قالیباف نے ٹرمپ کی ایران سے مذاکرات کی باتوں کو 'فیک نیوز' قرار دیتے ہوئے کہا ہے کہ کوئی مذاکرات نہیں ہوئے۔

اسرائیلی عہدے دار اور دو دیگر ذرائع کے مطابق محمد باقر قالیباف ایران کی طرف سے مذاکرات میں شامل ہوتے ہیں۔ لہذا ان کا یہ بیان اہمیت کا حامل ہے۔

https://twitter.com/mb_ghalibaf/status/2036108700524347420?ref_src=tws

قالیباف نے ایکس پر اپنے پیغام میں لکھا کہ 'امریکہ کے ساتھ کوئی مذاکرات نہیں ہوئے۔ معاشی اور تیل کی منڈیوں میں ہیرا پھیری کے لیے جھوٹی خبروں کو استعمال کیا جا رہا ہے تاکہ اس دلدل سے نکل سکیں جس میں امریکہ اور اسرائیل پھنس چکے ہیں۔'

ایران کے پاسدارانِ انقلاب نے کہا ہے کہ وہ امریکی اہداف پر نئے حملے کر رہے ہیں۔ پاسدارانِ انقلاب نے ٹرمپ کے بیانات سے متعلق کہا ہے کہ اس سے تہران کی لڑائی پر کوئی فرق نہیں پڑے گا۔

ایران کے اس اعلان کے بعد برینٹ کروڈ کی قیمت پھر 104.21 ڈالر فی بیرل ہو گئی ہے جو پیر کو 10 فیصد تک نیچے آئی تھی۔

پاکستان میں مذاکرات کا امکان

ایک یورپی عہدے دار نے کہا ہے کہ امریکہ اور ایران کے درمیان براہِ راست کوئی مذاکرات نہیں ہوئے۔ تاہم مصر، پاکستان اور خلیجی ملکوں کے ذریعے پیغامات کا تبادلہ ہوا ہے۔

رائٹرز کے مطابق ایک پاکستانی عہدے دار اور دیگر ذرائع نے اسے بتایا ہے کہ جنگ کے خاتمے کے لیے براہِ راست مذاکرات رواں ہفتے اسلام آباد میں ہونے کا امکان ہے۔

پاکستانی عہدے دار کے مطابق ڈونلڈ ٹرمپ کی فیلڈ مارشل عاصم منیر سے گفتگو کے بعد امریکی نائب صدر جے ڈی وینس، ٹرمپ کے داماد جیرڈ کشنر اور امریکی نمائندہ خصوصی اسٹیو وٹکوف کی رواں ہفتے اسلام آباد میں ایرانی حکام سے ملاقات کا امکان ہے۔

وائٹ ہاؤس نے ڈونلڈ ٹرمپ اور جنرل عاصم منیر کی ٹیلیفونک رابطے کی تصدیق کی ہے جب کہ ایرانی میڈیا نے رپورٹ کیا ہے کہ صدر مسعود پزشکیان کا پاکستانی وزیرِ اعظم شہباز شریف سے رابطہ ہوا ہے جس میں علاقائی سلامتی اور جنگ کی صورتِ حال پر گفتگو کی گئی۔

اس ایونٹ میں 700 سے زائد عالمی صنعت کار رہنماؤں نے شرکت کی جہاں پروجیکٹ کارگو، ہیوی لفٹ لاجسٹکس اور بریک بلک شپنگ کے مستقبل پر غور کیا گیا۔ یہ تقریب تعاون، معلومات کے تبادلے اور اسٹریٹجک شراکت داریوں کے فروغ کے لیے ایک اعلیٰ سطحی پلیٹ فارم ثابت ہوئی۔

الپورٹ کے وفد کی قیادت جنرل کوآرڈی نیٹر مصطفیٰ لیونت ادالی نے کی۔ جنہوں نے عالمی شراکت داروں کے ساتھ اہم ملاقاتیں اور نیٹ ورکنگ سیشنز میں حصہ لیا۔ ان ملاقاتوں میں انجینئرنگ، پروکیورمنٹ اینڈ کنسٹرکشن، آئل اینڈ گیس، مائننگ اور اسٹیل جیسے اہم شعبوں میں پیچیدہ لاجسٹکس آپریشنز کے لیے جدید حل پر تبادلہ خیال کیا گیا۔

ایکسپو کے دوران مصطفیٰ ادالی اور الپورٹ بانجول کے جنرل مینیجر صالح لیونت کاچار نے ایک چینی ٹی وی چینل کو انٹرویو بھی دیا جس میں انہوں نے افریقہ میں کمپنی کی بڑھتی ہوئی سرمایہ کاری کی حکمت عملی پر روشنی ڈالی۔ کاچار نے بتایا کہ صرف ایک سال کے اندر الپورٹ بانجول میں آپریشنل اور کارکردگی کے حوالے سے نمایاں بہتری آئی ہے جس کا سہرا انفراسٹرکچر، تعمیرات اور آلات میں بڑے پیمانے پر کی گئی سرمایہ کاری کو جاتا ہے۔

الپورٹ نے اس عزم کا اعادہ کیا کہ وہ جدت کے ذریعے بندرگاہوں کے آپریشنز کو بہتر بنا کر اور روابط کو فروغ دے کر عالمی تجارت کو مزید مضبوط بنائے گا۔

کمپنی نے اپنے چینی شراکت دار اکیتا گروپ کا بھی شکریہ ادا کیا، جنہوں نے ایونٹ کے دوران تعاون اور میزبانی فراہم کی۔

بدھ کو ایران نے قطر کے راس لفان انڈسٹریل سٹی پر حملے کیے جو دنیا کا سب سے بڑا ایل این جی کا برآمدی مرکز ہے۔ میزائل حملوں کے نتیجے میں قطر کے راس لفان ایل این جی کمپلیکس کے کچھ حصوں میں آگ بھڑک اٹھی، جس سے دنیا کے بڑے گیس مراکز میں سے ایک کو نقصان پہنچا۔

متحدہ عرب امارات نے بھی میزائل گرانے کے بعد اپنے حبشان گیس مرکز پر کام روک دیا جب کہ بحرین کے ایل این جی اثاثوں پر بھی شدید میزائل حملوں کی اطلاعات ہیں۔

دنیا بھر میں ایل این جی کی تقریباً 20 فیصد ترسیل عام طور پر آبنائے ہرمز کے راستے ہوتی ہے جو 28 فروری کو جنگ شروع ہونے کے بعد سے بڑی حد تک بند ہے۔

دوسری جانب برطانیہ میں بھی قدرتی گیس کی قیمتیں 140 فیصد تک بڑھ چکی ہیں کیوں کہ ایران کے خلاف اسرائیل-امریکہ جنگ نے عالمی توانائی کی ترسیل کو شدید متاثر کیا ہے۔ برطانیہ میں بھی قیمتیں جنوری 2023 کے بعد بلند ترین سطح پر پہنچی ہیں۔

برطانیہ توانائی کے لیے بڑی حد تک درآمدات پر انحصار کرتا ہے خاص طور پر مشرقِ وسطیٰ اور قطر سے آنے والی گیس پر۔

ٹرمپ نے اپنے سرکاری جہاز 'ایئرفورس ون' میں صحافیوں سے گفتگو کے دوران کہا کہ 'میں ان ملکوں سے مطالبہ کرتا ہوں کہ وہ آگے آئیں اور اپنے علاقے کی حفاظت کریں کیوں کہ یہ ان کا علاقہ ہے۔ یہ وہ جگہ ہے جہاں سے وہ توانائی حاصل کرتے ہیں۔'

ان کا کہنا تھا کہ چائنہ کو بھی مدد کرنی چاہیے کیوں کہ وہ اپنا 90 فیصد تیل ان راستوں سے حاصل کرتا ہے۔

ٹرمپ کے بقول امریکی حکومت نے اس ضمن میں سات ملکوں سے رابطہ کیا ہے۔ تاہم انہوں نے ملکوں کے نام ظاہر نہیں کیے۔ تاہم ایک سوشل میڈیا پوسٹ میں انہوں نے امید ظاہر کی کہ چائنہ، فرانس، جاپان، جنوبی کوریا، برطانیہ اور دیگر قوتیں حصہ لیں گی۔

صدر ٹرمپ کا کہنا تھا کہ 'میں نے اپنے ہم منصبوں سے کہا ہے کہ اگر وہ مدد نہیں کرتے تو ہم یاد رکھِیں گے۔'

ٹرمپ کے اس بیان کے بعد تیل کی قیمتیں مزید بڑھی ہیں اور برینٹ کروڈ ایک فیصد اضافے کے بعد 104 ڈالر کی سطح سے اوپر پہنچ گیا ہے۔

نیٹو اتحادیوں کو 'بہت برے' مستقبل کی دھمکی

ڈونلڈ ٹرمپ نے اپنے یورپی اتحادیوں پر دباؤ ڈالتے ہوئے آبنائے ہرمز کھلی رکھنے میں مدد دینے کا مطالبہ کیا اور ساتھ ہی تنبیہ بھی کی کہ اگر نیٹو کے اراکین امریکہ کی مدد کو نہ آئے تو نیٹو کا مستقبل 'بہت برا' ہوگا۔

یورپی یونین کے وزرائے خارجہ اس معاملے پر پیر کو بات چیت کریں گے جس کے بعد ان کی جانب سے کوئی حتمی فیصلہ سامنے آنے کی توقع ہے۔

دوسری جانب برطانوی وزیر اعظم کیئر اسٹارمر نے امریکی صدر ٹرمپ اور کینیڈا کے وزیر اعظم مارک کارنی سے گفتگو میں اس معاملے پر تبادلہ خیال کیا ہے جب کہ جنوبی کوریا نے کہا ہے کہ وہ ٹرمپ کی درخواست کا باریک بینی سے جائزہ لے رہے ہیں۔

واضح رہے کہ آبنائے ہرمز ایران اب تک مؤثر طریقے سے بند رکھنے میں کامیاب رہا ہے اور صرف ان جہازوں کو گزرنے دیا ہے جو ایران سے پیشگی اجازت لے کر گزرے ہیں۔

جاپان اور آسٹریلیا کی کنارہ کشی

جاپان کی وزیرِ اعظم سنائی تاکائچی نے پیر کو کہا ہے کہ ان کا ملک جنگوں سے دور رکھنے والے اپنے آئین کی وجہ سے مشرقِ وسطیٰ میں جہازوں کی حفاظت کے لیے اپنے جنگی جہاز بھیجنے کا کوئی ارادہ نہیں رکھتا۔

جاپانی وزیرِ اعظم نے پارلیمنٹ سے خطاب کرتے ہوئے کہا کہ 'ہم نے اپنی کشتیاں بھیجنے کا کوئی فیصلہ نہیں کیا۔ ہم جائزہ لے رہے ہیں کہ جاپان اپنے طور پر کیا کر سکتا ہے اور قانونی دائرہ کار میں رہتے ہوئے کیا کیا جا سکتا ہے۔'

امریکہ کے ایک اور اہم اتحادی آسٹریلیا نے کہا ہے کہ نہ تو اس سے کہا گیا اور نہ ہی وہ آبنائے ہرمز کھولنے کے لیے اپنی بحری افواج بھیجے گا۔

آسٹریلوی وزیرِ اعظم کی کابینہ کے ایک رکن کیتھرین کنگ نے اپنے ایک انٹرویو میں کہا کہ 'ہم جانتے ہیں کہ یہ کتنا اہم ہے لیکن نہ ہم سے اس بارے میں پوچھا گیا اور نہ ہی ہم اس میں کوئی حصہ لے رہے ہیں۔'

یہ عدد منگل کو امریکی سینیٹرز کو دی گئی ایک خفیہ بریفنگ میں سامنے آیا لیکن یہ جنگ کے مکمل اخراجات نہیں ہیں۔ اصل اخراجات اب اس سے کہیں زیادہ ہو سکتے ہیں کیوں کہ جنگ اب 13 ویں دن میں داخل ہو گئی ہے۔

11.3 ارب ڈالر کا عدد سب سے پہلے امریکی اخبار 'نیویارک ٹائمز' کی طرف سے رپورٹ کیا گیا۔ امریکی حکومت نے اب تک عوامی سطح پر جنگ کے اخراجات کی کوئی تفصیلات جاری نہیں کیں۔ نہ ہی حکومت نے کوئی دورانیہ واضح کیا ہے کہ جنگ کب تک جاری رہنے کی توقع ہے۔

ٹرمپ حکومت کے عہدے داروں نے قانون سازوں کو یہ بھی بتایا کہ صرف ابتدائی دو دن کے حملوں میں 5.6 ارب ڈالر کے ہتھیار خرچ ہو گئے تھے۔

کانگریس کے بعض اراکین کا کہنا ہے کہ وہ توقع کر رہے ہیں کہ وائٹ ہاؤس کی طرف سے جلد کانگریس کو جنگ کے لیے اضافی فنڈز فراہم کرنے کی درخواست کی جائے گی۔ بعض حکام کے مطابق 50 ارب ڈالر تک کی فنڈنگ مانگی جا سکتی ہے۔

گزشتہ روز ٹرمپ نے ریاست کینٹکی کے دورے میں دعویٰ کیا کہ 'ہم جنگ جیت چکے ہیں' مگر امریکہ کام ختم ہونے تک لڑائی جاری رکھے گا۔

اسرائیل اور امریکہ کی ایران کے خلاف 13 روز سے جاری جنگ میں اب تک 2000 کے قریب ہلاکتیں ہو چکی ہیں۔ زیادہ تر جانی نقصان ایران اور لبنان میں ہوا ہے۔

کانگریس کے اراکین نے خدشات ظاہر کیے ہیں کہ یہ تنازع امریکی فوج کے ہتھیاروں کے ذخائر کو ایک ایسے وقت میں ختم یا کمزور کر سکتا ہے جب دفاعی صنعت پہلے ہی طلب پوری نہیں کر پا رہی۔

ٹرمپ نے گزشتہ ہفتے سات دفاعی کنٹریکٹرز کے حکام سے بھی ملاقات کی ہے۔

ٹرمپ کی حریف جماعت ڈیموکریٹک پارٹی کے اراکین نے حکومت سے مطالبہ کیا ہے کہ وہ حلفیہ طور پر بتائے کہ صدر کا جنگ کے خاتمے کا کیا منصوبہ ہے، یہ تنازع کتنا طویل ہو سکتا ہے اور جنگ ختم ہونے کے بعد امریکی حکومت ایران کے بارے میں کیا سوچ رکھتی ہے؟

حالیہ حملے امریکہ اور یورپ سے تعلق رکھنے والے جہازوں پر ہوئے ہیں جس کے بعد کشیدگی میں مزید اضافہ ہوتا دکھائی دے رہا ہے۔ ایران جنگ کے آغاز سے اب تک تقریباً 16 جہازوں پر حملے ہو چکے ہیں۔

ایران کے پاسدارانِ انقلاب کی جانب سے اعلان کیا گیا تھا کہ اگر امریکی اور اسرائیلی حملے نہ رکے تو وہ آبنائے ہرمز سے 'ایک لیٹر تیل بھی' نہیں گزرنے دیں گے۔ ٹرمپ نے دھمکی دی تھی کہ اگر تیل کی برآمدات روکی گئیں تو وہ ایران پر زیادہ شدت کے حملے کریں گے۔ ٹرمپ نے آئل کمپنیوں کو ترغیب دی تھی کہ وہ آبنائے ہرمز کا استعمال کریں کیوں کہ ان کے بقول ایران کی نیوی کو ختم کر دیا گیا ہے۔

بدھ کی رات دو جہازوں پر حملے عراق کے قریب ہوئے ہیں اور نشانہ بننے والے جہازوں پر مارشل آئی لینڈز اور مالٹا کے جھنڈے تھے۔ عراقی حکام کا کہنا ہے کہ ان جہازوں نے عراق سے آئل لوڈ کیا تھا۔

https://t.co/vh1l6rAjf2

عراق کے آئل پورٹس بند

ان جہازوں پر حملوں کے بعد عراق کی تیل کی بندرگاہوں پر آپریشنز بند کر دیے گئے ہیں جب کہ کمرشل بندرگاہیں کام جاری رکھے ہوئے ہیں۔

عراق میں بندرگاہوں کا انتظام دیکھنے والی سرکاری کمپنی 'جنرل کمپنی فور پورٹس آف عراق' کا کہنا ہے کہ اس کی کشتی نے دونوں جہازوں کے عملے کے 25 ارکان کو ریسکیو کیا جب کہ دونوں جہازوں میں آگ ابھی تک بھڑک رہی ہے۔ عراقی ریسکیو ٹیمیں عملے کے مزید ارکان کی تلاش کر رہی ہیں۔

پورٹ کے ایک عہدے دار نے کہا ہے کہ ایک غیر ملکی رکن کی لاش سمندر سے برآمد ہوئی ہے۔

جہازوں کی مالک امریکی کمپنیوں نے فی الحال کوئی تبصرہ کرنے سے گریز کیا ہے۔

پاسدارانِ انقلاب کی تنبیہ

ایرانی پاسدارانِ انقلاب کی جانب سے بارہا خبردار کیا جا رہا ہے کہ اگر کوئی جہاز آبنائے ہرمز سے گزرنے کی کوشش کرے گا تو اسے نشانہ بنایا جائے گا۔

گزشتہ روز آبنائے ہرمز کے قریب ایک اور سامان بردار بحری جہاز کو نشانہ بنایا گیا جس پر تھائی لینڈ کا پرچم موجود تھا۔ یہ جہاز آبنائے ہرمز سے گزرنے کی کوشش کر رہا تھا۔ حملے کے بعد جہاز کے انجن روم میں آگ لگ گئی۔

https://t.co/6vlHbgqtVJ

جہاز کی آپریٹر شپنگ کمپنی نے اپنے بیان میں کہا کہ اس کے عملے کے تین ارکان لاپتا ہیں جن کے بارے میں شبہ ہے کہ وہ انجن روم میں پھنسے ہو سکتے ہیں۔ کمپنی متعلقہ حکام کے ساتھ مل کر انہیں ریسکیو کرنے پر کام کر رہی ہے۔

کمپنی کا مزید کہنا تھا کہ باقی 20 اراکین پر مشتمل عملے کو جہاز سے بحفاظت نکال کر عمان منتقل کر دیا گیا۔

ایران کی تسنیم نیوز ایجنسی پر جاری پاسدارانِ انقلاب کے بیان کے مطابق اس جہاز پر 'ایرانی جنگجوؤں نے حملہ کیا۔'

اس کے علاوہ بدھ کو مزید تین جہازوں پر حملے ہوئے ہیں تاہم انہیں معمولی نقصان پہنچا ہے۔ یہ جہاز خلیجی پانیوں میں موجود تھے۔

امریکی بحریہ تحفظ فراہم کرنے سے گریزاں

دوسری جانب امریکی صدر جہازوں کو گزرنے کی ترغیب تو دیتے نظر آئے ہیں تاہم امریکی بحریہ جہازوں کو سیکیورٹی فراہم کرنے سے معذرت کر رہی ہے۔

خبر رساں ادارے 'رائٹرز' کے مطابق اسے دو ذرائع نے بتایا ہے کہ امریکی بحریہ کو روز شپنگ انڈسٹری کی جانب سے درخواستیں موصول ہو رہی ہیں کہ جہازوں کو حفاظی حصار میں لے کر نکالا جائے جنہیں بحریہ یہ کہہ کر مسترد کر رہی ہے کہ ابھی خطرہ بہت زیادہ ہے۔

حالاں کہ ٹرمپ یہ کہہ چکے ہیں کہ امریکہ بوقت ضرورت جہازوں کو نیوی کا تحفظ دینے کے لیے تیار ہے۔

تیل کی قیمتوں میں پھر اضافہ

بحری جہازوں پر گزشتہ روز ہوئے حملوں کے بعد جمعرات کو خام تیل کی قیمتوں نے ایک بار پھر چھلانگ لگائی ہے اور دوبارہ 100 ڈالر فی بیرل سے زیادہ ہو گئی ہیں جب کہ دوسری جانب اسٹاک مارکیٹوں میں مندی دیکھی جا رہی ہے۔

برینٹ کروڈ کی قیمت اضافے کے بعد 100.22 ڈالر فی بیرل ہو گئی ہے جب کہ امریکی کروڈ کی قیمت 95 ڈالر فی بیرل کے قریب ہے۔

پاکستان نے گزشتہ سال اپریل میں ہوئی جھڑپوں کے بعد سے انڈین طیاروں کے اپنی فضائی حدود سے گزرنے پر پابندی عائد کر رکھی ہے۔

فضائی سفر پر نظر رکھنے والے ایک ادارے 'سیریم' کے ڈیٹا کے مطابق پچھلے 10 دنوں میں انڈیا کی دو بڑی بین الاقوامی ایئرلائنز ایئر انڈیا اور انڈیگو نے مشرقِ وسطیٰ، یورپ اور شمالی امریکہ کے لیے اپنی 64 فیصد پروازیں نہیں چلائیں۔ ان خطوں کے لیے دونوں ایئرلائنز کی 1230 پروازیں شیڈول تھیں جن میں سے بیش تر منسوخ ہو گئیں۔

ماہرِ ہوا بازی امیت متل اس صورتِ حال کو 'بین الاقوامی فضائی راستے استعمال کرنے والی انڈین ایئرلائنز پر دوہری ضرب' قرار دیتے ہیں۔

گزشتہ ہفتے لندن کے ایک معروف بینک 'ایچ ایس بی سی' نے کہا تھا کہ مشرقِ وسطیٰ کی حالیہ کشیدگی سے انڈین ایئرلائنز پر اخراجات کے اضافے اور منافع میں کمی کی وجہ سے 'بڑا بوجھ' پڑے گا۔ بینک نے تخمینہ لگایا تھا کہ اگر سات دن تک پروازیں منسوخ ہوتی ہیں تو ایئرلائنز کے سالانہ منافع کا 1.2 فیصد نقصان ہوگا۔

انڈیگو ایئرلائن کے مسائل

انڈیا کی انڈیگو ایئرلائن کو اس کے علاوہ بھی ایک اور بڑی مشکل کا سامنا ہے۔ انڈیگو اپنے چھ لانگ رینج بوئنگ طیاروں پر بڑا انحصار کرتی ہے جو اس نے یورپ کی پروازوں کے لیے لیز پر حاصل کر رکھے ہیں۔

یہ طیارے ناروے میں رجسٹرڈ ہیں، لہٰذا انہیں یورپی یونین کے فضائی تحفظ کے سخت قوانین و ضوابط اور ایڈوائزری پر لازمی عمل کرنا ہوتا ہے۔ یورپی یونین کی ایوی ایشن سیفٹی ایجنسی نے ایڈوائزری جاری کر رکھی ہے کہ ایئرلائنز ایران، عراق، اسرائیل، کویت، لبنان، قطر، متحدہ عرب امارات اور سعودی عرب کی فضائی حدود استعمال کرنے سے گریز کریں۔

اس پابندی کی وجہ سے انڈیگو کو براستہ افریقہ لمبا روٹ استعمال کرنا پڑ رہا ہے جس سے اس کی پروازوں کا دورانیہ دو گھنٹے تک بڑھ گیا ہے جو اخراجات میں اضافے کا سبب بھی ہے۔

گزشتہ ہفتے اس روٹ کے چیلنج کے باوجود انڈیگو کی نئی دہلی سے مانچسٹر جانے والی پرواز کو افریقہ سے واپس لوٹنا پڑا جب ایک افریقی ملک اریٹیریا نے اسے اپنی ایئراسپیس سے گزرنے کی اجازت دینے سے انکار کر دیا۔

خبر رساں ادارے 'رائٹرز' کو ذرائع نے بتایا کہ اریٹیریا کا ایئر ٹریفک کنٹرول یہ نہیں سمجھ پا رہا تھا کہ ناروے میں رجسٹر جہاز انڈیگو کیسے استعمال کر رہی ہے۔

انڈیگو کا کہنا تھا کہ یہ پرواز 'آخری منٹ پر فضائی حدود کی پابندیوں' کی وجہ سے تقریباً 13 گھنٹے فضا میں رہنے کے بعد واپس دہلی لوٹ آئی۔

ذرائع کے مطابق لندن سے ممبئی آنے والے انڈیگو کے ایک اور بوئنگ طیارے کو بھی اریٹیریا میں اسی صورتِ حال کا سامنا کرنا پڑا اور پھر اسے قاہرہ کی طرف موڑا گیا۔

انڈیگو کو پچھلے سال دسمبر میں انڈیا میں سخت تنقید کا بھی سامنا کرنا پڑا تھا جب ایئرلائن کی وجہ سے ایک بڑا بحران کھڑا ہو گیا تھا اور ہزاروں فلائٹس کینسل ہوئی تھیں۔ اس بحران کی وجہ سے ایئرلائن کے سی ای او نے منگل کو اپنا عہدہ چھوڑ دیا ہے۔

رائٹرز کے مطابق انڈیگو اور ایئر انڈیا نے اس معاملے پر اس کے سوالات کا کوئی جواب نہیں دیا۔

ایئر انڈیا کی پریشانیاں

ایئر انڈیا نے پیر کو کہا کہ وہ ایران جنگ کی وجہ سے انڈیا سے یورپ اور امریکہ کے روٹ پر زیادہ طلب ہونے کی وجہ سے 78 اضافی پروازیں چلائے گی۔

لیکن کچھ مقامات کے لیے اس کی پروازوں کا دورانیہ دیگر ایئرلائنز کی پروازوں سے بہت زیادہ ہے اور اسٹاپ اوور بھی کرنا پڑتا ہے جس سے ایئرانڈیا کی حریف ایئرلائنز کو اس پر سبقت حاصل ہے۔

ایئر انڈیا کی دیلی سے نیویارک کی جو پرواز ایران جنگ سے پہلے عراق اور ترکیہ کی فضائی حدود کے ذریعے 17 گھنٹوں میں منزل پر پہنچ جاتی تھی، اب اس کا دورانیہ 22 گھنٹوں تک جا پہنچا ہے اور مسافروں کو روم میں ایک اسٹاپ اوور بھی لینا پڑتا ہے۔

اسی کے مقابلے میں امیریکن ایئرلائنز کی اسی روٹ پر پرواز صرف 16 گھنٹوں میں منزل پر پہنچ گئی کیوں کہ اس نے پاکستان کی فضائی حدود استعمال کی تھی۔

رائٹرز نے رپورٹ کیا تھا کہ پاکستان کی فضائی حدود بند ہونے سے ایئر انڈیا کا سالانہ نقصان 60 کروڑ ڈالر تک پہنچ سکتا ہے۔ ایئرانڈیا پہلے حکومت کی ملکیت تھی جسے اس نے 2022 میں ٹاٹا گروپ کو فروخت کر دیا تھا۔

انڈین ایئرلائنز کے لیے طویل دورانیے کی فلائٹس کے ساتھ ساتھ ایک مشکل تیل کی بڑھتی قیمتیں بھی ہیں جو اس کے اخراجات میں مزید اضافے کی وجہ بن رہی ہیں۔

امریکی صدر ٹرمپ نے پیر کو اپنے ایک انٹرویو میں کہا کہ وہ سمجھتے ہیں کہ ایران جنگ کافی حد تک مکمل ہو چکی ہے اور واشنگٹن اپنے چار سے پانچ ہفتوں کے مقرر کردہ ہدف سے کافی آگے ہے۔

بعض ماہرین کا کہنا ہے کہ ٹرمپ کے اس بیان سے تیل کی قیمتوں کو سہارا ملا ہے اور منڈیوں میں استحکام نظر آیا ہے۔ تاہم ماہرین کے مطابق مشرقِ وسطیٰ سے برآمد ہونے والے مربان اور دبئی گریڈ خام تیل کی قیمتیں اب بھی 100 ڈالر فی بیرل سے کافی اوپر ہیں اور ان میں فی الحال کوئی تبدیلی نہیں آئی ہے۔

ٹرمپ کے جنگ ختم ہونے سے متعلق بیان پر ایران کے پاسدارانِ انقلاب نے کہا ہے کہ جنگ ختم ہونے کا فیصلہ وہ کریں گے اور جب تک امریکہ اور اسرائیل کے حملے جاری رہیں گے، تہران ایک لیٹر تیل بھی برآمد نہیں کرنے دے گا۔

قیمتوں میں کمی کی ایک وجہ امریکی اور روسی صدور کے درمیان ٹیلیفونک رابطہ بھی ہے۔ روسی حکام کے مطابق ٹرمپ اور پوتن کی گفتگو میں ایران جنگ کے جلد تصفیے کی تجاویز پر تبادلہ خیال کیا گیا۔

بعض اطلاعات کے مطابق ٹرمپ روسی تیل پر عائد پابندیاں نرم کرنے پر بھی غور کر رہے ہیں تاکہ تیل کی عالمی قیمتیں مستحکم رہ سکیں۔ اس کے علاوہ ِخام تیل کے ہنگامی ذخائر سے تیل فراہم کرنے کا معاملہ بھی زیرِ غور ہے۔

دوسری جانب جی سیون ممالک نے بھی پیر کو کہا ہے کہ وہ خام تیل کی قیمتوں کو کم رکھنے کے لیے ضروری اقدامات کرنے کو تیار ہیں۔ تاہم جی سیون ملکوں کی جانب سے ہنگامی ذخائر کے استعمال کی جو توقع کی جا رہی تھی، اس کا اعلان نہیں کیا گیا۔

مشرق وسطیٰ میں جاری جنگ کی وجہ سے آبنائے ہرمز بند رہنے کی توقع ہے جہاں سے دنیا کو 20 فیصد کے قریب تیل سپلائی ہوتا ہے جس کی وجہ سے تیل کی قیمتوں میں مزید اضافے کی توقع کی جا رہی ہے۔

امریکی کروڈ کی قیمت میں 20 فیصد تک اضافہ ہوا ہے جو جولائی 2022 کے بعد سب سے زیادہ قیمت ہے۔ برینٹ آئل کی قیمت 17 فیصد اضافے سے 108.73 ڈالر فی بیرل تک پہنچ گئی ہے۔ برینٹ آئل کی قیمتوں میں گزشتہ ہفتے بھی 28 فیصد اضافہ ہو چکا ہے۔

امریکی صدر ڈونلڈ ٹرمپ نے تیل کی بڑھتی قیمتوں پر ایک سوشل میڈیا پوسٹ میں کہا ہے کہ جب ایران کے جوہری خطرے کی تباہی ختم ہوگی تو تیل کی قیمتیں اتنی ہی تیزی سے نیچے چلی جائیں گی۔ ان کا کہنا تھا کہ یہ امریکہ اور دنیا کے تحفظ اور امن کے لیے ایک بہت چھوٹی سی قیمت ہے۔

اسٹاک مارکیٹوں میں شدید مندی

تیل کی قیمتوں میں اضافے کی وجہ سے پیر کو ایشیائی اسٹاک مارکیٹوں میں شدید مندی دیکھی جا رہی ہے۔

پاکستان کی اسٹاک مارکیٹ جو پہلے ہی کئی دن سے مندی کے رجحان کا شکار تھی، پیر کو کریش کر گئی ہے۔ کے ایس ای 100 انڈیکس میں 11 ہزار پوائنٹس کی کمی ہوئی ہے۔

جاپان کی اسٹاک مارکیٹ میں چھ فیصد سے زیادہ کمی ریکارڈ کی گئی ہے جب کہ جنوبی کوریا میں 12 فیصد اور آسٹریلیا میں تقریباً چار فیصد کمی دیکھی گئی ہے۔

تیل کی قیمتوں میں اضافے کی وجہ سے مہنگائی اور ہر چیز کی قیمتوں میں اضافے کی توقع ہے۔ پاکستان میں گزشتہ جمعے پیٹرول و ڈیزل کی قیمتوں میں 55 روپے تک اضافہ کیا گیا ہے جس کے بعد کئی اشیا کی قیمتوں میں اضافہ ہو رہا ہے۔

اثرات سے بچاؤ کے اقدامات

تیل کی بڑھتی قیمتوں کے اثرات کم کرنے کے لیے مختلف اقدامات کیے جا رہے ہیں۔ بنگلہ دیش میں یونیورسٹیوں کی قبل از وقت چھٹیاں دے دی گئی ہیں جب کہ جنوبی کوریا میں قیمتوں پر حد مقرر کی گئی ہے۔

بنگلہ دیش اپنی توانائی کی 95 فیصد طلب امپورٹ سے پوری کرتا ہے۔ بنگلہ دیش نے توانائی کی کھپت میں کمی کے لیے ملک کی تمام یونیورسٹیوں میں عید الفطر کی قبل از وقت چھٹیاں دے دی ہیں۔

بنگلہ دیش میں سرکاری اور نجی سکولوں میں پہلے ہی رمضان میں چھٹیاں ہیں۔ یعنی اب ملک کے تمام تعلیمی ادارے عید کی چھٹیوں تک بند رہیں گے۔

رائٹرز کے مطابق حکام کا کہنا ہے کہ یہ اقدام اس لیے اٹھایا گیا کیوں کہ نجی اور سرکاری یونیورسٹیوں میں بہت زیادہ بجلی استعمال ہوتی ہے۔

جنوبی کوریا نے 30 سال میں پہلی بار تیل کی قیمتوں پر حد مقرر کر دی ہے اور عوام 'پینک بائنگ' نہ کرنے سے خبردار کیا ہے۔ جنوبی کوریا اپنی ضرورت کا 70 فیصد تیل مشرقِ وسطیٰ سے خریدتا ہے۔

جاپان کے ایک رکنِ پارلیمنٹ نے دعویٰ کیا ہے کہ حکومت آئل کے ملکی ذخائر سے تیل فراہم کرنے کی تیاری کر رہی ہے۔ جاپان 95 فیصد تیل مشرقِ وسطیٰ سے امپورٹ کرتا ہے اور اس کے پاس 354 دن کے ذخائر موجود ہیں۔

ویتنام کی حکومت تیل کی درآمدات پر عائد ٹیرف ختم کرنے پر غور کر رہی ہے تاکہ ٹیکسز میں کمی کر کے عوام کے لیے قیمتیں کم رکھی جا سکیں۔

پاکستان میں بھی پیر کو وزیرِ اعظم ہاؤس میں ایک اہم اجلاس طلب کیا گیا ہے جس میں کفایت شعاری کی پالیسی کا اعلان متوقع ہے۔

چائنہ نے تیل ایکسپورٹ کرنے پر پابندی عائد کر دی ہے اور شپمنٹس کے پرانے وعدے بھی منسوخ کرنے کی کوشش کر رہا ہے۔

تیل پیدا کرنے والے ملک کیا کر رہے ہیں؟

قطر نے ایل این جی کی برآمدات روک دی ہیں۔

کویت اور عراق نے آبنائے ہرمز کی بندش کے پیشِ نظر تیل کی پیداوار کم کر دی ہے۔

متحدہ عرب امارات اور سعودی عرب بھی جلد تیل کی پیداوار روک سکتے ہیں کیوں کہ آبنائے ہرمز کی بندش کی وجہ سے تیل ایکسپورٹ نہیں ہو رہا اور اسٹوریج تیزی سے ختم ہو رہی ہے۔

سپریم کورٹ کی جانب سے ٹرمپ کے اس فیصلے کو غیر قانونی اور اختیارات سے تجاوز قرار دیے جانے کے بعد محصولات وصول کرنے والے ادارے کسٹمز اینڈ بارڈر پروٹیکشن ایجنسی نے منگل سے آئی ای ای پی اے کے تحت ٹیرف کی وصولی بند کرنے کا اعلان کر دیا ہے۔

تاہم صدر ٹرمپ نے سپریم کورٹ کے فیصلے کے ردعمل میں اپنے ایک اور اختیار کا استعمال کرتے ہوئے یکساں 15 فیصد ٹیرف عائد کر دیا ہے اور اس ٹیرف کی وصولی منگل سے ہی شروع کی جائے گی۔

ٹرمپ نے سپریم کورٹ کے ججوں پر سخت تنقید کرتے ہوئے انہیں بے وقوف، اشاروں پر چلنے والے اور 'اپنے خاندانوں کے لیے شرمندگی کی وجہ' بننے والے قرار دیا ہے۔

https://t.co/VU2tLrWhCT

واضح رہے کہ سپریم کورٹ کے اس حالیہ فیصلے کے بعد ٹرمپ انتظامیہ کو وہ ٹیرفس ری فنڈ بھی کرنا پڑ سکتے ہیں جو اس نے اب تک وصول کیے ہیں۔ تاہم ٹرمپ نے عندیہ دیا ہے کہ وہ قانونی چارہ جوئی کے بغیر وصول شدہ ٹیرف واپس نہیں کریں گے۔

امریکہ نے انٹرنیشنل ایمرجنسی اکنامک پاورز ایکٹ کے تحت اب تک 133 ارب ڈالرز سے زیادہ کے محصولات وصول کیے ہیں جو اس فیصلے کے بعد واپس دینا پڑ سکتے ہیں اور اس رقم کی واپسی کے مطالبات شروع بھی ہو گئے ہیں۔

بحری تجارت اور بندرگاہی انفراسٹرکچر کے شعبے میں سرگرمیوں کی بدولت البئیراک گروپ ایک مضبوط عالمی گروپ کے طور پر نمایاں ہے۔ البئیراک گروپ کے ساتھ کام کرنے والی البئیراک کنسٹرکشن مختلف جغرافیائی خطوں میں اسٹریٹجک بندرگاہوں کے انفراسٹرکچر کو ترقی دے رہی ہے، جس کے لیے اس کے پاس ڈریجنگ جہازوں، بارجز، ٹینکرز اور پائل ڈرائیونگ پلیٹ فارمز پر مشتمل ایک وسیع بحری بیڑا موجود ہے۔

آپریشنز میں 4,000 اور 3,000 مکعب میٹر صلاحیت کے دو ’ٹی ایس ایچ ڈی‘ ڈریجرز، تنگ اور کم گہرے جگہوں کے لیے تیار کیے گئے ڈریجنگ بارجز، پیٹرولیم مصنوعات کے ٹینکرز اور پائل ڈرائیونگ پلیٹ فارمز استعمال کیے جا رہے ہیں۔ اس بیڑے کی ساخت بڑے پیمانے پر ڈریجنگ منصوبوں اور بندرگاہ پر حساس کاموں دونوں میں بلا تعطل اور انتہائی مؤثر آپریشنز کو ممکن بناتی ہے۔

اسٹریٹجک بندرگاہوں پر مربوط بحری آپریشنز

گروپ کے پورٹ فولیو میں ٹرابزون پورٹ، الپورٹ کوناکری، الپورٹ بنجول، الپورٹ موغادیشو اور الپورٹ پوائنٹ نوار خصوصاً شامل ہیں، جہاں انجام دی جانے والی ڈریجنگ اور بندرگاہی ترقیاتی سرگرمیوں کے نتیجے میں مجموعی طور پر 50 لاکھ مکعب میٹر ڈریجنگ کی گئی ہے۔ یہ حجم بحری شعبے میں البئیراک گروپ کی انجینئرنگ کی صلاحیت اور آپریشنل مہارت کا مظہر ہے۔

اپنے ہی بحری بیڑے اور آلات کے ذریعے کام کرنے کی وجہ سے گروپ کو مکمل آپریشنل کنٹرول اور تیز رفتار موبلائزیشن کا فائدہ حاصل ہوتا ہے، جو اسے صنعت کی دیگر کمپنیوں سے ممتاز بناتا ہے۔

ماہر انجینئرنگ ٹیموں کی جانب سے کی جانے والی ماحول دوست ڈریجنگ آپریشنز کے ذریعے بندرگاہی حوضوں میں محفوظ جہاز رانی کی گہرائیاں بحال کی جاتی ہیں۔ ان اقدامات سے بڑی ٹنّیج کے جہازوں، یعنی وہ جہاز جن میں بڑی مقدار میں سٹوریج کی گنجائش ہو، کی بندرگاہوں تک رسائی ممکن ہوتی ہے اور ہینڈلنگ صلاحیت اور آپریشنل کارکردگی میں نمایاں اضافہ ہوتا ہے۔

البئیراک گروپ کے بحری بیڑے میں اعلیٰ صلاحیت کے ڈریجنگ جہاز، تنگ اور کم گہرے جگہوں کے لیے ڈریجنگ بارجز، پیٹرولیم مصنوعات کے ٹینکرز اور پائل ڈرائیونگ پلیٹ فارمز شامل ہیں، جن کے ذریعے سمندری تہہ کی ڈریجنگ، ایندھن کی فراہمی اور نئی بندرگاہی سرمایہ کاری تک وسیع پیمانے پر مربوط خدمات فراہم کی جاتی ہیں۔ بین الاقوامی بحری معیارات کے مطابق انجام دی جانے والی یہ سرگرمیاں علاقائی تجارت کی پائیداری میں مضبوط کردار ادا کرتی ہیں۔

ٹرمپ نے بھی اپنے پیغام میں کہا ہے کہ انڈیا 'پہلے سے کہیں زیادہ بڑے پیمانے پر امریکی مصنوعات خریدے گا۔' ان کے بقول انڈیا 500 ارب ڈالر مالیت تک کی امریکی توانائی، کوئلہ، ٹیکنالوجی، زرعی ساز و سامان اور دیگر مصنوعات لے سکتا ہے۔

سرکاری عہدے دار نے نام ظاہر نہ کرنے کی شرط پر بتایا کہ انڈیا نے امریکہ کے تجارتی خسارے کو کم کرنے کے لیے امریکی مصنوعات خریدنے پر رضامندی ظاہر کی ہے۔ انڈیا کی وزارتِ تجارت نے معاملے پر فی الحال کوئی تبصرہ نہیں کیا ہے۔

انڈیا کی وزارتِ کامرس کے ڈیٹا کے مطابق نئی دہلی نے امریکہ کو 85.5 ارب ڈالر کی برآمدات کی ہیں جب کہ درآمدات کا حجم اس کا تقریباً نصف 46.08 ارب ڈالر رہا ہے۔

سرکاری عہدے دار نے رائٹرز کو بتایا کہ حالیہ تجارتی معاہدہ صرف ابتدا ہے، آئندہ چند ماہ میں ایک جامع اور تفصیلی معاہدے پر بھی بات چیت ہوگی۔

اس تجارتی معاہدے کے تحت انڈیا امریکی گاڑیوں پر بھی ٹیرف کم کرنے پر آمادہ ہو گیا ہے۔ امریکہ کا یہ مطالبہ تھا کہ تجارتی خسارے کو کم کرنے کے لیے فوری طور پر یہ اقدام کیا جائے۔

یہ دنیا کے بڑے باہمی تجارتی معاہدوں میں سے ایک ہے جس سے تقریباً دو ارب لوگوں کی معیشت جڑی ہے۔ اور یہ اعلان ایک ایسے وقت میں سامنے آیا ہے جب یورپی یونین اور انڈیا دونوں ہی امریکی صدر ڈونلڈ ٹرمپ کے بھاری ٹیرفس کی زد میں ہیں۔

نریندر مودی نے منگل کو توانائی کانفرنس سے خطاب میں تفصیلات بتاتے ہوئے کہا کہ 'یہ معاہدہ انڈیا اور یورپ کے لوگوں کے لیے بڑے مواقع پیدا کرے گا۔ یہ عالمی جی ڈی پی کے ایک چوتھائی اور دنیا بھر کی تجارت کے ایک تہائی حصے کی نمائندگی کرتا ہے۔

یورپی کمیشن کی سربراہ ارسلا وان ڈار لیئن نے ایکس پر لکھا کہ 'یورپ اور انڈیا آج ایک نئی تاریخ رقم کر رہے ہیں۔ ہم نے مدر آف آل ڈیلز طے کر لی ہے۔ ہم نے دو ارب لوگوں کے لیے فری ٹریڈ زون بنایا ہے جو دونوں فریقین کو فائدہ پہنچائے گا۔'

https://t.co/C7L1kQQEtr

ان کا کہنا تھا کہ 'یہ تو صرف شروعات ہے۔ ہماری اسٹرٹیجک شراکت داری مزید مضبوط ہو گی۔'

انڈیا کے وزیر اعظم نریندر مودی نے بھی اس معاہدے کو تاریخی قرار دیا ہے جس کے تحت 27 یورپی ممالک پر مشتمل یونین اور انڈیا کے درمیان کھلی تجارت ممکن ہو سکے گی۔

انڈیا اور یورپی یونین کے درمیان مالی سال 2024-2025 میں 136.5 ارب ڈالر کی تجارت ہوئی تھی۔ دونوں فریق 2030 تک اس کا حجم 200 ارب ڈالر تک لے جانا چاہتے ہیں۔

وزیرِ اعظم مودی اور یورپی کمیشن کی صدر ارسلا وون ڈیر لیئن کی منگل کو ملاقات شیڈول ہے جس میں دونوں رہنما مشترکہ طور پر معاہدے کا اعلان کریں گے۔

امریکہ نے روسی تیل خریدنے کی وجہ سے انڈیا پر 25 فیصد اضافی ٹیرف عائد کیا ہے جس کے باعث مجموعی ٹیرف 50 فیصد ہو چکا ہے۔ انڈیا اسی کے باعث اپنی برآمدات کا دائرہ دیگر ملکوں تک وسیع کرنے کی کوششیں کر رہا ہے۔

یہ معاہدہ یورپی یونین کو دنیا کی سب سے تیزی سے بڑھتی معیشتوں تک رسائی کے مواقع بھی فراہم کرے گا۔ یورپی برآمدات کاروں اور سرمایہ کاروں کی غیر مستحکم منڈیوں پر انحصار کم کرے گا۔

یہ توقع کی جا رہی ہے کہ اس معاہدے سے محصولات میں واضح کمی آئے گی اور ایک دوسرے کی منڈیوں تک بہتر رسائی ملے گی۔

لیکن ایلون مسک کو اس پرکشش پیکج کو حاصل کرنے کے لیے کمپنی کو منافع بخش بنانے کے ساتھ ساتھ آئندہ 10 برس کے دوران ٹیسلا کی مارکیٹ ویلیو کو کئی گنا بڑھانا ہو گا اور اس کے علاوہ بھی کئی بڑے اہداف حاصل کرنا ہوں گے۔

https://t.co/gDFuWjiRyx

بعض حلقے ایلون مسک کو دیے جانے والے پیکج پر تنقید بھی کر رہے ہیں اور کچھ سرمایہ کار اسے انتہائی مہنگا اور غیر ضروری پیکج قرار دے رہے ہیں۔ لیکن ٹیسلا کے بورڈ اراکین کا کہنا ہے کہ اگر ایسا نہ کیا جاتا تو مسک کمپنی چھوڑ دیتے جس کے وہ متحمل نہیں ہو سکتے۔ بورڈ کا کہنا ہے کہ اس پیکج میں جو اہداف طے کیے گئے ہیں وہ سرمایہ کاروں کو بھی فائدہ پہنچائیں گے۔

یہ فیصلہ ٹیسلا کے مستقبل اور اس کے تخمینے کے لیے بہت اہم تھا۔ ٹیسلا کا مستقبل ایلون مسک کے خودکار گاڑیاں بنانے، امریکہ بھر میں روبوٹک ٹیکسی نیٹ ورک کھڑا کرنے اور انسان نما روبوٹس کی فروخت کے وژن سے جڑا ہوا ہے۔

ایلون مسک کو کرنا کیا ہوگا؟

ایلون مسک کو یہ پے پیکج یا تنخواہ نقد رقم یا بینک ٹرانسفر کی صورت میں نہیں ملے گی بلکہ ٹیسلا کے شیئرز کی صورت میں ملنی ہے اور اس کے لیے انہیں اگلے 10 برسوں میں کئی اہداف حاصل کرنے ہوں گے۔

مسک کے اہداف میں شامل ہے کہ کمپنی آئندہ ایک دہائی میں دو کروڑ گاڑیاں ڈیلیور کرے گی۔ ٹیسلا کی ایک کروڑ روبوٹک ٹیکسیاں سڑکوں پر موجود ہوں گی۔ ایک کروڑ روبوٹس فروخت کیے جائیں گے اور کمپنی کا خالص منافع 400 ارب تک پہنچانا ہوگا۔

لیکن ان اہداف کے باوجود انہیں یہ پیکج تب ہی ملے گا جب کمپنی کے اسٹاک کی قدر بڑھ کر پہلے دو ہزار ارب اور پھر بتدریج ساڑھے آٹھ ہزار ارب ڈالرز تک نہیں پہنچ جاتی۔ ابھی ٹیسلا کی اسٹاک ویلیو ڈیڑھ ارب ڈالر کے قریب ہے۔

ہر ایک ہدف حاصل کرنے پر ٹرمپ کو ایک فی صد اسٹاکس مل جائیں گے۔ یعنی اگر ایلون مسک کچھ اہداف پورے نہ بھی کر سکیں تب بھی انہیں اربوں ڈالرز ملیں گے۔ اور اگر وہ یہ سب اہداف پورے کر لیتے ہیں تو انہیں 12 فی صد اسٹاکس مل جائیں گے جو 878 ارب ڈالرز کے برابر ہوں گے۔

اس دوران اگر ٹیسلا کے اسٹاکس کی قیمت میں کمی یا بڑھوتری ہوتی ہے تو مسک کے پیکج کی قیمت میں بھی اتار چڑھاؤ آئے گا۔ یعنی یہ پیکج فکس نہیں ہے بلکہ اسٹاکس کی قیمت پر منحصر ہے۔

واضح رہے کہ ایلون مسک اب بھی ٹیسلا کے سب سے بڑے شیئر ہولڈر ہیں اور ان کے پاس کمپنی کے تقریباً 13 فیصد شیئرز ہیں۔

یہ شٹ ڈاؤن ڈیموکریٹس پارٹی اور ری پبلکن جماعت کے درمیان ڈیڈ لاک کی وجہ سے ہوا ہے جس کے باعث کانگریس سے اخراجات کا بل یعنی بجٹ پاس نہیں ہو سکا۔ یکم اکتوبر سے شروع ہونے والی مالی سال کی فنڈنگ میں توسیع کے لیے مطلوبہ ووٹ نے ملنے کے سبب امریکی حکومت شٹ ڈاؤن ہو گئی۔ یہ 2019 کے بعد امریکی حکومت کا پہلا شٹ ڈاؤن ہے۔

شٹ ڈاؤن کی وجہ سے ہزاروں وفاقی ملازمین کی نوکریاں ختم ہونے کا خدشہ ہے۔ کیوں کہ امریکہ کے صدر ڈونلڈ ٹرمپ نے دھمکی دی تھی کہ شٹ ڈاؤن کی صورت میں وہ سرکاری اداروں میں مزید ملازمتوں کو ختم کر دیں گے۔

اس کے علاوہ فضائی سفر متاثر ہوگا، سائنسی تحقیق روک دی جائے گی، امریکی فوجیوں کی تنخواہیں روک دی جائیں گی اور ساڑھے سات لاکھ وفاقی ملازمین کو بغیر تنخواہ کے چھٹی پر بھیج دیا جائے گا جس سے یومیہ 40 کروڑ ڈالر کا نقصان ہوگا۔

شٹ ڈاؤن ہوتا کیا ہے؟

جیسے پاکستان میں مالی سال 30 جون کو ختم ہوتا ہے ویسے ہی امریکہ میں مالی سال 30 ستمبر کو ختم ہوتا ہے۔ اور یکم اکتوبر سے پہلے کانگریس کو نئے مالی سال کے لیے حکومتی اداروں کے اخراجات مختص کرنا ہوتے ہیں۔ یعنی آسان الفاظ میں کہیں تو نئے مالی سال کا بجٹ پاس کرنا ہوتا ہے۔

اب جب یکم اکتوبر ہو گئی ہے اور امریکی سینیٹ سے بجٹ پاس نہیں ہو سکا ہے تو حکومت کے پاس اپنے آپریشنز چلانے کے لیے فنڈنگ نہیں ہے۔ اس صورت حال کو حکومت کی بندش یا ’ شٹ ڈاؤن‘ کہا جاتا ہے۔

امریکہ میں شٹ ڈاؤن کا مطلب یہ ہے کہ وہ تمام حکومتی ملازمین جن کی خدمات کے بغیر بھی حکومت کے بنیادی امور چل سکتے ہیں انھیں چھٹی پر بھیج دیا جاتا ہے جب کہ انتہائی ضروری شعبوں کے ملازمین کام کرتے رہتے ہیں۔

کانگریشنل ریسرچ سروس کے مطابق 1981 سے لے کر اب تک 14 بار شٹ ڈاؤن ہو چکا ہے اور یہ 15ویں بار ہے۔ ان میں سے کئی شٹ ڈاؤن صرف ایک یا دو دن کے لیے ہوئے۔ حالیہ برسوں میں طویل ترین شٹ ڈاؤن بارڈر سیکیورٹی سے متعلق ہونے والے تنازع کی وجہ سے ہوا تھا۔ دسمبر 2018 میں شروع ہونے والا یہ شٹ ڈاؤن 34 دن تک جاری رہنے کے بعد جنوری 2019 میں ختم ہوا تھا۔

کئی مرتبہ اخراجات کی منظوری پر جاری مذاکرات کے دوران کانگریس سرکاری اداروں کی فنڈنگ کی مدت میں توسیع کر دیتی ہے تاکہ حتمی منظوری ملنے تک ادارے اپنا کام جاری رکھ سکیں۔ لیکن اس بار یہ بھی نہیں ہو سکا اور فنڈنگ میں توسیع کے لیے مطلوبہ ووٹ نہ ملنے کی وجہ سے امریکی حکومت شٹ ڈاؤن ہوئی ہے۔

امریکی سینیٹ میں ری پبلکن پارٹی کی طرف سے یہ تجویز پیش کی گئی تھی کہ جب تک کانگریس اخراجات کی حتمی منظوری نہیں دے دیتی تب تک 21 نومبر تک کے لیے فنڈنگ میں توسیع کر دی جائے تاکہ حکومتی ادارے کام جاری رکھ سکیں۔ لیکن سینیٹ میں یہ تجویز منظور نہ ہو سکی۔ سینیٹ میں قانون سازی کے لیے 60 ووٹ درکار ہیں۔ حکمران جماعت ری پبلکن پارٹی کے پاس سینیٹ میں 55 سیٹیں ہیں جب کہ 45 نشستیں ڈیموکریٹس کی ہیں۔

شٹ ڈاؤن کا اثر کیا ہوتا ہے؟

شٹ ڈاؤن کی صورت میں لاکھوں وفاقی ملازمین بغیر تنخواہ ملازمت سے معطل ہو جاتے ہیں جس کے نتیجے میں متعدد سرکاری کام رک جاتے ہیں۔ شٹ ڈاؤن کی وجہ سے مالیاتی امور سے لے کر نیشنل پارکس میں کوڑا اٹھانے تک کئی سرکاری خدمات متاثر ہوتی ہیں۔

ضروری شعبوں میں کام کرنے والے ملازمین کو معطل نہیں کیا جاتا اور وہ کام جاری رکھتے ہیں۔ مثلاؔ ٹیکس جمع کرنے والے ملازم، فوجی، میڈیکل کے شعبے میں کام کرنے والے یا ڈاک کے محکمے جیسے ادارے اپنا کام جاری رکھتے ہیں۔ لیکن شٹ ڈاؤن ختم ہونے تک انہیں تنخواہ نہیں ملتی۔

جو شٹ ڈاؤن محض چند دنوں تک جاری رہیں ان کے اثرات بہت کم ہوتے ہیں۔ لیکن اگر دو ہفتے بعد بھی وفاقی ملازمین کو ادائیگیاں نہ ہوں تو اس کے نتیجے میں بڑے پیمانے پر معیشت پر اثر پڑتا ہے۔

کانگریشنل بجٹ آفس کے مطابق 19-2018 میں ہونے والے شٹ ڈاؤن کے نتیجے میں امریکی معیشت کو تین ارب ڈالر کا نقصان برداشت کرنا پڑا تھا۔

اس بار شٹ ڈاؤن کیوں ہوا ہے؟

امریکہ میں حکمران جماعت ری پبلکن پارٹی نے نئے مالی سال کا بجٹ سینیٹ سے منظور کرانے کے لیے بل پیش کیا تھا۔ اس بل کی منظوری کے لیے 60 ووٹ درکار ہیں لیکن سینیٹ میں ری پبلکنز کے پاس 55 سیٹیں ہیں۔ بجٹ کی منظوری کے لیے انہیں ڈیموکریٹس کی حمایت درکار ہے لیکن ڈیموکریٹس اس بل کی حمایت کے بدلے میں اپنی شرائط منظور کرانا چاہتے ہیں۔

ڈیموکریٹس چاہتے ہیں کہ صحت عامہ اور دیگر محکموں میں جو کٹوتیاں کی گئی ہیں انہیں واپس لیا جائے۔ ڈیموکریٹس کی چند شرائط میں سے ایک کم آمدن والے طبقوں کے لیے ہیلتھ انشورنس میں سبسڈی برقرار رکھنا ہے۔ دوسری جانب ری پبلکنز اور ٹرمپ انتظامیہ کوئی رعایت دینے کو تیار نہیں۔

اب یہ شٹ ڈاؤن اس وقت تک برقرار رہ سکتا ہے جب تک عوامی دباؤ کسی ایک فریق کو اپنے مؤقف سے پیچھے ہٹنے پر مجبور نہ کر دے۔

تقریباً 11 کروڑ 84 لاکھ 30 ہزار ڈالر دوسرے ممالک (دوطرفہ شراکت دار) سے لیے گئے۔ اور تقریباً 19 کروڑ 62 لاکھ 20 ہزار ڈالر ’نیا پاکستان سرٹیفکیٹ‘ کے ذریعے ملک کے اندر یا سرکاری اسکیموں کے ذریعے حاصل کیے گئے۔

پاکستان کو جن ممالک نے قرض دیا ان میں چائنہ نے تقریباً 60 لاکھ ڈالر، فرانس نے 85 لاکھ ڈالر، جرمنی نے 20 لاکھ 20 ہزار ڈالر، جاپان نے 8 لاکھ 10 ہزار ڈالر، جنوبی کوریا نے 6 لاکھ ڈالر اور کویت نے 3 لاکھ ڈالر دیے ڈالر دیے۔

1. چائنہ: تقریباً 60 لاکھ ڈالر
2. فرانس: 85 لاکھ ڈالر
3. جرمنی: 20 لاکھ 20 ہزار ڈالر
4. جاپان: 8 لاکھ 10 ہزار ڈالر
5. جنوبی کوریا: 6 لاکھ ڈالر
6. کویت: 3 لاکھ ڈال

اس کے علاوہ سعودی فنڈ فار ڈیولپمنٹ نے اپنی تیل کی سہولت کے تحت 10 کروڑ ڈالر فراہم کیے۔ امریکہ نے پاکستان میں مستحق یونیورسٹی طلباء کی اعلیٰ تعلیم کے لیے یو ایس بیسڈ میرٹ سکالرشپ پروگرام فیز ٹو کے تحت ایک لاکھ 90 ہزار ڈالر گرانٹ دی۔

بین الاقوامی اداروں سے ملنے والے قرض میں ایشیائی ترقیاتی بینک نے 3 کروڑ 34 لاکھ 50 ہزار ڈالر، ایشیائی انفراسٹرکچر انویسٹمنٹ بینک نے19 لاکھ 90 ہزار ڈالر، انٹرنیشنل بینک فار ریکنسٹرکشن اینڈ ڈیولپمنٹ نے 5 کروڑ 25 لاکھ 60 ہزار ڈالر، انٹرنیشنل ڈویلپمنٹ ایسوسی ایشن نے15 کروڑ 80 لاکھ ڈالر، انٹرنیشنل فنڈ فار ایگریکلچرل ڈیولپمنٹ نے30 لاکھ ڈالر، اور اسلامی ترقیاتی بینک نے 13 کروڑ 12 لاکھ ڈالر فراہم کیے۔

1. ایشیائی ترقیاتی بینک: 3 کروڑ 34 لاکھ 50 ہزار ڈالر
2. ایشیائی انفراسٹرکچر انویسٹمنٹ بینک: 19 لاکھ 90 ہزار ڈالر
3. انٹرنیشنل بینک فار ریکنسٹرکشن اینڈ ڈیولپمنٹ: 5 کروڑ 25 لاکھ 60 ہزار ڈالر
4. انٹرنیشنل ڈویلپمنٹ ایسوسی ایشن: 15 کروڑ 80 لاکھ ڈالر
5. انٹرنیشنل فنڈ فار ایگریکلچرل ڈیولپمنٹ: 30 لاکھ ڈالر
6. اسلامی ترقیاتی بینک: 13 کروڑ 12 لاکھ ڈالر

پیر کو صدر ڈونلڈ ٹرمپ نے اپنی ایک پوسٹ میں کہا کہ انڈیا صرف روس سے بھاری مقدار میں تیل نہیں خرید رہا بلکہ وہ اس کی بڑی مقدار کو بڑے منافع کے لیے اوپن مارکیٹ میں فروخت کر رہا ہے۔

امریکی صدر کا کہنا تھا کہ انڈیا کو کوئی پروا نہیں کہ یوکرین میں کتنے لوگ روسی جنگ میں مارے جا رہے ہیں۔ اسی وجہ سے امریکہ انڈیا پر عائد کیے گئے ٹیرف میں بڑا اضافہ کرے گا۔

ٹرمپ اس سے قبل یہ بھی کہہ چکے ہیں کہ اگر روس یوکرین میں جنگ نہیں روکتا تو وہ جمعے سے ماسکو اور اس سے تیل خریدنے والے ملکوں پر نئی پابندیاں عائد کریں گے۔

امریکی صدر کے بیان پر انڈیا نے ردعمل دیتے ہوئے اسے غیر منصفانہ قرار دیا ہے۔ انڈیا کا کہنا ہے کہ وہ اپنے معاشی مفادات کا تحفظ کر رہا ہے۔

انڈین وزارتِ خارجہ کے ترجمان نے امریکہ اور یورپی یونین کی جانب سے روسی تیل خریدنے پر انڈیا پر ہونے والی تنقید کو مسترد کیا ہے۔

https://t.co/O2hJTOZBby

انڈین وزارتِ خارجہ کے مطابق اس نے روس سے تیل اس لیے خریدنا شروع کیا تھا کیوں کہ یوکرین جنگ شروع ہونے کے بعد تیل کی زیادہ تر روایتی سپلائی یورپ جا رہی تھی اور امریکہ نے اس وقت انڈیا کی ان درآمدات کو سراہا تھا کہ اس سے عالمی منڈیاں مستحکم ہوں گی۔

انڈیا کا کہنا ہے کہ روس سے اس کی برآمدات اپنے صارفین کو کم قیمت پر توانائی فراہم کرنے کے لیے ہے۔ یورپی ممالک بھی روس سے تجارت جاری رکھے ہوئے ہیں اور امریکہ بھی روس سے اپنی ضرورت کی چیزیں درآمد کر رہا ہے۔ اس لیے انڈیا کو ٹارگٹ کرنا بے وجہ اور غیر منصفانہ ہے۔

واضح رہے کہ امریکہ کی جانب سے دباؤ کے باوجود انڈیا یہ عندیہ دے رہا ہے کہ وہ روس سے تیل خریدنا جاری رکھے گا۔

انڈیا کے دو اعلیٰ عہدے داروں نے رائٹرز کو بتایا ہے کہ ٹرمپ کی دھمکیوں کے باوجود انڈیا روس سے تیل خریدتا رہے گا۔

(یہ تفصیلات رائٹرز سے لی گئی ہیں)

اتوار کو امریکی صدر ڈونلڈ ٹرمپ کے ڈپٹی چیف آف اسٹاف اسٹیفن ملر نے انڈیا پر الزام لگایا کہ وہ روس سے تیل خرید کر اس کی یوکرین میں جاری جنگ کی مالی معاونت کر رہا ہے۔

ان کا کہنا تھا کہ صدر ٹرمپ نے واضح طور پر کہا ہے کہ یہ ہرگز قبول نہیں کیا جائے گا کہ انڈیا تیل خرید کر روس کو جنگ کے لیے وسائل فراہم کرتا رہے۔

اسٹیفن ملر ٹرمپ کے قریبی مشیر سمجھے جاتے ہیں۔ ان کے اس بیان کو ٹرمپ انتظامیہ کی جانب سے انڈیا کے لیے اب تک کے سب سے سخت پیغام کے طور پر دیکھا جا رہا ہے۔

اسٹیفن ملر کا کہنا تھا کہ لوگ یہ جان کر حیران رہ جائیں گے کہ انڈیا روسی تیل خریدنے میں چین کے مقابل ہے۔ یہ چونکا دینے والے حقائق ہیں۔

انڈیا روس سے کتنا تیل امپورٹ کرتا ہے؟

انڈیا کو اپنی ملکی ضرورت پوری کرنے کے لیے روز تقریباً 55 لاکھ بیرل تیل درکار ہوتا ہے جس کا 88 فی صد حصہ وہ امپورٹ کرتا ہے۔ اسی لیے انڈیا امریکہ اور چائنہ کے بعد دنیا کا تیسرا بڑا کروڈ آئل امپورٹ کرنے والا ملک ہے۔

انڈیا ماضی میں اپنا زیادہ تر آئل مشرقِ وسطیٰ سے امپورٹ کرتا تھا لیکن 2022 کے بعد سے اس نے روس سے زیادہ تیل خریدنا شروع کر دیا جب روس نے سستے داموں پر آئل سپلائی کرنا شروع کیا تھا۔ یاد رہے کہ فروری 2022 میں روس نے یوکرین پر حملہ کیا تھا۔

انڈیا جنوری 2022 میں روس سے یومیہ 68 ہزار بیرل خام تیل خرید رہا تھا لیکن اسی سال جون تک اس کی خریداری 11 لاکھ بیرل یومیہ تک پہنچ گئی تھی۔ مئی 2023 میں انڈیا روس سے روز 21 لاکھ بیرل تیل درآمد کر رہا تھا۔

پریس ٹرسٹ آف انڈیا نے ڈیٹا اینالیٹکس کمپنی کیلپر کے اعداد و شمار کا حوالہ دیتے ہوئے رپورٹ کیا کہ ایک موقع پر انڈیا کی آئل امپورٹس میں روس کی سپلائی تقریباً 40 فی صد تک پہنچ گئی تھی جس کے نتیجے میں ماسکو نئی دہلی کو سب سے زیادہ خام تیل فراہم کرنے والا ملک بن گیا تھا۔

مگر اب ٹرمپ حکومت کی جانب سے انڈیا کو شدید دباؤ کا سامنا ہے کہ وہ روس سے تیل خریدنا بند کرے۔ تاہم انڈیا نے عندیہ دیا ہے کہ وہ روسی تیل کی خریداری جاری رکھے گا۔

امریکہ میں انڈین سفارت خانے کی جانب سے اس معاملے پر فی الحال کوئی ردعمل نہیں دیا گیا تاہم رائٹرز کے مطابق انڈین حکومت کے سرکاری ذرائع نے انہیں بتایا ہے کہ نئی دہلی امریکہ کے دباؤ کے باوجود روس سے تیل کی خریداری جاری رکھے گا۔

ٹرمپ نے انڈیا پر 25 فی صد ٹیرف لگائے ہیں اور ایک بیان میں انڈیا کی معیشت کو مردہ بھی قرار دے چکے ہیں۔ ٹرمپ نے یہ دھمکی بھی دی ہے کہ وہ اگر روس جنگ بندی کا معاہدہ نہیں کرتا تو وہ روس سے آئل خریدنے والے ملکوں پر 100 فی صد ٹیرف لگا دیں گے۔

انڈیا کی وزارتِ خارجہ نے کہا ہے کہ روس سے اس کے تعلقات مستحکم اور وقت کی کسوٹی پر پورا اترنے والے ہیں اور ان تعلقات کو کسی تیسرے ملک کے تناظر میں نہیں دیکھا جانا چاییے۔

(یہ تفصیلات رائٹرز اور اے پی سے لی گئی ہیں)

پیر کے روز ایشیا میں ٹریڈنگ کے دوران بِٹ کوائن نے 1,21,207 ڈالر کی ریکارڈ سطح کو چھوا، بعد میں تھوڑی کمی کے ساتھ 1,21,015 ڈالر پر ٹریڈ ہو رہا تھا۔

اس تیزی کی ایک وجہ یہ بھی ہے کہ اس ہفتے امریکہ میں کرپٹو کرنسی سے متعلق قوانین پر بحث شروع ہو رہی ہے۔ ان قوانین کا مقصد کرپٹو انڈسٹری کو ایک واضح نظام دینا ہے، جس کا مطالبہ سرمایہ کار کافی عرصے سے کر رہے تھے۔

امریکی صدر ڈونلڈ ٹرمپ بھی کرپٹو کے حق میں ہیں جنہوں نے خود کو ’کرپٹو صدر‘ کہا ہے اور چاہتے ہیں کہ قوانین کو انڈسٹری کے فائدے میں بدلا جائے۔

ماہرین کا کہنا ہے کہ بڑے ادارے کرپٹو میں دلچسپی لے رہے ہیں، قیمتیں مزید بڑھنے کی امید ہے اور ٹرمپ کی حمایت بھی ہے۔ یہی عوامل بِٹ کوائن کی قیمت کو اوپر لے جا رہے ہیں۔

ایک تجزیہ کار کے مطابق بِٹ کوائن جلد 1 لاکھ 25 ہزار ڈالر تک بھی جا سکتا ہے۔

اس سال اب تک بِٹ کوائن کی قیمت میں 29 فیصد اضافہ ہو چکا ہے اور دیگر کرپٹو کرنسیز جیسے ایتھیر، XRP اور سولانا کی قیمتیں بھی بڑھی ہیں۔

ایتھیر 5 ماہ کی بلند ترین سطح 3 ہزار 50 ڈالر پر پہنچا، XRP اور سولانا میں بھی 3 فیصد اضافہ ہوا جبکہ پوری کرپٹو مارکیٹ کی قدر اب 3.78 ٹریلین ڈالر ہو گئی ہے

اس دوران بلال ثاقب کا کہنا تھا کہ ’آج ایک بہت ہی تاریخی دن ہے کیونکہ آج میں یہ اعلان کروں گا کہ پاکستانی حکومت اپنی حکومت کی زیر قیادت بٹ کوائن سٹریٹجک ریزرو قائم کر رہی ہے۔‘ انہوں نے کہا کہ ’یہ والٹ، نیشنل بٹ کوائن والیٹ، قیاس آرائیوں کے لیے نہیں ہے۔ ہمارے پاس یہ بٹ کوائنز ہوں گے اور ہم انہیں کبھی فروخت نہیں کریں گے۔‘

بلال بن ثاقب، جو پاکستان کرپٹو کونسل کے چیف ایگزیکٹو آفیسر بھی ہیں، نے عالمی سرمایہ کاروں کو پاکستان آنے کی دعوت دی۔

پاکستان حکومت نے حال ہی میں بٹ کوائن مائننگ اور آرٹیفیشل انٹیلی جنس ڈیٹا سینٹرز کے لیے پہلے مرحلے میں 2 ہزار میگاواٹ بجلی مختص کی ہے، جو ملک کی ڈیجیٹل انفراسٹرکچر میں ایک اہم پیش رفت ہے۔

یہ منصوبہ پاکستان کرپٹو کونسل کی قیادت میں چلایا جا رہا ہے اور اس کے تین بڑے مقاصد ہیں: پہلا، جو بجلی استعمال نہیں ہو رہی، اُسے کرپٹو مائننگ یا ڈیجیٹل شعبوں میں استعمال کر کے اُس سے پیسہ کمایا جائے۔ دوسرا، غیر ملکی سرمایہ کاری کو راغب کرنا اور تیسرا، بٹ کوائن مائننگ، ڈیٹا سائنس، اے آئی بلاک چین وغیرہ کے شعبوں میں روزگار کے مواقع پیدا کرنا ہے۔

وزیر خزانہ محمد اورنگزیب نے اس قدم کو پاکستان کی ڈیجیٹل ترقی میں ایک اہم موڑ قرار دیا ہے۔

بٹ کوائن ریزرو کیا ہے؟

بٹ کوائن ریزرو کا مطلب بٹ کوائن کا ذخیرہ ہے جو کوئی فرد، ادارہ یا حکومت بطور اثاثہ محفوظ رکھتی ہے۔

یہ بالکل ایسے ہی ہوتا ہے جیسے کسی ملک کے زرمبادلہ (فارن کرنسی) یا سونے کے ذخائر (گولڈ رزیرو) رکھتے ہیں۔ فرق صرف اتنا ہے کہ بٹ کوائن ایک ڈیجیٹل کرنسی ہے۔

قومی سطح پر بٹ کوائن ریزرو کا مقصد

جب کوئی ملک بٹ کوائن ریزرو کرتا ہے تو اس کے پیچھے کئی اسٹریٹجک اور معاشی مقاصد ہوتے ہیں:

کرنسی کی قدر میں کمی سے بچاؤ

بٹ کوائن کو محفوظ ذریعہ کے طور پر استعمال کیا جا سکتا ہے، تاکہ ملکی کرنسی کے غیر مستحکم ہونے پر معیشت کو سہارا دیا جا سکے کیونکہ اس کی عالمی سطح پر اہمیت اور قدر قائم رہتی ہے۔

سرمایہ کاری کو متنوع بنانا

سرمایہ کاری کو مختلف جگہوں پر لگانا بہتر ہوتا ہے۔ صرف ڈالر یا سونے پر انحصار کرنے کے بجائے ڈیجیٹل اثاثے رکھنے سے ملک کی معیشت کی بنیاد مضبوط ہو سکتی ہے۔

بین الاقوامی سرمایہ کاروں کو راغب کرنا

بٹ کوائن ریزرو اور کرپٹو پالیسیوں کے ذریعے پاکستان خود کو ایک جدید ڈیجیٹل معیشت کے طور پر پیش کر سکتا ہے، جو غیر ملکی سرمایہ کاروں کے لیے پرکشش بن سکتا ہے۔

بلاک چین ٹیکنالوجی کو فروغ دینا

اس اقدام سے پاکستان میں بلاک چین اور جدید ڈیجیٹل ٹیکنالوجیز کی ترقی کی راہ ہموار ہوگی۔

حال ہی میں پاکستان نے اعلان کیا ہے کہ وہ حکومتی سطح پر ایک ’اسٹریٹیجک بٹ کوائن ریزرو‘ قائم کرے گا۔ اس منصوبے کی قیادت پاکستان کرپٹو کونسل کر رہا ہے، جو وزارت خزانہ کے تحت کام کر رہی ہے۔ بین الاقوامی سطح پر بھی اس منصوبے کو حمایت حاصل ہے، جن میں بائنینس کے بانی چانگ پینگ ژاؤ بھی شامل ہیں۔

پاکستان کو اس سے کیا فائدہ ہو سکتا ہے؟

1. کرنسی کی بے قدری کے اثرات کم ہوں گے
2. ڈیجیٹل معیشت میں پاکستان کو برتری حاصل ہو سکتی ہے
3. مالیاتی نظام میں شمولیت بڑھے گی، خاص طور پر ان لوگوں کے لیے جن کے پاس بینک اکاؤنٹ نہیں۔
4. نئے روزگار کے مواقع اور ٹیکنالوجی کی ترقی

چائنہ کا یہ بیان اُس وقت آیا جب یہ خبریں ملیں کہ امریکہ دوسرے ممالک پر دباؤ ڈالنا چاہتا ہے تاکہ وہ چائنہ کے ساتھ اپنی تجارتی سرگرمیاں کم کریں، اور بدلے میں انہیں امریکہ کی طرف سے لگائے گئے ٹیرف (ٹیکس) سے نرمی دی جائے گی۔

ٹرمپ انتظامیہ ایسے ممالک (تجارتی پارٹنرز) پر دباؤ ڈالنے کی تیاری کر رہی ہے جو امریکا سے ٹیرف میں کمی کے خواہاں ہیں اور اس کے بدلے وہ چائنہ کے ساتھ تجارت محدود کریں۔ ایسے میں پچھلے ہفتے جاپان کا ایک وفد واشنگٹن آیا تھا اور جنوبی کوریا اس ہفتے مذاکرات شروع کرنے والا ہے۔

ٹرمپ نے کہا ہے کہ جب سے ٹیرف کا اعلان کیا گیا ہے، 70 سے زیادہ ممالک نے مذاکرات شروع کرنے کے لیے رابطہ کیا ہے۔

جنوری میں وائٹ ہاؤس واپس آنے کے بعد سے ٹرمپ نے چائنہ سے آنے والی امورٹس پر بھاری ٹیکس عائد کیے ہیں، جبکہ دیگر ممالک کو بھی اپنی اشیاء پر محصولات (لیویز) کا سامنا کرنا پڑا ہے۔

چائنہ کی وزارتِ تجارت کے ترجمان نے کہا کہ ’مصالحانہ رویہ امن نہیں لاتا اور سمجھوتہ عزت نہیں پاتا۔‘

چائنہ نے کہا ہے کہ وہ کسی بھی ملک کو چینی مفادات کی قیمت پر معاہدہ کرنے کی اجازت نہیں دے گا۔ اگر ایسا ہوتا ہے تو چائنہ اسے کبھی قبول نہیں کرے گا اور جوابی اقدامات کرے گا۔

چائنہ کے خلاف اپنی تجارتی جنگ کو بڑھانے کے باوجود ٹرمپ نے پچھلے ہفتے کہا تھا کہ انہیں امید ہے کہ وہ بیجنگ کے ساتھ ایک ’بہت بہتر‘ تجارتی معاہدہ طے کر لیں گے۔

پیر کو جاری کیے گئے بیان میں چین کی وزارتِ تجارت نے ٹرمپ کی حکومت پر ’سیاست‘ اور ’یک طرفہ بدمعاشی‘ میں ملوث ہونے کا الزام لگایا، جسے وہ ’جوابی ٹیرف‘ کے نام پر دفاع کرنے کا بہانہ قرار دے رہے ہیں۔

ترجمان نے کہا کہ ’اگر بین الاقوامی تجارت 'جنگل کے قانون' کی طرح ہو گئی، تو تمام ممالک شکار بن جائیں گے۔‘

’چین تمام فریقوں کے ساتھ یکجہتی اور تعاون بڑھانے کے لیے تیار ہے تاکہ یک طرفہ بدمعاشی کا مقابلہ کیا جا سکے، جائز حقوق اور مفادات کا تحفظ کیا جا سکے، اور بین الاقوامی انصاف اور برابری کی حفاظت کی جا سکے۔‘

وائٹ ہاوٴس کے مطابق امریکہ نے پاکستانی امپورٹس پر وقتی طور پر 29 فیصد ٹیرف پر نرمی کا اعلان کیا تھا تاہم 10 فیصد ٹیرف برقرار رہے گا۔

بی بی سی کو ایک انٹرویو میں محمد اورنگزیب نے کہا کہ ’کم از کم 10 فیصد ٹیرف ہے اور پھر اضافی ٹیرف بھی ہے، میرے خیال میں ہمیں اس معاملے پر بات کرنے کی ضرورت ہے۔

جوابی ٹیرف سے متعلق سوال پر ان کا کہنا تھا کہ ’اگر آپ پوچھ رہے ہیں کہ کیا ہم امریکہ پر کوئی جوابی ٹیرف عائد کریں گے، تو اس کا جواب ہے نہیں۔‘

انہوں نے مزید کہا کہ ’یہ ایک غیر یقینی صورتحال ہے، اور ہمیں سب کو سوچنا ہوگا کہ اس نئے عالمی منظرنامے میں کیسے آگے بڑھنا ہے۔

پاکستان کو کتنا نقصان ہو سکتا ہے؟

پاکستان انسٹیٹیوٹ آف ڈویلپمنٹ اکنامکس کی ایک حالیہ تحقیق کے مطابق اگر 29 فیصد ٹیرف دوبارہ لاگو ہوتا ہے تو، پاکستانی ایکسپورٹس پر کل ٹیرف 37.6 فیصد تک جا سکتا ہے۔ (8.6 فیصد ایم ایف این ٹیرف سمیت)

تحقیق کے مطابق اس سے امریکی منڈی میں پاکستانی ایکسپورٹس میں 20 سے 25 فیصد کمی ہو سکتی ہے، جو کہ سالانہ 1.1 سے 1.4 ارب ڈالر کے نقصان کے برابر ہے۔

تحقیق میں بتایا گیا کہ امریکی ٹیرف سے ٹیکسٹائل سیکٹر سب سے زیادہ متاثر ہو گا، جو کہ پاکستان کی سب سے بڑی ایکسپورٹ انڈسٹری ہے اور تقریباً 17 ارب ڈالر سالانہ کماتا ہے۔

ماہرین کے مطابق اگر 29 فیصد ٹیرف دوبارہ نافذ ہوا تو، ٹیکسٹائل برآمدات میں 2 ارب ڈالر کا نقصان ہوسکتا ہے۔

یہ نئی شرح اب امریکہ کی جانب سے چینی امپورٹس پر عائد کیے گئے 'جوابی' (یعنی ریسی پروکل) ٹیرف کے برابر ہو گئی ہے، لیکن بیجنگ نے واضح کیا ہے کہ وہ اس سے آگے اضافہ نہیں کرے گا۔

چائنہ کی وزارت خزانہ کا کہنا ہے کہ ’اگر امریکہ نے مزید ٹیرف بڑھایا، تو یہ اب اقتصادی طور پر کوئی معنی نہیں رکھے گا بلکہ عالمی معیشت کی تاریخ میں ایک مذاق بن جائے گا،۔‘

چائنہ کا کہنا ہے کہ ’اس وقت جو بھاری ٹیرف عائد ہیں، ان کی وجہ سے امریکی مصنوعات چائنہ کی مارکیٹ میں فروخت کے قابل نہیں رہیں۔ اگر امریکہ ٹیرف کے نمبروں میں کھیل کھیلتا رہا، تو چائنہ اسے نظر انداز کر دے گا۔ لیکن اگر امریکہ نے چائنہ کے مفادات کو نقصان پہنچانے کی کوشش کی، تو چائنہ سخت اور بھرپور جواب دے گا، اور آخر تک مقابلہ کرے گا۔‘

امریکی مارکیٹس کھلنے سے قبل، ایس اینڈ پی 500 اور ڈاؤ جونز میں کمی دیکھنے میں آئی، جو اس ہفتے کی مارکیٹ میں اتار چڑھاؤ کے رجحان کو مزید بڑھا گئی۔ چین کے اعلان کے فوراً بعد ڈالر کی قدر یورو کے مقابلے میں تقریباً 2 فیصد کم ہو گئی۔

امریکہ میں جب اسٹاک مارکیٹس کھلنے والی تھیں، تو اس سے پہلے ہی دو بڑی مارکیٹ انڈیکسز میں کمی دیکھنے میں آئی۔ یہ کمی اس بات کا تسلسل تھی کہ اس ہفتے مارکیٹ پہلے ہی غیر یقینی اور اتار چڑھاؤ کا شکار تھی۔

اسی دوران جب چین نے اعلان کیا کہ وہ ٹیرف میں اضافہ کر رہا ہے، تو اس کے فوراً بعد ڈالر کی قیمت یورو کے مقابلے میں تقریباً 2 فیصد گر گئی۔

صدر ٹرمپ نے 2 اپریل کو اعلان کیا تھا کہ وہ دوسرے ممالک، خاص طور پر چائنہ، پر ’جوابی‘ ٹیرف عائد کریں گے۔

لیکن اسی ہفتے انہوں نے فیصلہ کیا کہ ان میں سے زیادہ تر ٹیرف فی الحال لاگو نہیں کیے جائیں گے، یعنی 90 دنوں کے لیے مؤخر کر دیے گئے۔ چائنہ کے علاوہ ان ممالک پر صرف ایک 10 فیصد کا بنیادی ٹیرف لاگو رکھا گیا ہے، جو فوری طور پر نافذ ہے۔

اگرچہ صدر ٹرمپ نے دوسرے ممالک کے لیے ٹیرف میں وقتی نرمی کی ، لیکن چین کو اس رعایت سے باہر رکھا۔ اس کے برعکس ٹرمپ نے اعلان کیا کہ چائنہ پر اب 125 فیصد ٹیرف لگے گا۔ یہ فیصلہ چائنہ کی طرف سے پہلے سے لگائے گئے 84 فیصد ٹیرف کے جواب میں کیا گیا تھا۔

انٹربینک مارکیٹ میں ڈالر 280.10 روپے پر ٹریڈ ہو رہا تھا، جو جمعہ کے دن کے اختتام میں 279.97 روپے سے 13 پیسے زیادہ تھا۔

آخری بار 17 جنوری 2024 کو ڈالر 280.10 پاکستانی روپے کی سطح پر تھا۔

تجزیہ کاروں کے مطابق روپے پر دباؤ کی بنیادی وجہ امپورٹس میں اضافہ اور ایکسپورٹس میں کمی ہے۔ پاکستان بیورو آف شماریات کے مطابق، فروری میں ایکسپورٹس 6 فیصد کم ہو کر 2.44 بلین ڈالر رہ گئیں، جبکہ اسی مہینے میں امپورٹس 10 فیصد اضافے کے ساتھ 4.7 بلین ڈالر تک پہنچ گئیں۔

فروری میں پاکستان کی امپورٹس زیادہ ہونے کی وجہ سے تجارتی خسارہ 2.29 ارب ڈالر تک پہنچ گیا، جو پچھلے سال کے مقابلے میں 33 فیصد زیادہ تھا۔ یعنی پاکستان نے جتنا مال باہر سے خریدا (امپورٹس)، اس کے مقابلے میں کم مال بیچا (ایکسپورٹس)۔ جس وجہ سے ملک کے مالی حالات پر دباؤ بڑھا۔

جنوری میں پاکستان کا کرنٹ اکاؤنٹ خسارے میں تھا، یعنی 480 ملین ڈالر کا نقصان ہوا، جب کہ دسمبر میں ملک کو 414 ملین ڈالر کا فائدہ تھا۔

لیکن اگر فروری میں ترسیلاتِ زر (جو لوگ باہر سے پیسے بھیجتے ہیں) زیادہ رہیں اور مارچ میں یہ 4 بلین ڈالر تک پہنچ جائیں، تو کرنٹ اکاؤنٹ سالانہ بنیادوں پر فائدے (سرپلس) میں رہنے کا امکان ہے۔

یہ بھی پڑھیں:

پاکستان کے لیے 7 ارب ڈالر آئى ایم ایف قرض کی منظوری

پاکستان کا کرپٹو کرنسی کو 'اسٹریٹجک اثاثہ' بنانے کا فیصلہ، وزارت خزانہ

پاکستان اور آئی ایم ایف کے درمیان 7 ارب ڈالر قرض کا نیا معاہدہ طے پا گیا

پاکستان کی وزارت خزانہ کے مطابق اس مقصد کے لیے نیشنل کرپٹو کونسل کے قیام پر بھی غور کیا جا رہا ہے، تاکہ ملک میں ایسا مالیاتی نظام متعارف کرایا جا سکے جو ڈیجیٹل اثاثوں میں محفوظ سرمایہ کاری کو ممکن بنائے۔

اس مہینے وزارت خزانہ نے فوربز کی جانب سے تسلیم شدہ کاروباری شخصیت اور ویب 3 کے سرمایہ کار بلال بن ثاقب کو پاکستان کرپٹو کونسل کے لیے وزیر خزانہ کا چیف ایڈوائزر مقرر کرنے کا اعلان کیا تھا۔

بلال بن ثاقب نے سوشل میڈیا پلیٹ فارم ایکس پر کہا کہ ’پاکستان کرپٹو کونسل اس حقیقت کو تسلیم کرتی ہے کہ پاکستان دنیا بھر میں کرپٹو میں سرمایہ کاری کرنے والے سرفہرست 10 ممالک میں شامل ہے۔ اس لیے حکومت اسے مزید فروغ دینے اور ایک باضابطہ نظام بنانے کے لیے اقدامات کر رہی ہے۔‘

اس سے قبل اسٹیٹ بینک آف پاکستان نے بٹ کوائن، لائٹ کوائن، پاک کوائن، ون کوائن، ڈاس کوائن، اور پے ڈائمنڈ سمیت تمام ڈیجیٹل کرنسیوں کو غیر قانونی قرار دیتے ہوئے ان کی خرید و فروخت پر پابندی عائد کر دی تھی۔

وزارت خزانہ کے مطابق پاکستان میں اس وقت 2 کروڑ سے زائد صارفین کرپٹو مارکیٹ میں شامل ہیں، لیکن انہیں ٹرانزیکشن فیس سمیت دیگر چیلنجز کا سامنا کر رہے ہیں۔

بلال بن ثاقب نے نشاندہی کی کہ امریکہ نے حال ہی میں بٹ کوائن اسٹریٹجک ریزرو قائم کرنے کا ایک ’تاریخی‘ اقدام اٹھایا ہے، جو عالمی معیشت کے لیے ایک اہم موڑ ثابت ہو سکتا ہے۔

انہوں نے کہا کہ یہ ایک بڑی تبدیلی ہے کہ اب ممالک روایتی اثاثوں جیسے سونا اور تیل سے آگے بڑھ کر ڈیجیٹل مستقبل کو اپنا رہے ہیں۔

یہ بھی پڑھیں:

انڈیا کے چھوٹے شہروں میں کرپٹو ٹریڈنگ میں اضافہ

ٹرمپ کا ’امریکی اسٹریٹجک ریزرو‘ کے لیے 5 کرپٹو کرنسیوں کا اعلان

ویڈیو سکرپٹ: اقرا حسین

پاکستان کے وزیر خزانہ کے مشیر خرم شہزاد نے تصدیق کی کہ آئی ایم کا وفد 24 سے 28 فروری تک پاکستان میں موجود رہے گا تاکہ اس فنڈنگ کا جائزہ اور بات چیت کی جاسکے۔

یہ رقم آئی ایم ایف کے ریزیلینس اینڈ سسٹین ایبیلٹی ٹرسٹ کے تحت دی جائے گی، جو 2022 میں ماحولیاتی مسائل سے نمٹنے کے لیے قائم کیا گیا تھا۔ اس کا مقصد ممالک کو قدرتی آفات سے بچاؤ اور صاف توانائی کے استعمال جیسے منصوبوں میں مدد دینا ہے۔

پاکستان نے اکتوبر 2023 میں اس فنڈنگ کے لیے باضابطہ درخواست دی تھی کیونکہ پاکستان موسمیاتی تبدیلیوں سے شدید متاثر ہونے والے ممالک میں شامل ہے۔

جیو نیوز کے مطابق آئی ایم ایف اس ہفتے کلائمیٹ فنانسنگ (ماحولیاتی فنڈنگ) کے لیے 1 ارب ڈالر جاری کر سکتا ہے۔

ماہرین کہتے ہیں کہ پاکستان کی معیشت آہستہ آہستہ بحالی کی طرف بڑھ رہی ہے، خاص طور پر اس کے بعد جب گزشتہ سال آئی ایم ایف نے 7 ارب ڈالر کا بیل آؤٹ پیکج دیا تھا۔ اس پروگرام کے پہلے جائزے کے لیے آئی ایم ایف کا ایک اور وفد مارچ کے پہلے ہفتے میں پاکستان کا دورہ کرے گا۔

گلوبل کلائمیٹ رسک انڈیکس کے مطابق پاکستان دنیا کے ان ممالک میں شامل ہے جو موسمیاتی تبدیلیوں سے سب سے زیادہ متاثر ہو رہے ہیں۔ 2022 میں آنے والے تباہ کن سیلاب میں 3 کروڑ 30 لاکھ سے زائد افراد متاثر اور ایک ہزار 700 لوگ ہلاک ہوئے تھے۔ کمزور معیشت اور بھاری قرضوں کے باعث پاکستان کے لیے اس آفت سے نمٹنا مزید مشکل ہو گیا تھا۔

آل پاکستان صرافہ جیولرز ایسوسی ایشن کے بدھ (پانچ فروری) کو جاری کردہ اعداد و شمار کے مطابق:

1. 10 گرام (24 قیراط) سونے کی قیمت 4158 روپے اضافے کے بعد 2 لاکھ 56 ہزار 859 روپے ہو گئی۔
2. ایک تولہ (24 قیراط) سونے کی قیمت 5300 روپے اضافے کے بعد 2 لاکھ 99 ہزار 600 روپے کی نئی بلند ترین سطح پر پہنچ گئی۔

عالمی سطح پر بھی سونے کی قیمتیں بھی بلند ترین سطح پر پہنچ گئی ہیں، فی اونس سونا 2 ہزار 868 ڈالر تک پہنچ گیا، جو کہ ایک اونس پر 53 ڈالر کا اضافہ تھا۔

آل کراچی جیولرز اینڈ مینوفیکچررز ایسوسی ایشن کے صدر محمد حسین قریشی نے کہا کہ بڑھتی ہوئی قیمتیں خریداروں کے لیے مسئلہ بن گئی ہیں، کیونکہ وہ یہ فیصلہ نہیں کر پا رہے کہ سونا فوراً خریدیں یا قیمتوں کے کم ہونے کا انتظار کریں۔

انہوں نے خدشہ ظاہر کیا کہ ’اگر سونے کی قیمتوں میں اضافہ اسی طرح جاری رہا، تو وہ وقت آئے گا جب قیمتی دھات کی تجارت صرف بڑے سرمایہ کاروں تک محدود ہو جائے گی اور اس کی وجہ سے جیولری کی فروخت کم ہونے سے دکانیں خالی ہو سکتی ہیں‘۔

یہ بھی پڑھیں:

نئی تجارتی جنگ کے خطرات: ٹرمپ کا میکسیکو، کینیڈا اور چائنہ کی امپورٹس پر بھاری ٹیکس لگانے کا اعلان

ٹرمپ کے بھاری ٹیکس لگانے کے اعلان پر کینیڈا، چائنہ اور میکسیکو نے کیا ردعمل دیا؟

اسٹیٹ بینک نے سود کی شرح 12 فیصد کر دی

دسمبر میں پاکستان کی امپورٹس 5 ارب 20 کروڑ ڈالر تک پہنچ گئیں، جو پچھلے دو سال میں سب سے زیادہ رہیں

اسٹیٹ بینک نے پچھلے سال جون کے بعد سے چھٹی بار شرح سود میں کمی ہے۔ گورنر اسٹیٹ بینک جمیل احمد کے مطابق شرح سود میں کمی کا مقصد ملک کی معیشت کو بہتر بنانا اور کاروبار کی ترقی کو فروغ دینا ہے، کیونکہ سود کی شرح کم ہونے سے کاروباروں کو قرض لینا سستا ہوگا۔

اسٹیٹ بینک کی جانب سے شرح سود میں 10 فیصد کمی 2020 میں کووڈ وبا کے دوران ہونے والی 6.25 فیصد کمی سے بھی زیادہ ہے۔

اسٹیٹ بینک کی مانیٹری پالیسی کمیٹی نے ایک بیان میں کہا کہ اتنی بڑی کمی کا اثر معیشت پر بھی پڑے گا اور اقتصادی سرگرمیوں کو بڑھانے میں مدد ملے گی۔

کمیٹی نے یہ بھی کہا کہ مہنگائی کی شرح توقعات کے مطابق نیچے آرہی ہے اور دسمبر 2024 میں مہنگائی کی شرح 4.1 فیصد رہی، جو اس سے پچھلے سال کے مقابلے میں کم ہے۔

اسٹیٹ بینک نے کہا کہ مہنگائی کم ہونے کی وجہ یہ ہے کہ ملک میں اشیاء کی مانگ کم ہو گئی ہے اور سپلائی کی صورت حال میں بہتری آئی ہے۔

گورنر اسٹیٹ بینک نے یہ بھی کہا کہ جنوری میں مہنگائی مزید کم ہو سکتی ہے، مگر اس کے بعد مہنگائی دوبارہ بڑھ بھی سکتی ہے۔ انہوں نے یہ بھی کہا کہ جو چیزیں عام طور پر روزمرہ کی زندگی میں استعمال ہوتی ہیں، جیسے کھانے پینے کی اشیاء، ان کی قیمتوں میں کمی آ رہی ہے، لیکن یہ قیمتیں ابھی بھی نسبتاً زیادہ ہیں اور بلند سطح پر ہیں۔

پاکستان کی معیشت نے مالی سال 25-2024 کی پہلی سہ ماہی میں 0.92 فیصد کی ترقی کی۔ یہ ڈیٹا نیشنل اکاؤنٹس کمیٹی نے منظور کیا اور دسمبر میں جاری کیا گیا۔

کمیٹی نے کہا کہ پہلی سہ ماہی میں جی ڈی پی کی ترقی توقع سے تھوڑی کم رہی۔ دسمبر 2024 میں کرنٹ اکاؤنٹ میں سرپلس رہا، لیکن اسٹیٹ بینک کے زرمبادلہ کے ذخائر میں کمی آئی، کیونکہ مالیاتی انفلوز کم تھے اور قرضوں کی ادائیگیاں زیادہ تھیں۔ دسمبر میں ٹیکس کی آمدنی میں اضافہ تو ہوا لیکن پھر بھی وہ ہدف سے کم رہی۔ اس کے علاوہ عالمی تیل کی قیمتوں میں پچھلے چند ہفتوں میں کافی اتار چڑھاؤ آیا۔

انہوں نے یہ بھی کہا کہ جون تک مہنگائی کی شرح 5 سے 7 فیصد کے درمیان رہے گی۔

گورنر نے مزید بتایا کہ ترسیلات زر (دوسرے ممالک سے پیسے بھیجنے والی رقم) اور برآمدات کے اعداد و شمار اچھے نظر آرہے ہیں اور اس وقت پاکستان کے مجموعی زرمبادلہ ذخائر 16.19 ارب ڈالر ہیں۔

پاکستان کے نامور بزنس میگزین پروفٹ کے مطابق دسمبر 2024 میں امپورٹس 5 ارب 20 کروڑ ڈالر تھیں جو دسمبر 2023 میں 4 ارب 50 کروڑ ڈالر تھیں، جس سے ظاہر ہوتا ہے کہ اس سال دسمبر میں بہتر تجارت اور ریجنل پارٹنرشپ رہی۔

حکومتی ذرائع کے مطابق ایران سے امپورٹس میں بہت زیادہ اضافہ ہوا جو نومبر 2024 میں 129.7 ملین ڈالر تک پہنچ گئیں۔ یہ گزشتہ سال (جولائی سے نومبر) کے اسی عرصے کے مقابلے میں 47 فیصد اضافہ ہے۔

تجارتی تعلقات معطل ہونے کے باوجود انڈیا کے ساتھ تجارت میں بھی اضافہ ہوا۔ اگست 2023 کے مقابلے اگست 2024 میں انڈیا سے امپورٹس میں 5 فیصد اضافہ ہوا۔

ماہرین کا کہنا ہے کہ دسمبر میں امپورٹس میں اضافے کی وجہ امپورٹ پابندیوں میں نرمی، مضبوط علاقائی تعلقات اور مقامی انڈسٹریز کو سپورٹ کرنے کے لیے خام مال کی زیادہ مانگ ہے۔

تاہم زیادہ امپورٹس کرنٹ اکاؤنٹ پر دباؤ ڈال سکتے ہیں، لیکن اس سے یہ بھی ظاہر ہوتا ہے کہ معاشی سرگرمیاں بڑھ رہی ہیں۔

تاہم یہ اضافہ اس بات کو بھی اجاگر کرتا ہے کہ اسٹریٹجک پلاننگ کی ضرورت ہے تاکہ تجارتی نمو مالی استحکام کو متاثر نہ کرے۔

2025 میں امپورٹس ممکنہ طور پر اہم علاقائی شراکت داروں کے ساتھ جاری اصلاحات اور تجارتی پالیسیوں پر منحصر ہوں گی۔

انہوں نے یہ بات اقوام متحدہ کے 29ویں موسمیاتی تبدیلی کانفرنس (کوپ 29) میں کہی جو آذربائیجان کے دارالحکومت باکو میں منعقد ہو رہی ہے۔ وزیراعظم نے پاکستان کا کیس ورلڈ لیڈرز کلائمٹ ایکشن سمٹ کے دوسرے اور آخری دن پیش کیا۔

انہوں نے خطاب کرتے ہوئے کہا کہ پاکستان کو کلائمیٹ مسائل کے اہداف کو پورا کرنے کے لیے انٹرنیشنل سپورٹ کی ضرورت ہے۔ کم ترقی یافتہ ممالک کو 2030 تک تقریباً 6.8 ٹریلین امریکی ڈالرز کی ضرورت ہوگی۔

شہباز شریف نے یہ بھی کہا کہ موسمیاتی تبدیلی سے نمٹنے کے لیے رقم گرانٹ کی صورت میں ہونی چاہیے نہ کہ قرض کی صورت میں جو کمزور ممالک برداشت نہیں کرسکتے۔

یاد رہے کہ پاکستان عالمی موسمیاتی خطرے کے انڈیکس کے مطابق دنیا کے 10 سب سے زیادہ موسمیاتی تبدیلی سے متاثر ہونے والے ممالک میں شامل ہے۔ پاکستان میں بار بار اور شدید موسمیاتی واقعات جیسا کہ سیلاب، شدید مون سون کی بارشیں، ہیٹ ویوو، تیزی سے گلیشیئر کا پگھلنا اور گلیشیئر جھیلوں یعنی گلاف کے پھٹنے سے سیلاب آنا جیسے واقعات میں بہت زیادہ اضافہ ہوا ہے۔

وزیراعظم شہباز نے کانفرنس سے خطاب کرتے ہوئے کہا کہ کوپ29 کو 'یہ سمجھنا چاہیے کہ ہمیں کوپ27 اور کوپ 28 میں کیے گئے مالی وعدوں کو پورا کرنا ہوگا۔'

وزیراعظم نے کہا کہ یہ ایونٹ 'ان مصیبتوں کو سمجھنے کے لیے ہے جن کا کچھ ممالک پہلے ہی سامنا کر چکے ہیں اور کچھ کو سامنا کرنا پڑے گا اگر ہم نے اس کو کم کرنے کے اقدامات نہ کیے تو۔'

2022 میں کوپ 27 میں پاکستان سمیت کئی ممالک نے موسمیاتی آفات سے متاثر ہونے والے غریب ممالک کی مدد کے لیے ’لاس اور ڈیمیج فنڈ‘ قائم کرنے کے لیے ایک معاہدے کو منظور کیا تھا۔

گزشتہ سال کوپ 28 کانفرنس میں، اُس وقت کے عبوری حکومت کے نگران وزیراعظم انوار الحق کاکڑ نے موسمیاتی مالیات کے لیے 100 بلین ڈالر کے وعدوں پر فوری طور پرعمل درآمد کرنے کا مطالبہ کیا تھا۔

اقوام متحدہ کے مطابق اب تک لاس اور ڈیمیج فنڈ کے لیے تقریباً 800 ملین ڈالر کا وعدہ کیا گیا ہے، جس میں فرانس، اٹلی، جرمنی اور متحدہ عرب امارات سب سے بڑے عطیہ دینے والے ملک ہیں۔

کوپ29 میں آج، وزیر اعظم شہباز نے 2022 کے تباہ کن مون سون سیلاب کے بارے میں بھی بات کی جس میں 1700 لوگ ہلاک ہوئے تھے اور بہت بڑے پیمانے پر لوگوں کو نقل مکانی کرنی پڑی ، گھر اور فصلیں تباہ ہوئیں اور پاکستان کی معیشت کو 30 بلین ڈالر سے بھی زیادہ کا نقصان ہوا تھا۔

انہوں نے انٹرنیشنل کمیونٹی سے اس بات کا مطالبہ کیا کہ 'موسمیاتی تبدیلی کا مقابلہ کرنے کے لیے اس وقت اس وقت انتہائی ضروری اقدامات کریں تاکہ غریب ممالک امیر ممالک کے کیے ہوئے کاموں کا خمیازہ نا بھگتیں۔‘

وزیراعظم نے اس بات پر زور دیتے ہوئے کہا کہ پاکستان ان ممالک میں سے ایک ہے جو زہریلی گیسوں کو ہوا میں چھوڑنے میں مشکل سے آدھا فیصد حصہ ڈالتا ہے اور پھر بھی سب سے زیادہ نقصان ہمیں ہورہا ہے۔

انہوں نے مزید کہا کہ موسمیاتی تبدیلی سے نمٹنے کے لیے رقم گرانٹ کی صورت میں ہونی چاہیے نہ کہ قرض کی صورت میں جو کمزور ممالک برداشت نہیں کرسکتے۔

آل کیئر میڈیکل گروپ کے چیئرمین سلطان المنصور نے عرب نیوز کے ساتھ ایک انٹرویو میں کہا کہ ’ہم نے پاکستان کے کاروباری پالیسیوں میں نمایاں تبدیلیاں دیکھی ہیں، جو ایک مثبت پیش رفت ہے۔ پاکستان آہستہ آہستہ معاشی استحکام کی طرف بڑھ رہا ہے۔ یہ تمام مثبت خبریں پاکستان کو سرمایہ کاری کے لیے سازگار جگہ بنا رہی ہیں۔‘

سعودی عرب کے وزیر سرمایہ کاری خالد بن عبدالعزیز الفالح اس وقت 130 سے ​​زائد ارکان کے ایک بڑے وفد کے ساتھ تین روزہ دورے پر پاکستان میں موجود ہیں، جن میں توانائی، کان کنی، معدنیات، زراعت، کاروبار، سیاحت، صنعت کی سعودی کمپنیوں کے نمائندے بھی شامل ہیں۔

یہ وفد 9 اکتوبر کو 3 روزہ دورے پر اسلام آباد پہنچا تھا۔ اس دورے کے نتیجے میں سعودی عرب اور پاکستان کے درمیان 2 ارب ڈالر تک کے سرمایہ کاری معاہدے پر دستخط ہوئے۔

عرب نیوز کی رپورٹ کے مطابق وفاقی وزیر عبدالعلیم خان نے کہا تھا کہ پاکستانی پرائیوٹ کمپنیز سعودی عرب کے ساتھ سرمایہ کاری اور دو طرفہ تجارت کے لیے تیار ہیں۔ سعودی پرائیوٹ سیکٹر کا اتنا بڑا وفد پہلے کبھی نہیں آیا۔ انہوں نے وفد کی آمد کو پاک سعودی تجارتی تعلقات میں پہلا قدم اور اہم سنگ میل قرار دیا۔

اس دورے کے دوران سعودی وزیر الفالح پاکستانی صدر آصف زرداری اور وزیراعظم شہباز شریف سے بھی ملاقات کی۔ اس کے علاوہ ملک کی بزنس کمیونٹیز نے بھی سعودی وفد سے ملاقاتیں کیں۔

حالیہ مہینوں میں پاکستان اور سعودی عرب کے درمیان تجارت اور سرمایہ کاری بڑھانے پر تیزی سے کام ہو ریا ہے۔ رواں سال کے آغاز میں سعودی شہزادے محمد بن سلمان نے پاکستان کے لیے 5 ارب ڈالر کے سرمایہ کاری پیکج کا اعلان کیا تھا۔ موجودہ دورہ اسی سلسلے کی ایک کڑی ہے۔

پاکستان اپنے سنگین معاشی بحران اور تیزی سے کم ہوتے زرمبادلہ ذخائر اور پاکستانی کرنسی کی گرتی ہوئی ویلیو جیسے مسائل سے نمٹنے کے لیے دوست ممالک سے تجارت، دفاع، توانائی اور دیگر شعبوں میں خصوصی تعاون چاہتا ہے۔

گزشتہ سال جون میں پاکستان نے اسپیشل انویسٹمنٹ فیسیلیٹیشن کونسل تشکیل دی تھی، جو کہ ایک ہائبرڈ سول ملٹری فورم ہے، تاکہ غیر ملکی کاروباروں (خاص طور پر خلیجی ممالک سے) کو سہولت فراہم کی جا سکے۔

خالد بن عبدالعزیز الفالح کا پاک سعودی بزنس فورم سے خطاب

سعودی وزیر سرمایہ کاری خالد بن عبدالعزیز الفالح نے پاک سعودی تعلقات کو سراہتے ہوئے کہا کہ دونوں ممالک میں معاشی تعاون کے امکانات کی کوئی حد نہیں ہے۔

اسلام آباد میں پاک سعودی بزنس فورم سے خطاب کرتے ہوئے ان کا کہنا تھا کہ ’میں سمجھتا ہوں جس طرح پاکستان اور سعودی عرب کی دوستی، اور ہمارے پرانے تعلقات کی کوئی حد نہیں اسی طرح پاکستان اور سعودی عرب اقتصادی میدان میں بھی بے حد ترقی کر سکتے ہیں۔

انہوں نے تصدیق کی کہ پاکستان اور سعودی عرب کے درمیان 2 ارب ڈالر مالیت کے27 معاہدوں اور ایم او یوز پر دستخط ہوئے‘۔

سعودی وزیر الفالح نے دونوں ملکوں کے درمیان تجارتی تعلقات پر اطمینان کا اظہار کیا اور بتایا کہ دونوں ممالک کی باہمی تجارت 2019 کے مقابلے میں 80 فیصد تک بڑھ کر 3 ارب سے 5.2 ارب ڈالر تک جا چکی ہے۔

سعودی عرب اور پاکستان کے درمیان کیا اتفاق ہوا؟

معاہدے میں کہا گیا کہ سعودی عرب پاکستان سے الیکٹرک آلات کی مشترکہ پیداوارکرے گا، دونوں ملکوں کے درمیان ٹیکسٹائل کےشعبے اور تعمیراتی شعبے میں تعاون بڑھانے پر اتفاق ہوا۔ معاہدے کے تحت دونوں ملکوں میں ٹرانسپورٹ،توانائی،پٹرولیم شعبےمیں تعاون بڑھانےپراتفاق کیا گیا ، سعودی کمپنی شیل پاکستان کے 77 فیصد شیئرز خریدے گی۔

معاہدے میں پاکستان اورسعودی عرب کےدرمیان سائبر سیکیورٹی سےمتعلق تعاون سمیت مصالحہ جات اور سبزیوں کی برآمدمیں اضافے پر اتفاق ہوا۔

پاکستان اورسعودی عرب میں ہنرمندافرادی قوت سےمتعلق مفاہمتی یادداشت کاتبادلہ،ای ایجوکیشن کے شعبے میں بھی تعاون کا معاہدہ ہوا۔

سعودی وفد کی آرمی چیف جنرل عاصم منیر سے ملاقات

سعودی وزیر سرمایہ کاری خالد بن عبدالعزیز الفالح نے وفد کے ساتھ آرمی چیف جنرل عاصم منیر سے ملاقات کی۔ آئی ایس پی آر کی جانب سے جاری پریس ریلیز کے مطابق ملاقات میں باہمی دلچسپی کے معاملات پر بات چیت کی گئی۔

’ملاقات میں مختلف شعبوں میں برادرانہ تعاون بڑھانے پر بھی اتفاق کیا گیا۔ آرمی چیف نے شاہ سلمان اور ولی عہد محمد بن سلمان کی پاکستان کے لیے مستقل حمایت پر شکریہ ادا کیا۔‘

آئی ایس پی آر کے مطابق آرمی چیف نے امید ظاہر کی کہ سعودی بزنس کمیونٹی کے سب سے بڑے وفد کی آمد سے پاکستان اور سعودی عرب کے برادرانہ تعلقات مضبوط ہوں گے۔

اس موقعے پر آرمی چیف نے کہا کہ ’پاکستانی عوام سعودی عرب کے لیے گہری عزت اور محبت رکھتے ہیں‘۔ انہوں نے وفد کو پاکستان کی مستقل حمایت کی یقین دہانی کروائی۔

1958 کے بعد سے یہ ملک کا آئی ایم ایف سے 25 واں قرض پروگرام ہے اور پاکستان آئی ایم ایف سے قرض لینے والا پانچواں بڑا ملک ہے، تو ایسے کون سے مسائل ہیں جس کی وجہ سے قرض لینا پڑا؟

مزید جاننے کے لیے یہ ویڈیو دیکھیں

پاکستان نے آئی ایم ایف کے ساتھ جولائی میں اگلے 37 مہینوں تک کے لیے اسٹاف لیول معاہدہ کیا تھا جو 1958 کے بعد سے ملک کا 25واں قرض ہے۔ تاہم معاہدے کی منظوری میں تاخیر کی وجہ پاکستان میں غیر یقینی صورتحال پیدا ہوگئی تھی۔

بدھ 25 ستمبر کو وزیر اعظم شہباز شریف اور آئی ایم ایف سربراہ کرسڑالینا جارجیوا کے درمیان ملاقات ہوئی جس کے بعد پاکستان کے لیے 7 ارب ڈالر کے نئے بیل آؤٹ پیکج کی منظوری دی گئی۔

پاکستان کے وزیراعظم شہباز شریف اس وقت اقوام متحدہ کی جنرل اسمبلی کے اجلاس میں شرکت کرنے کے لیے امریکی شہر نیویارک میں موجود ہیں۔ آئی ایم ایف قرض منظوری کے حوالے سے وزیراعظم نے اس فیصلے کو سراہا۔ انہوں نے اس بات پر زور دیا کہ حکومت معاہدے کے تحت وعدے پورے کرے گی۔ انہوں نے امید ظاہر کی کہ یہ پاکستان کا آخری آئی ایم ایف پروگرام ہوگا۔

ماہرین نے امید ظاہر کی ہے کہ اس قرض سے ملک کی معیشت سکھ کا سانس لے گی۔ تاہم انہوں نے یہ بھی خبردار کیا کہ اس سے حکومت پر دیرپا استحکام کے لیے ضروری اصلاحات نافذ کرنے کے لیے بہت زیادہ دباؤ پڑسکتا ہے۔

اس ماہ کے شروع میں پاکستان کا بیرونی قرضہ 130 ارب ڈالر سے زیادہ تھا، جس کا تقریباً 30 فیصد چائنہ نے دیا تھا۔

پاکستان کو اگلے تین سالوں میں تقریباً 90 ارب ڈالر قرض واپس کرنا ہے، جس کی اگلی بڑی ادائیگی دسمبر تک متوقع ہے۔

ماضی میں پاکستان نے اپنے اہم اتحادیوں کی مدد سے آئی ایم ایف سے قرض لیا جس کی وجہ سے ملک اپنی بیرونی مالیاتی ضروریات کو پورا کرنے میں کامیاب رہا ہے۔

حکومت نے آئی ایم ایف کی شرط کو پورا کرتے ہوئے ٹیکس میں اضافہ کیا تھا

تاہم نئے ٹیکس اور بجلی کی بل میں اضافہ کی وجہ سے چھوٹے کاروبار اور کچھ اپوزیشن رہنماوٴں نے احتجاج کیا تھا۔

آئی ایم ایف کے اعداد و شمار کے مطابق 11 جولائی تک پاکستان آئی ایم ایف سے قرض لینے والا سب سے بڑا ملک ہے یعنی 6.28 بلین ڈالر قرض لے چکا ہے۔

پاکستان میں موجودہ معاشی بحران کی وجہ سے مہنگائی ملکی تاریخ کی بلند سطح پر ہے۔

پاکستان کو اس پروگرام کی ضرورت کیوں پیش آئی؟

2022 کے مون سون سیلاب کی تباہ کاریوں، سیاسی عدم استحکام، عالمی مالیاتی بحران کے نتیجے میں گزشتہ سال پاکستان دیوالیہ ہونے کے دہانے پر پہنچ گیا تھا۔

اس صورحال میں دوست ممالک اور آئی ایم ایف کی فوری امداد نے پاکستان کو دیوالیہ ہونے سے تو بچا لیا لیکن اس کے اقتصادی حالات اب بھی کمزور ہیں۔

آئی ایم ایف کیا ہے اور کیسے کام کرتا ہے؟

آئی ایم ایف ایک عالمی مالیاتی ادارہ ہے جس کے 190 رکن ممالک ہیں اور جو مختلف ملکوں کی معیشت کی نگرانی کرتا ہےاور انہیں مدد فراہم کرتا ہے۔ اس کے تین بنیادی کام ہیں۔

1۔ معاشی و مالی معاملات کی نگرانی:

آئی ایم ایف مختلف ممالک کی معیشتوں کی کارکردگی پر نظر رکھتا ہے اور ان کی مالی حیثیت کا جائزہ لیتا ہے۔

2. مشورے دینا:

آئی ایم ایف رکن ممالک کو مشورے دیتا ہے کہ وہ اپنی معیشت کو بہتر بنانے کے لیے کیا اقدامات کر سکتے ہیں۔

3. قرضے اور مالی امداد:

مالی مشکلات کا شکار ممالک کو مختصر مدت کے قرضے اور مالی مدد دیتا ہے۔

وزیر خزانہ محمد اورنگزیب نے کہا کہ پاکستان اور آئی ایم ایف کے درمیان طے پانے والا 7 ارب ڈالر کا نیا امدادی پیکج ملک میں معاشی استحکام لانے میں مدد دے گا۔

آئی ایم ایف کی جانب سے جاری اعلامیے میں کہا گیا کہ آئی ایم ایف پاکستان سے 37 ماہ کے لیے قرض پروگرام پر آماہ ہوا، نئے قرض پروگرام کی حتمی منظوری آئی ایم ایف کا ایگزیکٹو بورڈ دے گا۔

اعلامیے میں دعویٰ کیا گیا کہ نیا قرض پروگرام پاکستان میں معاشی استحکام کا باعث بنے گا، گزشتہ ایک سال میں پاکستان میں مہنگائی میں کمی ہوئی، پاکستان کے زر مبادلہ کے ذخائر بہتر ہوئے ہیں۔

آئی ایم ایف نے کہا کہ معاشی استحکام کے لیے پاکستان ٹیکس آمدنی بڑھائے گا، قرض پروگرام کے دوران جی ڈی پی میں ٹیکسوں کا حصہ تین فیصد تک بڑھایا جائےگا، ریٹیل سیکٹر میں بھی ٹیکس نیٹ بڑھایا جائے گا۔

اعلامیے کے مطابق پاکستان میں زرعی شعبہ بھی ٹیکس نیٹ میں لایا جائےگا، پاکستان میں ٹیکس آمدنی میں جی ڈی پی کا ڈیڑھ فیصد اضافہ رواں مالی سال ہوگا، پاکستان میں ٹیکس دہندگان کی تعداد میں اضافہ کیا جائےگا۔

اعلامیے میں کہا گیا کہ ٹیکس آمدنی بڑھانے سے سماجی شعبے کے لیے زیادہ فنڈز میسر ہوں گے، پاکستان میں ڈائریکٹ اور ان ڈائریکٹ ٹیکس میں منصفانہ اضافہ ہوگا،پاکستان میں برآمدی شعبےسے ٹیکس وصولیاں بہتر کی جائیں گی۔

آئی ایم ایف اعلامیے کے مطابق نئے قرض پروگرام کا مقصد پاکستان میں میکرو اکنامکس استحکام کو مضبوط کرنےمیں مدد کرناہے۔ پروگرام سے پاکستان میں پائیدار ترقی حاصل کرنےمیں مدد ملے گی۔

اعلامیے میں کہا گیا کہ پاکستان کو فسکل اینڈ مانیٹری پالیسی میں اصلاحات لاناہوں گی۔ پاکستان کو ریاسی ملکیتی اداروں کے انتظامی امور بہتر کرنا ہوں گے۔

https://www.instagram.com/reel/C9C8ELrCbGF/?utm_source=ig_embed&utm_ca

https://www.instagram.com/reel/C84koBeiaK2/?utm_source=ig_embed&utm_ca

سینئر سیاستدان شاہد خاقان عباسی اور مفتاح اسماعیل نے حکومت کی جانب سے پیش کیے گئے بجٹ 25-2024 پر تنقید کرتے ہوئے کہا کہ یہ پاکستان کی تاریخ کا بدترین بجٹ ہے۔

اسلام آباد میں پریس کانفرنس کرتے ہوئے شاہد خاقان عباسی کہتے ہیں کہ ’موجودہ بجٹ میں پاکستان کی معیشت کے لیے تباہ کن ثابت ہو گا۔‘

نیوز کانفرنس میں دونوں رہنماؤں نے حکومت سے اپنے اخراجات کم کرنے، اسمگلنگ روکنے اور برآمدات بڑھانے کا مطالبہ کیا۔

دونوں رہنماؤں نے حکومت پر زور دیا کہ وہ بجٹ پر نظرثانی کرے اور تنخواہ دار طبقے پر ٹیکسوں میں اضافہ اور ایم این ایز کو ان کے حلقوں میں ترقیاتی سکیموں کے لیے 500 ارب روپے مختص کرنے جیسے اقدامات کو واپس لے۔

مفتاح اسماعیل کے ہمراہ پریس کانفرنس کرتے ہوئے شاہد خاقان عباسی کہتے ہیں کہ ’بجٹ میں کوئی ریفارم ایجنڈا نہیں ہے، تو ملک کیسے آگے بڑھے گا‘۔

انہوں نے کہا کہ حکومت نے اپنے اخراجات کم کرنے کے بجائے عوام پر مزید ٹیکس لگائے ہیں، بالخصوص ان لوگوں پر جو پہلے سے بھاری ٹیکس ادا کر رہے ہیں۔ ’ ٹیکس کا یکساں نظام ہونا چاہیے تھا لیکن حکومت نے اپنے اخراجات کم کرنے کے لیے تیار نہیں ہے‘

انھوں نے کہا کہ آج تو حکومتی خسارہ اتنا ہے کہ آپ کے پاس عیاشیاں کرنے کی گنجائش ہی نہیں ہے۔ مہنگائی کی بات کریں تو جو ریٹیلر رجسٹرڈ ہیں وہ جو چیز بیچیں گے اس پر آدھا فیصد اور جو رجسٹرڈ نہیں ہیں ان پر ڈھائی فیصد لگے گا، یہ بھی عوام کی جیب سے آئے گا۔

ریٹائرڈ اور شہید فوجی افسران اور سول بیوروکریٹس کی جائیدادوں پر ٹیکس استثنیٰ پر تنقید کرتے ہوئے انہوں نے کہا کہ دوسرے لوگ بھی یہ چھوٹ مانگیں گے اور حکومت ان کا مطالبہ پورا نہیں کر سکے گی۔

ان کا کہنا تھا کہ ’آپ نے سویلین اور ملٹری کے ریٹائرڈ لوگوں کو چھوٹ دے دی۔ جب آپ اس قسم کی شقیں لگاتے ہیں تو لوگ سوال پوچھیں گے۔‘

شاہد خاقان عباسی نے کہا کہ ’کیا حکومت اگلے سال 65 فیصد ٹیکس لگائے گی؟ اس دن کا انتظار کررہا ہوں جب عوام مکمل طور پر ٹیکس دینا بند کر دیں گے۔‘

ان کا کہنا تھا کہ ’ پاکستان کا سب سے بڑا مسئلہ برآمدات ہے جو آزادی کے 75 سال بعد صرف 30 ارب ڈالر تک بڑھی ہے۔‘

شاہد خاقان عباسی کا کہنا ہے کہ ’آپ ملک کے تنخواہ دار طبقے کو کیا پیغام دے رہے ہیں کہ یہ ملک چھوڑ کر چلے جائیں، میں حکومت ہوں اپنے اخراجات کم نہیں کروں لیکن بوجھ تم پر ڈالوں گا، تو یہ ملک کیسے چلے گا؟

’کیا اس ملک میں جو دوسروں پر ٹیکس لگاتے ہیں خود ان پر ٹیکس نہیں لگنا چاہیے؟ یہ ہوتی ہے اشرافیہ جو اپنے آپ کو بھی بچاتی ہے اور اپنے دوستوں کو۔‘

اس موقع پر گفتگو کرتے ہوئے سابق وزیر خزانہ مفتاح اسماعیل نے کہا کہ حکومت نے آئی ایم ایف کو اپنی غلط پالیسیوں کا ذمہ دار ٹھہرایا ہے۔

’آئی ایم ایف نے آپ سے نہیں کہا تھا کہ 500 سے 600 ارب ایم این اے ایم پی ایز کو دیں، انھوں نے نہیں کہا تھا کہ آپ 24 فیصد جاری اخراجات بڑھائیں، آئی ایم ایف نے کہا تھا کہ زراعت پر ٹیکس لگائیں، ریٹیلر پر فکسڈ ٹیکس لگائیں وہ آپ نہیں لگا رہے، پراپرٹی ٹیکس بھی نہیں لگا رہے، آئی ایم ایف نے تو آپ سے تنخواہ دار طبقے پر ٹیکس لگانے کا نہیں کہا تھا‘۔

’اس بجٹ سے کس طبقے کو زیادہ فائدہ پہنچے گا؟‘ ینی شفق کے سوال کا جواب دیتے ہوئے مفتاح اسماعیل نے یہ بھی کہا کہ ’بڑا مشکل سوال ہے کہ کسی طبقے کو فائدہ پہنچے لیکن صرف حکومت کو فائدہ پہنچے گا، حکومت کے ایم این ایز اور ایم پی ایز، جن کے لیے 600 ارب رکھے گئے ہیں، انہیں فائدہ پہنچے گا، سیاسی پارٹیوں کو فائدہ پہنچے گا کیونکہ یہ سیاسی بجٹ ہے۔‘

مفتاح اسماعیل نے ینی شفق کو بتایا کہ ’ہم اس بجٹ سے نوجوانوں کو کیا پیغام دے رہے ہیں؟ بجٹ میں نوجوانوں کی تعلیم پر کوئی بات نہیں کی گئی لیکن سنسرشپ پر پیسے لگائے، انٹرنیٹ آئے دن بند کردیا جاتا ہے، ہم نوجوانوں کو ان کی زندگیوں پر کنٹرول نہیں دے رہے جس کی وجہ سے وہ ملک چھوڑ رہے ہیں۔‘

’ترقیاتی اسکیموں کی مد میں نہ تو 500 ارب روپے ایم این ایز کو دے گئے نہ ایسا کوئی ارادہ ہے، عطااللہ تارڑ کا جواب

مسلم لیگ (ن) کے رہنما اور وزیر اطلاعات عطااللہ تارڑ نے شاہد خاقان عباسی اور مفتاح اسماعیل کی پریس کانفرنس کے جواب میں کہا کہ ’ترقیاتی اسکیموں کی مد میں نہ تو 500 ارب روپے ایم این ایز کو دے گئے نہ ایسا کوئی ارادہ ہے۔‘

اسلام آباد میں پریس کانفرنس کرتے ہوئے عطا اللہ تارڑ نے اپنے سابق (ن) لیگ ساتھیوں کی گفتگو پر ردعمل دیتے ہوئے دعویٰ کیا کہ حکومت ایک اصلاحاتی ایجنڈے پر کام کر رہی ہے اور اخراجات میں کمی کے لیے پاکستان-پبلک ورکس ڈیپارٹمنٹ کو تحلیل کرنے کا عمل شروع ہو گیا ہے۔

موجودہ اخراجات کو کم کرنے کے لیے دیگر اقدامات کے بارے میں بات کرتے ہوئے عطااللہ تارڑ نے کہا کہ وزیر اعظم سمیت کابینہ کا کوئی رکن تنخواہ نہیں لے رہا ہے یا مراعات حاصل نہیں کر رہا ہے۔

انہوں نے مزید کہا کہ ’شاہد خاقان عباسی اور مفتاح اسماعیل نے بجٹ نہیں پڑھا، دونوں ہی بہت ہی لاعلم ہیں اور یہ کہنا کہ یہ سارا ضائع ہو کر کرپشن میں جاتا ہے، ہمارے ایم این ایز ایم پی ایز بہت باعزت لوگ ہیں۔‘

انہوں نے مزید کہا کہ ذخائر 9 ارب ڈالر تک بڑھ گئے ہیں، مفتاح اسماعیل اور خاقان عباسی کو معیشت کی بہتری کے لیے حکومتی کوششوں کو سراہنا چاہیے تھا۔

اب پیٹرول کی قیمت 258.16 سے بڑھ کر 265.61 ہوگئی ہے جبکہ ہائی اسپیڈ ڈیزل کی قیمت 267.89 سے 277.45 ہوگئی ہے۔

وزارت خزانہ کا کہنا ہے کہ عالمی مارکیٹ میں خام تیل کی قیمتیں بڑھنے کے باعث یہ فیصلہ کیا گیا ہے۔

نئی قیمتوں کا اطلاق یکم جولائی سے ہوگا۔

ایندھن کی قیمتوں میں اضافہ اس مہینے کے شروع میں 12 جون کو مالی سال 2024-25 کے وفاقی بجٹ کے اعلان کے بعد پہلی بار ہوا ہے۔

فنانس ڈویژن نے کہا کہ ایندھن کی قیمتوں میں لگائے ٹیکسوں اور ڈیوٹیوں میں کوئی تبدیلی نہیں کی جائے گی۔

یکم جولائی کو ہونے والے اضافہ سے پہلے حکومت پیٹرول اور ڈیزل پر فی لیٹر 80 روپے سے زیادہ ٹیکس وصول کر رہی ہے۔

اس کےعلاوہ حکومت نے بجٹ میں پیٹرولیم ڈویلپمنٹ لیوی میں 10 روپے فی لیٹر اضافہ کیا تھا (60 روپے سے بڑھا کر 70 روپے کردیا تھا) جس سے مہنگائی سے متاثرہ عوام پر مزید بوجھ پڑا۔

تاہم وزارتِ خزانہ نے یہ واضح نہیں کیا کہ یکم جولائی سے ہونے والے اضافے میں اس لیوی کی مد میں اضافہ شامل ہے یا نہیں۔

یاد رہے کہ جون کے مہینے میں پیٹرول کی قیمت میں تقریباً 15 روپے فی لیٹر کی کمی کی تھی جبکہ ڈیزل کی فی لیٹر قیمت بھی پانچ روپے کے قریب کم ہوئی تھی۔

وزارت خزانہ کی جانب سے جاری نوٹیفیکشن کے مطابق پٹرول کی قیمت میں 10 روپے 20 پیسے جبکہ ڈیزل کی قیمت میں 2 روپے 33 پیسے فی لیٹر کمی کی گئی ہے۔

پٹرول کی قیمت میں کمی کے بعد پٹرول کی نئی قیمت 258 روپے 16 پیسے جبکہ ڈیزل کی نئی قیمت 267 رپے 89 پیسے فی لیٹر ہوگئی ہے۔

وزارت خزانہ نے اپنے بیان میں کہا کہ پچھلے مہینے حکومت عوام کو پٹرول کی فی لیٹر قیمت میں مجموعی طور پر 35 روپے کا ریلیف دی چکی ہے۔

وزیراعظم آفس کی جانب سے جاری بیان میں کہا گیا کہ پٹرول کی کمی شہباز شریف کی طرف سے عوام کے لیے عید الاضحیٰ کا تحفہ ہے۔

ڈان اخبار میں پبلش ہونے والی ایک رپورٹ کے مطابق پٹرول 9 روپے اور ڈیزل 5 روپے فی لیٹر سستا ہوسکتا ہے۔

حکومت کی جانب سے یہ کمی انٹرنیشل مارکیٹ میں پٹرول اور ہائی سپیڈ ڈیزل کی قیمتوں میں کمی ہونے کے بعد کی جا رہی ہے۔

اخبار کے ذرائع نے بتایا کہ اس سے پہلے 2 ہفتوں کے دوران انٹرنیشنل مارکیٹ میں پٹرول کی قیمت 3.75 ڈالرز اورڈیزل کی قیمت میں 2.7 ڈالرز فی بیرل کی کمی ہوئی ہے۔

یہی نہیں بلکہ پچھلے مہینے پٹرول کی قیمت میں تقریباً 12 ڈالر فی بیرل اور ڈیزل کی قیمت میں تقریباً 8 ڈالر فی بیرل کمی ہوچکی ہے۔

انٹرنینشل مارکیٹ میں پٹرول کی قیمت تقریباً 94 ڈالرز فی بیرل سے کم ہو کر 90 ڈالرز فی بیرل پر آ گئی ہے جبکہ ڈیزل کی قیمت 98 ڈالر فی بیرل سے گر کر 95 ڈالرز پر آ گئی ہے۔

یہ بھی یاد رہے کہ حکومت پٹرول اور ڈیزل پر تقریباً 80 روپے فی لیٹر ٹیکس وصول کر رہی ہے، جس میں تقریباً 19 سے 20 روپے فی لیٹر کسٹم ڈیوٹی بھی شامل ہے، تاہم تمام پٹرولیم مصنوعات پر جنرل سیلز ٹیکس صفر ہے۔

https://www.instagram.com/p/C8L62RWtu5h/?utm_source=ig_embed&utm_campa